ياحبك لاستاد الملك ... يا سعــــــــــــــــود !!! - نادي الهلال السعودي - شبكة الزعيم

سعـــــــــود · #1 16/04/2009, 11:40 AM

السلام عليكم ورحمة الله وبركاته ..

صباح/ مساء الخير على الجميع

ياحبك لاستاد الملك ... يا سعــــــــــــــــود !!!

لي صديق عزيز واكثر من عزيز " اخو " كل يوم اشوفه او على الاقل اتصال ... لكن هالمره طول ما اتصل ولا انا ماتصلت .. قلت اكيد انه زعلان عقب مباراة الهلال الاخيرة ... وما يبي يكلم احد كالعادة ... وانا طنشت بعد ..

امس مادريت الا وجوالي يدق رن رن رن ... واطلع الجوال الا وهو رقمه ... رديت !!!

الو الو الو ....... الو الو.. الو الو... ما احد يتكلم

الو الو الو يالله عساه خير ... رد وقال ....

ياحبك لاستاد الملك ... يا سعــــــــــــــــود !!!

اكيد انك حاضر مباراة الدوري الاخيرة واكيد انك بتحضر المباراة الجاية مع الجار ياحبك لاستاد الملك ... يا سعــــــــــــــــود !!! ...

ضحكت وقلت له اكيد .. الله لا يعوق بشر ..

قال ياخي ما تمل انت ...
رديت الحمد لله ان جمهور الهلال موب مثلك والا كان مدرجات الملاعب في كل السعودية تصفر ولا فيها احد ..
قال طيب ما تخاف ...
قلت وش منه ...
قال ما تخاف من الخسارة ...
قلت ياخي الكورة فوز وخساره ... وبعدين احمد ربي وربك اللي خلاك تشجع الهلال يعني باذن الله مانتب طالع من الملعب الامبسوط الا ما ندر ...

ومن بعدها وانا انفلت عليه ...

ياخوي هذا الهـــــــــــــــــــــــــلال ...
عشان مباراة والا بطولة راحت ... يعني خلاص .. جعل هالدوري من فدايا الزعيم وخير ياطير اللي يسمعك يقول ما عندنا الاخمس بطولالت دوري ..

ياخوي هذا الهـــــــــــــــــــــــــلال ...
من شهر بس وحنا بالملعب شاركنا فرقة الرعب الهلالية افراحها باستاد الملك بطولة كاس ولي العهد " اسعد الله راس المفرج " وحنا طالعين فرحانين ومبسوطين .. ونغني ومن قدنا ...محال محال ... مافيه زعيم غير الهلال

ياخوي هذا الهـــــــــــــــــــــــــلال ...
وتلومني باستاد الملك ... شكلك نسيت البطولات والامجاد على هالمعلب ... نسيت البطولات العربية كلها نسيت الكؤووس الاسيويه ... نسيت بطولات الدوري وكؤوس ولي العهد .. والا كاس المؤسس اللي يبيله مية سنه " لعيال عيالنا .. الهلالين طبعاً ...

ياخوي هذا الهـــــــــــــــــــــــــلال ...
انت ماشفت ... ادراة عبدالرحمن بن مساعد هالسنه وش سوت ... ماشفت هالمحترفين الاجانب اللي بالملاليين.. والا المدربين اللي تعجز الفرق عندنا تجيبهم .. لا والا التطوير اللي بالنادي والمنشات ... والا صدق ما تشوف ادارة الكورة من عليها .. عليها ســـــــــــــــــــامي .. تعرف سامي .
كل هذا عشان مين !!!!

ياخوي هذا الهـــــــــــــــــــــــــلال ...
والا ما شفت لمة اعضاء الشرف عقب المباراة الاخيرة .. مازعلوا مثلك .. ماشفت اللاعبين في التمرين الاخير ... ماشفت الدعيع .. ماشفت ياسر ... .... ...

ياخوي هذا الهـــــــــــــــــــــــــلال ...
والله ياجمهور وعشاق الهلال اللي برا الرياض حاسدينا " غابطينا ازين " ويتمنون يحضرون مباراة للهلال ... انت شكلك ما تابعت الدوري ولاشفت الحضور في كل السعوديه للهــــــــــــــــلال وشلون كان ..

ياخوي هذا الهـــــــــــــــــــــــــلال ...
ايه بحضر وبحضر ... باذن الله ماعلي منك ولامن تفكيرك بحضر لو يلعب الهلال مع اي فريق ... عاد وشلون والجمعه المباراة مع الجار ... وعيون اللعيبة تقول عشانا احضرو .. لا تخلونا انتم وحنا الهـــــــــــلال

ياخوي هذا الهـــــــــــــــــــــــــلال ...
امانه وباذن الله لو فزنا ... امانة ما تتحسف وانت جالس بالبيت وتقول ياليتني مع هالجمهور ... وخصوصا مع صرخة الهدف الجماعية .. الله يعيدها علينا بالفوز ..

ياخوي هذا الهـــــــــــــــــــــــــلال ...
مليون الف مره قايلك لا تناقشني بسالفة الملعب لا والاستاد بعد ...
واذا انت متصل عشان تقولي لا تروح ياخوي ....!!!!!.. ومع السلامه
مليون الف مره قايلك وانا رايح للاستاد احس اني طالع من الصاله رايح للمجلس ... يعني الملعب اذا الهلال يلعب عندي مثل البيت .... مايفرق " الا تفتيش العسكر "

ياخوي هذا الهـــــــــــــــــــــــــلال ...
امانه منظر اروع جمهور ارقى جمهور بالملعب ما يجذبك وتقول ليتني بوسطهم ...
ياخي جمهور الهلال والله العظـــــــــــــــيم غير ... جمهور ذواق جمهور متابع جمهور ياخي بالعربي يفهـــــــــــم كوووووووووره .

قال خلاص خلاص خلاص ...

لا خلني اعلمك .. بعد

ياخوي هذا الهـــــــــــــــــــــــــلال ...
ياخوي لا تصير سلبي ما تبي تروح لا تاثر على غيرك .. انت خواف ياكثر الهلالين الشجعان ... والهلاليين اللي يعرفون طعم الفوز... والهلاليين الواثقين بالله ثم بانفسهم .. جمهور.. لعيبه... ادارة .

ياخوي هذا الهـــــــــــــــــــــــــلال ...
متى بيفتحووون بيع التذاكر وين نقاط البيع فهمت والا اعيد عليك " مادام الهلال يلعب في مكان انا فيه اعرف اني بالملعب ... حتى لو اشتركت في قناة الزعيم فاعرف انه دعم ومتابعة المباريات اللي بعيده عن الرياض " ...

قال خلاص خلاص خلاص ...

عاد هالمره هو اللي قال ....

ياخوي امانة اللي يشتري تذكرة لا ينسى خويه ... ونتغدى بكره الجمعه سوى ... ونصلي العصر ... ونتمشى للمعلب ... وباذن المولى عز وجل فايزين ..

والفال لنا بذن الله بالكاس والاسيويه ...

انا داري ان العنوان الواحد ما يدري وش يبي بس هذه سويلفة صغيرة صارت معي وبما انه تتعلق في الهلال وعشاق الهلال حبيت اشاركم فيها ...

وترى ما كتبت الموضوع دعوه عشان الحضور كتبت الموضوع وانا مافي بالي الا ان الهلال ولله الحمد هو الفريق المتكامل ....
ادارة محترفه ... ادارة مالية هالسنة غير ...
منشات ... كثير اندية تتمناها ...
لاعبين ثقال ...
مدرب خبير ...
جمهور فاهم كوورة ومثقف ... والدليل المباراة الاخيرة الكل جالس لين صافرة النهاية ... والا لو بعض الناس من الهدف الاول ماشيين اللهم لا شماته ..

تحياتي للجميع وخصوصا المصدومين بعد الدوري بقولهم ...

هـــــــذا الهــــــــــــــــــــــــــــــــلال ... ياما وياما فرحنـــــــــــــــــــــا

بن جبله المطيري · #2 17/04/2009, 02:03 AM

نعــــــــــــــــم هذا الهلالالالالالالالالالال وهذي هي جماهيـــــــــــــــــره الوفيه

وياهلالالالالالالالالالالال عــــــــــــــــــــزك عزنــــــــــــــا

بالتوفيـــــــــــــــــق للزعيــــــــــــــــم في مبــــــــــاراة تكسيـــــــــــــر العظـــــــــــــــم
وشكـــــــــــــرآ على الموضـــــــــــــــوع الرائــــــــــــــــع يازعيــــــــــــــــــــــم

و د مت بود

قلب الزعيم النابض9 · #3 17/04/2009, 02:18 AM

هـــــــذا الهــــــــــــــــــــــــــــــــلال ... ياما وياما فرحنـــــــــــــــــــــا

سعـــــــــود · #4 17/04/2009, 02:58 AM

إقتباس

الرسالة الأصلية كتبت بواسطة قلب الزعيم النابض20


	هـــــــذا الهــــــــــــــــــــــــــــــــلال ... ياما وياما فرحنـــــــــــــــــــــا

يا ما وياما........ احيي فيك روحك اخوي وشكرا لمرورك

سعـــــــــود · #5 17/04/2009, 02:56 AM

إقتباس

الرسالة الأصلية كتبت بواسطة بن جبله


	نعــــــــــــــــم هذا الهلالالالالالالالالالال وهذي هي جماهيـــــــــــــــــره الوفيه وياهلالالالالالالالالالالال عــــــــــــــــــــزك عزنــــــــــــــا بالتوفيـــــــــــــــــق للزعيــــــــــــــــم في مبــــــــــاراة تكسيـــــــــــــر العظـــــــــــــــم وشكـــــــــــــرآ على الموضـــــــــــــــوع الرائــــــــــــــــع يازعيــــــــــــــــــــــم و د مت بود

اشكر لك مرورك ونعم هذا الهلال .......

wem11 · #6 17/04/2009, 03:03 AM

ماقدر اقول الا يازين موضوعك ولا تحرمنا منك

تكفى احجزلي مقعد اخاف اجي والقى المقعد ماخووووووذ وان شششاء الله الملعب ممتلئئئئئئ

همتكم موعدنا غدا كن بالموووعد

مشكور

سعـــــــــود · #7 17/04/2009, 03:12 AM

إقتباس

الرسالة الأصلية كتبت بواسطة wem11


	ماقدر اقول الا يازين موضوعك ولا تحرمنا منك تكفى احجزلي مقعد اخاف اجي والقى المقعد ماخووووووذ وان شششاء الله الملعب ممتلئئئئئئ همتكم موعدنا غدا كن بالموووعد مشكور

ابشر بعزك دامك هلالي ... مكانك وحجزناه ما ادري ليه احس اني اعرفك .. او يمكن الزعامة تجمعنا

وسم الزعيم · #8 17/04/2009, 03:36 AM

ومازال للمجد بقية ياجمهور الزعيم فكونوا على الموعدياأبطال

على قولة اخوي (قلم ازرق)والله قهر ماخذينا بطولة من شهرين

شكرا اخوي على موضوعك...

سعـــــــــود · #9 17/04/2009, 05:16 AM

نعم كونوا على الموعد البطولات بتجي باذن الله

عزووز الهنا · #10 17/04/2009, 06:13 AM

شنب والله انت وخو يــك والوعد الدره يالملك

عبــــادي الز عيــم · #11 17/04/2009, 07:10 AM

مدري ليش احس جمهور الهلال مو حاظر للمباره

وودي يخيب احسااسي ويعبي الملعب

MrBlue · #12 17/04/2009, 12:09 PM

الموج الازرق جاكم الموج الازرق

قاهر زمانة · #13 17/04/2009, 02:14 PM

الموج الازرق جاكم الموج الازرق

ميشوووو20 · #14 17/04/2009, 02:30 PM

نعــــــــــــــــم هذا الهلالالالالالالالالالال وهذي هي جماهيـــــــــــــــــره الوفيه

وياهلالالالالالالالالالالال عــــــــــــــــــــزك عزنــــــــــــــا

بالتوفيـــــــــــــــــق للزعيــــــــــــــــم في مبــــــــــاراة تكسيـــــــــــــر العظـــــــــــــــم
وشكـــــــــــــرآ على الموضـــــــــــــــوع الرائــــــــــــــــع يازعيــــــــــــــــــــــم

و د مت بود

كريزي هلالي · #15 17/04/2009, 03:52 PM

الموج الازرق جاكم الموج الازرق