كيف نأدي الصلوات في الملعب
 

السلام عليكم ورحمة الله وبركاته
أخوتي أنا ودي أحضر المباراة إن شاء الله رغم طول المسافة لكن كله لعيون الزعيم يهون
وراح أضطر أني أحضر بدري عشان أحصل مكان
السؤال هنا
كيف نؤدي الصلوات في الملعب ؟؟
ودي أجيب معي ولدي عمر (4 سنوات) هل تنصحوني ولا أتورط فيه ؟؟؟
فيه واحد من أقاربي لديه كاميرا تصوير عالية الجوده يمكن قيمتها 9000 ريال
وهو خايف أنهم ما يدخلونا أو يصادرونها أرجو تجاوبوني على أسألتي
ولكم جزيل الشكر 000

مااتوقع الكاميرا يصدرونها ..

المسافة بعيدة تعب على ولدك ..

والصلاة اجمع واقصر ..

..

ولو كنت بتجي من العصر صل برا المدرج فيه مكان مخصص للصلاة

أخي عبدالمحسن شكراً لمرورك
أخي مجنون الزعيم شكراً على الفائدة وأي فائده قدمت
من كل قلبي شكراً لتفاعلك السريع
وبإذن الله جاي للملعب انا وعمر الهلالي

لا نصيحه اخوي لا تجيب ولدك زحمه وقلق

وانت بتجي بدري يعني نصيحه لا تجيبه

و الكاميرا والله ما ادري

أخوي أنت جاي من برى الرياض تستطيع الجمع و القصر
ثانيا , أنصحك بأن تترك إبنك في البيت , نظرا لوجود الكثير ممن يشربون الدخان في الملعب
الكاميرات ما تصادر كل العالم يصورون لكن حاولوا تغبونها علشان يمكن يغيرون رأيهم العسكر بأي وقت :d

حياااااااااااااااااكم الله اخواني ماقصرتوا

وعمر بطقه في البيت أحسن

فيه ناس كثير فيهم خير ويصلون بالملعب تلقاهم عند البوابات

الله يخلي لك عمر

انا من رأيي انه لاتجيب ولدك ولا كاميرا

اذا ملزم تصور ذكريات صور بالجوال حرام تجيب كاميرا بهالسعر واخرتها تضيع ولا تنسرق ولا يصير اي شي لاقدر الله

اما ولدك اذا بخاطره يدخل ملعب جبه بمباراة عاديه لاكن هالمباراة مهمه وزحمه واخاف الولد يتعب مع الطريق والزحمه ولا ينام عليك بالملعب وتبلش به

ماتلاحظ اني قصيت لك قصة حياتي

بالتوفيق يالغالي

ابو ريما

(((الله يسعدك ياشيخ)))

الحمد لله أدري الناس إن شاء الله فيها خير بس أنا كنت أسأل
عن أماكن للصلاة وماقصرت ولا قصروا الإخوان كفيتوا ووفيتوا

وجزاكم الله عني كل خير والوعد الأحد وعمر بقوله أحلام سعيده ياولدي

وانا اخـوك ولدك لا تجيبه لإن بصراحه بيكون هناك زحمه إن شاء الله وجمهور غفير




و بكذا بيكون ( زحمة أوادم × دخان ) بالعربي = كـتـمـه وممكن تأثر عليه



اما بالنسبه للي يقول جمع و قصر .. مثل ما تفضلوا وكلامهم صحيح أجمع العشآء مع المغرب والأماكن كثيره اللي يصلون فيها اللي يخافون الله ولا بعد تخلص جماعه تلقى جماعه بعدها وعلى هالحآل .. وبإذن الله التوفيق من الله بالدوري وبترجع مبسوووووووووووووووط ومأخذ الدوري بحول الله وقوته ..

بالنسبه للكآميرااا مآتووووقع يقولوا شي لان كثير بالتلفزيون آتآبع لقطآت نىس تصور بالديجتآل


آما بالنسبه للصلوات فآنا آتذكر فيه مصليآت قدآم كل بوابه يعني آنشاء الله الوضع تمآم ,,


تحيآآآآآتي ويسلموا ياجمآهير الزعيم ,,

الله الله بالصلاة يا اخوااااااااااااااااااااااااااان
اذا تبون التوفيق من الله

الله يوفقك وتوصل بالسلامه

بس نصيحه لا تجيب ولدك وانا اعتب على الي يجيبون عيالهم حتى في المباريات العادية والادهى والامر ان بعضهم يجيبون بنات !!!

المشكله انه بيسمع انواع السب واللعن والكلام البذيء غير عن الدخان والزحمة

الله يوفقك ويرجعك سالم لولدك عمر والهلال فايز باذن الله ^_^