انتقال الجمعان لنادي ؟؟؟؟
 

اولاً اقولها بملء فمي كمشجع هلالي فليرحل الجمعان ومن هم على شاكلته فكفانا مساومه وتلاعب بالاعصاب لاعبين الواحد اسمه مكتوب في خارطة الكره الاقليميه وليس العالميه بقلم رصاص ويشوف نفشه ويهدد بالعب اساسي والا ابنتقل .وقبله الشريده وقبله ابواثنين و.....و........و...... والخافي اعظم ولو سوينا نفس الشي ما بقى الا 11 لاعب الاساسيين وكل واحد احتياطي يقاطع التدريبات والنادي.

الشي الاهم من وجهة نظري ان الهلال مهب في حاجة احد ( أي احد) مع احترامي لنجومه لكن اللي طلعهم بيطلع احسن منهم.........وبينرمون في مزبلة تاريخ الرياضه وبيبقى اسم نادينا شامخ للابد ولا ادل من الغشيان .....و.....و....... فالهلال مهب حكر على اي لاعب مهما كان مستواه لا ثنيان ولا تمياط ولا سامي وتبون الصدق نص البلا من جمهورنا اللي يشجع النادي عشان فلان يلعب ويحضر اذا فلان بيلعب .....انا اشجع الهلال ولو يلعب فيه اللي يلعب دام عليه شعار النادي ويحمل اسمه ما يهمني .

وفي الختام اتمنى ان الموضوع ما يعدي على خير وان الجمعان يوقع على تعهد ويعاقب واذا عند يعرض عقده للبيع ........بصراحه شبعنا من حركات هالاعبين واشد هنا على يد ابومحمد (المصيبيح) واقوله لا يهمك (*) اللي يبون فلان يلعب والمعسل في يده وبعد المباراه تحب على راسه ..........

واعذروني بصراحه منفقعه مرارتي واحترق وهالجمعان ابرد ما عنده على الرغم من اني بعيد عن البلد ولاهي بدراستي لكني معكم عن طريق هالمنتدى كني في العريجا

بصراحه ماقريت الموضوع لكن انا معك ان الجمعان تمتادى ويستاهل

اشد العقوبات.... لكن مانفرط فيه بهاالسهوله.. ونصبر نشوف

غديها اثاره صحفيه لا اقل ولا اكثر................................

وبصراحه توقيعك شي ههههههههههههههههههههههههههههه

تصدق ابمشي بهاالنصيحه هههههه

الجمعان هذا هو من عرفناه لاعب فنان ويفيد الفريق لكن بصراحة بزر بكل ما تعنيه الكلمة من معنى الناس تكبر وهو يصغر عقله برجليه حاطه بالله قولوالي فيه مباراة ما اصيب فيها على ضخامة جسمه فيه موسم مر ما سوى فيه الف مشكلة اذا يرحل غير ماسوف عليه والي يطلع من الهلال يقل مقداره مهما كان ....؟

يا شباب الدعوا ماهي كل ما صارت مشكله للاعب قلتو ما نبيه

هذا واحد من ابنا النادي ولابد من المشاكل (( بين الاب وابنه ))

ولا كان ماحد جلس في بيت ابوه ...

وبعدين الخلل في اداره متفككه متبعثره

ماتعرف من الرئيس ومن المرئوس

بختصار (((((( الطاسه ضايعه ))))))