|
هل يرضيكم ماحدث في استاد الملك فهد ؟ السلام عليكم ورحمة الله وبركاته الف مبروك للوطن بمناسبة الفوز الغالي و حصد ثلاث نقاط ثمينه من فم الأسد الاماراتي ولو انها جت بدون مستوى لكن الحمدلله على كل حال .. ... .. ما اعرف احط مقدمات ..! جينا بنحضر المباراه انا وواحد من الشباب جاء من خارج الرياض جينا متحمسين و فرحانين وفينا حماس و تشجيع لكن كل هذا انطفى قبل لا تبدى المباراه :bigeek: تخيلو وش الي حصل لقينا ابواب الملعب مقفله و الجماهير الغفيره كلها منتضره والمصيبه انها بقت مقفوله الى ماقبل صلاة المغرب يعني اغلب الجمهور وصل و حتشد بشكل كبير عند البوابات بعض الجماهير مل من الانتضار و بدا يقفز من فوق الأسوار والبعض بدا يفكر يرجع بيتهم >> وانا اولهم المهم في النهايه فتحو الابواب و صارت الكارثه حصل تزاحم و تدافع عند البوابات بشكل فضيع جدا والله اني على طولي من شدة الزحام رفعوني عن الارض صرت مخنوق لا اقدر اتنفس ولا اقدر انسحب وارجع مشينا مع التيار بالغصب تخيلو الاطفال الصغار و قصار القامه و ضعاف البنيه وش صار فيهم ؟؟ والله ان الي حصل كارثه ولا يرضي الامير سلطان بن فهد و للأسف حصلت حوادث و سمعنا اول مادخلنا الملعب الامن الداخلي ينادي في المكرفونات بأسم واحد يقول له يجب النزول الى سيارة الاسعاف شكل اخوه صاير له دهس >> الله يشفيه ويقومه بالسلامه :cry: .. ... .. يعني بالعربي .. دائما ما يثبت سلمان النمشان في اكثر من موقف انه في غير منصبه وشكرا لكم |
غريبة وين كلام مدير الملعب سلمان النمشان الي يقول راح يكون فيه نظام في دخول الجماهير و الا بس كلام اعلام عشان يطلع بالتلفزيون ؟؟ |
والله من الضياع يالنمشان لو يفتكون منه كان العالم مرتاحه |
ايش التخلف ذا المشكلة الي مخلية المفروض ينشال من مكانة لانة لسا راح تستمر المهازل |
لقينا ابواب الملعب مقفله و الجماهير الغفيره كلها منتضره والمصيبه انها بقت مقفوله الى ماقبل صلاة المغرب يعني اغلب الجمهور وصل و حتشد بشكل كبير عند البوابات بعض الجماهير مل من الانتضار و بدا يقفز من فوق الأسوار والبعض بدا يفكر يرجع بيتهم >> وانا اولهم المهم في النهايه فتحو الابواب و صارت الكارثه حصل تزاحم و تدافع عند البوابات بشكل فضيع جدا والله اني على طولي من شدة الزحام رفعوني عن الارض صرت مخنوق لا اقدر اتنفس ولا اقدر انسحب وارجع مشينا مع التيار بالغصب تخيلو الاطفال الصغار و قصار القامه و ضعاف البنيه وش صار فيهم ؟؟ والله ان الي حصل كارثه ولا يرضي الامير سلطان بن فهد و للأسف حصلت حوادث و سمعنا اول مادخلنا الملعب الامن الداخلي ينادي في المكرفونات بأسم واحد يقول له يجب النزول الى سيارة الاسعاف شكل اخوه صاير له دهس >> الله يشفيه ويقومه بالسلامه .. ... .. يعني بالعربي .. دائما ما يثبت سلمان النمشان في اكثر من موقف انه في غير منصبه وشكرا لكم وانا اشهد وانا مصورها بجوالي الي حصل كشهادة اثبات والي يقهر حقين جندي معفن توة متخرج يضرب جمهور وربي رفعو ضغطي |
المشكلة أنا مثلك جاي من الساعة 4.30 تقريباً وأتفاجأ بأن جميع البوابات مغلقه قلت يبغون ينظمون الدخول ألمهم وأنتظر خمس دقايق عشر نصف ساعة ساعة ساعة ونصف وقبل مايذن المغرب بشوي أنفتح باب من البوابات وبالتحديد بوابه رقم 19 قلت شكل الدعوه فتحو البوابات قلت أنتظر خمس دقايق يمكن يفتحون بوابتنا شفت الدعوة مطوله وعلى طول مع بوابه 19 وأدخل وإذا بالجمهور فل أقصد الواجهه أنصدمت نفسياً قلت مسكرين البوابات عشان الدعوة فل ؟؟ ليه ما علمونا نروح مع بوابات ثانيه ،،، كل اللي جالسين يحسبون الملعب فاضي لأن الســــاعة 4 ماتوقعو يقفلونها عشانها مليانه لا ومن زين الطبع يوم فتحو بوابه 19 أنواع الزحمه تقول رمي الجمرات أقول خلينا ساكتين أفضل لا بكمل ودخلت أحس أني جالس أناظر مباراة بين الوحده والقادسية ،،،>> ولا يزعلون الفرق هذه أحس أني أناظر مباراة بين نجران والنصر أو نجران وابها يعني المباراة زفت في زفت بالله عليكم هذا حال منتخب يبغى يتأهل لكأس العالم ويقابل أنديه كبار ؟؟ من شاف هالعيبه وأنا غاسل يدي ،، هجوم لايوجد به إلا هزازي ودفاع مكتمل والبقيه من حارس ووسط الله بالخير مافيهم إلا نوووور والبقيه بلا نوووووور |
مقلفه ؟؟؟؟ انا دخلت الساعه 4 تحياتي |
امس اخذت القناة الرياضيه السعوديه مقابله مع مدير الستاد وقال (بلحرف الواحد ناهم كانو مخصصين المقاعد الي ذكرتوها الي روابط النديه ولكن تاخرو وضطرت الى فتح البواب للجماهير لن الجماهير غفيره وكان المكان غير مخصص اللجماهير) وهاذى مجرد توضيح |
انا جيت ســاعه 3 والحمدلله لقيت البوبه 22 مفتوحه ودخلنا |
والله انا جاي الساعه 2,30 ودخلنا ساحة الملعب الخارجيه الساعه 3,00 ورحنا التفتيش وكان باقي قدامي حوالي خمس افراد وادخل قالوا ماندخلكم الا بتذاكر المهم قعدت الى الساعه 3,30 وصفين عند شباك التذاكر والله وزححححححححححححححححححمه وفيه جاهير....... يجون يقولون مافيه تذاكر بصوت عالي ويجيك الجمهور المسكين ويجرون(يركضون) ومايدرون وش الساله وبعدين يرجعون الى شباك التذاكر وعلى هذا الحال الى الساعه 4,00 وبعدين قالوا مافيه تذاكر شوفوا القهر والله حصل تدافع لاكن بسيط ودخلونا الواجهه اللي فوق اللي تحت مقفله للرابطه-والباصات القادمة من جميع انحاء المملكة والله انتابني خوف انه مايفلل الملعب والله الساعة 4,30 جو حقين الباصات والواجهه اللي تحت امتلا فيها صف والله والساعة 5,00 فجأه واشوف تدافع الى داخل الملعب كأن فيه نار جايه من وراهم (انا كنت في الواجهه في النص فوق في اول صف) موقع استراتيجي خخخخخخخخخ والله فللة الواجهه ماجة الساعه 6,00 الى والاطراف فللت باقي المدرج الاماراتي وياهي قصه بسبب موقعي الاستراتيجي فجأة اشوف الناس يجرون الى المدرج الاماراتي ودخلو المدرج المحترم دخل من البوابات وال...... قفز من الاسوار في الساعه 7,30 فلل الملعب عن بكرة ابيه المهم وبعد هدفنا الاول فرحه في المدرجات ومن ثم التعادل ومن ثم التقدم للإمارات وانتها الشوط الاول والجماهير زعلانه واللي خرج من الملعب وهو زعلان وواصله معه ... المهم تفائلت كثيرا في الشوط الثاني جا هدف التعادل وياهو هدف الارض اهتزت من قوت التشجيع والله انا قاعد اشجع طول المباراة وجت المشكله جاك هام السحاب (فوق هام السحب) والله وتشوف التشجيع وجا الهدف الثاني انا قلت بأطيح ولا بسير شئ في الملعب الارض اهتزت بشكل خرافي بشكل ماتتصورون والله شجعنا حتي انتهام المباراة وكانت هذي افضل مباراة احضرها مع المنتخب |
فعلا هذا ماحدث للجماهير والنمشان ماعنده غير المهايط |
و الله يا عزيزي أنا حاضر من الساعة 5 العصر و الملعب .. و لقيت مكان في الواجهة لكن على اليسار .. بس مكان جيد الزبده زحمه كان فيه صح .. لكن تدافع و ما أدري إيش و إسعاف ما شفت .. |
إقتباس:
|
متى يشيلونه العالم تطورت وهالطفسه مازال موجود |
لو يفكوننا من هالنمشان بس يكون في علمكم البوابات حقت الملعب اللي فوق مفتووووووووحه تحياتي |
| الوقت المعتمد في المنتدى بتوقيت جرينتش +3.
الوقت الان » 03:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd