و إياك أخي الكريم سامي،
إذا بغيت تشغل ملف صوتي من الانترنت على هيئة ram -- فأول شيء يحدث ان برنامج الريل بلاير يسوي Connecting -- عشان يتصل بالسيرفر! و بعد ما يتصل بالسيرفر، أحيانا لازم يسوي Buffering عشان يحمل بعض الأجزاء من الملف ثم يشتغل الملف، و بعدين يمكن يسوي Buffering مرة ثانية، و يشتغل ، و هكذا. كل هذي الأمور طبيعية جدا -- و سرعة الـ Connecting تعتمد على عدة أمور، أهمها طبعا سرعة الاتصال عندك و موقع السيرفر.
بالنسبة للـ Buffering -- تقدر تخليه يسوي Buffering مرة واحدة طويلة، بدلا من أكثر من مرة قصيرة. هذا الشيء تسويه إذا كنت تعتقد إن الريل بلاير يقطع معاك واجد، بالتالي تطلب منه يسويها مرة وحدة طويلة، و انشاءالله ما يقطع.
الطريقة اللي تخلي الـ Buffering طويلة في ريل ون بلاير إذا بغيتها طبعا: اختر tools
ثم preferences
ثم من اليسار Connection
ثم أيضا من اليسار Plyback Settings
الآن غيّر الرقم 30 إلى 300!!
و من تحت غيّر الرقم 90 إلى 300!!
و اضغط OK
فيه ملاحظة مهمة بريل ون بلاير -- إذا حطيت صح أمام:
Enable instant playback instead of downloading , whenever possible
معناته إذا بغيت تشغل الملف مرة ثانية، راح تلقاه أسرع من الأولى -- لكن بالتأكيد المرة الأولى راح تكون أبطأ مما لو تكون تشغيل عادي.
أتمنى إني وضحت لك الصورة -- ألف تحية لك.