القصة كاملة بين ياسر القحطاني و مدافع الأهلي الإماراتي (( طامة كبرى )) - نادي الهلال السعودي - شبكة الزعيم

استثنائي · #1 23/04/2009, 02:53 PM

السلام عليكم ورحمة الله وبركاته ..

كيف حالكم أخواني الزعماء ...

أمس كنت أكلم واحد إماراتي آخر الليل ... وكنا نتكلم عن الشد الي صار آخر المباراة ..
المهم قالي .. أنا أعرف القصة ولازم تعرفونها لأنها لو ماعرفتوها يمكن تلومون لاعبكم وهو ماسوى شئ ..

الله عليك كبير يا ولد زايد حتى على حساب بلدك بتقول الحقيقة .. تحسب لك بكل أمانة ..

المهم ..

بعد إرتداد الهجمة واحد من المدافعين قال لياسر : كلام يمس في اخلاق الكابتن ياسر ..

والرجل هذا يقسم بالله أنه متأكد ..لأن الي قال له أحد أصحاب المدافع المقربين جدا ..

بعد كذا ياسر عرقل اللاعب .. وتجمعوا حوله المدافعين وحاولوا ضربه ..
والمفترض يطرد ياسر والمدافعين الآثنين لأن كل واحد مد يده ..

لذلك كفوا عن لوم ياسر .. حطوا نفسكم مكانه ..؟؟؟
يعني حملة جماهيرية من الأصفرين .. حملة إعلامية ... هتافات عنصرية قذرة .. حتى اللاعبين تعرضوا له ..

حقيقة لو يفتعل ياسر المشاكل داخل الملعب فأنا لا الومه نهائيا لأنه عليه ضغط رهيب جدا ..

ولو ماوقفنا معه بينتهي ياسر ... لازم نحط لنا بصمة المباراة الجاية ...
نهائي الدوري مع الإتحاد .. كان يعلق عبدالله الحربي ..

بعد هدفنا على الإتحاد .. المدرج بدا في الهز وقال عبدالله الحربي ..

(( ياساتر الأمواج الزرقاء بدات تتحرك ... أنا في كبينة التعلق فقدت تركيزي فما بالك في لاعبين الإتحاد ..
لا لا مو معقول الخلية تحتي تهتز هز .. يا ساتر بدأ الزلزال .... الجمهور الهلالي ولع الجمهور الأزرق شعلل المدرج ))

بعدها لمدة تقريبا عشر دقائق وهي مدة التشجيع الي حصل والحماس كانت سيطرة هلالية بحتة تماما ..
لاعبين الإتحاد فقدوا تركيزهم وصار لعبهم كور مشتتة مناولات خاطئة ..

من جد هز المدرج يهز القلوب ..

لذلك المباراة الجاية نبي نخلي المعلقين يرن في أذانهم أسم ياسر نبي نخلي المشجعين يعرفون قيمة الجمهور الهلالي .. نبي ياسر يدري أن وراه جمهور مجنون يبيع الغالي والرخيص من أجل الزعيم ..

قبل المباراة بيوم سيتم إنزال موضوع يتضمن الأهازيج المتوقع تردديها ...

ملاحظة :\ (( كان قدامي بكم صف في نهائي الدوري واحد هلالي حمااااااسي وكان يزاعق على الجمهور يالله شجعوا .. والله العظيم خلا المدرج يتحمس لأنه وزع حماسه علينا من جد خلانا واقفين ربع ساعة ماقدرنا نجلس من حماسه .. أتمنى الله يوفقني ويجلس قدامي في مباراة النصر الجاية .. عشان نشعلل المدرج ))
موعدنا اليوم بإذن الله مع نهائي دوري الطائرة ...
ويوم الأحد الموقعة الكبرى مع النصراوية لرد إعتبار ياسر القحطاني ..

كونوا على الموعد ^___^[/

بن جبله المطيري · #2 23/04/2009, 05:27 PM

إقتباس


	لذلك المباراة الجاية نبي نخلي المعلقين يرن في أذانهم أسم ياسر نبي نخلي المشجعين يعرفون قيمة الجمهور الهلالي .. نبي ياسر يدري أن وراه جمهور مجنون يبيع الغالي والرخيص من أجل الزعيم ..

يستاهل ابو سعيـــــــــــــد تكفون وكلمة تكفى تهز الرياجيل لاتخلون ياسر للكلاب تنهش بعظمه

تكفــــــــــــــــــــــــــــــــــــــون ياشعب الهلالالالالالالالالالالالال

**ılı. هلآليًة آلمشــآعرٍ .ılı** · #3 23/04/2009, 05:34 PM

كنت متوقعه الشي هذا بالذات انه الحكم اجنبي وموفاهم شي حسبي الله ونعم الوكيل

اتمنى وارجو من الجمهور الهلالي اللي بيحضر المباراه يوقف بصوت واحد مع ياسر كفانا صمت كفانا ذل مهانه

ملينا تعبنا

والله ماينلام الرجال لو فقد اعصابه الكلام مايتحمله احد

ومثل ماقال امس الكبير ابوثنين اي واحد يحط نفسه مكان ياسر وش بيكون موقفه؟؟

تكفووون زعماء اسياء ياسر اسعدنا كثير

يجب ان نرد له ولو القليل بالوقفه الصادقه مع هذا اللاعب الخلوق الفنان نجم اسياء الاول

هلاليه بذوق سامي · #4 24/04/2009, 12:52 PM

إقتباس

الرسالة الأصلية كتبت بواسطة **ılı. هلآليًة آلمٍٍٍَََشــآعرٍٍٍ .ılı**


	كنت متوقعه الشي هذا بالذات انه الحكم اجنبي وموفاهم شي حسبي الله ونعم الوكيل اتمنى وارجو من الجمهور الهلالي اللي بيحضر المباراه يوقف بصوت واحد مع ياسر كفانا صمت كفانا ذل مهانه ملينا تعبنا والله ماينلام الرجال لو فقد اعصابه الكلام مايتحمله احد ومثل ماقال امس الكبير ابوثنين اي واحد يحط نفسه مكان ياسر وش بيكون موقفه؟؟ تكفووون زعماء اسياء ياسر اسعدنا كثير يجب ان نرد له ولو القليل بالوقفه الصادقه مع هذا اللاعب الخلوق الفنان نجم اسياء الاول

شبل حربي · #5 23/04/2009, 05:34 PM

يديك العافية على الموضوع والطرح الرائع

لكن اخوي كل واحد يقول كلام غير
انا ما ادري اصدقك ولا اصدق اخوي ولا جارنا ولا صديقي اللي يقول ما قاله شئ واللي يقول الغلط من المدافع

الله يستر

الزعيم من الغربيه · #6 23/04/2009, 06:41 PM

إقتباس

الرسالة الأصلية كتبت بواسطة شبل حربي


	يديك العافية على الموضوع والطرح الرائع لكن اخوي كل واحد يقول كلام غير انا ما ادري اصدقك ولا اصدق اخوي ولا جارنا ولا صديقي اللي يقول ما قاله شئ واللي يقول الغلط من المدافع الله يستر

صدق المنطق للي يقول الهلال فايز وياسر مسجل ومبدع اش اللي يخليه يسوي كذا

كفايه اللي يصير للاعيبين من الاعلام اذا مو الجمهور اللي يوقف مع الفريق من يوقف معاهم

@P-ALZAEEM-d@ · #7 23/04/2009, 05:35 PM

يجب ان نرد على جمهور الفقر الزلايب يوم الاحد

نصراوي وينه.... يبكي ببيته
يشتكي لأمه....من جلد عمه

الزعيم الأليم · #8 23/04/2009, 07:03 PM

إقتباس

الرسالة الأصلية كتبت بواسطة @P-ALZAEEM-d@


	يجب ان نرد على جمهور الفقر الزلايب يوم الاحد نصراوي وينه.... يبكي ببيته يشتكي لأمه....من جلد عمه

حلوه منك بس لو تسمحلي اعدل يشتكي لامه بـ يصيح لأمه أو يشكي

تقبل تحياتي

شكراا صاحب الموضوع

teto_18 · #9 23/04/2009, 05:37 PM

رجاءا نريد التحلي بالصبر والمفروض ابوسعيد يكون اكثر هدوءا في مثل هذه المواقف فهو كبر من ان ينرفزة تافه او غيره

شكرا

بيبسي وسنكرس · #10 23/04/2009, 05:43 PM

حسبي الله على كل واحد غنى وتشمت
ويا رب كل واحد غنى على ياسر يبلاه الله بنفسه ويدري انها عقوبته بياسر
واولهم اللي دبر له هالسالفة

يا سعد ياسر بالأجر اللي جاه

.

الصاعقة 999 · #11 24/04/2009, 12:01 AM

والله لو واحد غير ياسر

كان اعتزل من زمااااااااااااااااااااااااااان

كبير ياياسر

هلالي جنيف · #12 23/04/2009, 05:39 PM

حتى ولو كان قالها له يجب ان لا يرد إذا كان يعتقد انه لاعب كبير زيدان عندما ارتكب حماقته هل تعتقد ان سبب مقنع

ياسر الساحر20 · #13 23/04/2009, 05:46 PM

للاماااااااااام.

وان شاء ياسر يحصل على افضل لاعب باسيا 2009

انت عمهم كلهم · #14 23/04/2009, 05:50 PM

حتى لو ما قاله

انا عجبني ياسر

خله يتادبون ويعرفون انه حنا في ارضهم

ونتحرش ما حد عاجبنا

ياسر الساحر20 · #15 23/04/2009, 05:51 PM

لاتعليق

_______________________________________