نهاية الثقه بالآخرين
 

أسعد الله اوقاتكم بكل ماهو مفيد وجديد..

كثير مننا يمر بمواقف بحياتي متعدده وهناك من تعتبره صديق مقرب وتمنحه كامل ثقتك وبالنهايه تكتشف انه مجرد انسان مخادع ونصاب وهذه دائما تحصل ولكن ان تعيش مع شخص سنوات عديده
وتعتبره اكثر من أخ وتمنحه كامل ثقتك وبالنهايه يطلع مخادع ونصاب هنا تكمن المشكله وعدم الاستيعاب من تصرفاته ..
وهذا ما صار معي بالظبط زميل عمل من احدى الدول العربيه صار له سنين بالمملكه وانا عرفته من ايام ما كنت طالب جامعي درست وتخرجت وعملت بالجامعه وبنفس الاداره التي هو فيها .وانا من الناس الي يحبون الجمعيات . وطبعاً كلكم تعرفون الجمعيه بين اكثر من شخص وكل شهر عند واحد وانا من ايام وانا طالب طرف رسمي بكل جمعية يسويها احد قريب مني لاني ما اعترف بالقروض من البنوك وخلافها .المهم مع هذا الموظف كنت اعمل جمعية معه ومع اخته الموظفه بشطر الطالبات ومع طالبات السكن ومن ثلاث سنين ونحن على هالحال . بالنسبه لي معطية كامل الصلاحيه بالاتفاق مع الباقين وانا رهن اشارته ولا اسأله بتاتاً لاني واثق ثقه مالها حدود بها الآدمي . مع مرور الوقت وقرب انتهاء عقده هو واخته الفتره الماضيه بأخر جمعيه قرروا عمل خدعه كبيره بي حيث عندما تكون الجمعية عند طالبه يعطونها فلوسها ناقصه الف ريال ويقولون فيصل ما دفع هالشهر وانا كل شهر ادفع تلقائياً .وعندما أتى هالشهر لم يدفع احد لي المبلغ بحكم ان خوينا سافر هو واخته وانتهت فتره تعاقدهم بعد ان دفعوا لي مبلغ 2000 ريال
وقالو بعد كم يوم بتجيك فلوس باقي البنات قبل ما نسافر نجيبها لك وانا على نياتي ومصدق بل كنت واثق مليون بالمئه ان المبلغ المتبقي بيجي .وبالنهايه وصلني مسج منه اني لم ادفع بكامل الشهور الماضيه لذلك لا انتظر مبلغ من اي من اعضاء الجمعيه الاخرين اللي هم البنات ومن حقهن ما يدفعن لأن على بالهن اني ما دفعت لهن المبلغ واقفل جواله هو وسافر بنفس اليوم والبنات ارسلن بريد للعمل يخبرني به ان الجمعيه انتهت واني ما دفعت لهن جميعاً لذلك ما راح يدفعن وانتهت بذلك الجمعية ...يعني ثلاث سنين تثق بشخص وتعامل معه بدون اي سندات ويكون ثقه وبعد هالسنين يغدر فيك

والان ابداً ما اعرف كيف اتصرف لان ما معي اي شئ يثبت اني دفعت له كل هالشهور وحوالي عشرة الآف راحت علي. بس ما نقول غير حسبنا الله ونعم الوكيل .

اتركم لكم المــآيك للتعليق على القصه الغريبه جداً وهذه نهاية الثقه اللي نعطيها ناس ما تستااهل تكون قد الثقه ..

اخوي هذه منقوله او قصتك الحقيقية

لا حول ولا قوة الا بالله
الله ينصر كل من خُدع من ناس ميتين ضمير

مشكووو أخوي وبالتوفيق للزعيم الليلة s13s