تطورت العصور .. وزادت الفتن ؛ ) - نادي الهلال السعودي - شبكة الزعيم

‏Mr.RęLǻҗ · #1 21/04/2009, 10:32 AM

السلام عليكم ورحمة الله وبركاته

كيف الحال اخواني وأخواتي ان شاء الله بخير

في احد الايام المشرقه

,

كنت جالس بالبيت توني راجع من المدرسه وجالس ع الابتوب مثل هالجلسه

,

ولا بدخلت بنت خالتي الصغيره بصف اول متوسط جايه من مدرستها

,

المهم البنت دخلت راحت تتغدا الى الان الوضع طبيعي ,

جت تبي تاخذ جوالها من الطاوله الي جمبي لفت انتباهي لفه بيدها

,

ناديتها وقلت وش ذا الي بيدك وين طايحه قالت لا ولاشي

,

قلت طيب وريني بشوف .. قالت والله مافي شي مايحتاج ,

ماشاورتها سحبت يدها وفكيت اللفه الي عليها واذا هو شق بيدها وش كبره

,

قلت وش ذا ومن وش

,

قالت خلاص خلاص بقولك كل شي .. قلت يالله كلي اذان صاغيه

,

قالت : البنات عندنا بالمدرسه يقولون ان اذ الوحده كانتت تتألم من شي فقلبها او ضايق خلقها من شي

,

تقطع يدها بقزازه وبتنسى كل هالالم

,

ويقولون بعد ان لون ومنظر الدم حلو ع اليد

,

قلت انتي توك صغيره وجاهله هالشي مايجوز الواحد لاحس بضيقه يصلي ركعتين لربه ويلجأ لله وان شاء الله تزول كل ضيقته

,

قالت والله مو بس بنات فصلي حتا بنات الثنوي

,

والله هنا تعوذت من ابليس وعلمتها ان هالشي خطأ ومايجوز وهي بدورها اعتذرت ووعدتني مايتكرر منها هالشي

,

؛ /

انا الي قاهرني واتمنى اجد جواب له

,

وشلون الي اكبر منها والي واصلين لمرحلة الثنوي وينعدون حريم يسوون هالحركات

,

وشلون هالبدع بدت تدخل لمجتمعنا ,,

هل هو ضعف بالايمان

,

او خلل فالتربيه

,

او ان الاهل ينشغلون عن البنت واذا ضاق صدرها ماتدري وين تفرز هالضيقه فتلجأ لهالبدع

,

اتمنى ان اجد منكم تفاعل وطرح رايكم بهالموضوع

,

تقبلو خالص ودي وتحياتي

,

(ورده)

صدى الامس · #2 21/04/2009, 10:52 AM

وعليكم السلام ورحمة الله وبركاته ..

هلا والله ‏Mr.RęLǻҗ ..

التربية هي السبب .. لما الاهل ينشغلون عن تربية عيالهم وتعليمهم الصح والخطأ ..
وقتها يبي يتعلم من الغير سواء من المدرسة او الجيران او التلفزيون ..
لما الاهل ينشغلون عن اطفالهم ويتركونهم للخادمات .. مهما كان الخادمة مهيب مربية عيالك ..
تبي تخدمهم وتأكلهم وتنظفهم لا اكثر ولا اقل .. هنا يبقى التربية على الاهل ..

لما الطفل يتعلم شي بالمدرسة وهو بالاساس اهله ما علموه الصح من الخطأ .. يبي يتقين انه صح ..
بحكم تأثره باللي حوله ومن سنة برضوه .. او ممن هو اكبر منه ..
لكن لما يكون فيه انتباه من الاهل لكل صغيرة وكبيرة .. اي شي يتعلمه من الخارج يبي يعرف من الاساس انه خطأ ..
لانه بيكون متعلم من قبل ان هالشي خطأ .. او انه يبي يلجأ لسؤال الوادين عنه وهل هو صحيح والا خطأ ؟؟!

الوقت الحالي كثير انشغل عن تربية عياله ومع الانفتاح على القنوات والانترنت بدون حسيب ورقيب ..
نبي نشوف الكثير من الاخطاء سواء تتعلق بالدين او بالدنيا ..

معروف ان الطفل تقدر توجهه انت للطريق اللي تبيه .. لانه للحين ما عنده القدرة على اتخاذ القرار الصحيح ..
بالتالي هو يبحث عن من يوجهه ويعلمه .. واذا ما لقى هالشي من الوالدين يبي يبحث عن مصدر ثاني ..
يالمدرسة يالجيران يالتلفزيون .. بالتالي هنا مافيه احد يقدر يصفي له الزين من الشين وتبي تختلط عليه الامور ..
وبيشوف كل شي صح لان مافيه احد قاله انه خطأ ..!

القيصر رهيب · #3 21/04/2009, 10:56 AM

والله موضوعكـ لازم يصير فيه الكثيـــــــــــــــــــــــــــــــــر
من الكلام لأنها مو مشكلة عادية بل مشكلة مجتمع كامل عشان
تحلها لازم تبحث عن أسبابها أول شيء و بعدين تبدأ في إختيار
طريقة حل المشكلة يعني بالتأكيد الموضوع ماهو سهل وخذني جيتكـ

أرى إن المشكلة هذي تقع على عاتق المدرسة والاهل
بالمناصفة وين دور الارشاد الديني بالمدرسة أو وين مدرسة الدين
مو المدرسة تقابل الطالبة 7 أو 8 ساعات باليوم معقولة هالوقت
ما يكفي عشان تعرف تفكير الطالبات وتوجهاتهم وتصحح لهم أخطائهم ؟
لكن نجد إن بعض من مدرسات الدين لا يعرفون من الدين إلا أسمه
ووجدوه بابا مفتوحا لكسب الرزق دون إخلاص في العمل

الوجه الثاني اللي تتحمله الأسرة وين كانت الام لما البنت كسرت القزازهـ و
جرحت نفسها بعدين هل يعقل إن البنت تجرح نفسها أمس و تقوم
وتروح المدرسة وترجع و إلى الان الاهل ما دروا عن بنتهم ..؟
بعدين وش المشاكل و الهموم اللي ممكن تعصف ببنت صغيرهـ
وتخليها تبحث عن أي مجال لنفض همومها ؟ أعتقد بعد الاهل
عن بنتهم سبب رئيس في انتشار هذه الظاهرهـ لو الام كانت قريبة
من بنتها توجهها وتعلمها ما راح يكون لطفلة صغيره هموم تجبرها
على جرح نفسها والكلام دهـ

هذه في نظري الاسباب و هي ليست بالضرورة أن تكون صحيحه
و الحلول تلقونها عند أهل العقول السليمه

موضوع اجتماعي راقي مستر ريلاكس وإثبات وجود مبكر لك في المجلس

وبس

marsal · #4 21/04/2009, 10:57 AM

اذا البيت اشغل نفسه بالتفاهات والامور الثانويه ونسى الاهم راح تشوف كذا و اكبر..

الاهل بالبيت نائمين ويمكن نائمين بقصد بزعمهم ان هذه الفتره فترة مراهقه ويجوز فيها كل شي..

البعض لا يربي ابناه على الدين مخافة ان يكونوا معزولين بالمجتمع...

اذا القلب لم يشتغل بالدين فتاكد انه سوف يشغلك بالدنيا وامورها..

شكرا لك ومانقول الا ربنا يستر علينا ويهدي الجميع

بريماكس · #5 21/04/2009, 11:09 AM

لاشك انشغال الاهل عن الابناء وعن تربيتهم لها دور كبير في ظهور مثل هذه الافعال وغيره

شكراً لك .

وليد القحطاني · #6 21/04/2009, 11:20 AM

ياهلا والله يافهد

أخيراً شفنا لك موضوع

راح اتكلم بوجه عام خاصة اولاد وبنات

والله شوف اللوم على الأهل الأولاً
وثانياً المدرسة !
يمكن الطفل ما يعطي وياخذ مع الأهل , يمكن يعطي مع مدرسه
فالمدرسين كل يوم في وجه الطالب ولاشفنا منهم نصايح ولا شئ
يدخل المدرس ويشرح ويطلع , والمدير جالس في مكتبه والوكيل نفس الشئ بعد !
الله يستر بس من التفاهات الجاية

فهد موضوع مميز والله يحييك بينا

فمان الله

‏Mr.RęLǻҗ · #7 21/04/2009, 12:03 PM

.

.

إقتباس


	هلا والله ‏Mr.RęLǻҗ ..

هلابك يالغلا

,

؛ /

إقتباس


	التربية هي السبب .. لما الاهل ينشغلون عن تربية عيالهم وتعليمهم الصح والخطأ .. وقتها يبي يتعلم من الغير سواء من المدرسة او الجيران او التلفزيون .. لما الاهل ينشغلون عن اطفالهم ويتركونهم للخادمات .. مهما كان الخادمة مهيب مربية عيالك .. تبي تخدمهم وتأكلهم وتنظفهم لا اكثر ولا اقل .. هنا يبقى التربية على الاهل ..

صادق وانا اخوك احياناً الاهل ينشغلون بشغلات ثانويه والاهم ينسونه الا وهو تربية عيالهم وبناتهم ويتركون هالمهمه للخادمات

,

؛ )

إقتباس


	لما الطفل يتعلم شي بالمدرسة وهو بالاساس اهله ما علموه الصح من الخطأ .. يبي يتقين انه صح .. بحكم تأثره باللي حوله ومن سنة برضوه .. او ممن هو اكبر منه .. لكن لما يكون فيه انتباه من الاهل لكل صغيرة وكبيرة .. اي شي يتعلمه من الخارج يبي يعرف من الاساس انه خطأ .. لانه بيكون متعلم من قبل ان هالشي خطأ .. او انه يبي يلجأ لسؤال الوادين عنه وهل هو صحيح والا خطأ ؟؟!

صح الطفل لما يكونون اهله بالبيت ماعلموه هالشي صح ولاغلط بيتأثر بسرعه بالمحيط الي حوله وييقن انه هو الصحيح لان كل منهو حوله يطبقون هالشي .. فمن المستحيل انه يكون خطأ

,

: ]

إقتباس


	الوقت الحالي كثير انشغل عن تربية عياله ومع الانفتاح على القنوات والانترنت بدون حسيب ورقيب .. نبي نشوف الكثير من الاخطاء سواء تتعلق بالدين او بالدنيا .. معروف ان الطفل تقدر توجهه انت للطريق اللي تبيه .. لانه للحين ما عنده القدرة على اتخاذ القرار الصحيح .. بالتالي هو يبحث عن من يوجهه ويعلمه .. واذا ما لقى هالشي من الوالدين يبي يبحث عن مصدر ثاني .. يالمدرسة يالجيران يالتلفزيون .. بالتالي هنا مافيه احد يقدر يصفي له الزين من الشين وتبي تختلط عليه الامور .. وبيشوف كل شي صح لان مافيه احد قاله انه خطأ ..!

لازم الاب والام يضعون حدود لاستخدام كل شي كالانترنت والتلفزيون لانها غزو فكري واضح الطفل يستخدم هالشغلات وتوه عقله يكون للحين في مرحلة النضوج فيشبعونه بهالافكار والبدع المحرمه .. ومايلقا احد يبينله هل هاذا الشي صح ولاغلط

,

..

صدى الامس شرفني واسعدني مرورك

,

دوك ..

‏Mr.RęLǻҗ · #8 21/04/2009, 12:16 PM

.

.

القيصر

,

إقتباس


	والله موضوعكـ لازم يصير فيه الكثيـــــــــــــــــــــــــــــــــر من الكلام لأنها مو مشكلة عادية بل مشكلة مجتمع كامل عشان تحلها لازم تبحث عن أسبابها أول شيء و بعدين تبدأ في إختيار طريقة حل المشكلة يعني بالتأكيد الموضوع ماهو سهل وخذني جيتكـ

اخوي القيصر .. اضن اسبابها واضحه واهمها انشغال الاهل عن الولد والبنت وعن تربيتهم بحجة ان الوالد مشغول بتوفير لقمة العيش لهم والوالده كذلك

,

إقتباس


	أرى إن المشكلة هذي تقع على عاتق المدرسة والاهل بالمناصفة وين دور الارشاد الديني بالمدرسة أو وين مدرسة الدين مو المدرسة تقابل الطالبة 7 أو 8 ساعات باليوم معقولة هالوقت ما يكفي عشان تعرف تفكير الطالبات وتوجهاتهم وتصحح لهم أخطائهم ؟ لكن نجد إن بعض من مدرسات الدين لا يعرفون من الدين إلا أسمه ووجدوه بابا مفتوحا لكسب الرزق دون إخلاص في العمل

معك حق بكل كلمه قلتها وانا اخوك .. بعض المدرسات الماده عندهم طغت على الذمه ,, الله يبيحنا بس

,

إقتباس


	الوجه الثاني اللي تتحمله الأسرة وين كانت الام لما البنت كسرت القزازهـ و جرحت نفسها بعدين هل يعقل إن البنت تجرح نفسها أمس و تقوم وتروح المدرسة وترجع و إلى الان الاهل ما دروا عن بنتهم ..؟ بعدين وش المشاكل و الهموم اللي ممكن تعصف ببنت صغيرهـ وتخليها تبحث عن أي مجال لنفض همومها ؟ أعتقد بعد الاهل عن بنتهم سبب رئيس في انتشار هذه الظاهرهـ لو الام كانت قريبة من بنتها توجهها وتعلمها ما راح يكون لطفلة صغيره هموم تجبرها على جرح نفسها والكلام دهـ

هاذا هو السؤال وانا اخوك وين الاهل ؟

يعني اذا هالشي عدا على الي فالمدرسه مو معقوله يعدي على والدة البنت الي جالسه معها طول اليوم تاكل معها وعايشه معها

,

المفروض الوالده تكون المرجع الوحيد لبنتها بحكم انشغال الاب .. اذا ضاق صدرها يكون حضن والدتها اول مقر ومستقر لها تقول كل الي فقلبها والوالده بدورها توجهه للصح وتبعدها عن الخطأ

,

الله يستر علينا وعلى بنات المسلمين وانا اخوك

,

إقتباس


	هذه في نظري الاسباب و هي ليست بالضرورة أن تكون صحيحه و الحلول تلقونها عند أهل العقول السليمه موضوع اجتماعي راقي مستر ريلاكس وإثبات وجود مبكر لك في المجلس وبس

مشكور على تشريفك وابداء رأيك واطرائك

,

(ورده)

‏Mr.RęLǻҗ · #9 21/04/2009, 12:23 PM

.

.

مرسال

,

إقتباس


	اذا البيت اشغل نفسه بالتفاهات والامور الثانويه ونسى الاهم راح تشوف كذا و اكبر.. الاهل بالبيت نائمين ويمكن نائمين بقصد بزعمهم ان هذه الفتره فترة مراهقه ويجوز فيها كل شي..

هذا اكبر خطأ سكوت الاهل بحجة انها فترتة مراهقه .. وهذا الشي مايجوز لو يحصل للبنت او الولد شي الذنب كله على الاهل

,

إقتباس


	البعض لا يربي ابناه على الدين مخافة ان يكونوا معزولين بالمجتمع... اذا القلب لم يشتغل بالدين فتاكد انه سوف يشغلك بالدنيا وامورها..

صحيح بعض الاهل يخاف يضغط على ابنه بالدين من صغره فينقلب هذا الضغط لكره للدين

,

الاهل لازم يكون عندهم مساواه وان مو لازم يعلمون ابنائهم كل شي بهالمرحله

,

كل شي يجي بالتدريج

إقتباس


	شكرا لك ومانقول الا ربنا يستر علينا ويهدي الجميع

امين يارب العالمين

,

مرسال اشكرك على طلتك وابداء وجهة نظرك

دوك ..

‏Mr.RęLǻҗ · #10 21/04/2009, 12:27 PM

.

.

بريماكس

,

إقتباس


	لاشك انشغال الاهل عن الابناء وعن تربيتهم لها دور كبير في ظهور مثل هذه الافعال وغيره

معك حق الاهل بهالزمن يحسبون الشغل الشالغ للابناء المال بس .. مايدرون ان في شغلات اهم بكثير

,

بريماكس مرورك ورأيك شرف كبير لي

,

هاج ..

Blue Sun · #11 21/04/2009, 04:17 PM

هلا وغلا اخوي فهد ..

كل شئ بالزمن هذا صار يخوف ..
التربية صارت اصعب من اول ..
الفترة اللي يقعدها الطفل مقابل التي في اكثر من اللي يقعدها مع ابوه وامه ..
الان ما تقدر تمنع الطفل انه يتابع التي في او يدخل النت ..
ولا تقدر تمنعه يصاحب فلان او علان ..
اعتقد وللاسف ان دور الاسرة بالزمن هذا هو النصح فقط ..
نادرا ما تلقى بالزمن هذا اب يقعد يسولف مع عياله او يلعب معهم ..
وعذرهم دائما انهم مشغولين ..
للاسف انشغلوا بالمهم ونسوا الاهم ..
اللهم نسالك الهداية والثبات على الحق ..
يعطيك الف عافية اخوي على الموضوع المهم ..

‏Mr.RęLǻҗ · #12 21/04/2009, 08:17 PM

.

.

fff

,

إقتباس


	هلا وغلا اخوي فهد ..

هلابك يابعدي

,

إقتباس


	كل شئ بالزمن هذا صار يخوف .. التربية صارت اصعب من اول .. الفترة اللي يقعدها الطفل مقابل التي في اكثر من اللي يقعدها مع ابوه وامه ..

لاوالله وانا اخوك الي يبي يربي عياله يعرف

,

لاكن البعض يقول خلهم للزمن يربيهم وهاذا شي موصحيح

,

إقتباس


	الان ما تقدر تمنع الطفل انه يتابع التي في او يدخل النت .. ولا تقدر تمنعه يصاحب فلان او علان .. اعتقد وللاسف ان دور الاسرة بالزمن هذا هو النصح فقط ..

لاوالله تقدر تمنعه او تخليه يجلس بحدود تحت نظر عينك وتكون له رقيب وحسيب لان الله من فوقك رقيب وحسيب عليك

,

إقتباس


	نادرا ما تلقى بالزمن هذا اب يقعد يسولف مع عياله او يلعب معهم .. وعذرهم دائما انهم مشغولين .. للاسف انشغلوا بالمهم ونسوا الاهم .. اللهم نسالك الهداية والثبات على الحق ..

الي فيهم الخير واجد .. والي قليلين خير بعد واجد

,

امين الله يسمع منك يالغلا

,

إقتباس


	يعطيك الف عافية اخوي على الموضوع المهم ..

الله يعافيك يالغلا شرفني تواجدك ومرورك العطر

دوك ..

عريب عبدالله · #13 21/04/2009, 08:32 PM

من جد أنصدمت

هذي حركات الأيمو ومعروف أن الأيمو أول مرحلة يجرون فيها المبزرة لعبادة الشيطان

التوعيه من الأعلام في هالجانب شبه معدومة وحتى في المدرسة

فكيف بالمنزل اللي مايدرون عن هالشي

آآآآآه والله قلبي يحترق على عيالنا وعلى الإنفتاح اللي صاير وتسمية الأسماء بغير مسمياتها

والمصيبة حتى يجرون البزران للأيمو يقولون أنه ستايل وما له دين محدد ويبعدونهم عن الله

ثم يطيحونهم في المخدرات ثم يحببونهم في الشيطان أكثر الى أن ينتمون لطائفة عبدة الشيطان ويعبدونه

والكثير من المنتديات الخاصة في الأيمو تحاول تكذب علاقتهم بهالطائفة لكن كل شي واضح والأسلوب واحد

حتى مسألة جرح اليد هذي من طرق التعبد في عبادة الشيطان وموجوده عند الأيمو

وهم يستهدفون هالفئة العمرية المتوسط والثانوي

ويفهمونهم أن هذا ستايل وتطور ويجذبونهم بطرق مستغلين تمرد هالعمر وحبهم للأستطلاع والتقليد

والله شي يقهر ويخلينا نبكي لأننا مو قادرين نوصل لكل الناس ونفهمهم هالخطر

المدعوم من وسائل الإعلام العربي والغربي

الله يهدي شبابنا ويفتح على قلوبهم

مر هالرابط وبتلاقي تفاصيل أكثر في ردودي عن هالموضوع بالإضافة للموضوع الرئيسي
وإذا فيه أي سؤال الخاص مفتوح

أعتذر على الإطاله

بالحب والإشراق

ريكيلمي · #14 21/04/2009, 08:46 PM

الأم مدرسة اذا أعددتها .. أعددت شعباً طيب الأعراق

هذه أم المستقبل أم الأجيال القادمة

اذا اعددتها اعداد ممتاز قائم على الدين و الأخلاق فهذا يبشر بأجيال متميزة

أما تربية المسلسلات التركية و قنوات المجون و الأغاني فأبشروا بأجيال منحطة

الله يستر على المسلمين

دمت بود

شوق الكويت · #15 21/04/2009, 09:08 PM

*ضعف الوازع الديني

*قلة التربيه

*الصحبه السيئه

*الاعلام

وايد اشياء والله يحفظ بناتنا وشبابنا

شكرا عالموضوع الرائع

تقبل مروري المتواضع شوق الكويت