هذي حلاوة الكوره يوم لك ويوم عليك ... والزعيم يبقى زعيم العام لنا والسنه هذي لهم وعزيز جحدنا.. - نادي الهلال السعودي - شبكة الزعيم

محور ارتكاز · #1 13/04/2009, 12:06 PM

السلام عليكم ورحمة الله وبركاته...

هارد لك جمهور الزعيم وخيرها بغيرها والقادم احلى... وابارك لنادي الاتحاد ولجمهوره..

وصدقوني هذي هي حلاوةالكورة يعني يوم لك ويوم عليك ومو معقوله كل البطولات لنا لأن الكل يعمل ويشتغل من بداية الموسم.

نظرتي للمباراة الهلال رغم الطرد كان الافضل في الشوط الثاني وكأنك تشعر بأن الهلال مكتمل سجلنا هدف واضاع العنبر فرصتين امام الباب وغفل الحكم عن ضربة جزاء لولي .. بصراحه اللاعبين قدموا اللي عليهم وماقصروا لكن ماالله اراد لنا الفوز...

رسالتي لعزيز: عزيز انت افضل محور ارتكاز في اسيا تذكر انك اول مابدأت في الهلال ماكنت تعرف حتى الكنترول ولاحتى تباصي صح ومع ذلك وقفنا معك وشدينا من ازرك كجمهور هلالي.. واخرتها تسوي فينا كذا والله حرام عليك وعيب عليك الكوره كانت ميته وماتستاهل انك تسوي كذا واصبح الكل يشك في نزاهتك واخلاصك اتمنى ان تعتذر لكل الهلاليين في المنتدى وان تحلف على القرآن بأنك لم تتآمر علينا عشان نصدقك..

يازعماء مازال للمجد بقيه وبحول الله وقوته راح نواصل المشوار والابداع تذكروا انه قبل موسمين خسرنا بنفس النتجيه ولكن الزعماء سرعان ماعادوا وحافظوا على اللقب في الموسم اللي بعده..

اخر الكلام لاحول ولاقوة الا بالله

وانا لله وانا اليه راجعون..