|
نستاهل وتستاهلون الفوز ... لكن شرايكم ..؟؟ السلام عليكم ورحمة الله وبركاته في البدايه اقول لاحد يقوم لي ويقولي احنا واحنا ... وانتو وانتو :bx: احنا نستاهل الفوز :naughty: وانتو تستاهلون الفوز لكن هاي الكورة فوز وخسارة ... وانتو فزتو واحنا لازم نتقبلها ... :yes: صراحه انا تابعت المباراه عـ ART اللي رفعت ضغطي الصراحه ... بمعلقها ... بحكم اني اماراتيه ... وهو سعودي اكيد ما راح يكون حيادي ... وتعليقه بالهدف الاول ذبحنا ... وغير جيه انه القناة كل شوي تقطع ... :to: نرجع للمباراه ... :to: كانت مباراة في البدايه مب لين اهناك ... يعني هجمه مني هجمه مناك ... يعني شوط بارد انتو سجلتو من البلنتي ( اللي ما اعرف صحته من عدمه ) لكن الحمدلله على كل حال ... بس احنا كنا مسيطرين الكورة اكثر ... فسجلنا هدفين في آخر دقايق الشوط الاول ... وليتها كانت نهاية الشوط الثاني ... بس خبروني شرايكــــــــــم في هدف اسمــــاعيل مــــــطر :naughty: .. ؟؟؟ المهم لعبنا الشوط الثاني ... وسجلنالكم هدف :ap: واستوت النتيجة ... 2\2 ويبتو هدف الفوز ... وفزتو علينا ... ولو انا احنا بعد نستاهل الفوز ... :cry: واللي كنت اتمناه انكم اتفوزون وتتأهلون لكن مب على حسابنا ... لكن شو نسوي ... :d وعقبال ما تتأهلون كاس العالم ... لكن بصراحه ما راح اتفوزون لو هاذا مستواكم ... لأنه مستوى المنتخب السعودي احسن عن هالمستوى ... ما ادري شو ياينكم الصراحه ... في النهاية ارد اقولكم مبرووووووووووووك الفوز ... ونبارك لعمارنا اقالة دومنيك ... واللي خرب علينا الاخ ميتسووو وراح والحين قاعدين القطريين ندمانين ليش خلو ميتسو يدرب منتخبهم ... هاي ضريبة اللي يلعب من تحت لتحت ... ويفاوض من الدرايش ... على الاقل احنا خسرنا المباراة بمواطنينا مب باللي مجنسينهم ... :: في النهاية عيبتني روح لعيبتنا يوم اتوجهو للعيبتكم وباركوهم ع الفوز ... وان شاء الله ع التأهل البطاقة الثانية ... وكلنا وراكم ... واخواني بدال ما يشجعون منتخبنا قامو يشجعون المنتخب السعودي :ap: والف مبروووووك تستاهلون التأهل لكاس العالم ... بس شدو حيلكم أكثر :: دلووووعة الإماراااات |
اخوي انت غلطان الشوط الثاني كله لنا واما الشوط ففتي ففتي يعني نص بنص ترا حتا مابارتنا قدام ايران قلبناها عليهم يعني تقدم ( نذبحك ) |
إقتباس:
عسى دوووم يا رب اللي يتقدمون عليكم تذبحونهم ... :d بس شدو الحيل جيه ما ينفع بعدين |
إقتباس:
عطينا كلام واضح هنود احنا :naughty: مشكوره اختي دلع الامارات وعسا ربي يوفقنا كلنا موفقين :smilie47: |
اهلين اختي دلع بكل امانه لو نقيس نصف الشوط الاول نقول تستاهلون الفوز ام لو رجعنا للمبارة عامة 99% الفوز سعودي والسيطره سعوديه " اما هدف اسماعيل مطر شي ثاني واسماعيل لايختلف عليه اثنان <<ولو انها من غلطة الحارس كان متقدم " اما بخصوص المستوى نعم ماكان هناك مستوى لكن فيه روح في قتاليه وخير مثال مبارة ايران.ونسبه قليله من مبارة الامارت ولاتنسي انه مبارة ايران منعطف جدا خطير .وبعدها مبارة الامارات كانت الاصعب والحمد الله عدينا على خير " على العموم شكر لك على الموضوع الرئـع والمختصر والجميل وعقبال نتاهل لكاس العالم للمره الخامسه على التوالي |
إقتباس:
حشى ما قلت انتو هنود ... قلت ولو إنا إحنا نستاهل الفوز بعد انتو اللي موفقين ... وعلى فكرة مدربنا مال المنتخب يمكن يكون كوزمن :d |
إقتباس:
أنـه الغيابات كثيييرهـ .. ياسر القحطاني - مالك - الراهب - سعد الحارثي - المرشدي - عزيز -كريري !! عـ العموم هـآرد لك .. وإن شاء اللـه المنتخب يقدم أحسن من هـ المستوى برجوع الـمصابين :clapping: ـــــ أمـا هدف مطـر .. فهـو عـــآلمي :clapping: |
إقتباس:
عين العقل ... هالتفكير يعيبني ... منصف ... :d وان شاء الله تتأهلون واحنا معاكم ونشجعكم .. اذا مع منتخبنا اخواني يشجعونكم ... :d شكرا ع الرد :rose: |
إقتباس:
أعرف انه مالك وياسر وسعد ... اما البقيه لا ... ان شاء الله يرجعون كلهم ... وانشوف منتخب ينافس الكبار في كاس العالم ... صدقت والله عالمي الهدف :rose: |
احلى شي اعجبتني منك هاي هاي هاي ام الباقي شي طبيعي تقولين الكلام هذا لنك اماراتيه ونعم .... |
إقتباس:
وانتو صدقتوا وسجلتو 2 على بالكم انتهت المباراه هههههههههه وبالاخير انتهت سعوديه بنقاطها والسعوديه حتى بسوء مستواها امس فااااااااااااازت يعني وربي منتخب بطل على منتخبكم الي كان في أقوى حالاته من 100 سنه هههههههههه إقتباس:
مااشوف فيه شي مميز مثل ماقال الكابتن وليد عبدالله سوء تقدير منه إقتباس:
|
دائمآ وأبداً .. ومن عرفت كوره .. الخليجين لا يعترفون بالخساره اطلاقاً .. وبالتحديد الامارتيين والقطريين اللي مالك امل يعترفون ،، ودليل كلامي هو موضوعك .. اللي تحاولين فيه ان تقنعين نفسك وتقنعينا بـأن الإمارات كانت افضل وكانت تستحق الفوز .. وهي بعكس كلامك .. اذا بتنظرين للمبااراه نظره فنيه .. أولآ ,, الشوط الأول كانت الـ 25 دقيقه الأولى للمنتخب السعودي وباقي الشوط ضغط المنتخب الاماراتي على المرمى السعودي وأتت النتيجه .. ومثل ما قلتي الهدف الثاني جبتوه لنا .. فهدفكم الثاني غلطة شآطر " اسامه هوساوي " وياليت تراجعين وتشوفين الهدف مرره ثانيه .. يعني اذا بتتكلمون بهالمنطق .. صدقيني عمركم ما راح تتطورون ..! وبالنسبه للشوط الثاني ،، لا تعليق .. الشوط كامل تسيّدته السعوديه .. وشي طبيعي في ظل تأخره .. وفي الحقيقه لمن يقول ان المنتخب الاماراتي يستحق الفوز فهو غلطااان .. الامارات قدمت مباراه .. نعم اوافقك الرآي .. لكن تستحق الفوز لآآآ ،، انا اشكرك على روحك الرياضيه وأعلم انها ما هي الا غيره ع وطنك ومحبه له وشي طبيعي تقولين هالكلام عشان تقنعين نفسسك بأنكم قدمتو ما يشفع لكم ..!! تقبلي مروري وخالص تقديري لشخصك .. آمير الذوق |
انا اعرتف انتم في بدايه الشوط الاول لعبتو صح وسجلتو هدفين وهذا خطأ فادح منكم لانكم نسيتو المنتخب السعودي اذا اراد الفوز وش يسوي (في الشوط الثاني الامارات ولا هجمه واحده ) في النهايه المنتخب الاماراتي قوي لاكن لا يجاري ابدا المنتخب السعودي << ولا يجاري حتى احتياط المنتخب السعودي والدليل ( انا راح اشوف مبارات هذي السنه بس من مبارات المنتخي السعودي مع الامارات المنتخب السعودي طبعا المنتخب من بدايه الموسم يعاني من الاصابات اول مبارات في هذا الموسم فينهم انتهت المبارات 2-1 للاخضر << وكان المنتخب يغيب عنه مالك معاذ ,نايف هزازي ,حسين عبد الغني , محمد نور ,سعود كريري ,تيسير الجاسم ,ناصر الشمراني,حسن الراهب , وياسر القحطاني شارك في اخر 7 دقائق و كان مصاب ايضا وتطول القائمه الغائبه المبارت الثانيه بين المنتخبين هذا الموسم انتهت 3-0 للأخضر وكان يغيب عن الاخضر (سعد الحارثي ,حسين عبدالغني ,سعود كريري ,محمد نور , ناصر الشمراني ,نايف هزازي) المبارات الثالثه و الاخيره 3-2 للأخضر و كان يغيب عن الاخضر (ياسر القحطاني ,مالك معاذ ,سعد الحارثي, ماجد المرشدي, عبدالله شهيل ,خالد عزيز ,سعود كريري , حسن الراهب والكثيرررررر |
اقول بسم الله عليك تقطع !! والله ابوظبي هي اللي تقطع والمعلق في ارتي مع انه سعودي الا انه كان حيادي نوعا ما وارتي ماتقطعت ولا مره وامير الذوق والله كلام كنت اتمنى يطلع مني او ماعرفت اعبره والله ادور له جمله هل الامارات تحب التصريف او الاعذار او انها تعتبر نفسها صغيره واذا لعبت مع المنتخبات الثانيه وسجلت قول او هجمه خطيره قالوا كنا نتمنى الفوز او احرجنا الفريق المقابل بس عدم الاعتراف بالخساره هو العنوان الرئيسي للمنتخب الاماراتي وهو سبب المستويات الفاشله اللي تقدمها انديتهم في محترفين اسيا ومنتخبهم إقتباس:
|
إقتباس:
مشكور ع المرور إقتباس:
نحن دايما نستاهل الفوز ... بس احنا بعد انخرب على عمارنا ... لا انتي اللي اسمحيلي :d اي اعطى فرصة ... خخخخ والله احنا لعبنا ... لكن نعرف عمارنا انه بنخسر لأنه هاذي عادتنا ويا اي فريق .. نتقدم بعدين نخسر ... ما عندنا حظ ... :ap: لا فديتج لا تبالغين ... بس صدقيني لو انتو لعبتو هاللعب جدام المنتخبات الثانية ما بتتأهلون ... القادم اصعب وانا اختج لا تتحسبين اني ما احب لكم الفوز ... بالعكس انتو المنتخب الوحيد اللي يشرفنا عالميا :rose: مشكورة ع الرد ولا تزعلين تستاهلون الفوز s13s |
| الوقت المعتمد في المنتدى بتوقيت جرينتش +3.
الوقت الان » 11:12 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd