ابو علكة يقول الحظ..عذر البليد مسح الصبورة - نادي الهلال السعودي - شبكة الزعيم

أبو راس · #1 17/04/2009, 10:53 PM

مراااااحب

يقول ابو علكة ان لاعبيهم (الابطال) قدموا مستوى مشرف بس الحظ مع الهلال كعادته في المباريات الاخيرة ...

الاخ ابو علكة من يوم يحطون الكاميرا ع المنصة يظهر بارزا مميزا يلوك العلكة في فمه ..دور الفم اللي يفتح ويقفل طول المباراة وبتتعرف عليه..

يقول لا سقط علكه انه الحظ..
ياغشيم..الحظ تكون ضربة وحده في موسم كامل..
لكن الحظ دايما و "كالعادة"؟!!

وش هالحظ اللي متعاقد معنا دايم يجي؟

يا ابو علكه فريق مثل الزعيم تعرض لهزة بالاقصاء الغير شريف لمدربه لو حصل لكم ما حصله لانتقلتم فورا من مرحلة الاحتضار الذي انتم عليه الى مرحلة الجثة الهامدة السامدة
لكن هنالك شي اسمه نجوم...لاعبين لهم وزن..ادارة متكاتفة..اعضاء شرف غيورين..جماهير عاشقة...
هذه عوامل تدرس وتحلل لانها تصنع الفارق ...

اما التفكير التسطيحي المتبلد الذي يختزل المسألة بالحظ...فلا اقول الا الشرهة مو عليك..الا على جماهير فرقتك المغلوب على امرها المجبرة انها تسمع لعقليات مثلك..

بس نصيحة لك يابو علكة جنان..
احرص ع العلك الخالي من السكر..يكفيك السكر اللي بيرفعه لك الزعييييم..

وفتكم بألف خيييييييييييييييييير

mohd3321 · #2 18/04/2009, 12:14 AM

كلامك عين العقل

ومبروك عليهم التعادل مع الزعيم

عريب عبدالله · #3 18/04/2009, 12:18 AM

الحمدلله على السلامة والساعه المباركة اللي شفناك

بالنسبة للملوح فأحس من المفترض مانتكلم عنه أحيانا أحس أنه مايفهم بالكورة

أجل لاعب مع الزعيم ويقول حظ

بصراحة ما ألومة لما أنصدم طير المدرب وساهم في العديد من الأمور اللي مرت على النادي هالفترة

وأنبح صوته من الإتصالات فمن حقة ينصدم أنه مع كل اللي بذله للزعزعه فريقنا تعادلنا

فلاتلومة على تعليقة لأن هذا مستواه في التفكير

بالحب والإشراق

هلالي النماص · #4 18/04/2009, 12:24 AM

يحلمـــــــــــون ,,,,,,
ست سنوااااااااااااااات ومافيه فوز على الهلال
والله لو اني الحظ والهلال اخوان من الرضاعه

Hilalih 4ever · #5 18/04/2009, 12:25 AM

ياشيخ لاتقول ابو علكه هو ياخذ من حسناتك وانت قاعد

قال ايش قال الحظ لاوبعد يقول الحكم ولد عم ويلي يالييييييييييييييييل مطولك عليـــــــــــهم

والله من القهرررررر يقولون كذا انت ماشفت جمهورهم يوم جاب هدف النصر تقولون فايزين بكاس العالم الحمدالله وشكر

فديت السعوديه · #6 18/04/2009, 12:33 AM

طرد للمدرب وحرب نفسيه للاعبين والجمهور اتصالات على كل القنوات

ومع كل هاذا تعادل هو وعلكته فأكيد راح يقول حظ ماعنده غيره

مشكلته حاط راسه هو وفريقه براس الهلال ويبغي المصالحه تكون

عن طريقنا لجمهوره لأن الفوز علينا بطوله لهم والدليل قبل الهدف الهلالي رسائل

النصراوين واحتفالاتهم تقل اخذين الدوري ههههههههههههههههههههههه بس على

فكرى اللعب على باب واحد وين الحظ هاذا اذا استثنينا المجزره والبلنتي

جــريــر · #7 18/04/2009, 12:28 AM

ههههههههههههههههه ابو علكة

أبو راس · #8 18/04/2009, 11:49 AM

مشكوووووووووورين جميييع ع المرور الكريم
وابو علكه مو سبه بالمناسبة
انما وصف وعلامة يعرف بها الرجل لاني صراحة ما اذكر اسمه بالضبط
واخاف اغلط باسمه ويرفع امري للاتحاد السعودي وبعدين ينهون عقدي وامنع من التشجيع داخل المملكة

AL MAS · #9 18/04/2009, 11:54 AM

تري العلكة مو رخيصة الحبة منها بسبعين ريال

جني نت · #10 18/04/2009, 11:57 AM

لا انت غلطان ب5000 ريال

))))))))

هلالي طول الليالي · #11 18/04/2009, 11:58 AM

ههههههههههههههههههههههههههههههههه

امش يابو علكه اجل حظ هااا

اقول احرق ناديك اصرف لــكـ

أبو راس · #12 18/04/2009, 12:16 PM

وما اردى من ابو علكه الا عالم الانساب البليد المسمى طلال الرشيد..

يقول فلتة زمانه ان الحكم ساعد الهلال لانه الحكم وويلهامسون ورادوي عيال عمومة

وما علمنا هم يشتركون في الجد السابع ولا الثامن
وياليته عطانا بالمرة هم من اي فخذ وشنو قبيلتهم

شر البلية ما يضحك
الله لا يبلانا

ايها الأخ النصراوي:
أعانك الله على مصابك..تحصلها من مين ولا من مين

yas20er · #13 18/04/2009, 12:27 PM

ياشيخ لاتقول ابو علكه هو ياخذ من حسناتك وانت قاعد