مثالية الأمير عبدالرحمن وجماهير الهلال
 

السلام عليكم ورحمة الله وبركاته
أخواني الأعزاء أسعد الله أوقاتكم بكل خير .
بصراحة لفت نظري كثرة المطالبة من قبل جماهير الهلال العزيزة لرئيس نادينا الأمير عبدالرحمن بن مساعد
بخصوص الرد على كل من يحاول التطاول على نادي الهلال .
والبعض يقول المثالية الزائدة وغيره من هالكلام .
الأمير عبدالرحمن رجل عاقل ورجل بمعنى الكلمة ويقولون في الأمثال
إذا كان الكلام من فضة فالسكوت من ذهب
الأمير عبدالرحمن بذل كل شئ من أجل حصول الهلال على أكبر قدر من البطولات ويعمل جاهداً على حصول الهلال على أعلى المراتب .
مو معقولة يترك شغله ويتفرغ للرد على فلان وعلان .
ياجماعة الخير الأمير عبدالرحمن قالها مراراً وتكراراً خلونا نشتغل وآخر الموسم حاسبونا .
الموسم توه ما خلص باقي كأس الأبطال وكأس آسيا .
الهلال بالرغم من الظروف التي مر بها من قرارات تعسفيه ومحاربته عيني عينك .
إلا أنه مازال يقف صامداً بوجه كل من يحاول الإطاحة به .
وذلك بفضل الله أولاً ثم إدارة النادي وجماهيره الوفية اللتي وقفت ومازالت تقف مع الهلال بكل قوة .
الظروف هذي لو مرت على النصر مثلاً كان الآن يلعب في الدرجة الثانية أي درجة ثانية كان الحين ينافس أرطاوي الرقاص في دوري المناطق .
بالرغم من كل التسهيلات والهدايا وضربات الجزاء اللي ما أدري كيف تنحسب لهم حتى المركز الرابع ما قدروا يوصلون إليه .
والهلال ولله الحمد والمنة ينافس على كل البطولات واللي يقول غير هالكلام مع إحترامي له .
يا أنه أعمى ما يشوف أو ما يفقه كوره أبداً .
الأمير عبدالرحمن وكل إدارته يحتاجون وقفتنا معهم ويحتاجون التشجيع مو كل كلمة والثانية رد على فلان وعلى علان .
شبيه الريح أكبر من أن يرد عليهم ويعطيهم أكبر من حجمهم .
أرجوا أن ما أكون قد أطلت عليكم وأن تكون الفكرة وصلت إليكم ياشعب الهلال
ساندوا هلالكم
الهلال ينادي رجاله
مع تمنياتي لكم وللهلال بدوام التوفيق والسداد

عزيزي انا معك بس ماتلاحظ انه كل شوي الامور تزداد سؤء من الغير

لازم تكون وقفه اعضاء شرف الهلال بوجه كل حاقد ,,,

الى متى واحنا نتغى في المثاليه اللى ماجابت لنا الا القهر والظلم عينك عينك واخرتها جمهور الاتحاد والنصر مع ياسر

قسم بالله لو لاعب غير ياسر انتهى من زمان من كثر اللى جاه عشان كذا لازم تكون وقفه رجال الزعيم قويه ,,,

حياك يالغالي
أعضاء شرف الهلال والإدارة مستحيل يتركون أي لاعب مهما كان ويقون معهم في كل صغيره وكبيره.
وهذا كله بدون ضجة إعلامية وشوشره

هلابك اخوي

وش رايك انت هل شاهدت تطاول على الهلال في السابق مثل مايحدث الان

ظلم
اجحاف
تهم
اهازيج شيطانية

وحتى الميت 000!! صارت الارتي من كل صوب تحارب الهلال

وكل هذا بسبب الصمت الغير مبرر من الادارة الهلالية

مو كل وقت يكون الصمت من ذهب

السكوت يقولون علامة الرضا

تحياتي ياغالي

امس المهندس سامي ابوخضير في برنامج اوراق هلاليه

علي قناة الزعيم يتهرب من الاجابه علي سؤال عن ياسر

بشكل غريب ؟؟؟؟؟؟؟ مرتين

مره من راشد الفوزان ومره من الاخت ام فيصل

يعني الناس تضرب فينا من كل صوب الا ارتي وابو ظبي والرياضي

والتصريحات الي كل من هب ودب الي يسوء والي مايسوء يتكلم

علينا واحنا قاعدين نتفرج يجب ان نخرج من المثالية كثير موشوي.

بعدين انا ضد ادا انتهى الموسم حاسبونا لافات الفوت ماينفع الصوت

ولك في نادي الاتحاد عبرة يوم خبص مدربهم قاموكلهم علية الين

صحصح وجبلهم بطولة تبغونا نخرج من كاس الملك والاسيوية وبعدين

اش ينفع التقييم.