وضح لكل من شاهد مباراة اليوم الجمعه ان الهلال ما حولك احد لا مدرب ولا رئيس
المدرب او يمكن نقول عنه المخرب كان بادي صح في الشوط الاول بس جا يبي يكحلها عماها الا فقع عيونها اول شي طلع العلي اللي كان مصدر ازعاج للكوريين ودخل الثنيان اللي ابدا ما كان مفروض انه يدخل قبل على الاقل النص ساعه الاولى من الشوط الثاني يعني مدرب سامسونج يقوله تفضلوا هاجموا بس الاستاذ ماتورانا حلف عليه وقال لا والله نلعب في النص بينا وبينكم
وفي الاخير يخلي يوسف يشوت اول بلنتي من متى يا ماتورانا والثنيان يشوت بلنتيات المفروض الكاتو (الله لا يورينا خشته في النادي ثانيه) لا ويفضل الكاتو اللي له سنه ما لعب كوره على الجمعان (العربجي) اللي كان في قمة مستواه
والرئيس ما يدري عن اي شي في النادي بس يبيهم يكرمونه ويعطونه الكاس عشان يقولون انه هو سبب الفوز بحضوره وتشجيعه والا كيف يخلون الجمعان يطلع من المعسكر وين الاداره

اتمنى من سعود بن تركي انه يقدم استقالته قبل لا يرجع لجنيف واتمنى انه ياخذ ماتورانا معه

والجايات احسن باذن الله