اهداء من شويعر الى شاعر (فال خير)
 

السلام عليكم

قصيده من القلب لصاحب السمو الملكي ريئس النادي

بعض ابياتها من ليلة يعتذر من المشجع وبعضها جديد
توالدت حتى اصبحت كامله

والعذر والسموحه عن القصور


هاردلك ماعليش بدون ضيم= الفرق كلها تبغى تطول

يابو فيصل عسى ربي يديم= عزك ابغاك تسمحلي باقول


عادة اهل الوجاهة من قديم= معهم الكبر يلقاله دخول

وانت حاشاك يالقلب الرحيم=التواضع يصول ابك ويجول

انت وصفك يابو فيصل عديم=حط لك عند خلق الله قبول


تعتذر من مشجع ياحليم=جعل عمرك يابو فيصل يطول

اشهد انك كريم ابن كريم= وانك تقول بالفعل وتطول

منت رذراذ غيم ولا انت ديم=انت غيثاً ليا جاله هطول

تحته الارض جت جنة نعيم=يخضر الروض وتسيل السيول


وفالرياضه بتفكيرٍ سليم=تجذب بعقلك اصحاب العقول

خيرك ولو تبى ترحل مقيم = لو تزول المعالم مايزول

فال خير وطريقك مستقيم=والمصا عب تحط الها حلول

فيه بعض الفرق لعبه عقيم=يقفل الباب ويصف الرجول

ولا ابتسمت ابتسم حظ الزعيم=وجاب في زحمة السيقان قول

وانت شعرك يوّقع فالصميم= كل قافٍ تقوله عقد لول

يكفي ان امسياتك ياعظيم=شعر لكن غير اللي نقول

تفتتحها بقرآن ٍ كريم=وتختتمها بماقال الرسول



سعود الدهيمي...(هلالي صميم وافخر)

افا اخاف القصيده ما اعجبتكم يالربع
ولا رد

لاهنت يالملح كله


حضورك مشرف واشكرك

صح لسانكـ ياكبير وانشاء تكتب لنا قصيده بعد الفوز بكاس الملك