أولاً : ألف ألف تريليون مبرووك ،، ثانياً :شوفوا إدارة النمشان شو سوت في الجماهير أمس ،، الله الله عليك يالأخضر الله على متعة الأخضر الله على عنفـوان الأخضر ،، شباب الحمدلله أمس بين الشوطين أنا كنت متفائل وكنت أقول للشباب راح نقلب النتيجة لأن أخضرنا فيه لعيبة كبار وللأسف هم كانوا متحطمين ،، ولكن رجال الأخضر قلبوا النتيجة كما كنت متوقع لأنه زي ماقلت فيه لعيبة كبااار بالمنتخب ،، هذا أولاً . ثانيا ياشباب :وش رايكم باللي رايحين للملعب الساعة 1 الظهر على ان يوزعون عليهم تذاكر الساعة 3 ويدخلون الملعب "مع إنه المفروض يدخلون دايركت بدون تذاكر" ،، المفأجأة إن المسؤولين عن التذاكر يقولون لنا "والله مافيه تذاكر " نقول لهم "طيب دخلونا مشكلتكم مافيه تذاكر" يقولون "والله لازم بتذكرة" ،، إدارة الملعب رفضت تدخل أي مشجع إلا بتذكرة وأصبحنا لساعتين تحت أشعة الشمس الحارقة عند البوابات ننتظر وكالعادة السعودي متجحلط بأي مكان ،، إلين أتى الفرج ولكن .. قالوا لنا بندخلكم بس مافيه إلا المدرجات العلوية للواجهة ،، يقولون المدرجات السفلية للي معهم تذاكر "يعني بالعربي حقين جدة وحقين المدارس" مسوي هو ووجهه النمشان يقدم تسهيلات للجماهير السعودية وهو حاشرنا فوق ،، والله قهر ياناس وش رايكم فيه ؟؟ ع العموم أكرر لكم التبريكات مرة ثانيـة بفوز أخضرنا الرائع . وفـووووق فوق هام السحب ياأغلىآ وطن ،، فووووق فوق هام السحب ،، وعــلاش علاش علاش ،، نفوز يعني نفـووز ،، وعلاش علاش علاش ،، بتفوزن علينا يالإماراتية في الرياض خخخخخ وعلاش علاش علاش ،، أبارك للشعب الإماراتي الشقيق ماحققوه من إنجاز وهو تسجيلهم لهدفين على المنتخب السعودي في الرياض . وعاااااش الأخضررر :clapping: |
إقتباس:
خخخ :d الله يبارك فيك بالتوفيق للمنتخب السعودي للوصول لـجنوب أفريقـا :smilie47: |
بالله اثره هذا السبب يعنني مافتحوا البوابات اللي تحت طيب ليه مايقولون لنا والله منتظر عند بوابة 25 من الساعة 3 إلى أذن المغرب والله عذبونا وتعبونا الله يآخذهم وآخرتها فتحنا الباب بالقوة ودخلنا بالغصب عنهم هالكلاب لاطعينا وخسنا من الحر يوم دخلنا مالنا حيل نشجع هلكونا الله يهلكهم .. |
اكيد بيعطونك تذاكر لأن الدعوة شراء تذاكر وليس دخول مجاني |
إقتباس:
لا ياسيدي العزيز الدخول مجاني ،، وشركة زين تكفلت بشراء جميع التذاكر ،، لكن يبغون يوزعوا على كل مشع تذكرة عشان يدخل ،، خلاص ياخي دامها مجاني دخل الشعب مرة وحدة زي مباريات إيران وكوريا . |
ياخي وشوله رايح للملعب من الساعه 1 والمباراة الساعة 8 ونص !!!! |
حسبي الله عليهم ! إنمغصت بطوننا من هالكتْمه أمس مقفّلين البوابات اللي تحت مقفّلة إلى ان أذن المغرب حسبي الله و نعْم الوكيل .. و ظهورنا تكسّرت من التصادم و الضغط في البوابات حقت الواجهة .. ما نقول الا الله ياخذ هالنمشان , الله من الدجه |
مشكور الله يعطيك العافيه ومزيد من التألق والابداع مبروك فوز النتخب السعودي وان شاء الله الفوز في المبارةاة القادمه والتأهل الى النهائيات في جنوب افريقيا |
إقتباس:
إيه على بالك إني بجلس بأحلى مكان في المدرجات ،، لكن هل كنت تتوقع إن اللي رايح للملعب من الظهر ينحشر في المدرجات العلوية !! |
والله اني حرمت اجي مع اننا فزنا لكن اللي حضر عند البوابات اللي تحت يعرف وش صار لنا .. |
اخوي الصغير امس حضر المباراة وكانت اول مباراة يحضرها في حياته صغنون وش زينه بس ياعمري عمره مع التزاحم عفطوه وطاح علمه وطاحت اغراضه اللي معه بس الحمد لله مرت على خير.... لكن للأسف مازالت إدارة النمشــــــــان فــــــــــــــاشــــــــــــــــله بمعنى الكلمه.... تحياتي لك اخوي ومبروك الفوز... |
اثره هذا السبب يعنني مافتحوا البوابات اللي تحت طيب ليه مايقولون لنا والله منتظر عند بوابة 25 من الساعة 3 إلى أذن المغرب والله عذبونا وتعبونا الله يآخذهم وآخرتها فتحنا الباب بالقوة ودخلنا بالغصب عنهم هالكلاب لاطعينا وخسنا من الحر يوم دخلنا مالنا حيل نشجع هلكونا الله يهلكهم .. |
يا رجال خلها على ربكـ يا اخوني حنا تمرمطنـــا "حلوه تمرمطنا" ثلاث ساعات لين فتحوا لنا المدرجات السفلية يعني تخيل من الساعة ثلاث الين فتحوها الساعة خمسة وخمس وخمسين دقيقه تخيـــل ثلاث ساعات كلها علشان وجه السعد النمشــان بس ما اقول الا الله يخلف على ادارة الاستاد اللي كل يوم تطلع فضايحهم أي مباراة تلقى لا زم لهم فضيحـــه ... |
إقتباس:
لاحول ولاقوة إلا بالله ،، والله شي مخجل إنا ننقع برا البوابات لأسباب واهية ،، مدري وش الحكمة من هالحركات . |
يا شباب النمشان وادارته مالهم دخل ..! الاتحاد الاسيوي يمنع منع باتاً دخول اي مشجع الى الملعب دون تذكرة , خصوصا في تصفيات كأس العالم و FIFA ضغطوا عليهم من هالناحية ..,, |
الوقت المعتمد في المنتدى بتوقيت جرينتش +3.
الوقت الان » 06:22 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd