والله ياخي مدري وش أكتب ومدري وش أقول .. لكن ماخبرتولي مكينة ( خياطة ) قديمة للبيع - نادي الهلال السعودي - شبكة الزعيم

ابو طـــــلال · #1 13/04/2009, 02:40 AM

ياجماعة الخير ... بطولة راحت ! العام ماخذينها !! بطولة راحت وهالسنه تونا ماخذين بطولة !! بطولة راحت وقدامنا ثلاث بطولات !! بطولة راحت وناقصين لاعب من الدقيقة عشرين !! بطولة راحت قدام الإتحاد اللى متصدر طيلة الموسم !! بطولة راحت رغم الظروف الصعبة وإقالة المدرب !! بطولة راحت وعندنا لاعب يلعب وهو يتألم ( ياسر القحطاني ) !! بطولة راحت ومستوى مشرف !! بطولة راحت وحنا ماغير نتبادل الإستحقاقات كل سنه بيننا وبين الإتحاد والشباب !! بطولة راحت نقدر نعوضها ..!! بطولة راحت وباقي الهلال ( زعيم ) بطل .. قوي .. صامد .. تحدى الإعلام .. والقرارات الظالمة .. والحكام .. وكل شي ... من اعلى سلطة رياضيه إلى أصغر حاقد

تبوني أذكر لكم وش المصايب اللى صارت للهلال هالموسم .. قبل فترة كتبت موضوع بأنه كان في السابق يؤرخون السنوات بالأزمات والكوارث والأمراض .. اكيد كلنا نسمع عن سنة ( الغرقة ) وسنة ( الرحمة ) وقلت هالسنة على الهلاليين سنة ( الأزمة ) عد وإغلط من الأزمات .. والتأزمات .. والظروف الصعبة .. لكن بقي الزعيم صامد .. لله درك يازعيم .. من يقف ضد كل هذه المحاولات والتواطيء ضد نجاحك .. وبالنها ية بطولة في الأولى ووصيف في الثانية .. والبطولات قادمة .. والزعيم موجود .. وثابت .. والبقية متحركون !! نعم

بس وسعوا صدوركم ... والقادم أحلى ..

ماخبرتولي مكينة خياطة ( بزئبقها )

هاردلك ياحبايب قلبي ... ويستاهلون والله الإتحاد

اخوكم الصغير ابو طلال

عاشق ســ6ــام · #2 13/04/2009, 02:49 AM

هلا و الله ابو طلآل

يآلب قلبك بس انت

خبرك شي طبيعي لكل فعل ردة فعل

فهذي ردة فعل الجمهور طبيعيه يومين ويرجعون يهيمون بالهلال ويتغنون فيه

الا على طآري المكآين فيه وآحد عآرض مكينه عندي في الايميل بـ 20 ريال

الموهم لا تنسونآ من السعي ^ـ^

ابو طـــــلال · #3 13/04/2009, 02:53 AM

إقتباس

الرسالة الأصلية كتبت بواسطة عاشق ســ6ــام


	هلا و الله ابو طلآل يآلب قلبك بس انت خبرك شي طبيعي لكل فعل ردة فعل فهذي ردة فعل الجمهور طبيعيه يومين ويرجعون يهيمون بالهلال ويتغنون فيه الا على طآري المكآين فيه وآحد عآرض مكينه عندي في الايميل بـ 20 ريال الموهم لا تنسونآ من السعي ^ـ^

هلابك والله .. وهاردلك يابطل ..

المصيبة لو تحفظ هالرد و تجي بعد يومين وتوريه قالك مهوب انا .. يوزري كان مسروق

عيب الواحد يسب لاعب علشان كرت أحمر .. وإلا اللى يسب طارق التايب وهم حاطين صورة الرمزية وياويلك لو تقول فيه شي ...

اللى مايقدر يتحكم بأعصابة لايطرح موضوع الليلة .. يصبر لين بكرا وراح تتغير طريقة طرحة ويخف الحماس والعصبية اللى يكتب فيها !! بس وش نقول ..

المهم بع مكينتك بخمسميه .. ترى الناس إكتشفوا انها إشاعه وهونت عن المشترى ..

هاه راحت بخمسين ؟!

حياك ياعسل

ابورشـ الزلفاوي ـا · #4 13/04/2009, 02:51 AM

ابو طلآل والله انك منت صاحي النـآس محترقه وانت مكينه ما اقول الا ان ماطاعك الزمن طعوووه

ابو طـــــلال · #5 13/04/2009, 02:56 AM

إقتباس

الرسالة الأصلية كتبت بواسطة ابورشـ الزلفاوي ـا


	ابو طلآل والله انك منت صاحي النـآس محترقه وانت مكينه ما اقول الا ان ماطاعك الزمن طعوووه

أجل الصاحي اللى يدخل شان هجمة على كل لاعب هلالي .. وخلاهم مايسوون قرش ؟!!

وسع صدرك .. والازم يكون عندنا ثقافة الفوز والخسارة .. هذي متعة كرة القدم يابعدي ..

مهيب معقولة بعد تبي تحوش على كل البطولات !!

الجايات أحلى يالذيب

صالح بن على · #6 13/04/2009, 02:57 AM

اخوى كلامك صح بس الخوف من الى جاى اقصد بطوله اسيا والا الدورى فدوه لبوفيصل شبيه الريح

9هلالي وحب سامي9 · #7 13/04/2009, 03:19 AM

إقتباس

الرسالة الأصلية كتبت بواسطة صالح بن على


	اخوى كلامك صح بس الخوف من الى جاى اقصد بطوله اسيا والا الدورى فدوه لبوفيصل شبيه الريح

أنا الهلالي والنعم · #8 13/04/2009, 02:53 AM

شكرا لك .. الحمدلله على كل حال .. صدقني كنت أعرف أن الهلال سيكون وصيف الدوري منذ بداية المباراة ..!! و السبب : البطأ+الاستسلام+الإرهاق+ بعض اللاعبين يلعب و هو مصاب ..!!

ابو طـــــلال · #9 13/04/2009, 03:00 AM

إقتباس

الرسالة الأصلية كتبت بواسطة أنا الهلالي والنعم


	شكرا لك .. الحمدلله على كل حال .. صدقني كنت أعرف أن الهلال سيكون وصيف الدوري منذ بداية المباراة ..!! و السبب : البطأ+الاستسلام+الإرهاق+ بعض اللاعبين يلعب و هو مصاب ..!!

انا معك في مناقشة مثل هالمواضيع .. فعلا اخوي مشكلة البطيء ..والإستلام .. والإرهاق .. وتحامل بعض اللاعبين .. مثل ياسر اليوم !! أضف إلى ذاك عدم ت واجد ل اعب يجيد التسديد القوي خارج منطقة ال18 !!؟ وبإذن الله تعالج وتناقش مثل هالأخطاء ونشوف هلالنا أكثر تميز ..

هذي الأمور اللى المفروض نتكلم عنها الحين بعد نهاية الموسم .. مهوب سب لاعب .. وتحميل لا عب ثاني مسؤولية الهزيمة !!!!؟!؟

شكرا أخوي

[..ضياء الفيض..] · #10 13/04/2009, 02:54 AM

شكلي بعطيك ماكينة على راسك ..

الناس تبكي وطفشانة وماهي مداومة بكرا وأنت تقولي ماكينة وماكينة

هذا مرفوض ثم مرفوض ثم مرفوض

ابو طـــــلال · #11 13/04/2009, 03:07 AM

إقتباس

الرسالة الأصلية كتبت بواسطة [..ضياء الفيض..]


	شكلي بعطيك ماكينة على راسك .. الناس تبكي وطفشانة وماهي مداومة بكرا وأنت تقولي ماكينة وماكينة هذا مرفوض ثم مرفوض ثم مرفوض

انا قلت كلامي وطرحت موضوعي من خلال عمل و خطط علمية مدروسة .. وانت عاد بكيفك

بكرا الزعيم يجيب لكم بطولة .. من هالثلاث تخلي خشتك تشقق من الوناسة إن شاء الله ..

ميزة الزعيم مايبطى عن البطولات .. مايمديك تحزن إلا مفاجئك ببطولة وإلا ثنتين ..

al ht · #12 13/04/2009, 09:58 PM

إقتباس

الرسالة الأصلية كتبت بواسطة [..ضياء الفيض..]


	شكلي بعطيك ماكينة على راسك .. الناس تبكي وطفشانة وماهي مداومة بكرا وأنت تقولي ماكينة وماكينة هذا مرفوض ثم مرفوض ثم مرفوض

هههههههههههههههههههههآي... هذا مرفوض ثم مرفوض ثم مرفوض < ههههههههآي الله يستجيب دعائي

عليـــك ياسلطااان .. < تحياتي

مَاهِينُورْ · #13 13/04/2009, 02:54 AM

..

قدر الله وما شاء فعل
يستاهلون اي يستاهلون
لكن البطولة ضيعناها بيد عزيز

والله ما ينساها له الجمهور
..

مكتوووبة للاتحاد

..
سؤال
الصويلح وش سوّى ؟

..
اي الحمد لله موسعين صدورنا من يوم ما شفت ابو مساعد مبتسم

ومانسى جهد لعيبتنا طوول الموسم رغم الظرووف

..
قدر الله وما شاء فعل
مير الحمد لله مافزنا

درع نستلمه من يد سلطان مانبيه

لا وبعد مكسووور

من فرحته بهزيمة الهلال كسره

..
تبي مكينه؟

لو الهلال فايز بنقولك جتك مكينة امي بلاش

..
يعطيك العافية

..

ابو طـــــلال · #14 13/04/2009, 03:13 AM

إقتباس

الرسالة الأصلية كتبت بواسطة مَاهِينُورْ


	.. قدر الله وما شاء فعل يستاهلون اي يستاهلون لكن البطولة ضيعناها بيد عزيز والله ما ينساها له الجمهور .. مكتوووبة للاتحاد .. سؤال الصويلح وش سوّى ؟ .. اي الحمد لله موسعين صدورنا من يوم ما شفت ابو مساعد مبتسم ومانسى جهد لعيبتنا طوول الموسم رغم الظرووف .. قدر الله وما شاء فعل مير الحمد لله مافزنا درع نستلمه من يد سلطان مانبيه لا وبعد مكسووور من فرحته بهزيمة الهلال كسره .. تبي مكينه؟ لو الهلال فايز بقولك جتك مكينة امي بلاش .. يعطيك العافية ..

إقتباس


	مير الحمد لله مافزنا درع نستلمه من يد سلطان مانبيه

اليوم أقولها لأخوي النصراوي بالجوال .. وييييييييييع درع من سلطان !! حنا ماناخذ بطولاتنا إلا من الملك وإلا سلطان .. وإن غلبت الروم .. من سلمان

الصويلح وش بيده المسكين .. !؟ نزل وصفر الحكم ومطالبين بهدفين وناقصين لاعب ؟!!!

المكينة أم زئبق !! من غير زئبق ماابيها !!؟

أتوقع أمك تتنازل عنك ولا تتنازل عن مكينتها !! المكينه عند العجز من الأرض عند الفلاحيين !! أرضك عرضك يابسطاويسي

شكرا لك نور .. وهاردلك

نـــــــ15ــــــمر · #15 13/04/2009, 02:54 AM

الحمد لله على كل حال

والنظره للاسيويه

تشــــــــــاو