فـــشـــله ابـــوي مــــطـــوع - نادي الهلال السعودي - شبكة الزعيم

شوق الكويت · #1 25/04/2009, 01:44 AM

السلام عليكم اخواني وخواتي

اشلونكم شخباركم

يقولون عندكم عطله اسبوع بالسعوديه

اول شي حبيت احط تعريف للمطاوعه هم ناس طوال اللحى وقصار الثياب

مره من المرات بأيام الربيع طبعا الناس عندهم الربيع تتفتح الازهار وتتساقط الامطار اما احنا مفهوم الربيع عندنا مخيمات وكشتات

المهم واحنا بالخيمه مع الحريم ولا نسمع صوت واحد من العايله الله يجزاه خير ( مطوع ) قام واذن لان دخل وقت الصلاه
ولا وحده من البنات تقول حق بنت اللي قام يأذن يحليله ابوج قام ياذن للصلاه ردت عليها وييي فشلنا الله يهداه بس

وانا اقول بقلبي ليته ابوي اللي قام والله شعور حلو صراحه

ولا مره من المرات قاعدين مع حريم ولا حرمه تقول لوحده من البنات الله يرزقج زوج مطوع ردت عليها البنت لا ان شاءلله مابي مطوع باجر ياخذ علي 3 ويقولي الشرع حل لاربع

والمشكله ذاك اليوم وحده معي بالجامعه تزوجت والبنات احضروا عرسها وثاني يوم يسولفون يقولون مسكينه زوجها مطوع

والله انا احس المطاوعه هم نور البلد ولولاهم احنا بنضيع تخيلوا لو يوم بدون مطاوعه بالبلد شنو بيصير صراحه مادري ليش بعض الناس تشوفهم بنظره مو زينه مع ان لو صار لنا شي مو زين على طووول نقول وديها للمطوع يقرا عليها ولا اذا توهقنا بحكم شرعي على طول بنسأل هالمطوع

انا اقول بس الله يزيدهم ويبارك فيهم وعسى الله يرزق كل بنات المسلمين مطاوعه

واللي ربها راضي عليها بيرزقها مطوع علشان يسعدها

شطحه >>>>> ماتلاحظون ان النت خفف من طلعات البنات يعني من طلعت المنتديات والمسنجر البنات قاموا يكرهون الطلعه وطول وقتهم عالنت هذه يمكن ايجابيه بالنت

اختكم شوق الكويت

U S A M O V I C · #2 25/04/2009, 01:49 AM

بدايه احب اشكرك اختي على الموضوع

وندخل صلب الموضوع

للاسف الشديد في عدد كبير من الناس يستخف بالمتدينين والعلماء وهم مساكين ما يدرون ان الذنب عليهم بيتضاعف ويتضاعف ويتضاعف ويتضاعف <<<مسك خط

وبالعكس الواحد يتمنى يسير متدين

انا لا افضلل استعمال كلمة مطوع مدري ليه :P

الضحى · #3 25/04/2009, 02:10 AM

إقتباس

الرسالة الأصلية كتبت بواسطة blacker1949


	بدايه احب اشكرك اختي على الموضوع وندخل صلب الموضوع للاسف الشديد في عدد كبير من الناس يستخف بالمتدينين والعلماء وهم مساكين ما يدرون ان الذنب عليهم بيتضاعف ويتضاعف ويتضاعف ويتضاعف <<<مسك خط وبالعكس الواحد يتمنى يسير متدين انا لا افضلل استعمال كلمة مطوع مدري ليه :P

لك كل اشكر شوق الكويت الله يحفظك ...

أنا كذلك قرأت أن كلمة مطوع لا تطلق على من أستقام على دين الله سبحانه وتعالى ...

قد يكون مطوع للشر _ أي كلمة مطوع من طاوع ومطيع _نحن هنا نقول ملتزم وقد قرأت أن الأفضل

أن يقال مستقيم من حديث الرسول صلى الله عليه وسلم (( قل آمنت بالله ثم أستقم ))

البنات عندهن فكرة ان المستقيم على قولتك(مطوع) متزمت ومعقد والحقيقة أنه غير ذلك تماماً

من عرف الله حق المعرفة حافظ على حدوده ....

يحفظك ربي ومن تحبين وجميع المسلمين ...

abo_nasser · #4 25/04/2009, 02:26 AM

هلا وغلا شوق..

للاسف بنات وشباب هالجيل واللي انا منهم للافس

..التفكير لديهم سطحي وقد يوصل للسخافه..

ومن هالاسباب الاعلام والتغذيه المعفنه لعقول المجتمع..اغلب المسلسلات تطلع المطوع بشكل سلبي..انا ما اقول كل المطاوعه تمام..بس الجانب السلبي قليل جداً مقارنه مع الاشخاص الايجابيين

هنا يأتي دور الوالدين..بتوعيه اولادهم ..اكيد البنت ما راح تكون ساكته طول الوقت
راح تجي اللحظه ويحدث موقف امامها وتقول رايها في المطاوعه..وفي تلك اللحظه
يجب على والدتها او والدها توعيتها ..واذا مره محجره يلعن ابو شكله لين تستوعب بالقوه..

..<---اخر جمله اسحبوا عليها..

شوق..

الله يزوجك بشاب صالح ووسيم ولا يناظر لوحده غيرك..

والله يهدينا جميع..

إقتباس

الرسالة الأصلية كتبت بواسطة ^ العنود ^


	انا صراحه صرت مااحب المطاوعه مو عشان دينه لا طبعا ,, بس انا اخذت فكره عن واحد يقرب لنا كان اكبر داشر وفجاه التزم تتدرون ليش ؟؟ عشان فكر لما يخطب وحده مارح تقبل فيه بدشرته قام التزم !!!! والثاني سوا نفسه مطوع ويحضر ماجستير والدكتوراه في الفقه .. ولما تزوج توزج وحده مدرسه تصرف عليه يوم فلسها تزوج الثانيه وبعد مدرسه <<< تخصص سم الله عليه ,, اصرفوا عليه من كان بالجامعه لين ماخلص الدكتوراه ولما خلص وصار استاذ كبير طلق اثنتين ,,, !!! عشان كذا مااضمنهم ,, يسلمووو شوق ..

فيه احد ينضمن بهالوقت..؟؟

سلاااااااااااااااااااااااااااااااااام

شوق الكويت · #5 25/04/2009, 11:31 AM

إقتباس

الرسالة الأصلية كتبت بواسطة abo_nasser


	هلا وغلا شوق.. للاسف بنات وشباب هالجيل واللي انا منهم للافس..التفكير لديهم سطحي وقد يوصل للسخافه.. ومن هالاسباب الاعلام والتغذيه المعفنه لعقول المجتمع..اغلب المسلسلات تطلع المطوع بشكل سلبي..انا ما اقول كل المطاوعه تمام..بس الجانب السلبي قليل جداً مقارنه مع الاشخاص الايجابيين هنا يأتي دور الوالدين..بتوعيه اولادهم ..اكيد البنت ما راح تكون ساكته طول الوقت راح تجي اللحظه ويحدث موقف امامها وتقول رايها في المطاوعه..وفي تلك اللحظه يجب على والدتها او والدها توعيتها ..واذا مره محجره يلعن ابو شكله لين تستوعب بالقوه....<---اخر جمله اسحبوا عليها.. شوق.. الله يزوجك بشاب صالح ووسيم ولا يناظر لوحده غيرك.. والله يهدينا جميع.. فيه احد ينضمن بهالوقت..؟؟ سلاااااااااااااااااااااااااااااااااام

اهلن اهلن اخوي ابو ناصر

منور الموضوع بطلتك يالغالي وكلامك والله صحيح يعني المسلسلات الله يهداهم دايم يطلعون المتدين بصوره وحشيه ويطق خواته ويكسر التلفزيون ومعقد ومن هالسوالف حتى العرب اللي برا الخليج قاموا يستغربوون ويتجنبون الخليجيين اللي عندهم لحيه من هالمسلسلات السخيفه

وشكرا على دعائك الطيب والله يرزقك زوجه صالحه يارب واذا كانت موجوده الله يخليها لك يارب ويرزقكم صبيان وبنات

منور اخوي

شوق الكويت · #6 25/04/2009, 11:15 AM

إقتباس

الرسالة الأصلية كتبت بواسطة الضحى


	لك كل اشكر شوق الكويت الله يحفظك ... أنا كذلك قرأت أن كلمة مطوع لا تطلق على من أستقام على دين الله سبحانه وتعالى ... قد يكون مطوع للشر _ أي كلمة مطوع من طاوع ومطيع _نحن هنا نقول ملتزم وقد قرأت أن الأفضل أن يقال مستقيم من حديث الرسول صلى الله عليه وسلم (( قل آمنت بالله ثم أستقم )) البنات عندهن فكرة ان المستقيم على قولتك(مطوع) متزمت ومعقد والحقيقة أنه غير ذلك تماماً من عرف الله حق المعرفة حافظ على حدوده .... يحفظك ربي ومن تحبين وجميع المسلمين ...

هلا وغلا اختي الضحى

اول شي انا وضحت بأول رد عن كلمة المطوع بانها هي المستخدمه عندنا بالكويت للرجل المتدين

وثاني شي فعلا اكثر الناس ماخذين فكره ان الرجل الملتزم معقد مدري ليش ممكن يكون في جذي صح لكن نادر يعني مو الاغلبيه

وحياج الله حبيبتي منوره الموضوع بطلتك

وردة الهلال · #7 25/04/2009, 02:26 AM

لأن فهي نآس تفهم الطوآعه غلط! للأسف!

يفهمون التطوع تشدد فايشوهون صورة الملتزم او المطوع!

على فكرة باباتي مطوع

ويأذن ويصلي بالنآس اوقآت

وش حليله

ماهو معقد

انا اعطيك امثله في وحده جيتها قلت شقري حواجبك وش يطالع رجلك بحواجب كرآش!

قالت لا امي تقول حرام وجابت لي فتوى مادري من وين

ومع انه في احكام حللته

خذت فترة إلا الاخت لابسه ذاك الشمآغ إللي طآحوا فيه موديل

بغيت اقول لها ترا حرام قالوا

ما ادري مسوين مطاوعه على ايش! من جد هي وامهاو خالآتهآ فاهمين التطوع حرمان!

ولازم تشآور امها المرجع الديني حقها

والشيخ المفتي

ما ادري يعني هل اني اكون مطوعه لازم اكون مخلقنه او رسميه او بدون اهتمام !!!

والله في ناس مطوعه ماشاء الله لبسهم يرد الروح من اناقته وروحهم حلوة.والجلسة ماتملها!

وفيه نآس (اللي نسميهم نص تطوع! او يسمعون بالطوع!) ذولا على قولة صديقتي (الطوع يخر من الكوع)

يخر= يتسرب لغير النآطقين بلكنتي

يعني يتشددون ويتزمتون بآشيآء ثآنويه ويتركون الأسآس!
وللأسف تلاقين تربيتهم هشه! اول ما يحصل فرصه ينحرف.

المطوع حلو

بس نفهمه

كثير يحسدونا عشان ابونا مطوع
وتلاقي يقولون ياحظكم!

فيه نآس يتمنون هالشي!

الله يرزقنآ الهدآية وحسن الخآتمه. يآرب

شكرا شوق

الـمـشـاغـب · #8 25/04/2009, 02:58 AM

تعجبني يا أبوناصر

بس وخر شوي خلني أمسك الدور الحين وخلك جنبي للتعزيز

إقتباس

الرسالة الأصلية كتبت بواسطة وردة الهلال


	لأن فهي نآس تفهم الطوآعه غلط! للأسف! انا اعطيك امثله في وحده جيتها قلت شقري حواجبك وش يطالع رجلك بحواجب كرآش! قالت لا امي تقول حرام وجابت لي فتوى مادري من وين خذت فترة إلا الاخت لابسه ذاك الشمآغ إللي طآحوا فيه موديل بغيت اقول لها ترا حرام قالوا ما ادري مسوين مطاوعه على ايش! من جد هي وامهاو خالآتهآ فاهمين التطوع حرمان!

لا تخلي تفكيرك يكون على أن اللي ما يمشي على كيفك يكون متشدد وعلى غلط ..

هي أخذت بفتوى تحريم التشقير .. وأنتي أخذتي بفتوى تحليله ..! هنا ما فيه مشكلة !

بخصوص الشماغ .. أكثر الفتاوى اللي سمعت بها وشفتها حللت الشماغ على البنت دامها ما تلبسه على راسها .. لأن حكمه يصير مثل حكم الشال ..!

يعني ما فيه أي مشكلة فيهم .. المشكلة هي أنك فكرتي انهم متشددين وفاهمين الدين غلط .. لأنك تبين تجبرينهم على اللي أنتي تبينه أو تمشين عليه ..!

هذا اللي عندي .. ونختلف ولكن نتفق على حب الهلال

الهنوووف · #9 25/04/2009, 03:20 AM

عن أنس بن مالك رضي الله عنه قال : قال رسول الله صلى الله عليه وسلم : « يأتي على الناس زمان القابض على دينه كالقابض على الجمر »
رواه الترمذي

والله مدري شقول خصوصا لما تابعت وقريت الردود

عموما مبدأ التعميم على اي فئه من الناس خطأ
مو اذا صار لك موقف معين مع اي شخص رحتوا تعممون على الناس كلهم

مثل الي يجي يقول لك فيه رجال مطوع ويضرب زوجتة
يعني الحين صاروا كل المطاوعه يضربون زوجاتهم والداجين ماشاء الله شايلينهم على كفوف الراحه والعكس كذلك
لكل قاعدهـ شواذ
عموما (مو كل من طول لحيتة صار كامل ولا كل من حلقها صار كافر)

ماودي ادعي واقول ودي الي تفشلت من ابوها يجيها رجال داج يضربها قدام الناس علشان تتفشل زين

استغفر الله بس

عموما انا مر بحياتي اشخاص ملتزمين روعة بكل شي وبالمقابل اشخاص ملتززمين بس مايعجبوني
وايضا اشخاص عادين روعه بكل شي

والعكس

واتوقع من الأدب نتكلم عن الناس باسلوب محترم كيف اذا هم ناس مستقيمين بشرع الله

والله عيب

\

/

يعطيك العافيه شوق
والله يرزقك الي يخاف الله فيك

الهنوووف

كانت
هنا

ورحلت

marsal · #10 25/04/2009, 03:55 AM

إقتباس

الرسالة الأصلية كتبت بواسطة الهنوووف


	عن أنس بن مالك رضي الله عنه قال : قال رسول الله صلى الله عليه وسلم : « يأتي على الناس زمان القابض على دينه كالقابض على الجمر » رواه الترمذي والله مدري شقول خصوصا لما تابعت وقريت الردود عموما مبدأ التعميم على اي فئه من الناس خطأ مو اذا صار لك موقف معين مع اي شخص رحتوا تعممون على الناس كلهم مثل الي يجي يقول لك فيه رجال مطوع ويضرب زوجتة يعني الحين صاروا كل المطاوعه يضربون زوجاتهم والداجين ماشاء الله شايلينهم على كفوف الراحه والعكس كذلك لكل قاعدهـ شواذ عموما (مو كل من طول لحيتة صار كامل ولا كل من حلقها صار كافر) ماودي ادعي واقول ودي الي تفشلت من ابوها يجيها رجال داج يضربها قدام الناس علشان تتفشل زين استغفر الله بس عموما انا مر بحياتي اشخاص ملتزمين روعة بكل شي وبالمقابل اشخاص ملتززمين بس مايعجبوني وايضا اشخاص عادين روعه بكل شي والعكس واتوقع من الأدب نتكلم عن الناس باسلوب محترم كيف اذا هم ناس مستقيمين بشرع الله والله عيب \ / يعطيك العافيه شوق والله يرزقك الي يخاف الله فيك الهنوووف كانت هنا ورحلت

رد كافي ووافي...

شوق الكويت · #11 25/04/2009, 09:57 PM

إقتباس

الرسالة الأصلية كتبت بواسطة الهنوووف


	عن أنس بن مالك رضي الله عنه قال : قال رسول الله صلى الله عليه وسلم : « يأتي على الناس زمان القابض على دينه كالقابض على الجمر » رواه الترمذي والله مدري شقول خصوصا لما تابعت وقريت الردود عموما مبدأ التعميم على اي فئه من الناس خطأ مو اذا صار لك موقف معين مع اي شخص رحتوا تعممون على الناس كلهم مثل الي يجي يقول لك فيه رجال مطوع ويضرب زوجتة يعني الحين صاروا كل المطاوعه يضربون زوجاتهم والداجين ماشاء الله شايلينهم على كفوف الراحه والعكس كذلك لكل قاعدهـ شواذ عموما (مو كل من طول لحيتة صار كامل ولا كل من حلقها صار كافر) ماودي ادعي واقول ودي الي تفشلت من ابوها يجيها رجال داج يضربها قدام الناس علشان تتفشل زين استغفر الله بس عموما انا مر بحياتي اشخاص ملتزمين روعة بكل شي وبالمقابل اشخاص ملتززمين بس مايعجبوني وايضا اشخاص عادين روعه بكل شي والعكس واتوقع من الأدب نتكلم عن الناس باسلوب محترم كيف اذا هم ناس مستقيمين بشرع الله والله عيب \ / يعطيك العافيه شوق والله يرزقك الي يخاف الله فيك الهنوووف كانت هنا ورحلت

هلا وغلا اختي الهنوف

مابعد كلامج كلام يالغاليه وانا ماعممت ترى

قلت البعض ومااقصد الكل طبعا وفي وايد ناس ملتزميين يهبلون والعكس صحيح.............

وكل واحد راح يتحاسب على اللي بقلبه مو على شكله

منوره حبيبتي

شوق الكويت · #12 25/04/2009, 09:46 PM

إقتباس

الرسالة الأصلية كتبت بواسطة الـمـشـاغـب


	تعجبني يا أبوناصر بس وخر شوي خلني أمسك الدور الحين وخلك جنبي للتعزيز لا تخلي تفكيرك يكون على أن اللي ما يمشي على كيفك يكون متشدد وعلى غلط .. هي أخذت بفتوى تحريم التشقير .. وأنتي أخذتي بفتوى تحليله ..! هنا ما فيه مشكلة ! بخصوص الشماغ .. أكثر الفتاوى اللي سمعت بها وشفتها حللت الشماغ على البنت دامها ما تلبسه على راسها .. لأن حكمه يصير مثل حكم الشال ..! يعني ما فيه أي مشكلة فيهم .. المشكلة هي أنك فكرتي انهم متشددين وفاهمين الدين غلط .. لأنك تبين تجبرينهم على اللي أنتي تبينه أو تمشين عليه ..! هذا اللي عندي .. ونختلف ولكن نتفق على حب الهلال

اهلين يالمشااغب

عاد سالفه الشماغ هذه انا ماحبها ابد ولا افكر البسها مع انها حلوه بس احسها بايخه

حياك الله مره ثانيه

شوق الكويت · #13 25/04/2009, 11:27 AM

إقتباس

الرسالة الأصلية كتبت بواسطة وردة الهلال


	لأن فهي نآس تفهم الطوآعه غلط! للأسف! يفهمون التطوع تشدد فايشوهون صورة الملتزم او المطوع! على فكرة باباتي مطوع ويأذن ويصلي بالنآس اوقآت وش حليله ماهو معقد انا اعطيك امثله في وحده جيتها قلت شقري حواجبك وش يطالع رجلك بحواجب كرآش! قالت لا امي تقول حرام وجابت لي فتوى مادري من وين ومع انه في احكام حللته خذت فترة إلا الاخت لابسه ذاك الشمآغ إللي طآحوا فيه موديل بغيت اقول لها ترا حرام قالوا ما ادري مسوين مطاوعه على ايش! من جد هي وامهاو خالآتهآ فاهمين التطوع حرمان! ولازم تشآور امها المرجع الديني حقها والشيخ المفتي ما ادري يعني هل اني اكون مطوعه لازم اكون مخلقنه او رسميه او بدون اهتمام !!! والله في ناس مطوعه ماشاء الله لبسهم يرد الروح من اناقته وروحهم حلوة.والجلسة ماتملها! وفيه نآس (اللي نسميهم نص تطوع! او يسمعون بالطوع!) ذولا على قولة صديقتي (الطوع يخر من الكوع) يخر= يتسرب لغير النآطقين بلكنتي يعني يتشددون ويتزمتون بآشيآء ثآنويه ويتركون الأسآس! وللأسف تلاقين تربيتهم هشه! اول ما يحصل فرصه ينحرف. المطوع حلو بس نفهمه كثير يحسدونا عشان ابونا مطوع وتلاقي يقولون ياحظكم! فيه نآس يتمنون هالشي! الله يرزقنآ الهدآية وحسن الخآتمه. يآرب شكرا شوق

اهليين حبيبتي وردة الهلال

اول شي شكرا على تصويتج لي بموضوع الاعضاء المتميزين

الله يخليلج باباتك

انا نفس الشي وحده من البنات تحلل اللي تبي وتحرم اللي ماتبي يعني اذا اهلها مو راضين على شي تقول حرام مو لازم واذا اهلها راضين تسوييه ولا ترجع على احد

وصرااحه انتي قلتي نقطه مهمه طافتني وهي المظهر فعلا في بنات على اساس انها ملتزمه خلاااص لايمكن تكشخ اشدعوه ان الله جميل يحب الجمال

بس والله اذكر عندي ايام الثنويه مدرسه اسلاميه ملتزمه هي سلفيه ماشاءلله عليها تلبس لبس مو طبيعي فعلا كشخه وحببتنه بالديانه زوود من تعاملها واخلاقها وادبها و (كشختها )

وترى ماله داعي توضحين يخر عارفينها

واميين يارب تهدينا اجمعيين قولي امييين ويرزقك الزوج الصالح يارب

منوره يالغالي

شوق الكويت · #14 25/04/2009, 11:03 AM

إقتباس

الرسالة الأصلية كتبت بواسطة blacker1949


	بدايه احب اشكرك اختي على الموضوع وندخل صلب الموضوع للاسف الشديد في عدد كبير من الناس يستخف بالمتدينين والعلماء وهم مساكين ما يدرون ان الذنب عليهم بيتضاعف ويتضاعف ويتضاعف ويتضاعف <<<مسك خط وبالعكس الواحد يتمنى يسير متدين انا لا افضلل استعمال كلمة مطوع مدري ليه :P

اهليين اخوي

منور بأول ردعالموضوع

وفعلا الذنب راح يتضاعف وان شاءلله تصير متدين

وانا وضحت بردي الاول عن كلمة مطوع

حياك الله اخوي

ابو فهد11 · #15 25/04/2009, 01:57 AM

مرووووووووووووووووووووور ولي عوووووووووووووودة للتعليق

مقال رائع من قلم (قصدي كيبورد) رائع

يعطيج العافية