نادي الهلال السعودي - شبكة الزعيم - الموقع الرسمي - أحداااث تمرين اليوم الثلاثاء الموافق 18/4/1430####

السلام عليكم ورحمة الله وبركاته,,,
كيف الحال..؟..بشروني عنكم...؟
هاردلك الخسارة ومعوضين خير إن شاء الله...وبعدين تعالوا أنتو اللي مسوين زعلانيين ومعصبين<<<مهايطي شكله بينجلد:ap:...الموهم ..ياخي الهلال مفرحك سنوات وتوه مفرحك قبل يمكن شهرين..ليه زعلان..؟كلنا صح نبي الهلال يفوز بس ياخي وش ذا الفريق اللي يحقق كل البطولات../وبعدين بالله لو الهلال أخذ الدرع ..قسم بالله البطولات ما يصير لها طعم ...أحسن شئ إن الفوز يجي بعد خسارة والله تحس بروعة الأنتقام<<<يشوف أفلام واجد:ap:
الموهم ...والله يا شباب اليوم مع إني قريت في الجزيرة اليوم إن التمرين مغلق الا اني قررت أروح النادي وأدور على الأخبار...مع إني أمس رحت النادي لكن كان مطفي ...حتى من زود الوسوسة أمس شفت تمرين ناشئين الهلال للطائرة:bx:...

الموهم ...راح أسرد بشكل مباشر أهم الأحداث من تمرين اليوم ...والله يعين على الكتابة...:
1-بالنسبة للعيبة اللي شاركوا في مباراة الإتحاد...بدأو أول شئ بتمارين الإطالة وتمارين تفكيك العضلات...بعدين أخذوا حوالي خمس لفات على المضمار<<العدد من رأسه:ap:...بعدين راحوا على النادي الصحي.
2-أسامه هوساوي ومحمد الدعيع غابوا عن تمرين اليوم.
3-خالد عزيز وطارق التائب تمرنوا مع الفريق اللي ما لعب في مباراة الإتحاد....
4-بالنسبة للعيبة اللي مالعبوا مباراة الأتحاد قسمهم (مساعد المدرب)الي فريقين (أزرق)و(برتقالي)....وأول تمرين كان تمارين لياقية......
5-بعدين كان فيه تمارين على الكورة ..تدريات لمسة ولمستين وتدريبات لياقية باستخدام الكورة<<<صرفلكم تمرين من رأسه.:ap:
6-بعدين كان فيه تمرين في نص الملعب ..يعتمد على اللعب بلمسة ولمستين وعلى البينيات القصيرة .
7- بعدين كان فيه تمرين على العرضيات وعلى التسديد من برى المنطقة....تبون الصدق والا ابن عمه؟؟:clapping:والله لعيبة الهلال كلهم كانوا فاشلين في التمرين هذا لا من ناحية الأوفرات ولا من ناحية التسديد ما عداااااااااااا واحد وهو بندر العنزي
اللي بصراحة سوى شغل في التمرين هذا وأقووووول انتظروا العنزي في الموسم الجاي إن شاء الله.
8-بعدين كان فيه مناورة على ثلثين الملعب وكان مساعد المدرب يوقفها أكثر من مرررة ...وكمان العنزي ما شاء الله بدع في المناورة.
9-حضر تمرين اليوم الامير:smilie47: عبدالرحمن :smilie47:والامير عبدالله :smilie47:أولاد مساعد:smilie47: الله يخليهم لنا والله إنهم أغلى بطولة.
10- فاتكم قابلت حمادة المصري أبو طبلة وقلتله هاردلك على الهزيمة قال إن شاء الله الجايات أحسن ويم شفته حزين طلعت الجوال وبغيت أشغله أغنية حزينة عشان أبكيه<<<نذل :ap:
....................................................................................................
وهذا يا أغلى بطولة:smilie47::ap:أهم شئ قنصته لكم من تمرين اليوم ...وبالنسبة للصور والله العظيم حاولت حاولت ولكن لا يلام المرء بعد اجتهاده<<شاعرصح:ap:ولكن مع بداية الموسم الجاي إن شاء الله راح يكون للتغطيات شأن آخر.
.................................................................................................... ............ دعواتكم لي بالتوفيق لإن عندي امتحان يوم الاحد<<<بس لا تخافون حاضر المباراة حاضر إن شاء الله.
.................................................................................................... .....................
مع السلامة