25/04/2009, 02:00 PM
|
 | زعيــم نشيــط | | تاريخ التسجيل: 14/04/2009 المكان: ! . . ( × " in your Heart "
مشاركات: 769
| |
هل وجود الاناث اصبح عيباً بمجتمعنا .. !
السلام عليكم ورحمة الله وبركاته ,
كيف الحال جميعاً  ,
امس كنت طالع مع واحد من الشباب نتمشى بالحاره من زود الطفش  ,
وكنا نتبادل اطراف الحديث .. الرجال ذا هو وحيد امه وابوه ذكر وباقي خواته كلهم اناث ,
دار بينا الحوار الاتي  ..
قالي : تصدق يافهد اني احسدك ان كل الي عندك بالبيت اخوان
طبعاً حنا عندنا بالبيت ماقد شفت ملامح انثويه حتى الشغاله من ثاني اسبوع استرجلت  ,
لان مالله رزقني خوات الا وحده صغيره بس 
قلتله : ليه (وتعتلي شفتاي الضحكه )
قال وبدت تتغير ملامح وجهه للجد : ياخي هالخوات والله عذاب من كل ناحيه .. اول شي ابوي معطيهم حريتهم بالغطا وهاذي لحالها فضيحه يطلعون للسوق كل وحده ريحة عطرها اقوى من ريحتي .. غير دلعهم الفاضي سرت ماطيق الجلسه بالبيت بسبتهم  .. وكل يوم ورا الثاني يزيد كرهي لهم  ,
قلتله : تعوذ من ابليس توهم صغيرين ولسا ماعاشو بهالدنيا زين ولاعرفو حلوها ومرها ,
قال : اي صغار كل وحده تنتظر ابن الحلال .. الي ماتوقع لو عرف عمايلهم يجي ويخطب من عندنا  ,
قلتله : طيب وراك محبط زي كذا حاول تغيرهم تنصحهم ,
قال : والله مو بيدي كل ماقلت شي لهم او هاوشتهم على غطاهم يجي ابوي ويقول خلهم على راحتهم مالك دخل فيهم ,
حاولة بقدر المستطاع اخليه يطلع كل الي بقلبه حسيت خلقه ضايق قلتله اسلم كمل ..
استرسل بحديثه وقال : مدرستي نقلت منها كله بسبتهم كل المدرسه تتكلم عنهم .. ماعاد سار لي عين بالمدرسه واضظريت اني انقل منها لهالسبب ,
مابغيت نواصل حديثنا رغم انه جذبني هالحديث ولاكن خايف اني ازل بكلمه لاني اكره هالنوعيات من الفتيات ,
ختمة حديثنا قائلاً : الله يهدي ويصلح بنات وشباب المسلمين ..
واخذته اعشيه .. كنت ناوي اعشيه من البوفيات الي عند دوار الاحساء واحد كبده صاروخ وواحد حمظيات ,
بس بعد ماسمعة سالفته هونت وقلت نوديه للنافوره ,
؛ /
خلاصة الحديث ..
في اباء بهالزمن كذا يخلي بناته يطلعون للاماكن العامه بهالشكل ؟
لو الاب ممكن يسمح بهالشي هل عفة المرأه وطهرها يسمحان لها بالخروج بهذا الشكل القبيح ؟
عن أبى موسى الأشعري رضي الله عنه قال : رسول الله صلى الله عليه وسلم : " أيما امرأة استعطرت فمرت على قوم ليجدوا ريحا فهي زانية "
الله يهدي بنات وشباب المسلمين .. جميعاً
..
شطحه : والله ياجو الرياض اليوم كننا بباريس ,
..
بالقلوب الصافيه لنا لقاء اخر  , |
الوضع الشجري
