13/04/2009, 04:30 AM
|
 | زعيــم فعــال | | تاريخ التسجيل: 09/01/2007 المكان: [ ѕаudί Λяавίa - Ĵεddaн ]
مشاركات: 322
| |
|
واللـه العظيــم ما خسرنـا .. وشــفيكم أنتــم ..؟؟ تبي تتـاكد أدخــل
بعرف بس ليه بعضكم متحطمين هالقد ..؟؟
قسم بالله أحنا من بد كل الجماهير الى يحق لنا نفخر ونرفع روسنا
الظروف الى جاتنا هالسنة لو جات لأي نادي ثانى تلقاه اقل مافيها يصارع الهبوط
لنا 50 سنة وجايبين 48 بطولة رسمية معترف بها
وغيرنا مفحطين لهم قرااااااابة 80 سنة ولاجابوا الا بالثلاثين تو هع هع
لذالك الأتحاد السعودي لرعاية الأصفرين خطط من بداية الدوري بخطط مهروسة وتحكيمية بحتة لظلم الهلال حتى يستنزفون النقاط منة
وعلى الجانب الأخر يحاولون يدفون الأصفرين لعل وعسى يجي منهم شي
أنا بذكر لكم عينةة فقط من الى عملوه لان لو بذكرها بالتفصيل بيطول بنا المقام وبيكثر الكلام لكن بذكر من الدوري مبارتين كعينة ولكم الحكم
بالمباريات الأولى لعبنا مع نجران بارض نجران وهناك شفنا مسرحية بلغت القمة بالجراءه والوقاحة
الحكم الغى هدف صحيح ماااافيه اي كلام ولين اليوم ماندري ليه الحكم الغاه
وماحسب ظربة جزاء واضحة وضوح الشمس
عاد هدفين كانت كفيلة بفوزنا لكن ضيع منا ثلاث نقاط عينى عينك
والفريق الاخر تحت رعاية الاتحاد السعودي لرعاية الاصفرين الله لايبلانا حتى ضد الحزم مايقدر يفوز بجهده
لازم يتصدقون عليه ويزودون الدقايق ومايحسبون ظربة جزاء واضحة للحزم وعد واغلط
ذيك المباراه المفروض يدخلونها موسوعة غينيس لدلاخات التحكيمية بصراحة
اخترعوا أنظمة لعيون الاتحاد بس يدفونة ولا فاد فيه حتى
هذي بس عينة من الى الظلم الى تعرضنا له ذا الموسم ولو بندقق بتطلع فضايح ما حسبناها
مو بس بالدوري انظلمنا حتى ببقية البطولات
بكاس الأمير فيصل خرجنا من اامام الشباب بعد ماشفنا مهزلة كروية
والله ذيك المباراه مو باقى الا ان الحكم يعطى دفاع الشباب عصى كريكت عشان يصمخون ويلي برجولة لانهم تعبوا صراحة من التكسير
لا ومن زود الجراءه طلع نائب رئيس فريق الرجبي ( الشباب ) يقول صحيح لاعبين الرجبي حقين فريقي لعبوا بخشونة شوي ضد ويلي اليوم لكن هذا هو اللعب الرجولي ههههههه
ماشاء الله عليه من زود الثقافة الرياضية والله مو ناقص الا يلعبهم بكريكات المباريات الجايه
لكن وش تتوقع منة دامة نائب للبلطان
طبعا فريق الرجبي بعد الأكشنات حقتة كان ذا سبب خروجنا من كاس الأمير فيصل رحمة الله
لكن الحمدلله ربي عوضنا بخير منها وجبنا كأس بطولة ولي العهد
كالعاده ما جبنها الا بعد طلوع الروح وبعد حلقات من المسلسلات مكسيكية وأفلام هندية
لعبنا بنصف النهائي ضد فريق طيحنى وبابا سرطان سامحني
حتى وأحنا بعشره لاعبين بعد طرد المرشدي من الشوط الأول وظربتين جزاء ما أنحسبت لنا ماقدرو يجيبون التعادل اللهم لاشماته
وزيد عليها ياخوك ترفيس لاعبين النصر الى ما حرك الحكم فيه ساكن بالعكس شكله أعجبه الاكشن ذاك اليوم مايحتاج يشترك بشوتايم
وراح يعطى المرشدي كروت بالرايح والجاي
ولاعبين النصر عاد يمارسون سياستهم المعتاده ( لافاتتك الكوره لايفوتك الزول ) بدون حسيب ولا رقيب
لكن فزنا بحول الله وقوتة وأنغبن من أنغبن والعاذل أكل التبن ( وانتم بكرامة
وخرجوا جمهور النعول الله يكرمكم ( شكلهم متاثرين بالزيدي ) الى رفعوا نعولهم بوجية لاعبينهم بعد الهزيمة من أبها ودموعهم على خدودهم لانفعهم شاهي ربيع ولا شاهي التون
وبعد هالمصخره الكروية تاهلنا لنهائي لملاقاة فريق الرجبي
وعاد تكرر نفس السيناريوا ذاك اليوم
لم تحتسب ظربتين جزاء للهلال وزيد عليها لاعبين الشباب الى لم يتم طردهم لكن بقدره الواحد الاحد فزنا ودقينا خشومهم علانيه وسلمونا الكاس غصبا عن الراضي والزعلان
بذاك اليوم عرفوا لو أنهم أستمروا يعتمدون عالظلم التحكيمى ضدنا لن يوقفنا فانتقلوا وبتلقين من جمهور الأصفرين لظلم من نوع أخر
ظلم حتى الى لو جبته وقلت له انت رئيس للاتحاد السعودي ومن أهم واجباتك ظلم الزعيم كان يستحى يسويها
ظلم الكافر وهو كافر أخلاقة الأنسانية تمنعه يظلم بذا الطريقة وبذا الجراءه المفرطة
لكن ما كان لهم حل الا بذي الطريقة
لان جميع الطرق مانفعت معاهم وش يسوون عاد ما بيزعلون الدب القطبي ويرجعونة خايب
وما وقفوا لذا الحد بالعكس أستمروا وزادو وطلبوا لاعبين خط الدفاع جميعهم مع المحور لانهم هم أقوى دفاع بالسعودية وهم مركز القوه بعد الله في تماسك الفريق
وأستنزفوا جميع طاقات الفريق لكن اللاعبين ماقصرو لاخر لحظة كانوا يلعبون ولاخر بصيص امل كانوا متمسكين
تغيروا المدربين وانصابو اللاعبين وتكالبت الظروف ولزلنا ننافس حتى أخر ثانية
حتى بمباراه اليوم وأحنا مطرود منا لاعب والحكم يحسب فاولات للفريق الأخر بالكم والكيف
وظربة جزاء لويلي ما حسبت وبعد حديد يرفس الفريدي ولاينطرد سجلنا هدف التعادل
بالله بعد كل ذا مايحق لكم تفخرون بالزعيم يالزعماء ؟؟؟؟؟؟
والله المجهود الى قامو به اللاعبين أنه أكثر من معجزه وأأأأأأأكبر من مستحيل
لكنهم ماخيبوا ظنى ولو انهم ما جابو البطولة بشكل رسمي لكنهم بقلبى جابو مليون بطولة
وانتم طايرين باللاعب الفلانى والعلانى سوا وفعل وغلط
احنا كلنا نخطئ ونغلط ومحد معصوم
لكن أنكم فقط تذكرون السيئات وتتركون الحسنات هذااااااا ظلم
والله محد يدري رب ظاره نافعة يمكن ربي زي ماعوضنا عن كاس الأمير فيصل يعوضنا بكأس الأبطال وكأس أسيا
ليه ننظر للجانب السلبي القليل ونترك الجانب الأيجابي الوااااااااااااااااااااااافر والكثير
أنا حبيت أنزل هالموضوع لتذكير فقط لأن محد لة حق يلوم اليوم
اذا عندك شيء أدعى على الظالم لكن مالك حق تتكلم عن أي لاعب بعد الى عملوه هالسنة
تحيتي
اخر تعديل كان بواسطة » faris73 في يوم » 14/04/2009 عند الساعة » 01:14 AM |
بس وش معنى الرجبي ؟ بلييز ابي اعرف 
خليكم مركزين شوي الله يطول لي بأعماركم .. 
!! اموت انا والا وش اسوي فيكم وانتم وتفكيركم !! 
ولا جمهور ولا شي )
انت الى فاهمني
الوضع العادي
