مثاليه الرئيس مآبين اعلآآم متعصب وجمهوور سلبي !!! - نادي الهلال السعودي - شبكة الزعيم

ҜђâŁЗđ 88 · #1 19/04/2009, 01:43 AM

السلام عليكم ورحمة الله وبركاته

..

بـ ابدأ موضوعي بـ عبارهـ قالها الأنيق والحكيم الامير نواف بن سعد في لقائه مع القناه الرياضيه , يوم قال :

" حنا في نادي الهلال ماعندنا شي نخفيه عن جماهيرنا , لذلك مانحتاج نطلع اشاعات وكلام يلهي جمهورنا عن اوضاع الفريق "

معنى كلامه للتوضيح لا اكثر , ايام سالفه المحياني طلعوا النصراويه الهلال خش علينا الهلال زايد الهلال الفريق المسيطر وكلام كبيرر قالوه عننا مو لغبااء او لعقدة في نفوسهم ..
قالوهآ لـ سبب بسيط : يلهون جمهورهم من الهزائم والمشاكل الكبيره بـ فريقهم , ويعلقون الهلال شماعه لخسائرهم ..
جمآهيرهم غلبانه تصدق وتقعد تصيح ان الهلال هو السبب الرئيسي بأوضاع النصر , لأن النصر لو صحصح ماراح يحقق الهلال اي بطووله !!

البلوي وصفقاته الفلاشيه ومؤتمراته وكل يوم مصرح بـ جلب لاعب دولي محلي , ولاعب عالمي سـ يحدث ضجه في الاوساط الرياضيه .. كنا نضحك عليه وعلى جمهورهـ الغلبان الي يصفقون وراهـ ..
ونعرف ان كل هالصهلله علشان بس يغطي مشااكل فريقه في آخر سنتين وخرووجه من المسابقات الواحدهـ تلوا الاخرى خآلي الوفاض !!

تبون ادراهـ نادينا تترك العمل الجدي بـ الفريق , وتتفرغ بالرد على فلآن وعلان ومقاطعه كل الناس !! ونصير مثلهم !!

[ هذا دوركم انتوا مو دور الادارهـ !! ]

* كنا نتغنى بـ هلالنا الواضح الصريح الي يواجهه المشكله بـ صمت في اجتماعات اعضاء الشرف الاقوياء والداعمين في السراء والضراء , وننجح في حصد البطوله تلو الاخرى !!
كنا نتغنى بـ مثاليه امرائناً وشيوخنا ونقول حنا الفريق الراقي المثالي , ونفوز دائماً بالنوايا الحسنه !!

الآن جايين تسبون وتتكلموون على ادارهـ النادي بالمثاليه المبطنه بالسذاجه !! الآن تتهكمون على عبدالرحمن بن مساعد بـ عمله الاحترافي في النادي بكلام معناته انهم دايسين على اعمالك وانت ساكت !!

عبدالرحمن بن مساعد وادارته تعمل بـ صمت وتحاول تعدل اوضاع الفريق وترفع معنوياته الهابطه وتحاول تحسين نتائج الفريق والسيطرهـ على الاوضاع داخل النادي , الادارهـ دعمها اعضاء الشرف بحضورهم بـ كثافه في التدربيات و قدمت اعلى المكافأت للاعبين , تركت الاعلام ومشاكله وتفرغت للعمل داخل النادي والهرج والمرج لأصحابه !!

* مشكله اذا كان الداعم الحقيقي للفريق والمسمى بـ { الرقم الصعب يكون اداة قتل وتهبيط المعنويات !!

اسألكم بالله :
لو ادارهـ الهلال استخدمت نفس اسلوبكم , وتخلت عن مشاكل الفريق وبدت ترمي الاتهامات لـ جميع الاطراف , وين بيوصل حال الهلال ؟!

اسألكم بالله :
تريدون الادارهـ تتخلى عن شغلها وتفرغت للرد عن فلان وعلنتان وخلت التحكيم والخطط المطروسه شماعه للأوضاع الحاليه , بيعجبكم الوضع وتقدرون تتراجعون عن كلامكم عن النصراويه والاتحاديه ؟!

{ الرئيس الذهبي / محمد بن فيصل , لمآ صآرتله نفس مشكله الادارهـ الحآليه بس بـ شوية نعوومه وادب واخذوا باكيتا حاس الفريق قدم اسوء النتائج في خلال سنه ونص , مر حوالي ست مدربين على الهلال وطلعنا بعدها بهزيمه على النهائي من الشباب بـ 3 اهداف قويه جداً في نفس الموسم , والموسم الي بعدهـ الي المفروض يكون ترتيب الاوضاع خرجنا بدون اي بطوله ولا فوق هذا طلعنا من كاس الامير فيصل من الدور الاول ومن الدوري بالمباراهـ النهائيه من الاتحاد وبـ ملعبنا وبين جمآهيرناً ..
ليه ؟! لأن محمد بن فيصل تفرغ للأعلام وتكلم على فلان وعلان وطلعت حرتكم في منصور البلوي وطلع حرتكم في فيصل عبدالهادي وترك الادارهـ والفريق ميت فنياً وادارياً }

* سؤال صغير / أيش الفرق بين الادارهـ والتشجيع ؟! <_ اترك الاجابه لكم لأني بديت احس الموضوع صاار طويل مرهـ !!

* خآتمه موضوعي الي ماطلعت فيه كل الي بـ خاطري لأني لست بـ كاتب :
سأقف مع الهلال بـ محنته لأني عاشق للزعيم في عز توهجه وفي اسوء اوضاعه , واترككم يآ جمهور الفوز { الجمهور السلبي .. للنهائيات لعل وعسى تمتلي واجهة استاد الملك فهد !!