رأيت فيما يرى النائم !!! @ الحلقة الأولى @
 

@@ المشهد الأول ( مفسر الأحلام ) @@

- ألوووو !!

- نعم تفضل !!

- السلام عليكم ياشيخ .

- أهلا وعليكم السلام ورحمة الله وبركاته .

- ياشيخ أنا حلمت حلم غريب ومستحي أقوله :sad:

- وشوله متصل أجل أنت ووجهك ؟!!:mad:

- خلاص ياشيخ لاتعصب أبقوله بس لاتشره ترى من حر ماأوجس صرت أحلم هالحلوم :sad:

- اخلص علينا ولايكثر ( قرقك ) :mad:

- ياشيخ أنا ذيك الليلة ( قعدت ) ( أهوجس ) بحال الهلال اللي كل سنة أردى من اللي قبلها وشفت مباراة السوبر اللي ضاعت قدام عيوننا وهي من أسهل البطولات قياسا على مستوى الفريق الكوري وخصوصا في مباراة الإياب !!

- أقول ورى ماتعطيني التشكيلة على دربك وتحلل المباراة ياشتالي ؟!!! :mad: :mad:

_ ياشيخ وراك معصب ؟!!:eek:

_ بلى فريقك مايواجه هالأيام وأنت قاعد تحلم لي فيه أنت ووجهك !!!:D

_ طيب ياشيخ على العموم أنا حبيت أمهد للموضوع يمكن تستفيد من التمهيد في تفسير الأحلام .

_ ومن قال لك إني أفسر الأحلام ؟!!:mad:

_ مانتب أنت اللي يفسر الأحلام بالتلفزيون ويقول للي ماتزوجت سيرزقك الله زوجا !! ويقول للي متزوجة سيرزقك الله ولدا ؟!!

- وجعععععععع !!

- أفااااااااا !!:eek:

أجل من معي ؟!!

- معك أبو لما :bluesky:

- وش أبو لما ؟!!:confused:

- أبو لما ( عاشق النزهان ) :)

- اييييييييييييييه والله والنعم :)

- والنعم بحالك ... على العموم تراني مانيب شين بتفسير الأحلام !!:eek: :eek: يعني أطقطق :D بس المهم تصير الأحلام ملونة ;) :D

- أبشرك ملونة :)

- عطنا حلمك :cool:

- هذا طال عمرك يوم إني انغثيت من حال الهلال قدام سامسونج لابارك الله بهم ولا بثلاجاتهم قمت ونمت وأشوف لك بالمنام أبو ذكرى وفاهم جدا وأبو هيا وأبو بدر وسور الصين وجدار الطين وأبو نواف وسلمان 99999 وكوكتيل والإعصار وأبو ناصر وبعض شباب المنتدى متجمعين بمقهى وأنواع المعسل بس بصراحة ما( دققت ) من اللي كان فيهم ماسك ( لي ) الشيشة !!!;) بس شفت أبو ذكرى يصب شاهي لفاهم جدا كنوع من الوفاء والتقدير :bluesky:

- طيب وش مجمعهم بالمقهى ؟!!!

- أقول ياأبو لما !! ورى ماتجي تحلم بدالي ؟!! :mad:

- وراك عصبت الله يهديك ؟!!!:D

- لاتقاطعني وخلني أكمل لك الحلم !!:D

- طيب :rolleyes: <=== أبو لما وده يستعد على جبهة هاللي قباله بس يحتريه يكمل الحلم :D

- المهم سلمت عليهم وردوا السلام بدون نفس وكان شكلهم داخلين مهاوشة مع بعض !!

بصراحة أنا كنت متعجب من اجتماعهم فما قدرت أمسك نفسي وقررت أسألهم عن سبب هالاجتماع !!!

@@ المشهد الثاني ( مصير الهلال في المقهى ) @@

- أخبار الشباب ؟!!!

- أبو ذكرى : ياخي فاضين حنا للشباب عسانا نفضى للهلال !!:mad: <=== صعوبة الفهم بعض المرات مشكلة رغم محاولات فاهم جدا للتعديل لكن !!:D :D

- لا ياأبو ذكرى قصدي أخبار الشباب !! يعني أخباركم أنتم !!

- أبو هيا : والله الأخبار ماتسر !!:mad:

- فاهم جدا : اي والله إن الدعوة مدلهمة وإن حنا منصهرين في بوتقة الظروف المستعصية التي استبدت واستشرت ومنعت أفيح الفرح من أن يتفوح !!!

( أبو لما يقطع سردي للحلم للمرة الثانية ويقول باندهاش ....)

- وش به ؟!! عسى ماشر فاهم جدا ( يحتسي ) كذا ؟!! وراه مايحتسي عربي هو ووجهه :eek:

- ياأبو لما إن قاطعتني ثانية ترى مانيب مكمل لك الحلم !!:mad: وبعدين فاهم جدا حر بطريقة كلامه وماهوب ذنبه إنك أنت وأبو ذكرى ثروتكم اللغوية ضحلة !!

- طيب كمل حلمك !!

- طيب .

( عودة إلى المقهى )

- أبو بدر : الحين أنت وش صيدك ( قصدك ) يوم إنك تسأل عن أخبار الشباب وتجحدنا أنا وسور الصين ؟!! ماملينا عينك ؟!!:mad:

- هلا والله بأبو بدر :) والله طال عمرك حاسبك مع الشباب أنت وسور الصين بس ( تسن ) ماودكم !! عموما مالنا غناة عنكم وعن شوفتكم ومعرفة أخباركم :)

المهم ياشباب بصراحة اجتماعكم هنا غريب !!

- أبو ذكرى :ايه الله يذكره بالخير الغريب !!:sad: <== والله البلشة هو وصعوبة فهمه :D

- أبو ذكرى الله لايهينك سند على الجدار ولاأسمع صوتك لين تضبط وزنية تفكيرك !!:mad:

ياشباب الزبدة .... وش مجمعكم ؟!!!!

- أبو نواف : يعني ماتدري ياالغريب ؟!!!

- وش أدري عنه ؟!!

- أبو نواف : أنت الظاهر من أعرست وأنت ماتقرأ إلا سيدتي والمجلة وجاحد الرياض والجزيرة والزعيم !!!

- والله تقدر تقول !! وراه وش صار ؟!!

- أبو نواف : والله اللي صار ياالغريب مايصدق !!

- وشو ؟!!

-أبو نواف : الهلال استقال رئيسه وأعلنوا أعضاء شرفه الاستغناء عن النادي ومالقوله رئيس وسلموه للرئاسة وأعلنت الرئاسة عن طلب رئيس وأعضاء شرف وماجا أحد !!! حتى مرجان عرضوا عليه الرئاسة واشترط مقدم عقد هو ووجهه ؟!!:D

- أفااااااااااااااااا !!!

طيب وبعدين وش صار ؟!!!

يعني الهلال بدون أعضاء شرف ؟!!

- سلمان 99999 : لاياعزيزي أبشرك الدقيقة 35 من يوم الأربعاء الماضي اتفقنا حنا ياللي تشوف إننا نمسك النادي كأعضاء شرف !!

- وشلون يعني ؟!! يعني أبو ذكرى عضو شرف هلالي ؟!!

- أبو ذكرى : ايه وراه ؟!! مامليت عينك ؟!!

( يتدخل فاهم جدا وأقنعني بيني وبينه إنهم حاطين أبو ذكرى معهم من باب إنه تلزق فيهم وارحموه ) :D

- طيب ياشباب ممتاز !!

- سور الصين : وش اللي ممتاز ؟!!:rolleyes:

- ممتاز إنكم صرتوا أعضاء شرف الهلال لأنكم عارفين مشاكل الهلال وأكيد بتحلونها !!!



@@ للحلم بقية @@

هلا والله بغريبنا
اسفرت وانورت
هلا والله وغلا
والله ماقريت الموضوع الى هالحين:D
لكن حبيت اهلي بك
واسألك هو أنت تنام هاليومين علشان تحلم :D
لي عودة
تحياتي

شف اللي يحلم واللي يفسر واغسل يدك .........

هاذي (باطنية) ياسور الصين :D :D

انا قريت المشهد الاول .. وقمة التنسيم نرجع للموضوع لاحقاً .. باين وراء هالموضوع شئ ..

سوري العظيم :

هلا بك ,,,

ومرحبن بك يابعدي :D

من سوء حظي والله ياالغالي :sad:

أنا قلت إني نايم ؟!!!

أنا قلت إني محلم ;)

وش دخل النوم ؟!!!:D

تحياتي ,,,

ـــــــــــــــــــ

الغالي الغائب الحاضر abu_riman :

بالنسبة للي يحلم ماهيب مشكلة !!!

بس اللي يفسر الحلم يبي يستعد على جبهتك :D

تحياتي ,,,

ـــــــــــــــ


الغالي أبو هيا :

والله من المشاغل !!!

حتى هالمويضيع الصغير تبي تقراه تقسيط !!


إلا وراه تهكمات ومدلهمات بس لاتخلينا :)

تحياتي ,,,,

ـــــــــــــــــــ


الغالي الغانم :


تبي الصراحة ؟!!

دور أبو ذكرى بالحلم كان اللي ماسك الكاميرا ويصور الحلم ... بس !!!

لكن فاهم جدا شالني بطيارته الخاصة وأقنعني أحط أبو ذكرى بدور الغبي اللي بالحلم :D

تحياتي ,,,,

هههههههههههههههه :D :D

كل شي تلصقه في ابو ذكرى ;)
ليه ماتقول الحقيقة انك انت اللي تصب الشاهي
ولا خايف تهتز صورتك امام العروس :D

عادي ياخي قل لها شياب المنتدى ولازم احترمهم <<-- يبي يكحلها عماها:smilewink

ياحبي لك يابوذكرى ...قايل لك لاتسولف مع احد وانت تسوي فلاشات وفوتشوبات هههههههههههه:D

:bluesky: افااا ;)

انا موافق مع سور الصين :D :D

هههههههه ياحبي لك انت واحلامك لو ان شكلك لازلت :mad: معصب
لكن بالحلم الثاني قبل لاتكتبه سو كذا ===>> :D

وتكفى ابغى الجزء الثاني يطلع فيه العوام

وهو يتلقى تشويت (( بوز على البطن :D )) <<-- يااااي شرس :D :D


ابو ريمان :D :D

المشكلة شف من يرد عليهم ...عيال المدلهمات :D :D :D


يسلمو حبيب البي .. الغريب على هالحلم بس ياليتك تزود
خاصية مايطلبه المشاهدون وتضيفني وانا اشوت في العوام :D


تحياتي لك يالمعرس :smilewink

ماتلاحظ انه ماقال اسامي الحكام بعد ؟ :cool:

يالغريب صاجني تقول أعرس ..

هذي ثمار عرسك بدت :blueroll:

والله يستر من تاليها :laugh:

حلم مريض هههههههههههههه

طيب اخوي الغريب اهم شي كيف العرس زينه تنصحبه والا لا:rolleyes:

اما عن الحلم ما لقيت الا ابو لما عاد:sleep:

يعطيك العافيه :D وحنا بنتظارك :bigrazz:

ما شاء الله زاد اقول وش ريحة البخور ذي.. وهالسكبة التي تقل عليه عرف ..


اهلا اخي الغريب ..

نورت منتداك يالغالي وموضوع فكاهي .. شغل (شيف) بحق وحقيقه ..:)


تحياتي لك

حاتم

الأخ الغريب...

حلم رائع وبإنتظار التفسير من أبو لما الله يعينه عليك ;) ;) ;)...


واصل الإبداع وعجل علينا بالجزء الثاني تراك شوقتنا..



تحياتي،،،،


------------------- ------------------- -------------------


أخوكم،

أبوسعد

السلام عليكم

والله ان المـــــــــــــــوضوع رائــــــــــــــــــــــــــــــــــــــــــــــــــــــــــــــــــــــــع
وحــــــــــــــــتى كلمـــــــــة رائع قليلـــــــــــــــه بحق هالموضوع
والله الموضوع مشوق والله يستر من الجزء الثاني:bluesky:
بس اتمنى انه يكون مسلسل مكسيـــــــــــــــكي يعني ما ابي هالمواضيع الرائعه تنقطع عنا
الجزء الثاني لازم تضيف شخصيه نسائيه ترى هذا بيزيد نجاح موضوعك:D


بس عندي لك طلب




بس مستحــــــــــــــــــــــــــــــــي





أخاف أثقل عليك




ما القى عندك دور كومــــــــــبارس في الجزء الثاني:D :D :D

ههههههههههه

واخيرا ما ادري وش اقول عن هالموضوع الرهيب احس أني مشتهي أقرق :razz:
بس ما اطول عليكم خايف من الفاتوره:D

تصدق أنك أكثر واحد كافش فاهم جدا:D :D وتراه يتمنى أن يخفيك لكي يستطيع أن يتفلفس علانا :D :D

تراهم شباب يالغريب :D :D :D :D ولاتصدق أبوهيا اللي يسمي أبوبدر شايبنا:D :D

المهم أقول كمل حلمك :D :D

سلالالالالالالالالالالالالالالالالام

هذا من تأثير الزواج(الف مبروك):D

ونحن بانتظار الحلقة الثانيه وارجو ابراز البطل الذي سوف يكون الرئيس

المنتظر في الحلقة القادمه0