|
ياجماعة ياهلاليين ,, خذوا هالنقاط اللي خلتنا نطلع بهالشكل ونخسر الدوري ,, وراح تقولون لي جبتها عالجرح بسم الله الرحمن الرحيم ياجماعة معليش ,, دعونا نترك المثاليات اليوم الذات على جنب الاتحاد أخذ الدوري , واستحقه ,, ولكن بالنسبة للهلال للأمانة ماقدم الا جزء بسيط من اللي مفروض يقدمه , بس تعالوا معي شوي بنشوف كم نقطة وبعدها أنا والله أضمن لكم كل البطولات وماكان صار اللي صار اليوم ولعبنا كأننا منهزمين قبل نخش المباراه ,,, 1- همسة في أذن الامير الشاعر شبيه الريح ,, أنت كبير وتعيش بمجتمع رياضي مافيه شي اسمه مثاليات , مادام راح نعيش على المثاليات والله ماراح نقدر نجاري الوسط الرياضي الغبي اللي نعيش فيه ,, وشفنا نتيجة هذا اليوم ... ــ 2- خالد عزيز وآآآآآه ياخالد عزيز ,, صدق اللي قال ان اللاعب قبل كل شي ينجح بعقليته اللي هي أغلى مايملك , وليست آول مره ,, فقد فعلها يوم راح احد النهائيات بطيارة البلوي وستر الله وقتها وتم عقابه وما تاب ,, فقط أطالب بعقاب رادع وشديد له عشان يعرف قيمة الفنيلة اللي يلبسها والنادي العظيم اللي يلعب له ــ 3- ((الله ماشفناه , بالعقل عرفناه )) الكوري سول , والله لو عنده شي كان طلع ياجماعه, عكس له كم عرضية قدام الاتفاق وقالوا لا خلاص هذا والله لاعب كبير , المصيبة أن الشلهوب في اقل مستوياته وربي أفضل منه ومع ذلك تستمر المهزله وعشانه أجنبي لازم يطقها غصب حتى تروح النقاط ونخسر البطولات , ونقول بالنهاية خلونا نعطيه فرصة ,,, أوكي روحوا عطوه فرصه بعد موسمين قدام ,وأوريكم وجهي لو نجح , وآآآه ياشلهوب بس !! ــ 4- محمد نامي !!!! يعني والله شوي وأبكي يا جماعة ...... أبي أسألكم سؤال وأبي احد يجاوبني ,, الموسم كله جيبوا لي عرضية مثالية على رأس مهاجم عكسها نامي , ألا اذا حنا مانشوف وألا جالسين نتابع دوري ثاني !! ,, اذا تبون تقولون أن نامي في طموحات الهلال فعلى الكرة السلام ,,, ــ 5- الفريدي احتياط !!! ياحبايبي ياهلاليين وشلون هذا احتياط , يعني اللاعب هذا في أي نادي يطقها أساسي .. يعني أقتل الفريدي والشلهوب عشان عيون سول !! وشفتوا بعيونكم كيف حرث الملعب ولعب بروح هي روح الهلال اللي نعرفها واللي كانت يعلب فيها الثنيان والجابر والتيماوي على ايامهم ,, ــ 6- التايب !! النقطة هذي باص عيون لك يالتايب ,, محد يختلف على نجوميته ولكن من طلع خبر التعاقد مع نيفيز وهو مستواه من سئ لاسوء وعرضياته وتمريراته جداً سيئة ,,, يبي من يوديه لميزان العضيب وعسى بعد ــ 7-يعني العالم كله مافيه ظهير يمين ؟؟؟ كلنا نعرف أن 50% من الاهداف في كرة القدم في أي نادي تجي من عرضيات ,, اذا ظهيرنا ما يعرف يعرض كور للمهاج وشلون نتطور ؟؟ ــ 8- فقدناك ياكوزمن , وحسبنا الله وكفى , ألحين نقدر نقول أن التخطيطات لاسقاط الهلال بدت بوادرها بخسارة الدوري .. ــــــــــــــ آسف على الاطاله يازعماء ولن أختم إلا بخير ختام الحمد لله رب العالمين ,, ولا حول ولا قوة إلا بالله طارق الحميد ناقد رياضي |
اهلا وسهلا استاذ طارق مانقدر نقول غلا ماقدر الله وشاء فعل خيرها بغيرها وبطولتنا الأغلى شبيه الريح |
اخواني ... انا جاي وطاق انواع الكيلو مترات من الرياض ... وكل هذا من اجل الزعيم .. والله العضيم اني اصفق للاتحاد مو معقوله الهلال ياخذ كل البطولات ..ولعلها خيره ... لاعبينا قدمو الي عليهم وهو متأخرين بهدف وناقصين لاعب .. صراحه اليوم افتخر اني اشجع الزعيم ... لاتقسون على عزيز ولا نامي .. الاداره هي من تخطط ونحن من نشجع .. هذا نقاط ارجو وضعها في الحسبان .. قدر الله وماشاء فعل خصاره بطوله لااعتقد نهاية الكوره .. فيكفيني الامير عبد الرحمن بن مساعد ويكفيني اعضاء مجلس ادارة الهلال كل الانديه تتمناهم .. لدينا مواكب من النجوم ارجو الاهتمام بهم قليلاً ياسر القحطاني رغم كل الضروف الي تواجهه الا انه اثبت انه يعشق كيان ,,, شكراً للحضور شكراً للجميع .. |
إقتباس:
لان جميع ما صُرف من الادارة كان بأمر من المدرب ولا يمكن للاعبين مهما كانت قوتهم ان يحققوا شيئا بدون مدرب يعرفهم ويعرفونه شوف تشلسي وهو فريق كبير ولاعبينه كبار كيف الى الحين متاثر بخروج مورينهو !! |
الله يكتب اللي فيه خير للزعيم |
"يعني العالم كله مافيه ظهير يمين ؟؟؟ كلنا نعرف أن 50% من الاهداف في كرة القدم في أي نادي تجي من عرضيات ,, اذا ظهيرنا ما يعرف يعرض كور للمهاج وشلون نتطور ؟؟ " هذه هي أهم معضلة لدينا نريد ظهير أيمن قوي يدعم الفريق ويربط بين خطوطه الدفاعية والوسط والهجوم -- مو واحد تضع يدك على قلبه اذا وصلته الكرة حتى إذا الإدارة تبي منا ندفع "قطة" نشتري ظهير أيمن رائع -- مستعدين لذلك وبالنسبة للمباراة فالسبب عزيز 65% والباقي وضع الفريق الغير مستقر |
الشكر للموضوع من وجهة نظر شخصية ألخص مايحدث للفريق.. -ارهاق ممل جدا للاعبين مع الاصرار على أسماء معينة مهما كانت الظروف -أعتقد بأن عبارة البديل الجاهز في الهلال نحن من قضى عليها..فمن هم في الاحتياط..أيقنوا بأنه لاسبيل لهم للعب بشكل أساسي تحياتي:rose: |
وجـــــــــهة نظــــــــــــري تقووووول : الغاء عقد سول وجلب اسماعيل مطر الغاء عقد راودي وجلب دافع صلب وقتالي وجلب محور محلي << يا كثر المحاور جلب ظهير ايمن على مستوى عالي جدا وياليت سينهو البرازيلي او اي محترف |
الحمد لله على كل حال اصنعوا لي مدرب حماسي يوجه الاعبين مثل كوزمين وشوفو نامي وقته وش راح يسوي متى صار نامي يتمشى بالملعب بدون توجيه الا من بعد كوزمين |
الحمد لله رب العالمين ,, ولا حول ولا قوة إلا بالله |
كلامك درررررررررررررررررر والقادم باذن الله احلى |
متى يرجع الشلهوب بس والله افتقدناه يعني المدرب ما دام انه دخل العنبر المفروض يدخل على طول الشلهوب بدال سول لان الشلهوب افضل لاعب في الهلال يلعب عرضيات متقنه |
إقتباس:
كلالالالام اكثرر من رررائع ... الله يعطيييك الف عاافيه صااحب المووضوع وياليت مانقسئ على الاعبييين .. خصوصــاً عزيز .. عندما اضااع تيسير الجاسم ركلة الجزاء السعودييـه كلهاا قالت تفدااااك مليون ررركلة جزاء واول من ررددهاا نحن جمهور الهلال .. فلماااذاا نقسوو على عزيز والاعبين الاخررين بستثناء نـامي .. |
خسرنا الدوري من مباراة الوحده والاهلي اللي تعادلنا فيها على ارضنا هذا غير فضيحة الخساره من نجران المتواضع !! الموسم القادم .. *جلب اجنبيين الى جانب تيفيز ورادوي وفي المراكز اللي نحتاجها , *ظهير ايمن , ومع قدوم المحياني باذن الله راح نرجع للدوري مره ثانيه .. ع الهامش انا مايقهرني الا المحللين اللي يقولون اصبروا على سول طيب اعارته باقي لها كم يوم وتخلص وماشفنا منه الا رفعتين على المغمض ياصابت ياخابت علي الزواج لو لعب مكانه لاعب مكسح وقعد نفس الفتره اللي قعدها سول كان شفنا منه انتاج اكثر ولا حول ولا قوة الا بالله الله يسامحك ياكوزمين جبت لنا هالورطه والحمد لله انها ورطه لمدة ست شهور , تكفى ياابو مساعد حل مشكلة الظهير الايمن ترى هذي اولى بطولات الموسم الجديد .. |
سبحان الله كل هذا في الهلال ؟ أنا الخص كل شيءصل للهلال البارحه للغبي ( طارق عزيز) خالد عزيز ؟ الفريق قاعد يلعب زي الحلاوة ويوصل لمرمى الاتحاد وبتصرف غبي من هاللاعب ضيع مجهودات موسم كامل ....؟ الفريق مرهق من كثر المشاركات وحصل على بطولة هذا العام ياناس ياهوة ماهي معقولة كل البطولات للهلال ؟ كنا نلعب بفرصه واحدة ألا وهي الفوز فبعد تسجيل الاتحاد للهدف الأول صرنا نلعب بلا فرصه الا التعادل ثم الفوز؟ وبعد طرد خالدووووووووووووة صرنا نلعب ناقصين ومطلوب منا التعادل ثم الفوز ؟ |
| الوقت المعتمد في المنتدى بتوقيت جرينتش +3.
الوقت الان » 07:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd