الشلهوب .. وش سوى في بداية الشوط الثاني !! - نادي الهلال السعودي - شبكة الزعيم

أبـو زآيـد · #1 18/04/2009, 04:18 PM

بسم الله الرحمن الرحيم

نواف الهلالي يعود لكم من جديد

طبعا هاردلك للجميع على التعادل .. وإن شاء الله يعوضونها لاعبينا في الإياب

المباراة بصراحه من وجهة نظري أنا وياسر إنها باهتة وباردة ومملة << هو وياسر

مب سهل الولد والله

إضافة إلى أن اللاعبين يلعبون من دون ( نفس ) ومن دون رووح !! ما عدا اثنين ( هوساوي - رادوي )

هم اللي كانوا متحمسين ويتحركون .. وغيرهم ( يتمشون ) !! حتى نامي بعد مدري وش عنده اليوم معصب آخر

المباراة وقاعد يركض بكل مكان يمين ويسار يعني متحمس الولد

على العموم يشكر على اجتهاده وهذا اللي عنده

( الشلهوب ) تحرك وحاول لكن واضح جدا إنه فاقد حساسيته للكره بحكم الانقطاع الطويل .. لكن سوى كورتين في المباراة

الأولى في بداية الشوط الثاني اللي أرسلها لياسر .. والثانية الفاول وأنا كنت متوقع بشكل كبير إنها تدخل هدف

وجت الحمد لله .. طبعا اللمسات هذي من الشلهوب تدل على : إن الموهبة لا زالت موجودة وإن اللاعب لا زال عنده

شيء يقدمه .. لكن وش مشكلة الشلهوب ؟!

مشكلة الشلهوب يا جماعة ما هي مشكلة نفسية ولا غيرها من اللي يقولون .. مشكلة الشلهوب هي :

ضعف البنية الجسمانية وعدم القدرة على الالتحام !! طيب إذا كانت هذي المشكلة ليش اللاعب كان يبدع في السابق ؟!

اللاعب في السابق كان يعوض ضعف البنيه وعدم القدرة على الالتحام بـ الرشاقة و السرعة !!

أما الآن يوم فقد الرشاقة والسرعة إضافة إلى عدم قدرته أصلا على الالتحام معناها ... كيف الحال

فـ الحل الوحيد لمحمد الشلهوب إذا كان يريد العودة لمستواه - وهذي رسالة لمدرب اللياقة في الفريق عبد اللطيف الحسيني

هو أن يحاول اللاعب الرفع من لياقته وتخفيف وزنه حتى يعود لـ رشاقته و سرعته !! وهذي المشكلة باختصار .

إصابة النجم أحمد الفريدي مصيبة كبيرة فالهلال بحاجة لأحمد في هذي الفترة لكن ( قدر الله وما شاء فعل )

وأنا أجزم لو اللاعب كمل المباراة ما كان يحلمون النصراويين بالتعادل !! لكن الله يقومه بالسلامه يا رب ..

لكن السؤال هنا : هل حنا عاقبنا طارق ولا عاقبنا الهلال بإبعاده عن التشكيلة ؟! خصوصا وأن التايب متخصص

في النصراويين سواء بصناعة الأهداف أو بالمسخره من كديشهم

الزلايب في حضرة التايب

طيب سؤال ثاني : وين اللاعب الموهبة عبد العزيز دوسري ؟؟؟!!

إلى متى وهذا النجم خارج التشكيلة !! لاعب راهن عليه الكثيرون ويمتلك مقومات اللعيبه الكبار

ويا خوفي يجي اليوم اللي تندفن وتروح هذي الموهبه مثل ما راحت غيرها من المواهب !!

بصراحه كنا بحاجته في مباراة أمس !! ولا أنا غلطان ؟!

قبل لا نطلع من اللاعبين لابد أن أشيد كعادتي في كل موضوع بالصخرة والامبراطور أسامة هوساوي

فهذا اللاعب نجم الموسم بدون منازع وتقدر تقول باختصار إنه ( يلعب لحاله ) سواء بروحه أو مستواه

الثابت اللي ما يتغير .. وباختصار أيضا ( لاعب بدون أخطاء )

الله لا يضره

-----------------------------------------

طلال الرشيد ( المسخرة )

.. والله مسخرة صدق هو تصريحاته .. والمشكلة إن الناس يضحكون عليه

وهو يحسبهم يضحكون له

أجل هذا تصريح

وغير كذا أكثر واحد بالسعودية شايف نفسه هو ؟؟!

ومع ذلك أكثر واحد بالسعودية ( محتقر ) هو

لا .. وصار ( رمز ) لفشل النصر في كل شيء !!

فأي صفقة يدخل فيها طلّو يخسرها النصر مباشرة

وصدق الشاعر يوم قال :

الأنام احترمها تحترمك الأنام
............................................. وإن حقرت الأوادم ما احترمك آدمي

على العموم يا فرحة ما تمت يا عرابجة العالمية

كانوا يحلمون يفوزون على الهلال بعد هالسنين بس أثبتوا

إنهم يبطووون عظم .. ودامهم ما فازوا على الهلال وهو بهالمستوى وهالظروف ما أدري متى يبي يفوزون

وعلى طاري العرابجة هذا يقولك : عربجي دخل في رجله مسمار جاب زرادية يبي يطلعه ما قدر .. جاب شاكوش وعفطه

هاردلكم مره ثانية يا شباب والوعد بعد ما نفرح مع بعض بالفوز على أهلي الامارات

معليش اصبروا على طاري هاردلك والتصريحات المسخره .. من يذكر تصريح حمود الفشقة يوم انتقل لنادي كبير

بعد ما كان يلعب بالحارة .. كان أول تصريح له قال : أوعد الجماهير إني أسجل ( هاردلك ) في المباراة

^^^^ يقصد هاتريك

^^^^

حمود الفشقة

قفلة :

أحمد الله ما خلقني عالمي .:. ولا كان تشوفني في مسخره

لو الأصفر مالعالمية سالمي .:. كان يمكن يرتفع سهم أصفره
.
.

الزعيم الهاشمي · #2 18/04/2009, 05:25 PM

نواف الهلالي كعادتك مبدع في سماء الشبكه

ما قصرت والله يعطيك العافيه والزعيم الى الامام بس ترجع لبعض اللاعبين الروح

ونبي خبيلان يشوف الحظ ونبيها باذن الله تاريخييييييييييييييييييه

الله يوفق زعيمنا في قادم الايام ...

ســـــMـــــاوي · #3 18/04/2009, 05:56 PM

بعد ماجاء التعــادل والله يآهو " مــمــتر " خخخخخخخخخخخخخخخ

نا الهلال فل · #4 18/04/2009, 05:57 PM

اشكـــــــــــــــــــــــــــــــرك يا الغلا......

كان هنا · #5 18/04/2009, 06:02 PM

ترا ان ما عقلتوا ابسويكم علوك وادسكم بمخابي كحيلان .
/،
يعطيك العافية نواف .. وان شاء الله معوضة بالاياب .

محد يطوله · #6 18/04/2009, 06:04 PM

مشكوووووووووووووووور

ونتمنى الشلهوووووووووووووووووووووب يعود لمستواه
ونتضروه ياشباب صدقوني لو اخذ فرصته كاملة
بيرجع احسن من اول

ن ي ح 9 0 0 · #7 18/04/2009, 06:05 PM

الغالي نواف

الله يعطيك العافيه

ولايحرمنا من جديدك

Glory ManU · #8 18/04/2009, 06:05 PM

كلام جميل اخوي نواف ..

بالنسبة للشلهوب

عنده خيارين : يا انه يفقد الوزن ويصير مثل اول مثل ما قلت ، او انه يعضل ويقوي جسمه

لامن جد ، شف قصار الاوربيين ، قصار لكنهم يلتحمون ويدخلون ويكسبون الكرة بعد !!

يمكن الخيار الثاني افضل

صحيح عبد العزيز الدوسري لازم يعطى فرصة | لاعب موهبة ..!

تح ــــــــيآتـــــــــــي

bander2009 · #9 18/04/2009, 06:05 PM

جـــمــيــل كــلامــك يــاغــالــي وانــا اشــاطـرك الــرأي

!!هلالي الرس!! · #10 18/04/2009, 06:11 PM

يارجال خلها ع ربكـ

بس جازتلي سالفه العربجي

اعجبني موضوعكـ وبقوهـ

تقبل مروري

!!هلالي الرس!!

هلاليه توون · #11 18/04/2009, 06:11 PM

إقتباس


	بعد ماجاء التعــادل والله يآهو " مــمــتر " خخخخخخخخخخخخخخخ

إقتباس

ههههههههههههههههههههههههههههههههههههههههههههههههههههههههههههه

عسىآ الله يوفقهم يارب ,

وآنآ معك , وموضوعك اطلق منه مافيه ض1

alzaeem_rakan · #12 18/04/2009, 06:31 PM

مشكوووووووووووووووور

ونتمنى الشلهوووووووووووووووووووووب يعود لمستواه
ونتضروه ياشباب صدقوني لو اخذ فرصته كاملة
بيرجع احسن من اول

أمير بهلاليتي · #13 18/04/2009, 07:02 PM

موضوع راااااااااااااااااااااااااااااااااااااااااااااااااااااااااااااااااااااااااااااااااااااااااائع

مشكوووووووووووووووووووووووووور ... نواف

" كان هنا "<<<<<< ههههههههههههه الله يرج بليسك

.... الله يوفق الهلال وين ما راح,,,,,

راكان _20_ · #14 18/04/2009, 07:06 PM

الشلهوب ينهيلك المباراة من لمسه وحده ...

أبـو زآيـد · #15 19/04/2009, 12:55 AM

إقتباس

الرسالة الأصلية كتبت بواسطة الزعيم الهاشمي


	نواف الهلالي كعادتك مبدع في سماء الشبكه ما قصرت والله يعطيك العافيه والزعيم الى الامام بس ترجع لبعض اللاعبين الروح ونبي خبيلان يشوف الحظ ونبيها باذن الله تاريخييييييييييييييييييه الله يوفق زعيمنا في قادم الايام ...

هلا والله هلا بالهاشمي

الإبداع في ردك وأنا أخوك

وإن شاء الله نكون عند حسن ظنك على طول