|
حال المتزوجين اذا طلبوا منهم حريمهم مقاضي ياعـــــالم قسم راحت حياتي أوراق صغيرة .. جيوبي مليانة .. كل ظهرية و بعد صلاة العشاء طيب يا زوجتي العزيزة فيه شيء اسمه دمج .. رئاسة تعليم البنات بكبرها دمجوها .. ما تدمجين أنتِ ورقة مقاضي الظهر مع ورقة مقاضي الليل و نفتك من هالقلق اليومي .. المشكلة وشي ؟ المشكلة إني أقرأ طلبات ما لها داع بس مجبور أجيبها :دراق / طماط/بقسماط/ برغل / و آخرتها ما نلقى على السفرة إلا كبسة و إن سوينا نفوسنا كنديين حطينا فجل !طيب هالبقسماط و الصولجان و بقية الأسامي الصعبة لمن؟ طبعاً لأخواتك إذا جاؤوا يوم الربوع و أنا ياغافل لك الله ! طقني الجوع مع أبو شايع و أبوعبدالله و إن سوينا فيها فجور و كـــاش أرسلنا حنيف يجيب بروستد و تهاوشنا على الثوم ...... و المدام مع أخواتها يتنعمون من خيري و من تعبي و مطامري في البقالة مع ورقة المقاضي ! مرة سويت فيها ذكي ، و بعد ما قضيت لزوجتي يوم الربوع قلت بروح للشباب .. و أطب على المدام بدري و أحصل أخواتها عندها و توهم حاطين العشاء ... و تصير الكـــارثة ! أخيرا شفت ورقة المقاضي صدق .. لقيتهم حاطين سفرة بدايتها في المقلط و نهايتها عند ساكو اللي وراء حلبان إلى درجة أنهن حاطين سيكل جنب السفرة علشان إذا واحدة بغت صحن من طرف السفرة يمديها تجيبه .. و ألقى لوحة مكتوب عليها ( السلطة 60 كلم ) المشكله إن زوجتي تعاملني على أني ابلة تدبير ، و عندي خبرة ، و أنا و الله ما أفرق بين الملوخية و الكزبرة تقوم تكتب لي مرة في الورقة كيلو كنافة كذابة ( قسم تروعت وش ذا الكنافة الكذابه ؟ ) أنا أعرف الصادقة يوم أعرف الكذابة ؟ وأروح البقالة ما لقيتها اتصلت بصديق قال : رح لمحل حلويات .. و أروح وأنسى اسمها واقول لراعي المحل : عطني كنافة نصابة هههههههههههه ناظرني باحتقار و أعطاني أشكل بدل ما يعطيني كنافة .. في الأخير رحت عنده و قلت يا أخي معليش أنا نسيت اسمها بس إنها كنافة ما هيب مضبوطة يعني كنافة كافرة و بتروح النار. ضحك قال : قصدك كنافة كذابة ؟ قلت : إيـــــــه هي أبي منها كيلو .. زحمة و كنافة كذابة و آخرتها قطعة خبز لاعبين علينا و حاطين عليها شيرة .. و كله كوم و يوم أخذت أختي في المدرسة طريقة عمل المكرونة بالبشاميل ، سرى يومنا ما غير نأكلها إلى درجة أن أبوي أضافها في دفتر العائلة لأنها صارت جزء من العائلة و واحدة منا . الله يحفظ الوالدة .. ورقة المقاضي حقتها ما تتغير علشان كذا ما نرميها أنا حاطها في المفضلة لأنها هي نفس الطلبات كل يوم بصل/ طماط/ رز/دجاج/خبز/ و إذا بغت تسوي نفسها كيوت استبدلت البصل بثوم و إذا ملينا و بغت تجدد فيها حطت الرز قبل البصل و الخبز قبل الطماط و الله إني عشت عمري كله و أنا نفسي آكل شيء جديد و خاصةً ذا اللي يقولون عنه أومليت إلى درجة إني سكنت في فندق مرة علشان لقيت في القائمة أومليت ما دريت إنه بيض .. المشكلة ما عندهم رحمة .. درجة الحرارة في عز الصيف ألف و أنت تطامر من محل إلى محل ، و بمعية سموك ورقة المقاضي لو تجيب العثيم كله و تنسى شيء بسيط قامت القيامة ، و لازم ترجع و أنت أصلاً شرير و لا عمرنا شفنا منك شيء يا بخيــــــــل .. و يا عيني على استخدام التقنية .. ورقة المقاضي صارت من العصر الحجري الحين تجيك المقاضي مسج على الجوال و الله إني أبغى أصيح إذا قريت رسايل جوالي و رسايل جوال أخوياي العزوبية .. كل رسايلهم ( عندما تشرق شمس يوم جديد أذكرك .. ) ( كفاني أن جنح الليل يغشاني و يغشاك .. ) ( الله على الجمس لولا وراد الستين ) <<خويته ابوها عسكري ههههههههههههه و أ نا تعال شف رسايلي ( حليب سريلاك .. ) ( ارجع بدري نبي موية ) ( و أنت جاي جب أعواد اسنا ن ) أعواد أسنان في نص الليل الله من الأعذار بس ! و ما قطع قلبي و نكد علي حياتي إلا إذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل و الليمون .. تجيب رقاق الوردة قالوا نبي رقاق غوار .. تجيب صلصة قالوا نبي ماجي .. بس خل عنك و الله صار عندي خبرة و لا خبرة رابحة وأنا و الله من أول كنت أحسب البندورة هي البطاطس ههههههههه مناسبة هالموضوع إني رحت اليوم بعد صلاة الجمعة و معي كالعاده رفيقة دربي ورقة المقاضي طولها حوالي 7.12 متر و يوم دخلت العثيم و ألقى زحمة و أنا اللي تصعب علي نفسي و أتمرد و أشق ورقة المقاضي و أرسل للمدام رسالة أقول لها إني تمردت و قطعت الورقة ... جزاها الله خيرا تفهمت الموضوع بشكل حضاري |
كاتش اطلق رد <~~ باللهي :D والله مشكووور موضع فيري فوني :D <~~ عجز يكتبها انقلش شوااااارع :D بآآآآي :D |
زين انها تفهمت الموضوع بروح رياضية ؛؛ والا المفروض تصكك بورقة اطول من الاولى وتقول روح جيبها كعابي ؛؛:d إقتباس:
وبعد كل ذا انا مسوية رجيم ما ابي بيبسي ابي دايت :d :rose: |
ههههههههههههههههههههههههههههههههههههههههه.... اقول يحمد ربه بس ترا ماجاه اللي جانا.. الحين ورقة مقاضي اتعبته...وش هالرجال ذا.... طيب وهي وش بيدها والله لو بيدها ركبت السياره وراحت تشتري على راحتها ..مب احلى...خخخخخخخخخخخخ عالعموم تسلم..يمينك... |
إقتباس:
وهذي عشانك عشان كاتش اطلق رد:rose::rose::ga::ga::smilie47::smilie47::rose::rose: نورت:rose::rose: |
إقتباس:
تصدق ان هالجمله انا مسوية رجيم ما ابي بيبسي ابي دايت :d سامعها في مسرحيه بس مدري وشي نوورت يالغالي:rose::rose::rose:<<عشان ماتزعل |
إقتباس:
لا لا موب تركب سيره ولاهم يحزنون اللي بيدها تدمج ورقه المقاضي تخليها مره وحده يروح فيها البقاله الله يسلمك نورتي:rose::rose: |
يالله يالله يالله مع موضوعك هاذا شكلك معذب بجد ياخوي خلاص ارسلي المقاضي مسج ومالك الا اللي يجيبها لحدك وفي اي وقت اصلاً انت ايش اللي غاصبك تروح للعثيم بعد صلاة الجمعه مع الزحمه وبعز الحر ياخوي اذا صار بعد صلاة المغرب والجو راق اخذ المدام ورح وياها وخل تشتري اللي تبي وردوا بالسلامه وانتم مروقين Humane Interraction Adviser :ap: |
يووووووووووه باقي تستخدمون ورق مقاضي ... انا خلاص صارت محفورة في راسي .... |
هههههههههههههههههههه أقوول شعندك جالس على النت للحين ترى المقاضي المسائية ماجبتها !!!!!!! الله يكون بعونك يامتزوجين جد مسااااااااكين ياحلو العزووووووووبية |
تبشر بكل الي تبي بس عساها تجي قريب :( .. .. والله اني ادري ان اي شغله فيها حريم تنقلب نفسيات :D الله يعين وش نسوي مالنا غناة عنهم :( |
خخخخخخخخخخخ موضوع رووووووووووووعهـ تسلم أخوي بس اللي يبي يأكل زين لابد يرخي الريال :fun34: |
لو انه الموضوع من تأليفك فأهنيك اخوي على الاسلوب النقدي الممزوج بنكهة الفكاهة والفلة وصراحة عزيزي والحق ينقال جيت على الجرح وطرحت معاناه اغلب الرجاجيل الله يصبرنا واياكم على النواعم ورجتهم ولك مني كل الشكر والتقدير ودمت بخير وعافية |
ههههههههههههههههه مشكوور اخوي دمي ازرق ولله سيم سيم لكن انا الوالده هي الي تعطيني المقاضي ولا افرق بين البقدونس والكزبره تحيااااااااااتي لك وتقبل مروري وخالص شكري |
إقتباس:
نورت:rose::rose: |
| الوقت المعتمد في المنتدى بتوقيت جرينتش +3.
الوقت الان » 02:40 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd