سلام عليكم
أخباركم عساكم طيبين
من زمان ماكتبت موضوع هنا
بس حبيت انكم تواسووني <-

.
.

انا انسان مملوح و وسيم و ابيض وشعري ناعم

لدرجة اني مره وقفت عند تفتيش
العسكري جلس يطالع فيني ساعه
انا قلت الحين بيمشيني لأني حلو
مادريت الا يوم قال انتي سعودي والا يمني
بغيت اقول تبا لك
قلت لا سعودي يبو قال عطني الرخصه وعطيته وشافني ومشيت

----

امس رحت لمطعم وكنت احتريه يفتح وجنبي هندي
الهندي راعي سوالف
مر سعودي من عندنا قال مافتح المطعم قلت له لا وراح
وسألني الهندي
انتا يامني والا سؤودي <- بلهجة الهنود
قلت له خخخ لا سعودي
قال : والله
قلت والله
من نظرات عيونه عرفت انه ماصدق بغيت احب راسه اقول تكفىا صدقني تراني سعودي

حتى طلعت بطاقتي قلت شوف شوف انا سعودي
قال هذا عادي حتىا اليميني يطلع
بغيت اطسه الهندي ذا

--------

ترا ما ذكر اعلاه من وسامه وبياض وشعر ناعم تسذب

قولي وش اسوي اذا سألني واحد ثالث

هل اسفهه ام اطسه ام انتحر

الانتحار الاقرب

اما عاد تنتحر انا اقترح لك تروح لاقرب نهاري جنبكم وتعطيه هويتك الوطنيه يطبعها لك 12 ×12 وتمسكها وتسوي مظاهرات لين

ينشرونها في الاخبار ويدرون العالم انك سعودي وش رايك في رايي

وش فيها إن كنت يمني ..

أنا أعرف واحد يمني كل ما شافه واحد قال أنت سعودي ويموت قهر ..

كلنا دول عربية واحدة ونفتخر بالإنتماء لها ..

وخاصة دول الخليج مع اليمن ..

أعتقد أن ما يفرقنا هو المسميات فقط .. وقليل من اللهجات ..

وإلا جميعنا نفتخر ونتفاخر بتواجدنا في الجزيرة العربية ..

شكراً لك ..

عادي خلي روحك رياضية

أنا أحيانا يجوني طليان يقولون لي ميريكو ايتاليانو و اقولهم سي بالأول و يصدقون و يخثرقون على راسي

ثم اقولهم نو و يجلدوني

خل روحك رياضية

طيب الحين انت يماني ولا سعودي
امزح الله يوفقك ويدخلك الجنه قل امين