شيء خطير جداً بخصوص التجديد مع البرنس الليبي طارق التائب - نادي الهلال السعودي - شبكة الزعيم

محب ياااسر القحطاني · #1 16/04/2009, 05:12 PM

بسم الله الرحمن الرحيم

آآآه ياطارق ....
اتمنى أني أشووفه ضمن الكتيبه الزرقاء الموسم القادم ....

كلام كثير سمعناه ... وقريناه ...
اللي يقوول نبي نجدد واللي يعارض ....

صرااااحه الهلال بحاااااجه لطارق التائب ....

وأنا لي وجهة نظر في هذا الموضوع ...
وقد يتفق معي الكثير من الجمهور الهلالي ...

طبعا نسمع دائم .. ومن خلال أعذار من يطالبون بالإستغناء عن طارق
أن طارق لايظهر في مباريات الحسم ....

بالرغم من أن طارق هو من حسم لنا الكثييييييييير من المباريات ...
طيب ...
أنا أبي طارق يحسم لي المباريات السهله ...
واللي من خلالها نوصل لمباريات الحسم ...

وفي مباريات الحسم ... كثر خيره حتى لو ماحسمها لي ... فيه غييره 10 لاعبين .. ليه مو هم اللي يحسموون المباراه ...

اللي أبي أقوووله ...
وجود طااارق في الفريق ... مهم جداً ... حتى يساهم مع زملائه في وصولنا للمباريات الحاسمه للبطولات ...
خلوا المباريات السهله اللي تبي توصلنا للمباريات الحاسمه ... لطارق...
لو طارق ماحسم لنا المباريات السهله على قولتهم ... هل كنا سنصل لمباراة الإتحاد الأخيره ولنا حظوظ في الدرع .. !!!!!!
ولنا في مباريات كثير مثاال لقدرة طارق الرهيبه على حسمها من كره او كرتين ..
مثل مباراة الإتفاق في الدمام الدور الأول ..
ومبارة الهلال والشباب في الدور الأول ..
كذلك مباراة الهلال والحزم ... الدور الاول ... وغيرها كثييييييييييير

هذي هي الفائده من اللاعب الكبير ...
يعني شف كم مباراه حسمها لي .. وتعرف وشلووون هو مفيد ولا لا ...
مو ذنب طارق إذا ماظهر في مباريات الحسم ... لأن الفرق الآخرى هي كذلك تعمل ..
وتضع أغلب خطهها على طارق ...
يعني قفلوا على طارق .. تفوزون ....

أتمنى من كل قلبي الأ يغادرنا طارق الإ بعد إعتزاله ....

أناشد إدارة الهلال بالتجديد مع طارق .... وعدم الإعتماد على لاعب من الممكن الإستفاده منه ويمكن لا .. ( نيفيز )
عندي لاعب ومجرب ومضمون ... ليه أغامر بالإستغناء عنه
من أجل لاعب يبي لي وقت أجربه .. يمكن ينجح ويمكن لا ...

كلمه أخييييييييييييييييييييييره ...

طـــــــــارق التائب .... سبيقى معشوووق الجماهير الهلاليه للأبد ...

تحياتي لكم

عوفي الزعيم · #2 16/04/2009, 06:50 PM

التايب مهم مهم مهم للفريق
افضل من جميع المحترفين في الوري السعودي فلا تفرطون في التايب تندمون تندمون تندمون
الا التااااااااااااااااااااااايب الاالتاااااااااااااااااااااااايب

قلب الزعيم النابض9 · #3 16/04/2009, 07:13 PM

اقول تدري ان عندنا مباراه بكره بشوفك بكره بالملعب

111اسير الصمت111 · #4 16/04/2009, 07:14 PM

التايب لاعب فنان ولو خسره الهلال سيكون خسارة بمثابة خسارة كوزمين

أحمد الهلالي @ · #5 16/04/2009, 07:15 PM

بقاء التايب أو مصلحة الزعيم.......؟؟

الله يعطيك العافيه ومشكور.....

@P-ALZAEEM-d@ · #6 16/04/2009, 07:17 PM

إذا تبي تتكلم بالمنطق فطارق هالموسم ما قدم شيء
ثلاث ارباع الموسم مصاب وياكثر اصاباته
وكورة أغلبها مقطوعه

وانت فكر الهلال وش ناقصه؟؟؟
ناقصه مهاجم او وسط مهاجم وكذلك ظهير ايمن

نطير سيول وطارق
ومحلهم نيفيز ونجيب ظهير ايمن آسيوي
وانتهى الموضوع

ماجد التايب · #7 16/04/2009, 07:20 PM

ياجماعه لو فرضنا انه جاء نيفيز ورحل طارق مين اللي راح يصنع للمهاجمين ؟

بن جبله المطيري · #8 16/04/2009, 07:39 PM

إقتباس

الرسالة الأصلية كتبت بواسطة ماجد التايب


	ياجماعه لو فرضنا انه جاء نيفيز ورحل طارق مين اللي راح يصنع للمهاجمين ؟

الشلهـــــــــــوب +الفريدي+ويلي

ولكن الله يوفق الزعيم بكره هذا الاهم

hilal_305 · #9 16/04/2009, 07:54 PM

والله حرام طارق يروح ويجي نفيز مصيبه نفرط طارق لعيون نفيز

أبو هلول · #10 16/04/2009, 08:40 PM

إقتباس

الرسالة الأصلية كتبت بواسطة ماجد التايب


	ياجماعه لو فرضنا انه جاء نيفيز ورحل طارق مين اللي راح يصنع للمهاجمين ؟

نيفز وولي والفريدي وعندك رادوي يصنع كمان وبنلعب بمهاجمين

إبراهيم الهزاع · #11 16/04/2009, 07:20 PM

طارق مهم جداُ واذا فرط فيه الهلال بتصير مشكله كبيره .. صح في ويلي وفيه تيفيز بس طارق يقوم بادور مستحيل احد ذولا يسويها ..

Hilal4Life · #12 16/04/2009, 07:25 PM

حبيبي في مباريات الحسم لازم ماراح يظهر لانه اقل شي راح تلقى لاعبين ماسكينه عشان مايسوي شي
واللي يقول ياسر مايحسم نسيو الموسم اللي فات قدام الاهلي يوم كنا محشورين من جاب هدف من لاهدف ماشاءالله
وبها تواصل املنا بالدوري وهزمنا الاتحاد فجدة ولولا الله ثم طارق وياسر في هذه المباراة لكنا ماوصلنا للاخير
اخيرا
نسيو كاس ولي العهد العام لمى سجل هدف وجبنا الكاس والله في ناس مدري كيف تهرج بعدين ظروف طارق صعبه
الموسم ذا ليش مانستحمله شوي والوسيط ممكن يحل مشكلته اللي اتكلم بالجريدة اليوم

هنوفي الهلاليه · #13 16/04/2009, 07:46 PM

مشكور اخـوي

ويعطيك العافيه على هذا الموضوع الرائع

الف شكر لكـ .. والله لايحرمنا منك

وللأمآم يآرب .ْ~ْ.

أبـــو خلود · #14 16/04/2009, 07:48 PM

نبي الرررررررررررررررررد في الملعب يا ابو ناااادين بكرا

alaneid · #15 16/04/2009, 07:50 PM

بقاء التايب أو مصلحة الزعيم.......؟؟

الله يعطيك العافيه ومشكور.....