|
تقارن مستويات نيفيز بمستوى التايب ؟! :d .. الله يسهل عليه نبي لاعب يسعدنا بصناعته للأهداف .. لاعب يسعدنا بتسجيله للأهداف .. مو لاعب همه يطلع كوبري بأحمد حديد ؟! |
اقول كيف الحال خلاص ابشر نسوي له تمثال على بوابة النادي لاعب منتهي وحنا مصلحتنا فوق كل شي وهو الله يوفقه ويحفظة ان شاءالله |
يامعذبهم ياتايب تسلم يابرنس الوعد مباراة النصر يابرنس عذبهم جندلهم سحبهم يامعذبهم ياتايب |
إقتباس:
|
والله وانا اخوك راحوا قبل رجال امثال الثنيان والنعيمة وسامي واخر شي راح الفتى الذهبي الاعب عنده ايقاف بداية الموسم ومستواه لا اضن انه سوف يقدم اكثر من ماقدم ولن يكون جلوسه على حساب من هو افضل منه هذي وجهه نضري وارجوا ان لا يضايقك رايي وبالتوفيق للطارق ان بقي في الهلال او رحل وبالتوفيق للزعيم |
شكرا طارق التايب على كل ما قدمته للهلال نحبك من القلب لكن مصلحة الهلال أولا |
التايب لاعب كبير ومبدع وفنان وخراااافي (( معجزة كرة القدم)) لاعب قدم للهلال الكثير ومازال قادر على التقديم ولكن الادارة تحاربه وتدلل وتدعم صفقاتها الفاشلة( ويلي+سول) وهذا شي واضح ورائحة المؤامرة ومحاولة تطفيش البرنس فاحت رائحتها!! والكل أصبح يعلم بذلك للأسف.. آآآآه على أيام محمد بن فيصل وكيف كان طارق في ذلك الوقت.. لايهمونك يا برنس أنت كبير وستظل كذلك وبإذن الله ستبقى هلالي للأبد ولاعزاء للحاقدين والمندسين |
المشكلة جمهور الهلال كلهم من الاطفال فاليت تشوفلنا حل فيهم ودمتم |
للحين فيه ناس تفكر مثل صاحب الموضوع ..؟ يا عزيز الرجال شايب خلاص انتهى شي اسمه تايب .. غير كذا عنده ايقاف غير كذا شف مستواه الحين عال على الفريق كل كراته مقطوعه وترجع مرته اتحداك تشوف التايب طول المباراة يرجع يدافع ويقطع كوره |
التائب لا يمكن لمنصف ينكر إمكانياته .. ولا يمكن ننكر ماقدمه ولكن .. الأمور تؤخذ بالعقل ليس بالعاطفة .. والتائب رجل مرحلة .. والهلال مقبل على مرحلة إنتقالية .. ولكل مرحلة رجالها أما بالنسبة لعنوانك .. فهذا يجبرني على طرح سؤال أتمنى أن تجيب عليه: كم عدد الأندية التي لعب لها التائب خلال فترة إحترافه خارج ليبيا منذ 10 سنوات؟ وماهو أكثر نادي مكث فيه كلاعب غير محلي؟ ليتك توافيني بالجواب. |
بما انه لاعب هلالي الان فالمفروض نحبه وندعمه واذا راح لاحد الفرق فالله يعينه علينا ههههههههههه |
وآنشالله طآرق التايب هلالي وأنشالله هلالي ورآح يعتزل بالزعيم تقبل مروري |
أقول تياقو أفضل من طارق لو تقعد تتكلم من اليوم لبكرة واللي متكي قدام هذا مو محتاج شهادتك أفضل لاعب بآسيا لعام 2007 وهداف المنتخب في البطولات الآسيوية وبعدين لعلمك ياسر يلعب لعيون الهلال وهو مصاب مب اللي يلعب مباراة ويتكي ثلاث مصاب لا وله وجه يعترض على تغييره بالنهائي وش سويت علشان يخليك المدرب أساسي بعدين أبي تفسير لتسجيلك وعدد مشاركاتك تاريخ التسجيل: 04/06/2003 الدولة: جده المشاركات: 72 ولاتقعد تقول انا ادخل ومقل بالردود تراها قديمة |
لا تنهى عن خلق وتأتي بمثله تطالبنا بعدم محاربة التايب وفجأه تطب في ياسر ياعزيزي الشي اللي صار لياسر يشيب الراس ولو لاعب تعرض لما تعرض له ياسر كان بطل كوره من زمان انا اتفق معك ان الطريق الدفاعيه تخفي موهبة صانع اللعب واذكر تصريح لاسطورتي المفضله زيزو في كاس العالم الماضيه يوم قالوا له ليه ماتصنع قال مافيه احد في الهجوم الا هنري ومحوط من اربع مدافعين كيف اصنع له .. لكن الفريق تأقلم مع خطة المدرب ووصلت فرنسا الى النهائي وكان نجمها بلا منازع زيزو عزيزي التايب منذ قدومه للهلال كانت الطريقه الدفاعيه هي المسيطره على الهلال ومع هذا كان التايب مشعشع لانضحك على بعض لازم نعترف في هبوط في مستوى التايب الان الواجب علينا نرفع من معنويات طارق حتى نهاية الموسم على خير وبعدها لكل حادث حديث مع العلم ان طارق موقف في بداية الموسم الجديد ويجب ان تتغلب مصلحة الكيان على الاشخاص .. وشكرااااا |
بصراحة أنا ماكنت أتمنى أبد ذهاب التايب بس ألحين أشوف الغرور والتعالى طغى عليه كثير وهو اللي خربه وأنهى مستوياته المميزة وقهرني بعد نهائي ولي العهد , في إحدى المقابلات مع القنوات التلفزيونية سأله المضيع وين مستويات التايب وقاله المذيع أيضاً الهلاليين راح يستغنون عنك ويجيبون تياقو نيفيز ها السؤال لإستفزاز التايب , لكن رد التايب قهرني مووووووت قالــــ ( الهلال اللي محتاجني موب أنا اللي محتاج الهلال ) يعني الكلام بها المعني وأنا سامعه , وكنت أتمنى ما سمعته من التايب اللي عشقناه للجنون وكنت أشوف مستوياته الهابطه بس أقول في نفسي من الاصابات وخبر نيفيز هو اللي خرب عليه شوي بس نصبر عليه وراح يرجع أفضل مما كان , لكن للأسف بعد ها المقابلة طاح من عيني ( الهلال اللعيبة أهم اللي يحتاجون الهلال موب الهلال اللي يحتاجهم الهلال بحول الله قادر يجيب ويظهر لاعبين على قدر عالي جداً جداً بحول الله ) . |
| الوقت المعتمد في المنتدى بتوقيت جرينتش +3.
الوقت الان » 04:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd