|
مشكورين أخواني على المرور لكن فيه بعض الأعضاء يسب اللاعب ويقول أسوأ لاعب في الهلال هل الكلام هذا صحيح بأن تنعت لاعب أنه سئ وهو من سجل لك 8 أهداف في الدوري وحسم لك آخر مباراة وتقول له سئ أليست دنائة بالرد أن تقابل الإحسان بالإسائه إذا فيه أحد أحسن إليك تقابلة بالإسائه هل هذا من شيم الأخلاق أن تسئ إلى من أحسن إليك هل جزاء الإحسان إلا الإحسان ياشباب هل من المعقول ان تمجد الفرس الذي ساعد الفارس في المعركة هل الفرس من قاتل أم الفارس هو من حسم الأمور صحيح أن الفرس له دور في المساعدة لكنه لم يقاتل والذي قاتل هو الفارس وكلهم مكملين لبعضهم ولكن المجد الحقيقي للفارس وأنا أقصد بكلامي الأعضاء الذين مجدو ياسر لأنه صنع الهدف والعنبر كأنه لم يفعل شئ هل هذا من العدل ياسر صلح الهجمة للعنبر ولكنه لم يسجل فياسر في مقارنتي التي قبل قليل مكانه الفرس والفارس هو العنبر اتمنا وضحت لكم مامقصدي ومغزاي من قولي عن رد أحد الإخوة بالدنائة وإذا حس أنني أخطأت عليه بكلامي فليقبل عذري لأن الكلام كله في إطار الرياضه ولم يمس من أخلاقنا وعرضنا أي شئ فأتمنى إن أحس أخي أنني اسأت إليه فليتقبل عذري لكم مني أرق وأجمل تحية |
الاعب نايف لاعب رآئـــع ،، لآكنه ليس بــأحق من الصويلح ولا العنبر ،، |
والله شف يالغالي انا ماادري من اللي طالبوا بنايف هزازي ... لكن ياليت تتكلم بما يُعقل !! اجل العنبر افضل من هزازي !! معليش ... اللي اشوفه ياناقض كلامك الصويلح ان طلع من اصابه ... يجلس يومين .. وتجيه اصابه ثانيه تقول لي راس العنبر افضل من هزازي في الارتقاء !! ياحبيبي وش فايدتي بماهجم يضرب الكره من قمة راسه !! الهزازي ضربة الراس عنده في الجبهه ... يعني يشوف وين الباب وهو يضرب ويمشي الكره بكيفه :) ع العموم يضل نايف لاعب كبير ... والاتحاد نادي كبير والهلال كبير بلاعبينه :) ويكفينا لاعب اسيا 2007 في هجومنا |
ههههههههههههههههههه والله اني استغرب مع بعض الاعضاء اللي يطالبون بهزازي يازعماء عندكم مباراه مصيريه غدا مع الاتفاق ماشاء الله هذا دعمكم للاعبينكم ؟؟ |
اللي يطالب بهزازي هذا انسان اعتبره مو صاحي وين يلعب لو اتى للهلال هل نجعله اساسي والقحطانى احتياط او نحطه مكان المحيانى بعدين اي واحد في الاتحاد ماراح يفرط الاتحاد فيه بسهوله متى راح تصحون اصحو من كل واحد بدع قلتو نبغاه |
هزازي لاعب الموسم وبصراحة لولا الله ثم هزازي ما جاتنا فرصة التاهل لكاس العالم واتوقع ان هزازي سيحترف في اقوى فرق اوروبا مميزاته: صغر السن ضربات الراس مثل الكابتن ماجد عبدالله حاليا يعتبر المهاجم الصريح داخل ال 18 الارتقاء العالي ( ماشاء الله ) القتالية داخل الملعب الروووووووووووووح العالية في المهاجم لديه والمعدومه لدى العنبر والصويلح واتمنى ان نراه يحمل شعار نادينا المفضل والعزيز قلوبنا وستكون ضربة معلم على الخصم لانه الى الان لم يوقع كمحترف تحياتي |
نايف هزازي لاعب جيد بس الي عندنا فيهم الخير والبركه |
ياخي ربعنا اذا برز لاعب في مباراة او مبارتين قالوا لازم الادارة تجيبه |
أقول خلونا على مهاجمينا احسن لنا مشكلتنا اذا لاعب برز في مباراه او مبارتين على طول رفعناه في السماء اعطيه شهرين وبتشووف هالصعود يتحول هبووط |
كلام في الصميم ولاتنسى نفيز |
طلق المحياااااااااااااااااااااااااا وجبناه وش تبون اكثر من كذا |
مشكورين على مروركم واللي يقول العنبر يضرب الكرة في قمة رأسه يرجع لاحد المباريات في الدوري بس ماأذكر وش هي بالضبط شوف كيف ضرب الكورة برأسه كأنها ضربة بالقدم أتمنا نتكلم بعقل قليلاً يعني خلا الفرصة أكبر للتأهل لكأس العالم يكون هو أفضل لاعب بالعالم ياسر ماأحترف في اوروبا علشان يجي نايف هزازي تقولي يحترف واللي يقول الصويلح ماعنده روح للمعلومية أكثر لاعب في الهلال حماس ومشاغبة وإلى الآن لم أرى في الصويلح نوع من البرود في المباريات مثل بعض اللاعبين وهو لاعب سريع ولكن الإصابات حرمتنا منه الله يكفينا شرها وأتذكر مقوله قالها اللاعب رونالدو قال لولا لعنة الإصابات لأنسيتكم بيليه وأنا أقول لولا لعنة الإصابات لأنسانا الصويلح جميع أساطير كرة القدم السعودية وأنا أعني ماأقول اتمنا من اللي يردون يتعقلون شوي في رودهم قليلاً لكم مني أرق تحية |
هزازي لاعب ممتاز وافضل من العنبر (هذي الصراحة) لاعب حماااااااااسي ومزعج للمدافعين وضربات الراس عنده قاتله وهذي كلها يفتقدها العنبر لاكن نتمنى ان العنبر يطور من مستواه |
بصراحه هزازي يمتاز بالحماس والتوقيت السليم في الارتقاء محمد العنبر يمتاز بدقة ضرب الرأس ناحية المرمى وينقصه الحماس. لا ننسى ان العنبر برز مع نادي الهلال وماقصرهذا الموسم اصبح من ضمن قائمة الهدافين ولا ننسى انه سبب فوزنا على نادي الوحده . الاثنين حلوين ويمتازن بعدة مميزات لكن بما اني هلالي فأقول ماقصرت يالعنبر وانت الاولى والافضل لدينا واتمنى له التوفيق. |
إقتباس:
حسب متابعتي للكرة الأوربية أكثر من الدوري السعودي أرشح نايف هزازي للعب في أقوى الدوريات ببساطة ,, مدربي الفرق لا يريدون لاعب يجيد مراوح تسحيب وووو إلخ " القتاليه , القوه الجسمانيه , الحماسيه , الجهد , والحسم " هذي المواصفات كلها بــ هزازي ,, كذالك هو لاعب صغير في السن ,, حظوظه للإحتراف أكثر من غيره مع أحترامي للجميع " هزازي في هذا الوقت ,, أفضل من ياسر بمراحل " أعتقد لو يرجع ياسر لمستواه المعهود راح يكون قوة ضاربة للمنتخب السعودي ولاكن السؤال يبقى ,, هل ياسر جدير بالإحتراف ؟ لا أعتقد ذالك ,, الجواب ببساطه لا يملك قوه جسامنيه. هل نايف هزازي مطلب الجمهور ؟ من منكم لا يتمنى أن يكون لديه لاعب مثل هزازي . دمتم بود |
| الوقت المعتمد في المنتدى بتوقيت جرينتش +3.
الوقت الان » 07:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd