جمهورنا وشارلي شاابلن - نادي الهلال السعودي - شبكة الزعيم

احسن واحد يشجع · #1 09/04/2009, 11:18 AM

السلام عليكم ورحمه الله وبركااته ....

في البدايه اخواني الزعماء احب ان اشير الى نقطه مهمه جدا
بخصوص حظورنا للملعب
التشجيع التشجيع يازعماء مانبي نسكت ..
يعني الواحد يجي الملعب ويتعنى ويقعد يقشم حب
ومع كل هجمه ينط وهو سااكت ..

وربي تذكرت مشهد محزن ومضحك بنفس الوقت
في مباره الهلال والاتفاق لما جت هجمه للهلال قااام كل الجمهور ...
المشكله كلهم قاامو وهم سااكتين ..!!

واحد من الجماهير رد عالموقف وقال ...
عظم الله اجركم وان شاءالله اخر الاحزان ...

وربي جماهيرنا مادري وش فيهم ..
يعني اذا قلنا يستحون وش نسمي بربرتهم طول المباره
وتنكيتهم مع بعض بصوت عالي ....

قسم تقول مشهد صامت من افلام شاارلي شابلن

ياااحبيبي وقلبي ونظر عيني ياامشجع الزعيم
اذا براسك انك تشوف المباره وانت سااكت
اقعد بيتكم واستمتع بالمباره مع التعليق بعد...

نبي تنظيم للجمااهير الي افتقدناه بصراحه هالموسم ...
الرابطه بوادي والجماهير بوادي ..
نبي تشجيع متوااصل ..
نبي نرج الاستاد ...
نقدر ولا لا؟

والله العظيم تقدرون يازعماء ..
لاعبين الاتحاد وبالمقارنه مع مواقف ساابقه
يضيعون مع جمااهير الزعييم
زعمائي ترونا ضمن فرق الهلال ...
بل واهم اوراق الفريق ..

نبي امواج نبي اهازيج وترديد طوال المباره مع الرابطه ..
تبي فريقك يفوز ياخوي شجعه بحمااس
ولا تنتظر فريقك يفوز وانت سااكت ...

كل امل اننا نكون احد اهم اسباب فوز زعيمن بعد الله ليله الاحد ان شاءالله
وعمر الظن فيكم مايخيب ياجماهير الذهب..

..............................

مسجات ..
محمد ناامي انت بطل وكثير لاعبين غلطو وضيعو بطولات بس الاهم ماتوقف عند غلطه بل اثبت انك لعب مبدع ...

طاااارق ..عندي احسااس كبير انك بتسجل ...وعارفين الضغوط الكبيره عليك ولكن واثقين انك بتتغل عليها وبتبدع ..

ابو دعيع ...ياابعدهم انت بس ياابو الاحساس كله <<قصده على حسو

ياااسر ....انشااء تكون جااهز ياارب ...يكفي وقفتك بس قدام مبرووك وتكر لو بعكاز

عزيز ..حط حبيب قلبك نور بين عيونك ياابطل

بااقي نجوم الزعييم ...
انتم كفو لها وهي لكم طلابه ...

شبيه الريح ...

تدري ليه ابي الهلال يفوز ..؟؟
عشان اشوف ابتساامه النصر على محياك ياتاج رااسي انت

احسن واحد يشجع · #2 09/04/2009, 02:42 PM

ردودكــــــــــم ياالغــــــــالييــــــــن

saad_20 · #3 09/04/2009, 02:47 PM

والله ما ادري شقوولكـ
بس باذن الله بيورون كل الحاقديم منهو جمهور الهلال الزعيم
والله يوفق الهلال
الله يوفق الهلال

حمـ(الهلالي)ــد · #4 09/04/2009, 02:48 PM

هلا اخوي

المفروض يكون تنسيق من مجلس الجماهير ويكون اشخاص معينين قدام كل مدرج تقريباً ويكون التفاعل مع بعض وتوضيح لطريقة التشجيع وتنسيق مع الرابطة بالجهة الاخرى لنوعية الأهازيج وكل اهزوجة لها وقت معين من المباراة

’’

تدري يبيلنا عشر سنين لين نتسنع ونصير مثل تشيلسي
اثناء مباراتهم في أرض ليفربول وكان عددهم عددهم 2000 مشجع وكلهم يشجعون بصوت واحد وهم واقفين

احسن واحد يشجع · #5 09/04/2009, 02:50 PM

إقتباس


	والله ما ادري شقوولكـ بس باذن الله بيورون كل الحاقديم منهو جمهور الهلال الزعيم والله يوفق الهلال الله يوفق الهلال

مشكور ع مرورك يالغالي ..

mr.gilardino · #6 09/04/2009, 02:51 PM

للاسف تشجيعنا بدائي نفس ما كنا نشجع قبل 40 سنة الا اليوم مافي تطوير مافي افكار جديدة

كل الي عندنا يا هلال عزك عزنا

احسن واحد يشجع · #7 09/04/2009, 02:52 PM

هلا اخوي

إقتباس


	المفروض يكون تنسيق من مجلس الجماهير ويكون اشخاص معينين قدام كل مدرج تقريباً ويكون التفاعل مع بعض وتوضيح لطريقة التشجيع وتنسيق مع الرابطة بالجهة الاخرى لنوعية الأهازيج وكل اهزوجة لها وقت معين من المباراة مشكور ع مرورك يالغالي

وهذا الي ابي اوصله اخوي حمد بس المشكله مو بالتنظيم المشكله بوعي الجمهور وتقبلهم لثقافه التشجيع المتواصل مو مع كل هجمه بس

احسن واحد يشجع · #8 09/04/2009, 02:55 PM

إقتباس


	للاسف تشجيعنا بدائي نفس ما كنا نشجع قبل 40 سنة الا اليوم مافي تطوير مافي افكار جديدة كل الي عندنا يا هلال عزك عزنا

صدقت اخوي ...
لكن نترجا بجماهيرنا خير ان شاءالله ...
لاهنت ياغالي ع المرور