صالة رعاية الشباب بالرياض
 

بسم الله الرحمن الرحيم



بغيت يازعماء توصيف الصالة عشان مباراة الهلال والاهلي ان شاء الله لأني جاي

من خارج الرياض ولا اعرف مكانها ياليت اللي يعرف مكانها يوصفلي الصالة

بالتفصيل اذا سمحتوا

امسك خريص متجه غرب .. بيجيك جسر أطلعه معه وبيلف فيك الطريق وروح انت معه


لا تلف لا يمين ولا يسار


بيجيك مخرج مكتوب ( السليمانيه ) وماأدري وش معه .. اتركه ..


بيجيك بعده مخرجين واحد منهم حق العليا والثاني طريق الملك فهد .. اتركهم



بيجيك حقنا اللي مكتوب فيه ( التخصصي ) .. اطلع معه بتجيك اشاره فوق الكوبري لف يسار


للتأكيد : وانت واقف عند الأشاره بتكون بنده على يمينك من الجهه الثانيه ..


المهم ،

اذا لفيت يسار تمشي شوي يجيك مستشفى على يمينك و اشاره ثلاثيه ، انت طوّل يعني أمش سيدهـ .. بيجيك نفق لاتنزل معه ، اطلع يمين و راح تجيك اشاره رح يمين ..

بعدين أمش سيده ، بيجيك نفق ادخل معه من تحت .. بعدين روح سيييييييييده بتجيك اشاره الظاهر .. كمّـل سيده ، ليييييييين يجيك مركز الملك فهد الثقافي على يسارك و اشاره ثلاثيه .. و انت واقف عند الاشاره الثلاثيه تشوف صالات مغلقه لونها خضراء على قدامك شوي على اليسار ..

انت روح سسسسسسسسسيده لين يجيك دوار .. وانت متجه للدوار راح تشوفها على يسارك الصالات .. انت ديور من عند الدوار و بتكون الصاله على يمينك امشش قدام شوي لين تجيك البوابه بعدين خش معها ..

اذا خشيت مع البوابه راح يجيك ملعب على يمينك و مركز البولينق على يسارك .. وبعد الملعب اللي على يمينك راح تشوف صالتين خضرآء ، انت روح للأخيره


يعني اذا دخلت مع البوابه روح سسسسسسسسسيده لين يجيك حرف تي ، وانت عند حرف تي تشوف الصاله على يمينك ، هي اللي فيها المباراة


الصاله الأولى اللي داخل المجمع هي مسبح والصاله الثانيه هي اللي تقام فيها المباراة ..


ان شاء الله انك فهمت ، واذا مافهمت شي ياليت تكتبه لي وانا مستعد اوصف لك لين تمّـل ولين تدل وقدامنا وقت لـ يوم الخميس خخخخخخخخخخخخخخخخخخخخخخخخخخخخ ..

قلي اي حي بس وانا اروح هناك

يسمونه حي الهدآء و ناس تسميه حي ثاني بس ماأدري وش اسـمـه


انت اسئل عن الصالات الخضراء بطريق الدرعيه ويدلونك عليها ..

طيب صالة رعاية الشباب بالرياض