خلصنا متي تجي لاتنسي الاغراض ......وش ذا الهبال - نادي الهلال السعودي - شبكة الزعيم

المنفهق · #1 08/04/2009, 07:43 PM

مساكم الله بالخير

موضوعي اليوم بعد غيبتي الطويله عنكم وعارف انكم مشتاقين لى

(واثق من نفسي )

راح يكون عن كيف الزوجات يهبلون بأزواجهم

وطبعا بعد دراسه عملتها وبحوث لغاية ما سمعت العجب

من تصرف بعض الزوجات مع ازواجهم قررت انزل هالموضوع حتي يستفيد منه الاخوه (والاخوات )

وماراح اطول عليكم بالكلام وابحاول اختصر واعطي نماذج وانتم احكمو

# جالس في امان الله مع الشباب ومبسوط وفجاءة رساله على الجوال متي تجينا وانتي يامسكين توك حاطهم عند

اهلهم تقوم ترد عليها بكل ادب متي ما بغيتي ياعمري

تقوم هي من الفن اللى فيها بالنكد تقول لك تعال

الساعه 11 يعني بعز البسط مع الشباب واذا كان فيه مباراة ومتحمس وتشجع

تقول تعال بين الشوطين

عشان العيال ينامو بدري ( نامت عليك تريله محمله غاز )

# رحت خلصت كم مشوار معهم وتعشيتو برا والبزران انبسطو وهي استانست وقمت بواجبك على اكمل وجه

وانت راجع للبيت توديهم تسولف وتضحك مبسوك على نياتك

وتدخلون البيت وتنزل الاغراض ( افغاني على

غفله صاير ) وتقول قبل تطلع للاستراحه تبغون شئ تناظر فيك بكل خبث وتقول بغنج ( مهيب عاقله ليلي مراد)

ليه ما

تكمل السهرة معنا طبعا انت وقتها انفجر الاديتر بس اشوي ما خبطت المكينه تقول معليش ياعمري ابروح الاستراحه

اليوم خميس وعلى طول تمد خراطيمها (شفايفها ) طبعا مجازا نسميها شفايف والا هي درج هلل بددسن

وتقول لك ايه دايم انت كذا لذلك عشان ما تنبدأ المعركه تضطر تصبخ بالباب وتمشي وتروح الاستراحه متنكد

# اخر الشهر ترسل لك رساله على الجوال بيض صامولى فيري مناديل فاكهه خضار زيت فرامل لي طوله 3 متر

رفرف هايلكس 85 زراديه ملمع كفرات وجبن شرايح وانتي ياالمسكين مطفر وطبعا راح تجيب الاشياء الضروريه

بحكم ان الميزانيه ما تسمح ورغم ذلك تتكرن عليك وتقوم تشرح لها الظروف وما تقتنع ويبدا موال الهواش اليومي

مع موسيقي تصويريه لجت البزران

# ترجع مبسوط من الاستراحه الهلال فايز

ومتعشي وفالها مع الشباب وتدخل تبي تنبسط معها ومع عيالك

الا تطالع فيك وتقول بنبرة تحس فيها انها حاقده علي الاستراحه عسي دوم البسط ليت تنبسط معنا كذا

وتقول بكل حب وحنان وش دعوي ياعمري ( طبعا النيه فى كلمة عمري مهيب لها ) انتي دنيتي

وانتي بسطي وتحاول تراضيها باي شكل عشان ما تبدا المعركه لانه ما معك اسلحه

# تصير هي معزومه بعرس او عند الجماعه او عند صديقاتها وتروح تأخذها من العزيمه او العرس

واول ما تركب معك تبدأ تطلق عليك صواريخ نصب ارض جو وتقول لك وحده شافتني وسالتني انتي وين امك

قلت لها ليه قالت ابخطبك لولدي

وتصدق وحده شافت بنتي معي قالت هذي اختك طبعا انتي خلال

اطلاق الصواريخ تصاب بحالة غثيان ورغبه بالدخول باقرب صبه قدامك بس مضطر تجامل وتقول لها هذا والله

من حظي وتطالع فيك بنص عين وتقول ايه هين وفجاءة تقول لحظه ما قلت لك تصدق وحده قالت ما شاء الله عليك

يا فلانه اللى يشوفك ما يقول عندك 4 بزران جسمك خيال انتي وش تسوين طبعا بحكم انها لابسه لبس لو تلبسه

نعيمه الصغير صارت نانسي عجرم لانه شاد الزاويد كلها وتخاف تجيك البلديه تقول عندك ارتداد زايد

ملاحظه

السوالف واجد بس ما ودي اطول عليكم وما يمنع انه فى حريم يحطون على الجرح يبرأ

بس هذي نسبه كبيرة من اللى عندنا