موضوووووووع خطييير - نادي الهلال السعودي - شبكة الزعيم

Anfield Fan · #1 04/04/2009, 03:05 AM

بصراحه فيـه موضوع شدني واحنـا غافلين عنه من جد ..

ما تلاحظون إن كلمـة [ يلعـن أمـك ]
إنتشرت إنتشار غريـب و مريب ..

وصار اللي يقولها عــااادي جـدآ ..
كأنه قايـل [ السـلام عليكم ] ..!

و الأغرب إن اللي تنقـال له عـادي عنده ..!!

كيـف ترضى على أمك ؟! و ليش ؟!

بعض الشبـاب اللحين بالعكس
صارت عندهم يلعـن أمـك مدحه ..!!

أو هذا تعبير عن الحماس في سالفـةٍ مـا !

مثـلآ ..

يجي واحد يقول : والله أمس سويت كذا وسويت كذا ..

يجي الثاني يقول : يلعـن أمـك ياشيخ ..!!

و إذا قال لـه [ يلعـن أمـك ]
مـدّ هالخشه شبرين كأنه قايل له شعر يمدحه ..!

و إلاّ بعض الشبـاب .. واحد يسأل الثـاني :
وش رايك باللاعب الفلاني ..؟

يقول : يلعـن أمممممممممه يلعـب من جد ..!
طيب أبي أفهـم .. وش دخل أمــه بالموضوع ..؟!

للأسف الشديد إن الكلمـة هذي منتشره عندنا إنتشار كبيـر ..

و الآن حاصله مع الشباب في جلساتهم ..

د: وينك أمس يلعـن أمـك ؟

خ : أبد رحت مع فلان الله يلعـن أمه .

د: ليه ماقلتلي إنك بتروح معه الله يلـعن أمـك أنت ويّاه ؟

خ: وش دراني إنك بتروح يلعـن أمك !

ولاَ كأنهم قالوا شي ...!!

وللأسف إنها تقريبـآ أكثر كلمـة تنقال هالأيام ..

وكم واحد تسأله عن هالكلمه .. بيقول لك : صارت عاده ..!

هذا جـواب أبـيخ من الفعل ..

انا عن نفسي ..
لو احد يقولها لي اقول امي مالها دخل بالسالفة !!!

مافيه شي تتعود عليه وإنت تدري انـه موب زين ولا تقدر تخليه ..!

يمكن إنت تغفـل أو تـتـغـافل عن الذنب
اللي تحصلـه من هالكلمـة ..!

بس لا تنسى و إنت تقول هالكلمـة
أنك تسوي شيء من الكبــائـر ..

أنت تخيلت معي ..؟!

كبـائـر الذنـوب ..!!

صحّ عنه صلى الله عليه وسلم أنه قال : { من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه }راوه مسلم .

وش رآيكـم ..؟
وش الحل لهذي المشكلـة الخطيرة ..؟

يعني لهـا الدرجـة مافيـه إحترام ولا تقـدير للأم ..؟!

مـــوضوع آحــــسه يستحـــــق النقــــآش .. //

آستـــنآ تــ ع ـــليقآتكم ..!!
منقول فديتكم

مزنه بنت مايكل · #2 04/04/2009, 04:46 AM

اي والله

مدري هالمراهقين متى يعقلون

العن هو الطرد من رحمة الله

وصار العن بالسانهم مثل الحلاوه <<ماتعرف توصف

يسلمووووووووو على هيك موضوع

اللورد يوسف · #3 04/04/2009, 04:56 AM

بالفعل هالكلمه صاير تنطق كثير ولا ازكي نفسي واقول اني ماقولها لكن انا متجنب اللعن بشكل كبير

شاكر لك (F)

أحلـى هلاليه · #4 04/04/2009, 05:06 AM

العن بشكل عام منتشر انتشار مو طبيعي
الله يبعدنا عن العن والسب بجميع انواعه

sowaid · #5 04/04/2009, 05:36 AM

مانقدر الا ندعي ليهم بالهدايه وكل من يلعن فهذا ابعاد من رحمه الله
وانا عن نفسي اي واحد يلعن امي اتوطأ ببطنه <<<<<< قووي

لاعدمناكـ خيوو

يحيى الحيران · #6 04/04/2009, 06:00 AM

عندنا في الغربيه ولله الحمد غير منتشر

لكن للاسف كل الكلام الي تحت الحزام منتشر

لكن الحل من وجهت نظري المتواضعه جدا ان تتحول الكلمه من العن امك إلى (( انعم امك )) إلى ان يعتاد

ثم يخطو الخطوه الثانيه في سبيل حذف هذه الكلمه نهائيا

مرسى عيونك · #7 04/04/2009, 01:35 PM

موضوع يستحق الطرح ...

الصراحه اللعن للاسف منتشر سواء الام ولا الاب ولا حتى الاصل
و عند البنات بس يمكن اقل من الرجال
الله يهديهم صارت هالكلمات عاديه جدا
تلاقي صديقتها تدعي عليها باللعن وعادي تضحك

شاكره لصاحب الموضوع

الضحى · #8 05/04/2009, 01:12 AM

الحمدلله غير منتشره في مجتمعي ولكن الحل هو

أن يتبرع أحدهم ويرد على كل واحد في الشلة ويبين له خطورة هذه الكلمة حتى يتركها ...

يعتبر نفسه في سبيل الله والله يعينه ...

ملك الثواني9 · #9 05/04/2009, 11:27 PM

نسج الخيال · #10 06/04/2009, 02:53 AM

استغفر الله
الحمد لله مو منتشره عندنا,, يمكن بين الشباب في جمعاتهم
بس كيف الواحد يرضاها ع امه!!!!!
يعني ع باله انها مزح
الله يهديهم ويهدينا اجمعين