بسم الله الرحمن الرحيم نواف الهلالي يعود من جديد 
في البداية .. لكل من وقف ضد الزعيم في مشواره لهذا الموسم .. ولكل من وضع المكائد لزعيم الاندية السعودية ..
مبروووووك .. مبروووووك .. مبرووووك .. استانسوا ووسعوا صدروركم لأننا عارفين طبعا إنها بشرى سارة لكم لكن أحب أقولك شيء أنت وياه ..
على كل الأشياء اللي سويتوها لعرقلة الهلال وعلى كل الظروف اللي
واجهتنا .. ومع ذلك حنا خسرنا بشررف وبعشرة لاعبين وأحرجنا فريقكم
حتى نهاية المباراة << عشان تعرفون إن فيه فااارق كبيير بين الهلال
وبين باقي الأندية اللي مجمعينها هذي !
وأيضا الهلاليين يبشرونكم : حنا نؤمن بالحكمة اللي تقول ( الضربة التي لا تقتلك .. تزيدك قوة )
فأبشروا بأننا نبي نزيد قوة بإذن الله ونبي نزيد إصرار .. وأول النتائج ستكون كأس الملك وكأس آسيا
وودي أشوف وجيهكم بعد ما ناخذهن 
---------------------------------------
لعيبتنا البارح حاولوا واجتهدوا وبالذات النجم الكبير ( أحمد الفريدي ) .. بصراحه والله فادت معه
الدكه .. يعني كلكم شفتوا المستوى الكبير جدا اللي قدمه فهو نجم المباراة بلا منازع .. ويسمحون
لي لعيبة الوسط في الهلال سعوديين وأجانب : الفريدي إذا صار في الفورمه مثل مباراة أمس فهو الأفضل !!
ويكفي إنك تشوف في عيونه الحماس والرووح الهلالية !
في المقابل اللاعب الكوري مدحناه المباراة اللي راحت لكن قلنا إن الفريق المقابل ضعيف جدا
فـ ماهو مقياس .. وشفناه اليوم كل الرفعات للحارس ولا وحده صح .. أيضا التائب : قلنا إن الإدارة
أخطأت في الإعلان عن صفقة نيفيز .. واللاعب معروف من يومها ما لعب ولا مباراة صح ..
وعلى هذا سؤال : أليس الفريدي والشلهوب أولى بالخانة من التايب وسيول ؟! عطفا على مستوى
سيول ونفسية التايب ؟!
طبعا من ناحية المدرب .. قريت كلام بعض من يسبه ويطالب بإبعاده ! طيب يا جماعة المدرب ما كمل
ولا ثلاث مباريات يعني ما بعد عرف الفريق ولا بعد عرف اللاعبين .. ومع ذلك تغييراته الأول والثاني
تغييرات مدرب شجاااع وحط على شجااع ثلاث وسبعين خط !! لأنه في وقت طرد عزيز وكنا ننتظر
يدخل مكانه لاعب محور يسد خانته قام المدرب وأشرك الفريدي وشفنا الفريدي وش سوى ..
وفي الشوط الثاني والاتحاد كان ضاغط قام وطلع مدافع وأشرك مهاجم فانقلبت المباراة والضغط لنا
ولا أخالفه إلا بالتغيير الأخير لأني تمنيت إنه أشرك الشلهوب عشان نستفيد من رفعاته .. عشان
كذا نقول بصراحه المدرب سوى اللي يقدر عليه !! ولا هو منطق إننا نحط اللوم عليه !!
من ضمن الأخطاء اللي وقعنا فيها : ركزنا على تغطية نور وتركنا الخطير بو شروان يسرح ويمرح !
في الجهة اليسرى .. يعني كل الهدفين من هذي الجهة فـ الزوري ما قدر يجاري سرعة بو شروان
وقدامه الكوري أكثر بطء فما يرجع يساند الزوري فأخذ بو شروان راحته .. عشان كذا أرجع وأقول
إن خانة الوسط الأيسر هذي لـ الشلهووب .. فهو أسرع من سيول للرجوع ومساندة الدفاع
وهو أفضل من سيول في الأوفرات للهجوم !!
العنبر - هزازي << واحد منهم يضرب الكوره براسه بالعافيه والثاني يضربها بدقه وفي إحدى الزوايا
البعيدة على الحارس !! يعني والله كان فيه أمل وكان باقي 4 دقايق يمديك تسوي فيها شيء .. لكن
يشوف المرمى هذا كبره ولا بينه وبينه إلا متر ويضربها بالحارس 
ويقتل الأمل !! ( نور ) << عسى الشمعه تحترق ولا أقل شيء تنفجر ( البويبينه ) 
ما علينا منك أنت وروحك لكن اللي لازم تعرفه : انبرش على كل اللاعبين اللي أنت تبي إلالالالالالالا الدعيع إلالالا الدعيع يا ثور
هذا عليه خطوط حمراء إن كانك ما تدري !! والله لو أنا بهذاك المنصب والله ما أخليك تطب الملعب لا أنت ولا انبراشاتك !!
أمس انبرشت على نواف واليوم على الدعيع وما ندري من القادم ؟! لكن أكيد القادم مذهل نامي : ما زال يخربط والهدف الأول بأسبابه هو والزوري .. لكن يحسب له إنه أنقذ هدف ..
ويلي : من بعد خروج التايب اشتغل وحاول لكن ما فيه توفيق ..
رادوي : ما أدري وش جاه كل المناولات غلط ومقطوعة << غريبة من لاعب كبير مثله ..
ياسر : كنا حاطين الأمل فيك وطرنا من الفرحة يوم شفناك بالتشكيلة لكن للأسف ما قدمت شيء !!
( عزيز ) وما أدراك ما عزيز : الرئيس تكلم ولا أزيد على كلامه هو والأعضاء في المنتدى .. طبعا ما فيه
شك إنه يعتبر سبب الهزيمة رقم واحد !! ومن شاف مجريات المباراة يعرف إنه لولا الحركه هذي والطرد
كان فزنا عليهم .. غصب غليهم !! لكن سوى عزيز اللي سواه !!
طبعا ما فيه شك إن عزيز نجم ولاعب كبير مهما كان عشان كذا حنا نقول إنه يجب معاقبته لكن
ما تاصل لـ مثل ما ذكروا بعض الأعضاء تنسيقه ولا إيقافه ولا مدري إيش !! لأننا بصراحه بحاجة عزيز
وهو إذا عوقب سواء بالحسم من مرتبه أو غيره فهذا إن شاء الله كافي إنه يتعلم ويرجع في المباريات
القادمة يعوض ما سواه في هذي المباراة !!
-----------------------------
أوضح مصدر مسؤول أن بعض جماهير الأندية وخصوصا ( الفقيرة ) منها يفرحون بهزيمة الهلال أكثر من فرحهم
بفوز فريقهم << هذا إن فاز لا والمشكلة يسمونه عالمي !! أي عالمي اللي ما يقدر يفوز على أبها وزود على هذا ما يستحون يناقشون ويتكلمون وهم الغريم التقليدي ( الفيصلي ) صعد وهبط ولا قدروا
يفوزون عليه << والله من وسع الوجه بعد ختاما :
هاردلك .. لكل الجماهير الوفيه ..
هاردلك ( كوزمين ) 
فـ هذي بطولتك وكنت أتمنى إننا نقدمها لك كـ هدية
لكن بإذن الله حنا متفائلين .. والقادم سيكون أجمل بلا شك
قفلة :
مشكلة لا صرت منحوس وفقير .:. والحلم نايم فيه ثم صاحي معاه
هذا نتاج صغير عاند لـه كـبـيـر .:. شف حلومه شف صراخه شف بكاه
أكـيـد بـشـرى ساااارة .. مبروووك !! 
الوضع المتطور
