[c]بسم الله الرحمن الرحيم[/c]
[c]السلام وعليكم ورحمة الله وبركاته ..[/c]
كتبت هذه القصيده رثاءاً في جدي ووالدي الشيخ/ أبراهيم بن أحمد الذي وافاه الأجل المحتوم صباح يوم الأثنين الموافق 5/5/1423هـ أسال الله أن ينور له قبره وأن يُسكنه الفردوس الأعلى أنه سميع مُجيب ..
[c]أبــــــــــ 
ــــــــــوي[/c] [c]أحمد اللي مايحمد على مـكـروه سـواه .. .. .. الـحــي اللــي مـايـمـوت الـفـرد الإلــــه
وأصلي وأسلـم على الرحـمـة الـمهداه .. .. .. اللـي في موته عـزىً لنا في مـن فـقـدناه
والسـلام ألـحقكـم إيـاه هــديـه مـهــداه .. .. .. مـن قلب عليل كسير راح أبـــوه وخـلاّه
هـذي أبياتي أرثي بـهـا مـن فـارقـنـاه .. .. .. أبوي اللي بروحته أتــعـب من جاء وراه
أبـوي اللـي حبّـه في العـيـون شـفـنـاه .. .. .. أبـوي اللـي كــل حـبّــهــم لـــه لله في الله
أبــوي عـمــره في طاعة ربي أفـنــاه .. .. .. أبـوي اللـي مـات بـعــد ماغـسـل للصلاه
أبــوي اللــي بــرّه عـلمناه وتـعـلـمـناه .. .. .. أبــوي اللــي بـوصلـه أتـعـب كــل أقربـاه
أبــوي اللــي يـبـذل ومـاهـمـتــه دنياه .. .. .. أبوي اللي يعطي ويـنـسـى كــل عـطـايـاه
أبـوي اللـي يـقـنـع والـكـثـير مـابـغـاه .. .. .. أبـــوي اللــي يــعـطــي والـقـليـل مـابـقـاه
أبـوي اللــي أذانــه وقــرآنــه فـقـدنـاه .. .. .. أبــوي اللـي الـمـسـاجــد أكـبـر قـضـايــاه
أبوي اللي كـثـيـر الـكـلام عـنـه خـلاّه .. .. .. أبوي اللي تواضع والـكبر من حياته ألغاه
أبــوي اللي ربانـا على حـفـظ الصـلاه .. .. .. أبـوي اللي في تـالـي اللـيـل تـسـمـع دعـاه
أبوي اللي بصدقه وبصراحته عرفنـاه .. .. .. أبـوي اللـي بـطـيب وطـهر قـلـبـه خبرنـاه
أبوي اللي كــل الحقد مـن قلبه جـــلاّه .. .. .. أبــوي اللي ربـي أستجاب وحـقـق دعـــاه
أبــوي اللـي كـأس حـبـه كـلـنا ذقـنــاه .. .. .. أبــوي اللـي حــوض عـطـفـه كلنا وردناه
أبوي اللي من شـافـه قــال وراه وراه .. .. .. أبـوي اللـي غـنـى نـفـسـه كـلـنـا تـمـنـيـناه
أبوي اللي ماكانت أكـبـر هـمّـه دنـيـاه .. .. .. أبوي اللي عـزّة نـفـسـه فوق مـاوصـفـنـاه
أبوي اللي ماتـعـب إنـسان إلا وعـنـاه .. .. .. أبـوي اللـي مـاأحتــاجـه بـنـفـسـه قــضــاه
أبوي اللي بروحته مهوب أبـوً فقدنـاه .. .. .. أبـوي اللي بـروحـتـه كـل مـعـنـىً فـقـدنـاه
أبوي اللي يتعب المحصي عـدّ مزاياه .. .. .. أبــوي اللــي مـثـيـلـه عـجـزنـا مـالـقـيـنـاه
صوتك ياأبو نواف يرّن بأذني صــداه .. .. .. يــوم قـلـت (جدك) يطلبك الـحـلّ الحمدلله
شفت الدنيا حولي والأرض غدت فلاه .. .. .. كـنـهّـم يـسـألوني وش مـن عـلـم سـمـعـتاه
قلت يقول مات أبـوي عليه رحمة الله .. .. .. تصرخ الأرض وتقول كـلامك وش معناه
وأرجع لنفسي وأعـيـدّ حـسـابي وألقاه .. .. .. أقـــول أنـت تـقـول كـلام مـاأسـتـوعـبـتـاه
وألتفت على بـدر يـمـكـن الـعـلـم ألقاه .. .. .. عـزّ الله أنـي لـقـيـت عـلـم أبلغ منه ماألقاه
لقيت الـدمع سـال عـلى الـخـدّ مـجـراه .. .. .. حـيـنـهـا عرفت كل اللي صار وش معناه
عرفت أن أبوي لو نبي نشوفه ماشفناه .. .. .. وأن أبــوي لـو نـبـي نـكـلـمـه مـا كـلمـناه
وأنـي فـي امتحان صعـب أنـي أتـعـداه .. .. .. وأني لـو عـدتـه ألـف مـرّه أعـجـز أتعداه
الله على وقـت مـرّ بنـموت مانـسـيـنـاه .. .. .. لك مـوقفٌ فيه يـاياسر جحود مــن نـسـاه
وفـي داخـلـي لاحـول ولاقــوة إلا بالله .. .. .. صرخة جريتها مــن أسفل جسمي لأعلاه
ومابين صمت وصرّاخ ومـوت وحياه .. .. .. ومـابـيـن حـلـم وحـقـيـقـه وتساؤل عشناه
جاوبتني دمعـتي عـن كـل مـا سـألـنـاه .. .. .. راح عـنـك أبــوك وخــلاك ياويلك ويلاه
ياتـرى الـبـيت عـلـى أي حــال أبـلـقـاه .. .. .. بعد روحة من له في كل وقت من ينصاه
كنّ النخل والشجر حـكـى يبلغنا عــزاه .. .. .. وكنّ البيت عجز عن شيلنا وخارت قواه
حتى الشارع فقد في تـالـي الليل ممشاه .. .. .. يانـاس وش مـن زيـن في دنـيـانـا بـلـيـاه
أبوي ربي يعينك (ياجـدتي) على فرقاه .. .. .. ولـو هـو بالـيـد يـمـه كـان هـمـك شـلـناه
فــي تــالـي ذيــك اللـيـلـه يايـمه لك الله .. .. .. أبــوي رأسـه بـيـن يـديـك وهو يذكر الله
يـاعـــم راح اللـي رايــك مـاقــدّ تـعـداه .. .. .. يـاأبــومـحـمـد اللــي بالـحـب بـادلــتــاه
ياعم راح من لك كل يوم مجلسً ويـــاه .. .. .. يـاأبـوخـالــد اللي لاتـبـاطـاك قــال وراه
أنا أشهـد أنـه يـحـبكـم وحـبـه ورثــنــاه .. .. .. عـسـاكـم ذخـر وفي الـجنه ياربي عسـاه
الدمع يا أحمد وسـمّ على الـخـد مـجـراه .. .. .. ماأعترضنا يافـهـد بس حزن على فرقاه
حزن على دعاء في تـالي الليل خسرناه .. .. .. حـزن عـلـى أبــوي يـارب آه ثم آه ثم آه
أدري يـاأبـوغــاده بـالـبـكـاء مـانـفـعـناه .. .. .. وأدري بـعـد بالبكاء مايرجع مــن فقدناه
لكن الـحـزن قـوانـا وعـجـزنا ماقـويـناه .. .. .. من يـومـهـا كنّ الـحـزن ثـوب ولـبسـناه
ياهـلـي هـذا كـلام قـلـتـه مـن اللي قـراه .. .. .. ترى لو كلً قراه بـعـد أبوي ماأحد قـراه
مانيب شاعر بس حـبـي لـغـالـي فـقـدناه .. .. .. خلاني أكـتـب كـلام نـبـض قـلبي أمـلاه[/c]
[c]أشكر جميع من واساني في فقد جدي الذي كان بمثابه الأب والأخ والصديق
سواءً كانت تعزيته عبر الأنترنت أو هاتفياً أوحضورياً ..
وأخصّ بالشكر الأخوان (( الصوت الهلالي - Alfarram - عاشق الثنيان15 - yazeed_9 - فيرون الرياض - ياقاهرهم ياسامي - حبي _هلالي - al3arfaj - هلال العرب - القلب الأزرق - الغانم - wasan - abu3ziz - الوليد - قاهرهم - شمالي موت - سامي وبس...... - Sa3ad - تغريد - البارق 200 - ابومنار - زعيم القرن - نجمة الإبداع - قلبي الزعيم - بحار 99 - اقهرهم ياثنيان - زين الوصايف - شيروكي - نقوشي - مملكة الزعيم - القلب الطيب - almog_alazraq - ويلي من حبك ياسامي - redheart - Abu saad 66 - zaem3000 - ابوداحم الهلالي - العود الازرق - ابواثير - walla_ana - كايدهم - ابوروان - هلالي الجوف - برق الوسم - أفتخر إني هلالي - ابو(15)يعقوب - mshmosha - نعم هلالي -falcon1515 - سـ2002ـامي - سامي عبدالله - عاشق القلوب - MCOON - هلاليوووو - الهلالي النا قد - العوام - هلالي مكة - بندر15 - وضاح- من بني هلال
- أيــــــمــــــن - المنـــــــــــــحرج - الزعيم 2000 - هلالي حائل - ESM1991 - فاهم جدا - ابوسامي العنزي - عبدالمحسن عبداللة - المركاز - الازرق الصغير - هلال نصف الأرض - أبوذكرى - نطاط الحيط - أبوفهد الهلالي - رفيق الزعيم - خيّال العرفا - الممنوع - smn2002 - عبدالله آل زيد - ذيب الشمال - assir - Remthan - العنود(سمي الضبي) - ازرق الارض - شبيه الريح 2002 - الهلال في قلوبنا - الحكم - wise444 - حبي سامي - J.A.J - ابو الذهب - موج الخليج الازرق - صمت العيون - مثل القمر - الواقع - الحصان الازرق )) ..
أعتذر لمن سقط أسمه سهواً ..
وشكر خاص جداً جداً للعمّ الغالي ( ابوغاده ) ..[/c]
مـــحــبـــكــم
نواف السديري
أبـــــــــــــــــــــوي ... 
الوضع العادي
