بسم الله الرحمن الرحيم ..

بالرغم من ان الموضوع كبير ومهم ولكن لضيق الوقت بالنسبه لي راح اختصر ..



قالوا بعد رحيل التيماوي ان اداري الغفله ماله علاقه بالموضوع قلنا يمكن وان كنا مااقتنعنا لانه دايم حاشر نفسه .. وقالوا عقب مشكلته مع فيصل ابواثنين ان له علاقه بالموضوع لكن من بعيد لان فيصل غير منتضم في التمارين وانه يطبق القانون والنظام ( سلملي على النظام اللي ضيع النادي ) ..

وبعد محاولاته لتطفيش الثنيان ماجالهم فرصه يدافعون عنه لانه هجد ولزم حدوده وعرف قدره لان الثنيان وراه ظهر يسنده ووراه جماهيريه تنسف ابن مصيبيح واللي واقفين وراه ... وقالوا عقب انتقال خميس ان ابن مصيبيح على نياته وماله علاقه وان خميس مبيت النيه واخلاقه تعبانه ولاهوب يواضب على التمارين ( مدري وش قصة هالتمارين اللي ماعاد احد يحضرها عقب طلة هالاداري علينا ) وقلنا يمكن ..


وقالوا بعد مشاكله مع حسين العلي واستقعاده له ان هذي قناعات المدرب وقلنا بعد والله يمكن عندهم علم ... وقالوا عقب انتشار الكديش في الفريق مثل انتشار النار في الهشيم وانتشار اللعيبه اللي مايطقونها احتياط في اخس نادي قالوا ان هذولا جيل ابن مصيبيح اللي يواضبون على التمارين ولا يعرفون الا قولة سم طال عمرك والله يخليك لنا ذخر يابن مصيبيح وقلنا الله يهني سعيد بسعيده ويصبرنا الين الله يفرجها ...


وعقب مااتحفنا باحد اخر صيحاته وهي ابعاد عملاق الدفاع اللي ماعمره غاب عن التمارين واللاعب الفذ والمخلص عبدالله الشريده مالقوا عذر لفعلة الاداري الجهبذ وحاولوا مهاجمته على استحياء لكنهم مالقوا على الشريده اي شي لان تاريخه يشهد على اخلاقه ويشهد على اخلاق غيره ايضا فسكتوا الين يلقون له تهمه طازجه ويخلونها سبب ابعاده ... واخر ماواجهنا من مشاكل مشكلة الجمعان اللي وان كنت اشوف ان عقليته لك عليها لكن اعتقد انها امتداد لمشاكل الاداري ابن مصيطيح مع اللعيبه اللي ماسلم منه احد واللي ماشفنا هالمشاكل بهالكم الكبير الا عقب ما جثم على ادارة النادي وعلى صدورنا واتحفنا باساليبه الاداريه اللي ماادري وشلون فاتت على اعتى الانديه الاوربيه وخاصة اسلوبه المعروف ( وقف اللاعب ولاتخصم عليه )علشان تعاقب النادي وتعطي فرصه لكديشك يلعبون اساسيين ..

وانا والله استغرب من اللي يدور ويبحث اسباب المشاكل في الهلال واذا وصل عند هالاداري لف من جنبه وكأنه منزه مايخطي وعذره ان هالاداري كان مثالي يوم كان لاعب !!؟ ( شر البلية مايضحك ) ...


عموما الله يستر من مصيبة ابن مصيبيح الجايه ومن راح يكون الدور عليه .. وما اقول الا الله يبعث واحد من رجال الهلال المخلصين ويقضّب هالاداري الباب لانه اعطي منصب اكبر من عقليته السطحيه بمراحل ... والله من وراء القصد .

ابن مصبيح ماله اي يد في الموضوع الاعب معروف بالاخلاق والمشاكل وابن مصبيح يستثنيه من التشكيله واهو يهرب الجمعان من المعسكر القضيه هذي فريق درجه ثالثه ما حصلت معه الاعب لايفهم معنى الاحتراف ولايقدر مشاعر النادي والجمهور والجمعان (((معروف كويس)))

لاتعليق

و ليه دائما مايحمل المصيبيح هذه المشاكل؟؟؟؟؟؟؟؟؟؟؟؟؟

رفيق الزعيم # ESM1991 .. مشكورين على المشاركه ..

الزعيم الابن .. بلاه هو سبب المشاكل .. ماجبنا شي من عندنا ...