سلام علاكم

بالخير للزعماء


قدر الله و ضاع الدوري :cry:


و لكن ان شاء الله نحتفل بكأس الملك s13s


و بصراحه
الهلال عجيب غريب من بداية الموسم
فريق تتلاعب به الأقدار لكى نتصبر نحن الجماهير بتلك الأحداث
و لكن الحقيقة ان الهلال غاب كثير في مباريات الموسم و حضر قليلاُ ,,


لعل الحافز الوحيد للاعبي الهلال هى روح ابن مساعد و دعمه و تواجده و فن الاراده و الإداره لأبو فيصل فكانت الجماهير تردد انت بطولتنا و هى الحقيقة الوحيدة التى خرجنا بها هذا الموسم.


الجمعة في الدرة يا زعماء

احد المشجعين للنادي الجار اتصل على و خذينا و عطينا في الكلام و شطحنا شويتين عن مبارة الجمعة

قال بالحرف:
لا مقارنة بين الفريقين و لكن بإستطاعت النصر ان يكسب الهلال
قلت: كيف؟
قال:
الهلال ما يسجل الا هدف او هدفين في المباريات المفتوحة و امام فرق اقل منه بكثير و نادر صناعة الهجمات في مبارياته...
و لو لعب النصر بنفس تكتيك مباراة النهائي مع الشباب و بنفس النهج الدفاعي صعب على الهلال التسجيل او الفوز و حينها ننتظر هجمه يتوفق فيها احد اللاعبين و يكون هدف التأهل.

أنا اعطيته جوه و لما خلص قلت فيه مباراة اياب يا هيه!

قال :
ما ابي من النصر الا يقفل على الهلال مثل ما سواء بالنهائي مع الشباب و يلعب بعشرة لاعبين دفاع في منطقة النصر و صدقني الهلال لا يملك حلول في مثل هذى المواقف

ما فيه احد يسدد و عطني هدف للهلال بتسديده من خارج المنطقة ؟
ما فيه احد يجيد تنفيذ الفاولات القريبة من مرمي النصر؟
ما فيه اسثمار للكرات العرضية في نادي الهلال الا ما ندر و بإستطاعت لاعبي النصر اقفال المنطقة و حينها اين المفر؟

في الأخير قلت له الموعد الجمعة و اترك عنك الهدره تراك تتكلم عن زعيم بطولات مو عن النصر او ضمك و الا الخليج :d

عاد تنرفز شويتين و انتهت المكالمة بسلام

طبعاً تبون الجد كلامه فيه نسبة من المنطقية و ثقتنا في الهلال كبيره و الأكيد كلنا يعلم نصراوي او هلالي ان الزعيم بيتسيد معظم اوقات المباراة و لكن هل من أهداف؟


حبيت اشوف وجهة النظر بتاع الزعماء في ما ذكره اخونا النصراوي و هو المتوقع ان يقفل النصر و يلعب بطريقة دفاعية بحته.......... ما هى الحلول ؟


المهم نقطة يجب ان يتنبه لها الجميع و هى ان التسجيل في مباراة الجمعة اهم من مباراة الاياب لانها في ملعب النصر و في حال لا سمح الله حصل التعادل في نقاط المباريتين راح يرجعون لطريقة الهدف بهدفين و هنا اهمية مباراة الجمعة للهلال.


####

* ابي اشوف ولى السويدي يوم من الايام في اي مباراة يأخذ الكورة و يتجه لمنتصف الملعب بعيدا عن الجناح و يصنع كورة هدف! بجد لاعب كل اتجاهاته الجناح و بالأخر عرضية يا تجي يا تضيع!

*اعلام النصر كان يبي يحتفلون بفوز الاتحاد و التشمت بس القرعة خذلتهم و يبونها تعدى بسلام و يا شماتتي في الدويش بعد ما نتأهل و يسجل ياسر هدف في النصر .


مو عدنا الجمعة في الدرة يا زعماء