اليـوم شـلـت اسـطـوانـة الـغـاز وانـكـسـر ظـهـري .. فـزعتـكم تـكـفـون - نادي الهلال السعودي - شبكة الزعيم

Fahad Al Sudais · #1 16/04/2009, 07:46 PM

حيــــــــاكم

بسم الله علي مابي الا العافية

... ياحبّكم للشر

بس والله معاناة اللي ساكن في الدور الثاني

خصوصا في ثلاث مواقف صعبة :

اذا جاء يرقّي الغاز

اذا جاء يرقّي عبوة الماء الزرقاء ( المنهل )

اذا جاء ينزّل الزبالة ( تكرمون )

لكن اصعبها اكيد دبّة الغاز

تتعب وانت تنزّلها اذا فضت

وتكسر ظهرك وانت ترقّيها اذا غيّرتها وجبت مليانه

حرام والله هاللي يستاجرون الدور العلوي

محرومين من الحوش

والسطح غالبا يكون ساكن فيه مصري

ومعاناة تغيير الغاز

مالت عليكم يالعالم الثالث

في اوروبا... التسليك للغاز اجباري ومافيه مجال للمناقشة

مو حنا

اذا راح ابوالشباب يطلّع فسح بناء ماينشبون له الا عند حاجتين :

ياويلك تبني دور ثالث

وياويلك ماتستاجر حاوية مخلفات البناء من شركتين بالذات ( تقل مافيه غيرهن )

والله اعرف واحد ساكن فوق

كل ماخلص الغاز.. قعد له اسبوع يجيب اكل من المطاعم

متعيجز يشيل الدبّة ويغيّرها

صراحه ما الومه

انا لو احد من اهلي قال لي : هات لي معك كاس ماء اذا رقيت... أزمل واشيل هم

وشلون اجل دبّة غاز

وبعدين سألتكم بالله

كم واحد تعرفونه جاه الديسك في ظهره من شيل الغاز

والى متى وحنا نتعامل بهالدبّات الصغيرة ابو 15 ريال

متى نعطيها تقاعد ؟؟

متى شركة الغاز تتطوّر وتمدد مواصير بالاشتراك الشهري

قرفنا من هالدبّة الصغيرة ... او اللي اكبر منها حقّت مخابز التميس

او الكبيرة مره اللي اذا بغيتها لازم تتشحطط شهرين لييين تجيب موافقة

ويطلع معك واحد ويشيّك على الحوش ويقول لك لازم تبني جدار مترين في ثلاثة جنبها

.
.
.
.
.
.

ايكيا حلوه..... لكن

من فيكم مثلي اذا راح ايكيا يدوخ

تبتل تمشي وتمشي وتمشي... وتتبع الاسهم اللي بالارض

وتطلع روحك وانت ماوصلت لباب الخروج

هم بالقصد مصممين الصالة بهالشكل

بحيث انك ماتطلع الا وانت داخل جميع الاقسام ومشيّك على كل ابو البضاعة

لكن اللي يضحكني

ان هالعالم تروح وتلف وتدور وتلف وتدور وتلف وتدور

وبالاخير يتركون المفروشات وغرف النوم والدواليب والكنبات والاثاث

وكل واحد يشتري له كوب بريالين ويطلع

رومانسيات صخراويات

اتصل بها... واعدها.... قل لها ترى موعدنا الليله

وبعد ماتلبس ... وتكون بكامل اناقتك ... رح لها وانت مبتسم

اجلس انت واياها على طاوله وحده ... واشعل شمعتين

وامسك ايديها بكل شوق ... واسألها :

انتي متأكده من حبك لي

اذا قالت لك : اكييييييييييييييييييييييييييييييييييييد

قل لها : عطيني الف ريال سلف

ريكيلمي · #2 16/04/2009, 07:53 PM

العالم تطوروا يالصخرة وش اللي شهرين موافقة خلاص الحين اذا رحت لهم عطوك وصف شركة رح ركب من عندها

ترى موب راعيها مديرهم أبد

بالنسبة للعجز بدا يتقلص من الشعب السوداني و بدا فينا

برايفت : لا عاد عمرك تصير رومانسي ياخي

دوك >>----->

" أَبُو لارا " · #3 16/04/2009, 08:19 PM

,,
,,
هذه آخرتها يا فهد
أحسبك رجل قوي البنية ..عصبي ..يعني أفغاني

>> طلعت نعومي

الغاز يشيله بزرعندنا وأنت الله يخلف عجزان أنك تشيله>> يكذب بقوة عاد بزر مرة وحدة

الله يا حسن الخاتمة

لآتزعل أمزح معاك يا الغالي

تبي الصراحة أنا أعجزت أعجز أشيل الغاز مثلك
بس ما أقول يارب تهدي شركة الغاز والتصنيع إالى جادة الصواب

وتشوف حل لهذه الأمور

أم سالفة رومانسيات صخراوية تكفى طلبتك لآتكتب مرة ثانية أحسنها علطة عليك
لآ عاد تعود لها سمعت

والله لو تقولها أنك ما تشوف رقعة وجهها مرة ثانية

بس ما أقول إلآ الله يحفظ بناتنا من كل مكروهـ

لآهنت يا أغلى عضو على التطليعات الجميلة

Fahad Al Sudais · #4 17/04/2009, 07:38 AM

إقتباس

الرسالة الأصلية كتبت بواسطة أبو لارا@


	هذه آخرتها يا فهد أحسبك رجل قوي البنية ..عصبي ..يعني أفغاني>> طلعت نعومي الغاز يشيله بزرعندنا وأنت الله يخلف عجزان أنك تشيله>> يكذب بقوة عاد بزر مرة وحدة الله يا حسن الخاتمة

أي عصبي وأي افغاني

من اللي لاعب عليك يابولارا ومطلع هالاشاعات... قسم اني دابّة سليمة

اجل يشيله بزر عندكم

<< موب عاقلين فروخ الفراعنه

ابولارا دوك -->

Fahad Al Sudais · #5 16/04/2009, 08:48 PM

إقتباس

الرسالة الأصلية كتبت بواسطة ريكيلمي


	العالم تطوروا يالصخرة وش اللي شهرين موافقة خلاص الحين اذا رحت لهم عطوك وصف شركة رح ركب من عندها ترى موب راعيها مديرهم أبد بالنسبة للعجز بدا يتقلص من الشعب السوداني و بدا فينا برايفت : لا عاد عمرك تصير رومانسي ياخي دوك >>----->

مديركم ذا اكبر نصاب وانا شايفه يعبي الاسطوانات هواء

وبالنسبة للبرايفت..

مانيب راد عليك علشان خاطر القطو اللي بتوقيعك

دوك -->

دقيق فاخر · #6 16/04/2009, 08:07 PM

هع هع هع ... يابن الحلال .. جب لك حطيبات .. مفرد حطب ..

وشعللها .. خخخخخخ .. اصرف لك من هالغاز ..

شكلك تدور على معزبة يالصخرة .. ترانا خطابين ..>>>ـخخخخخخـ ,,

ع العموووم نور موضوعي بمروري ..

دوكـ =======>

ما اقلد احد ..

Fahad Al Sudais · #7 16/04/2009, 08:54 PM

إقتباس

الرسالة الأصلية كتبت بواسطة دقيق فاخر


	هع هع هع ... يابن الحلال .. جب لك حطيبات .. مفرد حطب .. وشعللها .. خخخخخخ .. اصرف لك من هالغاز .. شكلك تدور على معزبة يالصخرة .. ترانا خطابين ..>>>ـخخخخخخـ ,, ع العموووم نور موضوعي بمروري .. دوكـ =======> ما اقلد احد ..

اصصصصصصصصصص لا يسمعك ابوطلال ويدرعم لسوق الحطب

ترى شحنة الحطب اغلى من عقد الالماس

ويحط لك كم ربطة سمر فوق.... واللي تحت كله ( كيـن )

دوك -->

بندر الهلباني · #8 16/04/2009, 09:10 PM

طيب وش تقووول في اللي كان ساكن بالملحق .
طبعا حنا كنا ساكنين بملحق .. حسيت وربي معاناه جراكل مويا
اسطوانه .. بس كانت ايام الاسطوانه الكبيرة ام 35 ريال غير انا واخوي
نشيلها .. ونعمل الف حساب لليوم اللي تخلص فيه .
بس اشواء كانت مرة في الشهر يعني مو دايم
بس الحمد لله اللحين صرنا ساكنين بدور ارضي وافتكينا من هاالتعب

بس انا مستغرب من هالافغانيه اللي بمحلات الدقيق
الواحد يشيل لك شوال كامل من الدقيق .. ويمكن وزن هالشوال يساوي وزن الاسطوانه واكثر
ويشيلها بشكل يومي .. ولاتلقى فيه التذمر

ماودي اقول غير انو احنا شعب سعودي نحب الكسل .. ومانحب انو نعتمد على انفسنا حتى لو في اتفه الحاجات

حتى لو خرب موجة الدش الا ركضنا ورحنا لبو هنوده عشان نصلحه لنا
وبعدين انا من رايي انو لازم تتعود على شيل الاسطوانات يمكن يصير عندك عضلات مثل هالمصارعين

وش هالرومنسيات

انت تتغزل ببنت ولا صرافه

باسكن روبنز · #9 17/04/2009, 12:00 PM

جمعة مباركة

العالم تطوروا الا انتم

الحل بسيط ركب اسانسير او سلم كهربائي

اما رومانسياتك كذا

امزح يالشين لا تصدق

الدنيا بلوووو · #10 19/04/2009, 02:14 AM

اي والله يا الصخرة تصدق عاد انا اللي ما خليني ما افكر اتزوج هو دبة الغاز

لانه اذا تزوحت لازم اسكن شقه
واذا سكنت في شقة لازم اغيرها كل فترة
دبة الغاز وكذلك عبوة الماء لا للزواج مالم يحدث تتغير في البنية التحتية لكل مدينه في المملكة

لا يهمك ما ذكر فوق عدم وجود البنية التحتية للغاز والمياه هي دعم المواطن في برنامج حماية المواطن من داء السكري وكذلك السمنة لانه في الحركة حرب هولاء
النوعين من الامراض الخطيرة في هذا العصر

ما عندك نية تصدق كل ما ذكر صح ولا حتى انا

اما على طاري ايكيا تراء ايكيا
مو بعيد عن موضوعك الاساسي دبة الغاز
لانه تتعب وتختار غرفه نوم من الالف الى الاياء
وتصمم احلامك على هاذي الغرفة
وعند حجز القطع اللى اخترتها تتوقع انك ولد نعمة ايش المحل الخطير اللي يحجز لك غرفه نوم عصرية تكتشف انك
( زي الاهبل ) وانت في الطريق الى الكاشير
يستوقفك منظر رائع للمستودعات
وعند طلبلك من خدمة العملاء غرفتك اللتى اخذت
احلامك الولادة بها قبل النوم فيها

يطلب منك انك انت من يخرج كل قطعه اخترتها
تحس انك امين مستودع ونظرا انه انا عندي مناعه من هذا الشي ووظيفتي في مستودعات ما عندي خلاف بس الكثير والكثير شاهدتهم يتركون كل ما حجزوه
ويكتفون با اوامر الحجز في اقرب سلة مهملات
( وعن قولة ما شرو شي ) يدفع
قيمة كم كوب و كم شمعه كذا من باب الحياء .

ابو طـــــلال · #11 19/04/2009, 06:07 AM

إقتباس

الرسالة الأصلية كتبت بواسطة الدنيا بلوووو


	اي والله يا الصخرة تصدق عاد انا اللي ما خليني ما افكر اتزوج هو دبة الغاز لانه اذا تزوحت لازم اسكن شقه واذا سكنت في شقة لازم اغيرها كل فترة دبة الغاز وكذلك عبوة الماء لا للزواج مالم يحدث تتغير في البنية التحتية لكل مدينه في المملكة لا يهمك ما ذكر فوق عدم وجود البنية التحتية للغاز والمياه هي دعم المواطن في برنامج حماية المواطن من داء السكري وكذلك السمنة لانه في الحركة حرب هولاء النوعين من الامراض الخطيرة في هذا العصر ما عندك نية تصدق كل ما ذكر صح ولا حتى انا اما على طاري ايكيا تراء ايكيا مو بعيد عن موضوعك الاساسي دبة الغاز لانه تتعب وتختار غرفه نوم من الالف الى الاياء وتصمم احلامك على هاذي الغرفة وعند حجز القطع اللى اخترتها تتوقع انك ولد نعمة ايش المحل الخطير اللي يحجز لك غرفه نوم عصرية تكتشف انك ( زي الاهبل ) وانت في الطريق الى الكاشير يستوقفك منظر رائع للمستودعات وعند طلبلك من خدمة العملاء غرفتك اللتى اخذت احلامك الولادة بها قبل النوم فيها يطلب منك انك انت من يخرج كل قطعه اخترتها تحس انك امين مستودع ونظرا انه انا عندي مناعه من هذا الشي ووظيفتي في مستودعات ما عندي خلاف بس الكثير والكثير شاهدتهم يتركون كل ما حجزوه ويكتفون با اوامر الحجز في اقرب سلة مهملات ( وعن قولة ما شرو شي ) يدفع قيمة كم كوب و كم شمعه كذا من باب الحياء .

ليه عبد العزيز .. بالعكس >>> ركب ( أسانسير ) على قولة باسكن روبنز

.. وتنحل القضية .. بس ترى الأسانسير هو ( المصعد الكهربائي ) أللى نسمية حنا عصنصير

تخبر الصخرة يحسب الأسانسير علاج كحة

بعدين ... لحظه خلني اتقمص الشخصية صح ..

لحظه : يااااااااي سووفااااج .!! وش دبة غااااز !!!؟؟؟؟؟ إسمها أنبوبة غاز

فشلتنا يالصخرة بين العربان ... وباسكن تقولك حط أسانسير .. الله المستعان لو نحط أصانصيرات ببيوتنا كان مايطلعون عالينا منها .. ماغير طالعين نازلين ..

أعتذر للعوده الثانية .. بس أسانسير حبيت أترجمها لااحد يحسبها مسبة وإلا تلعين

عــــ الأزرق ــاشق · #12 16/04/2009, 08:12 PM

يوووووووووووووووه الله يهديك والله الأسطوانة مخلصة لها كم يوم وذكرتني أغيرها
الله من القهر

abo.a7mad · #13 16/04/2009, 08:24 PM

أقول أنا ناسي شي اسمه أسطوانة غاز من كم سنة

ياشينك ياخي ذكرتني اياها

قسم بالله معاناة أول , كل ما قضا الغاز تعال أسمع الصرقعة في المطبخ لا جو

يغيرون اللي قضا ويركبون المليان

وبعدين اذا خذوا آخر واحد يله تعال حمل الإسطوانات في الدقس

بس الحمدلله تركنا ذا الشغلات القديمة وجبنا لنا خزان غاز والشركة هم اللي يجون يعبونه

بس ياخي كل شي يهون الا شيلة الغاز تقطع القلب , والا كان تدحرجة على البلاط

بس بتسمع صوت الرعد يدوي في أرجاء البيت

أقول شكلي فليتها واجد الظاهر

وهـ بس يازين رومنسياتك <<

شكرا صخرتي

كلنا هلاليين · #14 16/04/2009, 08:34 PM

انا الحمداللة ما شلت اسطوانة غاز الا مرتين بحياتي كلها ...

بس الرمنسيات

... ( تسمع برمنسية

)

Fahad Al Sudais · #15 17/04/2009, 12:45 PM

إقتباس

الرسالة الأصلية كتبت بواسطة كلنا هلاليين


	انا الحمداللة ما شلت اسطوانة غاز الا مرتين بحياتي كلها ... بس الرمنسيات ... ( تسمع برمنسية )

بعذرك مبسوط

اجل ما عجبتك الـ( رمنسيات )

دوك -->