ممكن موقع(وصف) الصالات الخضراء - نادي الهلال السعودي - شبكة الزعيم

@زعيم الرياض@ · #1 23/04/2009, 02:30 AM

السلام عليكم

إن شاء الله اليوم العصر بروح لنهائي الدوري الممتاز لكرة الطائرة لمؤآزرة الأباتشي

بسـ يآليت آحد منكم يتكررم ويكتب الووصف

الصآلات الخضراء

ولاهنتووو

الـعـ كـاكـا ـرب · #2 23/04/2009, 02:39 AM

ايه والله ياالييت احد يفييدناا

..

بالتوفيق للآباتشي الزرقــــــاء,, وفــــــالهم درع الـــدوري ,, ان شاء الله

ابو بدر 2009 · #3 23/04/2009, 02:50 AM

والله مأدل بصراحه .

يــمــكـن الاعضآء يفيدونك

تحياتي / محمد

غشاهم زعيم · #4 23/04/2009, 02:51 AM

؟؟؟؟؟؟؟؟؟؟؟؟؟؟؟؟؟؟؟؟؟؟

كل الشباب حلوين 2021 · #5 23/04/2009, 03:06 AM

بجنب مركزالملك فهد الثقافي الى تقام فيه المسرحيات

اوضح ما لها صالة البولينج لوحه كبيره

هلالي وكاتلوني · #6 23/04/2009, 05:31 AM

ياجماااااعه !! والله ودنا نروح !! لكن نبي الوصف تكفوووون !!
انا اللي قدر اجيبه من دوراني في قوقل !! انه غرب الرياض وبجانب مركز الملك فهد الثقافي زي ماقال اللي فوقي !! نبي الوصف يافوتوغرافي الزعيم !!

aboody29 · #7 23/04/2009, 07:53 AM

إقتباس


	امسك خريص متجه غرب .. بيجيك جسر( جسر الخليج ) أطلع معه وبيلف فيك الطريق وروح انت معه لا تلف لا يمين ولا يسار بيجيك مخرج مكتوب ( السليمانيه ) وماأدري وش معه .. اتركه .. بيجيك بعده مخرجين واحد منهم حق العليا والثاني طريق الملك فهد .. اتركهم بيجيك حقنا اللي مكتوب فيه ( التخصصي ) .. اطلع معه بتجيك اشاره فوق الكوبري لف يسار للتأكيد : وانت واقف عند الأشاره بتكون بنده على يمينك من الجهه الثانيه .. المهم ، اذا لفيت يسار تمشي شوي يجيك مستشفى على يمينك و اشاره ثلاثيه ، انت طوّل يعني أمش سيدهـ .. بيجيك نفق لاتنزل معه ، اطلع يمين و راح تجيك اشاره رح يمين .. بعدين أمش سيده ، بيجيك نفق ادخل معه من تحت .. بعدين روح سيييييييييده بتجيك اشاره الظاهر .. كمّـل سيده ، ليييييييين يجيك مركز الملك فهد الثقافي على يسارك و اشاره ثلاثيه .. و انت واقف عند الاشاره الثلاثيه تشوف صالات مغلقه لونها خضراء على قدامك شوي على اليسار .. انت روح سسسسسسسسسيده لين يجيك دوار .. وانت متجه للدوار راح تشوفها على يسارك الصالات .. انت ديور من عند الدوار و بتكون الصاله على يمينك امشش قدام شوي لين تجيك البوابه بعدين خش معها .. اذا خشيت مع البوابه راح يجيك ملعب على يمينك و مركز البولينق على يسارك .. وبعد الملعب اللي على يمينك راح تشوف صالتين خضرآء ، انت روح للأخيره يعني اذا دخلت مع البوابه روح سسسسسسسسسيده لين يجيك حرف تي ، وانت عند حرف تي تشوف الصاله على يمينك ، هي اللي فيها المباراة الصاله الأولى اللي داخل المجمع هي مسبح والصاله الثانيه هي اللي تقام فيها المباراة ..

هذا الوصف يوصلك لـ باب الصالـه ..!!

عاشق سامي999 · #8 23/04/2009, 10:15 AM

شف أسهل وصف عندي ( ساكن هناك )
وانت جاي من التخصصي ( العزيزية على يسارك ) أول اشارة ( عندها مستشفى ) عدها
الثانية ( تلقى مقابلك معهد العاصمة النموذجي ) رح يمين وامش مع النفق بتجيك اشارة سيد معها والاشارة الثانية سيد معها تلقى في وجهك بيت عبد العزيز بن فهد ويسارك الصالات الخضراء
( جنبها UBC للبولينغ ) واذا وصلت بتلقى جيب باترول اعرف انه انا .. !!!

الرهيب991 · #9 23/04/2009, 11:02 AM

واذا انت في جنوب الرياض امسك الطريق كنك رايح الجسر المعلق واذا جيت نهاية الجسر المعلق ..

خذ المخرج اليمين .. لاانه فيه مخرجين اذا دخلت المخرج .. المهم امش شوي وبتحصل .. لفه على اليمين ..

لف معاها .. وخذ الدوار وامش سيده .. اول تقاطع لف يمين ..

وسيده سيده .. طبعا يجي لك بيوت الامراء اللي تونها تنبنى وبيت الامير احمد .. في ظهرة لبن..

المهم امش .. الى ان يجي لك اشاره تشوف قصر على يدك اليسار .. وعلى اليمين مستشفى الطب الرياضي ..

خذ يمين وعلى طول جنب المستشفى .. تشوف الصلات الخضراء ..

>>رادوي<< · #10 05/06/2012, 11:30 AM

السلام عليكم ابغى رقم النادي تكفون