المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

إضافة رد
   
 
LinkBack أدوات الموضوع طريقة عرض الموضوع
  #1  
قديم 03/04/2009, 01:37 PM
الصورة الرمزية الخاصة بـ Fahad Al Sudais
مشرف سابق في منتدى الجمهور الهلالي
تاريخ التسجيل: 21/02/2008
المكان: مدريــدي / ارسنــالي
مشاركات: 13,135
الجمـاهيـر السـعـوديـة وديـربـي الـشغـالات بـين انـدونيسيـا وسريـلانـكـا

حيــــــــاكم




اقوى واشهر ديربي ( كادح ) في العالم

والتفوّق طبعا للفريق الاندونيسي بفارق كبير

بس احلى شي هي الاجواء المشحونة التي تسبق الديربي

اذا كانت الزوجة عاطله << ربّة منزل

تصحى من النوم الساعة 10

وتروح تصلّح لها سندويشة بيض او جبن كرافت مع كاس شاهي عاقد

ثم تستلم التليفون وتدق على كل مكاتب الاستقدام اللي في اعلانات جريدة الرياض

واذا كانت الزوجة مدرّسه ..

تستلم التليفون في غرفة المدرسات وقت الفسحة او اذا عندها حصة فراغ

وبكل الحالتين نفس المكالمة

الزوجة :

تجيبون شغالات زينات

موظف مكتب الاستقدام :

شغالاتنا ما مثلهن... حافظات القرآن وصحيح البخاري و أنشط من ويليهامسون

الزوجة :

وش تنصحني فيه يا اخوي .. اندونيسية او سريلانكية

موظف مكتب الاستقدام :

والله الطلب على الاندونيسية اكثر وماطورها 6 سلندر

الزوجة :

بس ماش ياخي ماصلات ومايصبرن عن الرجاجيل ... وبعضهن راعيات سحر

موظف مكتب الاستقدام :

لا لا قلت لك اللي نجيبهن مطوعات وحافظات القرآن ويصومن اثنين وخميس

الزوجة :

والله مدري بس احس ان السريلانكية أريح

موظف مكتب الاستقدام :

بالعكس بربرتها واجدة ولسانها طويل وهليمه بالشغل

الزوجة :

انت وراك تقل تبين اجيب اندونيسية بالغصب

موظف مكتب الاستقدام :

انا .. وانا وش دخلني فيك خوذي اللي تبين .. بس انتي سألتيني وانا جاوبت

الزوجة :

خلاص اجل بارسل لكم الليله ابونا ومعه الشروط..

بس هماهـ .. ما ابيها سوداء تروّع البزران

موظف مكتب الاستقدام :

خلاص ابشري نجيب لك سريلانكية بـ(نكهة) نانسي عجرم

بعد مارجع الزوج من الدوام

لقى زوجته تحتريه بكل خبث

وماسكه بيدها ورقة الشروط

وهي كالتالي :

سريلانكية مسيحية.. بشرط تكون مسيحية صدق مو بوذيه

سبق لها العمل في لبنان او الكويت

لم يسبق لها العمل في السعودية

العمر من 20 الى 30 سنة

تجيد الطبخ وخصوصا الاكلات اللبنانية ( محاشي – معجنات – حلويات )

نظيفة ومرتبة وماتستخدم دهن ابو فاس

تعرف كيف تتعامل مع الاطفال ومحبّه لهم ووسيعة بال

ليس لديها جوال ويمنع منعا باتا

تتحدث العربية ولديها إلمام باللغة الانجليزية

تلتزم بالعمل سنتين كاملة وتكمل المدة

الزوج :

وجع وجع ... وش كل هالشروط .. ما تلقين احد يجيبها لك

الزوجة :

الا كلّمت مكتب اليوم ويقول نجيبها لك على شروطك

الزوج :

طيب وش تبين بالسريلانكية .. ناخذ اندونيسية احسن

الزوجة :

الزوج :

ثم بعد اربع او خمس شهور من الذبح والمذابح مع المكتب توصل الشغالة

ويروح الزوج يجيبها من المطار

ومن ثاني يوم يرجعها للمكتب لأن ولا شرط من الشروط ينطبق عليها

ويرفض المكتب ترجيعها ويقولون له :

الشروط غير ملزمة.. خذ شغالتك واقلب وجهك

ويرجع بها للبيت وتبدأ المشاكل

وبعد شهرين يسفرها على حسابه

ويروح لمكتب ثاني ويستقدم اندونيسية بعد اقتناع الزوجة

وكالعادة ياخذ معه ورقة الشروط

كبيرة في السن وعمرها من 35 الى 40 سنة

تكون من الارياف وما تكون من جاكرتا

مقبولة الشكل وغير جميلة وغير متزوجة << مهم جدا جدا

يتم ابلاغها اننا سوف نغرف لها من غدانا وما فيه اندومي

وبعد اسبوعين بس يدقّون المكتب ويقولون رح استلم شغالتك من المطار

ويروح الزوج علشان يجيبها بعد المغرب

ومن شدة الفرحة مايرجع للبيت الا بعد الساعة عشر

اكيد معذور

جابوا له ذيك المراهقة اللي عمرها 20 سنة

ولابسة جينز وحاطة روج وعلى راسها طوق فوشي

وهو طول الطريق يتميلح :

انتي من جاكرتا.. بابا فيه والا موت.. انتي مافيه زواج.. غريبة ليش مافيه انتي حلوه

واوّل مادخل للبيت ( طبّق الدور صح ) على الزوجة

وغيّر نظراته وتحجّر الدم في وجهه وقال :

لا بوووهم لابووو آآآبوهم هالنصابين... جايبين لنا وحده صغيره وحلوة

والزوجة :



الزوج :

وش نسوّي بس الله يعين... خلاص نستحملها... كلها سنتين وهي طاسه باللي مايحفظها

الزوجة :

أي سنتين ... هذي ماتنام هنا الليلة

الزوج :

اذكري الله يابنت الحلال... تراها آدمية ومايجوز هالكلام.. وين الرحمة

الزوجة :

اقول لك والله ماتجلس... يا انا ياهي بهالبيت الليلة

الزوج :

خلاص انقلعي انتي <<< خربها ههههههههههههههه

وبعد ثلاث ساعات من الهواش تقتنع الزوجة انها تصبر الى باكر

ومن بكرى كالعادة للمكتب والشغالة معهم

والمكتب كالعادة يكرشهم هم وشغالتهم ويقول الشروط غير ملزمة

وتجي الاندونيسية وتشتغل اول ثلاث شهور ( فترة التجربة ) زي الحلاوة

واذا عدّت التجربة قلبت عليهم وقالت ابي اسافر

ثم يحاولون فيها ويزيدون راتبها ويعطونها جوال وبطاقات ( سلام ) و ( الو )

وتهجد لها كم شهر

ثم اذا كمّلت سبع شهور يقفطها ابو الجيران الصبح وهي عند الباب تكلّم البنغالي حق البقالة

والزوجة تنهبل وتروح تزبد للشغالة

والشغالة تروح للمطبخ وتمسك سكين وتقول : باسافر او اذبح نفسي

ويروح الزوج ويحجز لها على اول رحلة

وبعد ما تسافر بنت الكلب تتصل على الزوج بالتليفون وتقول :

بابا ترى انا سوّيت لماما عمل وغبّيته في بيتكم وماراح اقول لك مكانه

وتستخف الزوجة وتضف عيالها وتروح بيت اهلها وتقول خلّوهـ يطلقني

وبعد شهر من القرايه عند الشيخ ترجع الزوجة لبيتها وتلقى العمل وتحرقه

وتاخذ لها فترة نقاهة بعد ماقالت ( توبـه ) اجيب شغالات

وبعد ست شهور تمسك السماعة وتبدا تتصل بالمكاتب مرة ثانية

اضافة رد مع اقتباس
  #2  
قديم 03/04/2009, 01:45 PM
الصورة الرمزية الخاصة بـ وليد القحطاني
موقوف
تاريخ التسجيل: 20/04/2007
المكان: الظهران
مشاركات: 9,507
ههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه


ماعندي تعليق غير كذا بس
اضافة رد مع اقتباس
  #3  
قديم 03/04/2009, 02:21 PM
الصورة الرمزية الخاصة بـ BEST_01
زعيــم مميــز
تاريخ التسجيل: 03/10/2008
المكان: كل يوم في ديرة
مشاركات: 2,442
ههههههههههههههههههههههههههههههههههه

والله ان الديربي حماااااااااااااااااااااااااااااس ... اجل لو تدخل غرب اوربا في الاستقدام ... وش بيصير
صدقني انواع التشفير والمشاكل... بيقولون الحريم يا زين ديربي شرق اسيا بس

مشكور اخوي على الموضوع الحلو ... وتقبل مروري

الا متى الديربي الجاي

.
اضافة رد مع اقتباس
  #4  
قديم 03/04/2009, 02:32 PM
الصورة الرمزية الخاصة بـ مقطوع راسي
زعيــم مميــز
تاريخ التسجيل: 11/08/2007
المكان: بجنب الغضا أزجي القلاص النواجيا
مشاركات: 2,642
إقتباس
سريلانكية مسيحية.. بشرط تكون مسيحية صدق مو بوذيه

سبق لها العمل في لبنان او الكويت

لم يسبق لها العمل في السعودية

العمر من 20 الى 30 سنة

تجيد الطبخ وخصوصا الاكلات اللبنانية ( محاشي – معجنات – حلويات )

نظيفة ومرتبة وماتستخدم دهن ابو فاس

تعرف كيف تتعامل مع الاطفال ومحبّه لهم ووسيعة بال

ليس لديها جوال ويمنع منعا باتا

تتحدث العربية ولديها إلمام باللغة الانجليزية

تلتزم بالعمل سنتين كاملة وتكمل المدة

لو كآنت كذآ مآ صآرت شغآلة ,,

كالعادة مبدع يالصخرة ,,

وما أظن ( مـ شـ كـ و ر ) توفيك حقك ,,

لا عدمناك ,,


اضافة رد مع اقتباس
  #5  
قديم 03/04/2009, 02:35 PM
الصورة الرمزية الخاصة بـ مشعل الحربـي
زعيــم مميــز
تاريخ التسجيل: 05/10/2008
المكان: منســدح بالصــآله
مشاركات: 1,918
ههههههههههههههههههههههههههههه

والله انك صادق ياذيبان

والله المفروض الحرمه تشتغل في بيتها وماتجيب شغالات الا لظروف

والله ماجانا البلاوي والسحر والفتن الا من هالعمال والشغالات


الله يتوب علينا

تحياتي
اضافة رد مع اقتباس
  #6  
قديم 03/04/2009, 02:41 PM
زعيــم مميــز
تاريخ التسجيل: 23/06/2003
مشاركات: 1,552
هههههههههههههههههههههههههه

لا ويقولون انهم بيفتحون استقدام سوريات الله يعين

والله الخدامه حقتنا خلت البيت يدمن على الاندومي اكثر من المفطح بس عزالله انها حليله
اضافة رد مع اقتباس
  #7  
قديم 03/04/2009, 02:47 PM
زعيــم مميــز
تاريخ التسجيل: 19/02/2007
المكان: هو الذي خلق لكم الأرض ذلولاً فامشوا في مناكبها و كلوا من رزقه و إليه ترجعون
مشاركات: 1,522
ههههههههههههههههههههههههههههههههههههههههههههههههههههه

شكلك انت من المعارضين للشغالات

بس نشوف اذا تزوجت منتب جايب شغالة والا زوجتك بيكون لها كلام ثاني
اضافة رد مع اقتباس
  #8  
قديم 03/04/2009, 02:59 PM
الصورة الرمزية الخاصة بـ الولهانss
زعيــم نشيــط
تاريخ التسجيل: 03/10/2007
المكان: المنطقة الشرقية - الخبر
مشاركات: 549
موظف مكتب الاستقدام :

خلاص ابشري نجيب لك سريلانكية بـ(نكهة) نانسي عجرم



اماااااااا هاذي شئ عجيب ..........



والله ودك لو يجيبون وحدة مثل نانسي عجرم ...... كان شفت الشباب السعودي كلهم رايحين وطي




بس يقولون انهم فتحو الاستقدام من طاجكستان على حدو د روسيا .......


يقولون شئ عجيب شقر وعيون زرق .........



الله يرزقنا الحور العين ..................... قولوا امين
اضافة رد مع اقتباس
  #9  
قديم 03/04/2009, 02:59 PM
زعيــم مميــز
تاريخ التسجيل: 19/04/2006
المكان: PIN:7680F483
مشاركات: 3,452
ههههههههههههههههههههههههههههههههههههههههههههههههههه

يارجال خلاص حقين شرق اسيا سوقهم بيطيح بيجون الشغل العدل حقين اوروبا ذيك لدولة اللي جنب روسيا والله ياهم يمدحون شغالتهم يقولون بيضة ونظيفة حسافة عليها انها شغالة

تقبل مروري
اضافة رد مع اقتباس
  #10  
قديم 03/04/2009, 03:11 PM
الصورة الرمزية الخاصة بـ Z ! Z OO
زعيــم مميــز
تاريخ التسجيل: 21/08/2007
المكان: Alriyadh , KSA
مشاركات: 2,006
Post

أسلوب رائع .. كآلعادة

الصرآحة دربي .. ماندري متى ينتهي
لاكن الستغرب .. وين الفريق الفلبيني ..
شكل سوقه نازل ..|

شروط المرأة التعجيزية ..
الي يحسبون أن مكاتب الأستقدام ينقون الشغالات تنقيه لهم
وهم يمسكون أقرب وحده .. ويعطونك آياه

أنا أتسائل .. الحين البنات وش شغلتهم بالبيت
يعني وش فائده الشغالة .. إذا عند الوحده نص درزن بنات
بس المشكلة .. ولا وحده تنفع ..|

والشغالات ياتجيك الوحده .. ماتفهم شى
ولا عمرها دخلت مطبخ .. وما تفرق بين الملح والسكر
وإلا تجيك الوحده .. شايفه نفسها على إيش ما أدري

وإلا مكاتب الأستقدام .. والوعود المزيفة
بننجب لك الشغالة خلال شهر ..
وأن الشغالة منقينها من بد كل الشغالات ..
وأنها تعرف تتعامل مع الأطفال وما قد جت السعودية ..
وأنها مهيب ملقوفه وعيونها منا ومنا

..|..

يعطيك العافية أخوي الصخرة
تحياتي لك ..||



اضافة رد مع اقتباس
  #11  
قديم 03/04/2009, 03:32 PM
زعيــم مميــز
تاريخ التسجيل: 08/02/2008
المكان: فى قلب الزعيم
مشاركات: 2,351
ههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه






الديربي حماااااااااااااااااااااااس



اطلق من ديربي الهلال والنصر هههههههههههههههههههههههههههههههه
اضافة رد مع اقتباس
  #12  
قديم 03/04/2009, 03:41 PM
الصورة الرمزية الخاصة بـ مشمش محب شلال
زعيــم نشيــط
تاريخ التسجيل: 05/05/2005
المكان: تبـــــوكـ ـ ـ ـ
مشاركات: 773
هههههههههههههههههههههههههههههههههههههههه أنشط من ويليهامسون
اضافة رد مع اقتباس
  #13  
قديم 03/04/2009, 04:43 PM
الصورة الرمزية الخاصة بـ عتيبية هلالية
زعيــم فعــال
تاريخ التسجيل: 26/06/2008
المكان: أهل السماء
مشاركات: 409
هلا ..}

للحديث بقية حول الموضوع


نظرة قاصرة

من الروح التي تنبع بداخلي وعطفاً على اطفالنا فهم شظايا هؤلاء وعلى احضان (النيرآن )
,رحمة لهم .. ايقظوا عقولكم وافيقوا لصالح أبنائكم

نحن هنا نتكلم عن (مايخلفونه ) هؤلاء ..! المشكلة لاتتعلق بوجودهم بيناا..!ّ بل سبب وجودهم بيننا ..!

\\

وهج الحقيقة

الغبنة التي اصابت نسائنا ورجالنا (والعجز) عن تحمل اطفالهم .. ومن ثم الوقوع في مجارف ومتاهات من المشاكل والسبب الاهمال ..
بنظره وجيزة وبعيدة عن التحيز نحن السبب .!

فاصلة

حتى لانضع الكوب على حافة الطاولة ليتكسر ..! , وبعيداً عن الاسباب التي اضطررتنا لجلبهم , نحكم انفسنا بالعقل والمطنق

والنظرة البعيدة المدى ..!




اشكرك اخي

تحيتي
اضافة رد مع اقتباس
  #14  
قديم 03/04/2009, 05:00 PM
زعيــم نشيــط
تاريخ التسجيل: 16/09/2008
المكان: الـــر يـــاض
مشاركات: 599
ههههههه

فعلاً هذا هو مسلسلنا اليومي مع الشغالات


وللأسف لا نتعض من تجاربنا أو تجارب غيرنا ممن حولنا


ويعود المسلسل مرة أخرا

مشكور أخي الصخرة على مواضيعك التي تلامس واقع مجتمعنا
اضافة رد مع اقتباس
  #15  
قديم 03/04/2009, 05:21 PM
الصورة الرمزية الخاصة بـ شبوط
زعيــم مميــز
تاريخ التسجيل: 15/03/2008
مشاركات: 4,176
إقتباس
شغالاتنا ما مثلهن. وأنشط من ويليهامسون

خخخخخخخخخخخخخخخ

اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:25 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube