السلام عليكم ورحمة الله وبركاته
اسعد الله صباحكم ومسائكم بكل خير ومحبه وزعااامه
قبل أدخل فالموضوع
عندي سؤال محيرني...
ألا وهو
أريد فريق لايهزم...؟
لإني بصراحه أبي أشجعه..وأفتك من عوااار الرأس.. والجائزة بنتلي 
البارح حضرنا أستاد الدره..من الشرقيه
ورجعت فرحان ومنقهر في آن واحد...بتقولون كيف
أقول لكم كيف
فرحان لإني أشوف فريقي
يطرد مدربه..
ويمر عليه 3 مدربين خلال شهر ونص
مساعد مدرب + مدرب لياقه ولايهونون..قاموا باللي عليهم
والمدرب الثالث الحالي..الذي لم يدرب نادينا سوى مبارتين والثالثه مباراة البارح
ولاعبينه أهلكهم ضغط المباريات ومعسكرات المنتخب
ويلعب بلاعب شبه مصاب..اقصد الكابتن ياسر
وإذا قلنا مافيه شيء ومشيناها
أقول كذلك..أفضل محور أرتكاز أتمنى ماأكون بالغت لو قلت في آسيا
طرد في منتصف الشوط الأول وبصراحه طرد مستحق
المهم
بعد ذلك أقول قدم مستوى مشرف وقاتل لإخر دقيقه في المباراه
ليش
الزعــــــــــــــــــ يا هلالي ـــــــــــــــــــــل
لكن زعلني حاجتين...
وليست نتيجه الخساره البارحه
الشيء الأول..
الاعب المجتهد............إلى متى راح نقول مجتهد
والله أني أحبه وأقدره لإن مسلم ويمثل نادي الهلال
لكن أنا جيت من الحساااء لمباراة
1-الهلال والنصر الأخيره
2-الهلال والأهلي الإماراتي قبل 7 ايام
3-الهلال والإتحاد مباراة قبل الأمس
لازم أصيح واقول نااامي أرجع نامي يا نااااااامي وراك أنتبه
ويرقع له ويليهامسون وهوساوي ورادوي وأبو عزيز
يا ناااس أرحمونا اعصابنا
ماعلينا.... الحمدلله رب العالمين ولاحول ولاقوة إلا بالله
الشيء الثاني
جمهور كبير صمت غريب
البارح دخلت الملعب وأنا أعدي مشتاااق أشجع الهلال
لقيت العالم تنكس ولعب وفله قبل المباراه...النمشان قلبها اليوم الوطني
لين جااء العج وركد شياطينه
بدأت المباراه ويسود الصمت الجماهير الهلاليه
وتبدأ جماهير الأتي وتشعلل الملعب...حتى صوته عبر المايك كأنه جالس عندي
من شدة الوضوح وكذلك جماهير الأتي...الله لا يضرهم جماهير مبدعه بصراحه
عاااد أخونا غندر دور صوته ما تلقاه..وإذا سمعته كأنه يتمضمض
وجوجوجووووووج...والله ماندري وش يقول
المهم أنا طبعاً جالس فالواجهه
فجأه من القهر..وبدون سابق أنذار وقفت
صحت من قلبي...قسم بالله لولا الحياااء لأبكي من الحره اللي سكنت صدري
قمت وصحت بعالي الصوووت
ياعالم ياهلاليين...الهلال يلعب في جده..هو يلعب خارج أرضه...........!!!
جمهورنا دبل جمهور الإتحاد فالملعب وصوتهم طغى فالملعب....!!!
يا هييييه تبووون الدرع... يا عااالم ليه ساكتين...حراااااااااااااااااااام عليكم....!!!
قسم بالله خفت أزود عتب ودمعتي تسبقني قدام هالأمه..
كأنهم بدأو يتفاعلون معي وقاموا يشجعون..لكن كلها دقيقتين وسكتوا
وصار مجرد إجتهادات من بعض الجماهير فالشيلات والأهازيج
واللحين دخلت المنتدى
كأن الهلاليين لم تمر عليهم ظروف لو مرت بغيرهم لعصفت بهم في مهب الريح
ياعااااالم أنا حضرت في الملعب...
والله فريقنا بذل بذل..لكن الله كاتب اللي صار واللي راح يصير
قسم بالله حرام عليكم...
مانبي المدرب..طيروا ويلي شوتوا سول روح يالتايب طير يا...الخ
ياهلاليين الإتحاااد بطل ويملك هجوم ضارب..ومنقطع عن البطولات
ومتعطش أكثر مني ومنك ومن غيرنا لبطوله واحده تغفر ذنبه أمام جماهيره
هذا العام أخذنا بطولة ولي العهد...وهم خرجوا من بطولتين أمام أضعف الفرق
بعدين مو عيب أننا نقول الإتحاااد قوي وظروفه تساعده أكثر منا ويستحق الفوز
مع العلم أنه يكتفي بالتعادل
على كل حال
أمامنا بطولة تعتبر الأغلى على قلوبنا كسعوديين وقالها سلطان بن فهد....اليوم
هل سنتكاتف وندعم فريقنا لإخذها وإيداعها في خزنة البطولات الهلاليه
أم سنبكي لإننا خسرنا بطوله لم نتوقع أن ننافس عليها بهذه الروح بعد كل ماحدث
هبوووا شباب الهلال فالجمعه القادمه مقبلات البطوله مع أحترامنا لخصومنا
هل سنشاهد لوحات قلم أزرق هل سنشاهد تواجد جماهيري
الإتحاااد أقوى فريق مع الهلال..وعندما نذوق الخسارة منه فلقد أذقناه مراراً وتكراراً
يعني كل ماينهزم الهلال نطلع بموضوع..وين رووحكم الرياضيه
دليل إن الإتحاد يستاهل صفقت له جماهيرنا يوم فاز..لإنه يستحق الفوز
وهم رجال بادلونا التحيه
عندما أرتدوا الشعارات الهلاليه ..بغض النظر عما فعلوا سابقاً
لاتقولون نور قد سب ومدري وش..نور كذلك أرتداء شعار الهلال ومثله في إعتزال
أسطورة آسيا سامي الجابر
فهم ليسوا مجبورين بإرتدائها أصلاً ولا مجاملتنا
وليس مجبور كبتنهم بربط حذاء الدعيع..
هذي هي كرة القدم..فوز خساره..وتبقى المواقف الأخويه شاهده
وجمهورهم البارح خارج الملعب شافونا هلاليين..وقاموا يأشرون بإيديهم على رؤوسهم يعني أنتم على روسنا
ولن ننسى وقفتهم مع الكاسر الآسر
ولن ننسى ايضاً كيف شجعوا فريقهم كأنهم في جده
نيابة عن كل هلالي محترف فكرياً
بعيداً عن التعصب اللي مايودي ولايجيب.أقول
شكراً جماهير الإتي على روحكم الرياضيه..وأستحقيتم الدرع
وكسبتموه بروحكم الرياضيه قبل آداء فريقكم في أرض الملعب
في النهايه
أقدم إلى سمو الأمير الملكي ..عبدالرحمن بن مساعد .. حفظه الله ورعاه
هذا التصميم البسيط
الصور المستخدمه
التصميم
ختـــــــــــــاماً
أعذروني على الإطاله
وتقبلوا مني فائق الموده وخالص الإحترام
مجنون الكيان الهلالي
أخوكم..
ذيب العتيبي
سؤال محير + جائزه قيمه +قصة مؤثره + تصميم...أتمنى أن يكون توقيع لكم 
الوضع الشجري
