استفسار لمستخدمي ( الدريم بوكس ) .. - نادي الهلال السعودي - شبكة الزعيم

ولد الحمائل · #1 20/04/2009, 06:15 PM

السلام عليكم

ياجماعة الخير أفكر أركب الـ دريم بوكس عندي .. لفتح القنوات الرياضية ( آرتي ، شوتايم ، و الجزيرة ) ..

فحبيت استفسر وش أفضل موديلاته ،، وهل لابد من اشتراك .؟؟ وكم سعر الإشتراك في السنة ؟؟

لان فيه ناس تقول باشتراك وناس بدون .؟؟ وانا ضايع بينهم في الطوشة

** سمعت ان فيه مميزات ثانية ،، اذا كانت مفيدة وسهلة ياليت توضحون باختصار

ياليت اللي مجربه يفيدني ،، أما النقل من قوقل فياليت ما يحوسنا ..

وهل فيه جهاز آخر أفضل منه وبدون اشتراك وأرخص .؟؟ أهم شيء يفتح القنوات الرياضية ..

تحياتي

Ң alzaeem Ң · #2 20/04/2009, 07:18 PM

هـع

اسمع يالغالي وخذ النصيحه من مجرب
ومن هلالي يحب لك الخير

انا شريت دريم بوكس قسم بالله هبلبي ورفع ابو ضغطي

ويقطع . وغيرت سرعة الإتصال ونفس المشكله

المهم حطيت في راسي اجيبه يعني اجيبه
واطيح في بنقالي سنايدي في سلطانه

قال شوف بابا خالد

هذا دريم بوكس مافيه كويس الحين
عشان كلو صيني .. ياباني خلاص مايجي

عطاني نوع بن أيه ... اسمه في بوكي <<< في بوكس لونه اسود
قسم بالله على كيف كيفك
يفتح الشفره وهو مغمض

له سنه حالياً عندي وزي الورده شغال

تراه ياباني والريموت حقه حليبي وطويل شوي

وبنسبه للإشتراك سهل
كل سته شهور تاخذ الرسيفر وتوديه لـ نفس ابوهنود وتعطيه 200 ريال ويسوي لك تجديد إشتراك

وأي إستفسار وإذا بغيت نفس البنقالي اللي باعاني الجهاز لاتتردد في الخاص

واتمنى اني افدتك

سلم لم

ولد الحمائل · #3 20/04/2009, 07:42 PM

ما قصرت يا أبو خالد ..

ابشوف وأقارن بينها ..

إقتباس


	عطاني نوع بن أيه ... اسمه في بوكي <<< في بوكس لونه اسود

هذا باشتراك .؟؟؟؟ ويحتاج اتصال DSL ؟؟

بس حلو حليبي

عموما ما قصرت

Ң alzaeem Ң · #4 20/04/2009, 07:44 PM

العفو يالغالي
بس ابو خالد هـع كبرتني

خالد مو ابو خالد

يس هذا DSL
وبنسبه للإشتراك عادي أول ماتشتريه ماراح ياخذ منك إلا قيمة الرسيفر فقط
وبعدها كل سته شهور إشتراك مثل ماقلت 200 ريال فقط
وفيه انواع بدون DSL
وحاضرين لـ الطيبين

ابو حـــوط · #5 20/04/2009, 08:40 PM

والله ياخوي اجهزة الشرينغ شغله

عاد انت وحظك

شوف الدريم كويس اذا طحت في اشتراك حلو يعني ( سيرفر قوي)

بتحب يدك مقلوبه

اذا تعرف احد عنده دريم بوكس ولايقطع معه خله يعطيك راعي المحل اللي شراه منه

والا الله يعينك على التقطيع

اما بخصوص اللي بدون دي اس ال

فا انا سمعت عن نوعاسمه سبايدر الكل يمدح
بس للامانه ماجربته

اللي عندي دريم وبلشان بالتقطيع اللي فيه

وفوق هذا معي ثلاث اشتراكات كل ماقطع علي واحد شغلت الثاني

فالدريم بوكس يعتمد بالاول والاخير ع السيرفر

ولد الحمائل · #6 20/04/2009, 11:05 PM

إقتباس

الرسالة الأصلية كتبت بواسطة ابو حـــوط


	والله ياخوي اجهزة الشرينغ شغله عاد انت وحظك شوف الدريم كويس اذا طحت في اشتراك حلو يعني ( سيرفر قوي) بتحب يدك مقلوبه اذا تعرف احد عنده دريم بوكس ولايقطع معه خله يعطيك راعي المحل اللي شراه منه والا الله يعينك على التقطيع اما بخصوص اللي بدون دي اس ال فا انا سمعت عن نوعاسمه سبايدر الكل يمدح بس للامانه ماجربته اللي عندي دريم وبلشان بالتقطيع اللي فيه وفوق هذا معي ثلاث اشتراكات كل ماقطع علي واحد شغلت الثاني فالدريم بوكس يعتمد بالاول والاخير ع السيرفر

هلا بالطيب ياليت تفيدنا بأنواع السيرفرات و وش أفضل نوع و كيف ما أنغش .!!