بسم الله الرحمن الرحيم

احبتي جمهور الزعيم في كل مكان اسعد الله اوقاتكم بكل خير

اليوم بعد المباره اشوف بعض من الجمهور يسب الشلهوب

ياجماعه الخير قدر وضع الشلهوب

يعني لعب من بدايه الموسم في دكه الاحتياط وما لعب الا في كاس فيصل

وشوفو كم له كاس فيصل منتهي

وفيه اسماء تغيره عليه يعني الشلهوب فقد الانسجام

واليوم الشلهوب قدم كور ولا اروع والجمهور يقول مافي اوفر

طيب اذا في مساحه ليه ما استغل المساحه والعبها ارضيه يعني اليوم لعب كوره للعنبر
لكن العنبر مافهما وراحت بعيده عنه

لعب كورتين ارضيه وحده شتتها مدافع النصر والثاني مافهمها العنبر

الاشياء الي قدمها الشلهوب في مباره النصر

*اعط ياسر كوره انت وضميرك ياسر يتفلسف ويخلصها راضي
*اعط كوره للزوري غير متوقعه من دفاع النصر ولكن الزروي استعجل فيها
*صنع هدف التعادل بعد ان سدد الفاول وصدها الحارس وكملها وليهامسون
-----------------------------------------------------------------------------------
وش تبون يسوي اكثر من كذا
انا اشوف ان الشلهوب رغم انه مالعب الا في كاس فيصل قدم اليوم في المباره اكثر من حسام غالي وايلتون
الشلهوب قدم مباره ممتازه وفقط يفقده الانسجام مع اللاعيبه فقط
خلوه يلعب مبارتين غير هذا المباره صدقوني تشوفون الشلهوب احسن من الشلهوب اول

روح يا محمد والقلب داعي لك

وفي الختام
ان اصبت فمن الله وان اخطت فمني ومن الشيطان

وين الردود الظاهر صيغه الموضوع ما عجبتكم

الشلهوب لاعب مبدع وتاريخه يشفعله
خاصه انه من الاعبين المهارين الي يعتمدون على موهبتهم ومهاراتهم
وعقلهم ,,,,, وهذه الامور لاتفقد بسهولة مثل الي يعتمد على مجهود بدني فقط او لياقه عالية
بس لذلك نحن ننتظر عودتك بأسرع وقت ,,,,,
ومن ناحية ردة فعل الجمهور امس فهي طبيعية فأكثر الجماهير تشاؤم لم يتوقع ان يتقدم النصر الى الدقائق
الأخيرة ونحصل على التعادل بشق الأنفس من نادي من اندية الوسط
كيف سنقابل الشباب ومن ثم الاتحاد اذا استمرينا على هذا العطاء
نحترم الشلهوب ولكن العودة بالتدريج ,,,,,

لا الموضوع بطل يا بطل

الا انت كيف حالك ..؟؟

بالنسبة للشلهوب لاعب ولا اروع

الناس اللي تنتقد ما عندك احد مع احترامي

وفيه قاعدة تخص اللاعب اللي غاب كثير عن المبارياة مدري بالضبط منوا صاحبها

لكن يقول اذا بغيت تحكم على لاعب منقطع عن المباريات خليه يلعب 4 مباريات متواصله ثم احكم

الشلهوب بدع على هالمعطيات ...

يكفي تطليعته لياسر ...

وشفنا كيف شكل خطر يوم طس الثور سول ...


الشلهوب ما يحتاج صبر ولا اعارة ولا طبيب نفسي يبي يلعب اساسي بس ..!!

شكرا يا بطل عالى هالموضوع ...

إقتباس الشلهوب لاعب مبدع وتاريخه يشفعله خاصه انه من الاعبين المهارين الي يعتمدون على موهبتهم ومهاراتهم وعقلهم ,,,,, وهذه الامور لاتفقد بسهولة مثل الي يعتمد على مجهود بدني فقط او لياقه عالية بس لذلك نحن ننتظر عودتك بأسرع وقت ,,,,, ومن ناحية ردة فعل الجمهور امس فهي طبيعية فأكثر الجماهير تشاؤم لم يتوقع ان يتقدم النصر الى الدقائق الأخيرة ونحصل على التعادل بشق الأنفس من نادي من اندية الوسط كيف سنقابل الشباب ومن ثم الاتحاد اذا استمرينا على هذا العطاء نحترم الشلهوب ولكن العودة بالتدريج ,,,,

اولا شي مشكور على المرور يالغالي
ثاني شي كيف تبغا للشلهوب يرجع تدريج واهو احتياط؟
يعني اضن جلس احتياط فتره كافيه المفروض ياخذ فرصته

إقتباس لا الموضوع بطل يا بطل الا انت كيف حالك ..؟؟ بالنسبة للشلهوب لاعب ولا اروع الناس اللي تنتقد ما عندك احد مع احترامي وفيه قاعدة تخص اللاعب اللي غاب كثير عن المبارياة مدري بالضبط منوا صاحبها لكن يقول اذا بغيت تحكم على لاعب منقطع عن المباريات خليه يلعب 4 مباريات متواصله ثم احكم الشلهوب بدع على هالمعطيات ... يكفي تطليعته لياسر ... وشفنا كيف شكل خطر يوم طس الثور سول ... الشلهوب ما يحتاج صبر ولا اعارة ولا طبيب نفسي يبي يلعب اساسي بس ..!! شكرا يا بطل عالى هالموضوع ...

اشكرك على مرورك
ويالغالي كل الناس لهم وجهات نظرا في بعضها تصيب وفي بعضها ماتصيب

واختلاف الري لايفسد للود قضيه

الشلهوب مبدع والدليل امس عطى ياسر الكوره اللي ضاعت وياسر سوى اللي عليه والقول حطها وسوى اللي عليه هو

بس اخوي عندك ناس ما تستانس الا اذا قسوا على لاعب اول في كل جوله على لاعب مره ياسر ومره العنبر ومره الصويلح وحتى وصلوا للدعيع بعدين الزوري ونامي والمرشدي وعزيز والفريدي الله يقومه بالسلامه والخثرااان ومن بقى تكفى ما قسوا جمهورنا عليه

حنا مقدرين وضع اللاعبين والله يعطيهم العافيه على كل ما يقدمونه

الشلهوب وجوده مهم وخصوصا هو صانع اللعب الوحيد مع التايب

يجيد الأطراف والعمق والشلهوب مواقفه مع الزعيم لاتنسى

بهذه السهوله وأتمنى إستمراره منذ إبتعاده إفتقدنا صناعة التهديف

يعطيك العافيه أخوي

تحياتي

لا لا حــبيبــي هــذا الــشلهــوب مـن يـقسى عــليه

وبــالتــأكـيـد الــكـل يــعرف مــنهو الــشلهــوب

إن شاء الله يرجع مـستـواه افــضل من اول لخدمة الكيان الــ

إقتباس الشلهوب مبدع والدليل امس عطى ياسر الكوره اللي ضاعت وياسر سوى اللي عليه والقول حطها وسوى اللي عليه هو بس اخوي عندك ناس ما تستانس الا اذا قسوا على لاعب اول في كل جوله على لاعب مره ياسر ومره العنبر ومره الصويلح وحتى وصلوا للدعيع بعدين الزوري ونامي والمرشدي وعزيز والفريدي الله يقومه بالسلامه والخثرااان ومن بقى تكفى ما قسوا جمهورنا عليه حنا مقدرين وضع اللاعبين والله يعطيهم العافيه على كل ما يقدمونه

اولا شي اسعدني مرورك
ثاني شي الجمهور مايقسى على لعب الا يبغا مصلحه الفريق
ولكن طريقه النقد في بعض الجمهور نقده هادف وبنا بدون تجريح
وفي بعض الجمهور (الله يهديهم) تجريح في اللاعب

إقتباس الشلهوب وجوده مهم وخصوصا هو صانع اللعب الوحيد مع التايب يجيد الأطراف والعمق والشلهوب مواقفه مع الزعيم لاتنسى بهذه السهوله وأتمنى إستمراره منذ إبتعاده إفتقدنا صناعة التهديف يعطيك العافيه أخوي تحياتي

اسعدني مرورك

مب عيب ان اللاعب يجلس في الاحتياط
وبالنسبه لصناعه اللعب التايب ماقصر ولكن التايب مايقدر على جميع المباريات
وانت تعرف جدوله الدوري السعودي وتداخل المسابقات الي تخلي المحترف يكره نفسه
يعني المفروض اذا التايب ارهق ادخل الشلهوب منها يرجع مستواه ومنها اريح التايب

الشلهوب لاعب كبيـر

وآنشـاء الله

يرجـع مثل اول

تحيآتي /
AL-QNAS NAT

الشلهوب في وقت من الاوقات اساسي والثنيان احتياط له !!!

اما الان فللاسف الشلهوب انتهى عمره الافتراضي كنجم سابق اتمنى اعتزاله حتى لا يفقد من بقي من محبيه

الشلهوب في وقت من الاوقات اساسي والثنيان احتياط له !!!

اما الان فللاسف الشلهوب انتهى عمره الافتراضي كنجم سابق اتمنى اعتزاله حتى لا يفقد من بقي من محبيه

كلام سليم

الشلهوب لاعب كبيـر

وآنشـاء الله

يرجـع مثل اول