|
][ عنـاادهم امـس كان بيضيعـهم , , , ولبـى قلبـك يآ يآسـر بسم الله الرحمن الرحيم كلنا شفنا البـارح والمباراه الي قبلها مع ايران كيف كان حال الهجوم في المنتخب طقها والحقهاا ناصر الشمراني هداف الدوري على الحزم وناييف هزازي ياتعطيني بالراس او قدام الباب ولا غيرها مايمديك بس بدخول صالح بشير تعدلت الاوضاع شوي والله لو عند ايران مدرب صح مااظن نفوز ولا نسجل قول واحد لكن ربي رحمنا بالدلخ علي دائي اتوقع انه حاط التشكيله وقال العبوو وبس ومباراة البارح كانت بتصير فضاايح لولا الله كان الخطط المدروسه ودت بيسيرو في خبر كانا يعني اجتهاد نامي المبدع ودخول حسين عبدالغني وصالح بشير حرك الهجوم شوي وصنع الهدف الثالث ولا كانت علووم كلنا نعرف سلطة الاتحاد السعودي على المدربين يعني بالعقل بيسيرو الي ما يبي ياسر والله لو حنا في اوربا كان يمكن اصدق بس عندنا لااا لو يبونه والله يحطونه لان من شروطهم قبل العقد انهم ايتدخلون في كل صغيره وكبيره وهم يتحملون المسؤليه هذي قاعدتهم عناادهم كان بيضيعهم البارح لو نرجع للمنطق والله اني تمنيت ياسر واهو سيء ولا لاثنين الي امس لان المفروض النتيجه محسومه من الشوط الاول بس وين الي يحسمها هدف ياسر الي على الامارات في كأس الخليج تتوقعون الشمراني ولا هزازي يمكن يجيبونه لو حتى بالصدفه والله لو يجتهدون من اليوم اليين 10 سنين قدام ما يسوونه ووقتها ياسر كان على قولتهم في اسوء حالاته والله ظلم يستبعدونه واهو افضل السيئين ويقولون مستواه سيء بغض النظر عن ميولي لكن تحد من معنويات اي لاعب يكون في مكانه لكن بعد مباراة امس عرفو ان الله حق ومباراة كوريا بيكون في اول القائمه ان شاءالله وشكرآ |
كـلآمك عين العقل اخوي ,, لاهنت .. |
بغوا بدفعون ثمن عناادهم بس ربك ستر وعدت على خير وقدام كوريا مايبيلها كلام راح يتقدمهم انشاء الله |
كـلآمك عين العقل اخوي ,, لاهنت .. |
معليه اخوي انا ما اوافقك ..!! بالعكس هجوم المنتخب أمام إيران كان في الموعد وماقصروا ..!! وامس امام الامارات اثبت هزازي انه نجم كبير قادم للملاعب السعوديه ..!! ومافي شك اضافة ياسر معاهم تعطي قوة كبير لخط الهجوم في المنتخب السعودي ..!! |
اشفيكم انتم ؟ اقسم بالله ترفعون الضغط .. تخلون الواحد يزل عليكم غصب ..!! بيسيرو ما استدعى ياسر لانه تأخر عن المعسكر ولاعب تأخر عن المعسكر .. من الغباء انك تضمه في نص الزحمه .. لا وانتوا الي مسوين تعلّمون الاتحاد السعودي وشهو الاحتراف ؟ علموا نفسكم أوّل !! يعني من الاحتراف ان ياسر يستدعى الحين ؟ بالله ما بيحتاج انسجام .. و فهم لخطة المدرب .. و يحتاج جاهزية لياقية أيضاً ..!! و بعدين في قاعدة في كرة القدم .. الفريق الي تفوز فيه لا تغيره والمنتخب فاز على إيران في إيران و بمستوى بعد .. وتبيه يخرب ام الدنيا قبل مباراة حاسمة بثلاث أيام و 4 أيام .. يا ناس اتقوا الله .. ولتنظر نفس ما قدمت لـغد .. تاكلكم اصابعكم اذا ما اتهمتوا الناس .. ( يا أيّها اللذين آمنوا اجتنبوا كثيراً من الظن إن بعض الظن إثم ...) الآية .. ترى الإسلام مهوب انك تنطق الشهادتين وبعدها تفلها .!! استغفر الله :rose: |
^^^ ما ادري اندفاعك حسيييت ان الكاتب جاسم الحربي ولا مدني رحييمي يا اخي ياسر يصنع الفوارق بعد توفيق الله لو يلعب واقف تشووف الدفاااع الاماراتي فيه خلل لانه يقوول لاعب ذو قدرات وينخااف منه يعني لا تجي مندفع هد السرعه وارقى المطب شوي شوي لا ينكسر عليك العكس ان شاء الله ابو سعييييييييد اول القائمــة |
إقتباس:
:alzaeem: |
لو سمحت نوضوع تافه جدآآ نايف هزازي ..... رأئع جدا جدا ويهله لعب للاحتراف ناصر الشمراني ... ناقصه خبرهـ بس ياسر .... اذا رجع بنكون اول المجموعه باذن الله |
إقتباس:
انا ما اشوف في كلامي ما ينقص من قدرات ياسر او إمكانياته .. ولا اشوف فيه علاقة بين كلامي و كلام جاسم الحربي أو مدني رحيمي .. بس الواضح إنك مندفع أكثر مني .. و نتيجة ذلك .. شتلت بغتة وانت لا تشعر .. أنا اقول يا قلبوو .. إن المدرب لديه خطة معينة للمعسكر .. اوكي ؟ طيب .. ياسر كان موقوف في مباراة إيران .. و طبيعي ما يستدعيه للمعسكر الي قبل مباراة إيران .. ولكن في نفس الوقت .. قال له يحضر في يوم الأحد .. و هو اليوم الأول بعد مباراة إيران .. وكان مقر المعسكر في الرياض .. طيب خلنا نتفق إن هذي هي الخطة الي حاطها المدرب .. وهي ان يكون ياسر متواجد يوم الأحد بعد كذا .. ياسر تأخر عن المعسكر .. وما حضر يوم الأحد .. و المنتخب بدا معسكره في هذا اليوم .. من المنطقي ان المدرب ما يستدعي ياسر في هالوقت .. لان الوقت أصبح ضيق .. والشي ذا ليس بيد المدرب و الوقت كالسيف .. إن لم تقطعه .. قطعك .. و لو انضم ياسر .. راح يحتاج تدريب لحاله .. لأن اللاعبين الباقين سابقينه بالمعسكر .. والمدرب مهوب فاضي لـياسر .. و ترى لو تسأل ياسر نفسه .. بيقولك نفس الكلام .. والا تبون تقولون بعد إن الاتحاد السعودي تعمّد يأخّر ياسر عشان المدرب ما يضمه !! :rose: |
ياسر حاليا لا مكان له في المنتخب فلنتركه ليراجع نفسه ياسر وضع في مرحلة من التصفيات وحده يواجه الريح ولم يستطع تحمل الضغوط فسبب ذلك له ردة فعل عكسية أدت لتهاوي مستواه اخيرا المنتخب الان متناغم ومنسجم ولا مصلحة ترجى من خلخلته |
ياشين التعصب اللي ماله دااعي !! شف انا اقول ان الشمراني وهزازي ماقصروا وارهقوا الدفاعين الايراني والاماراتي !! ومع دخول صالح بشير عدل الاوضاع شوي !! هزازي سوى اللي عليه واكثر والشمراني ماقصر لكن مستواه امام الامارات اقل من مستواه امام ايران !! صالح بشير البديل الناجح ودويتو مع هزازي !! أنا بقولك شي المنتخب لايتوقف على ياسر ولا على اي لاعب !! لأن المنتخب اللي يتوقف على لاعب واحد من المستحيل ان يصل إلى ماوصل عليه المنتخب السعودي والمنتخب اللي يعتمد على لاعب واحد لايسمى منتخب !! ياسر اكيد اضافه للمنتخب والاكيد هو ان المنتخب ايضاً اضافه لياسر !! يعني انا اكره شي هو الاصطياد في الماء العكر !! طيب امام كوريا الشماليه موجود ياسر ومع نور وانهزمنا !! كل هذا ترى توفيق من الله !! ألحين المنتخب في اسوأ ظرووفه من حيث النقص في العناصر !! ولكن افضل حالاته في التكتيك وفي عطاء اللاعبين !! وان شاء الله نشوف هجوما المباراة الجايه سعودي وبجانبه مهاجم اخر سعودي !! بعيداً عن الميول !! مايهم اللي يفوز المهم المنتخب !! |
الصراحه اذا جاء ياسر للمنتخب راح يكون ثنائي هو وهزازي |
لماااااااااااااذا الهجوم على هزازي بصراحة وبكل حيادية نايف هزازي قدم مستوى رائع ورائع جدا واعطى الفوز للمنتخب على طبق من ذهب واما الشمراني فكما قلت طقها والحقها |
ياجماعه ناصر الشمراني اناني اناني ارجعو للمبارتين اللي طافت وتشوفون والهزازي مستقبل رائع-----لو ياسر جنبه صدقوني ثنائي لايعلى عليه في الوقت الحاضر ودمتم بود زعمائــــــــــــــــي |
هههههههههههههههههههههههههههههههههههههههه على بالكم محد يفهم كورة غيركم ياجمهور ياسر ياسر خلاص ماعاد له مكان خل الغرور ينفعه وياخوفي يرجع ياسر وترجع الخسائر للمنتخب اسمع ياياسر لامكان للمغرورين في كرة القدم واذا الان انت مستبعد من المنتخب قريبا تستبعد من الهلال حط بالك زين مو انت الوحيد في الساحه |
صدقني لاعبوا الهلال اكبر من منتخبهم اتمنى عدم انضمام أي لاعب من الهلال لمنتخبهم لانه لن يضيف لهم شي وصدقني لو لعبت مباراه بين منتخبهم والهلال مايفوزوزن وهذا دليل كلامي لااحد يقولي انضماهم للمنتخب لتشريف الوطن فالوطن لم يتشرف به خدمة سلطان ونواف من قبل لاعبي الهلال ورأينا كيف تدار الانديه من قبل الاتحاد السعودي اعييييييييييييد واكرر لاعبي الهلال اكبر من منتخبهم |
إقتباس:
صح لسااااااااااااااااااااااااااااااااااااااااااااااااااااااااااااااااااااااااااانك |
اقول نايف الهزازي الله يعطيك العافيه وإلى الأمام ناصر الشمراني شد الهمه شوي انت كبير محمد نور الله يوفقك يارب ياقايدنا بسيروووو الله لا يحرمنا منك يارب ولا يهون البقيه من الاعبين ورساله اوجها لسلطان ونواف الله يبيض وجيهكم سفير الحب الهلالي |
والله ما ينكبنا الا المواضيع اللي زي هذي بأي منطق تتكلم ؟؟ لا يمكن للمدرب انه يجيب لاعب ويقول له تعود على طريقتي في يومين ياسر مكانه موجود بس بعد مباراة الامارات اما قبل كذا فمن الغباء انه يكون متواجد اما انتقادك للهزازي فاسمح لي انك مخطئ |
احسن الي ما اخذوه وياليت كمان الاعبين الثانين يرجعون اش جا للهلال منهم غير الاذيه الهلال اولى بلعبته |
يــــاحبيبــي .. صــدقـــنــي المنتخب هوٍ إللــي بحــاجة يــااااســر,... موٍ ياسر اللي بحاجة المنتخب .. ناااصر الشمرااااني والله إني أقول لأخواااني إنـه طقها وإلحقهــا .. ونااايف هزااازي .. والله إنــه راااائــع .. ... في مبااراااة الأخضر القادمــه بيضموٍن . ياااسر على ما أضــن ..} بالتوفيق لياااسر ..} |
مع احترامي لك يبقى مكان مالك فارغ لا يشغررهـ اي لاعب سرعه + مهاره + اهدآفــ لبى قلبـه والله |
يا رجال هذا فضل من الله ان ياسر مااستدعوه منتخب الخطط المهروسة خله مع الهلال بلا اصابات بلا هم وش شفنا من هالمنتخب غير اصابات لاعبينا |
هذا كان كلامي اثناء المبارتة انا ما انكر ان هزازي ماهجم ولكنه ليس بمهاري فقط شغله في الصندوق وبس ولكن ياسر ومالك اطلب تجد ومبروك للأخضر وعقبال التاهل |
لا يا خوي نايف والله لاعب جيد ومع ياسر راح يسون مشاااااكل في دفاعات الخصوم اما ناصر الشمراني ما عندك احد ... بالتوفيق للزعيم ,,, |
إقتباس:
وش عنده سلطان بن فهد معصب على جمهور الهلال بشويش لايطق فيك عرق اجل نعلم الاتحاد السعودي الاحتراف ؟ تكفى يالاتحاد الانجليزي الاتحاد السعودي مايفهم وش الاحتراف كل اللي يفهمه خطط مهروسه وقرارات استبداديه وظالمه والظاهر هذا منتدى الزعيم مهو منتدى الاتحاد السعودي قال ايش انسجام وش انسجام اللي تتكلم عنه أجل الشمراني وهزازي هم اللي منسجمين والا المولد وصاحب العبدالله اللي منسجمين بعدين قلنا عندنا عقل ونفهم ليه ماانظم ياسر للمنتخب والبزر يفهمها قال ايش تأخر بالانضمام الله يخلي لاعب الامارات اللي سجل على حاله الهدف والا كان الحين علوم ويخلي الحكم الماليزي اللي مع أول دقيقة ضربة جزاء |
إقتباس:
وانت اللي اطلع برى هالمنتدى هذا منتدى للهلاليين ولجمهور الهلال ونجوم الهلال ومهو عاجبك ياسر روح دور لك نادي شجعه ترى نادي الفقر محتاج مشجعين هالفتره ماعاد الا المندسين يتكلمون على ياسر |
إقتباس:
يعجبني الفكر الراقي ويالبية يا هزازي ولا ياسر عرفنا وش عنده واللي يبي ينقز ويشطح حياه الله بصراحه مهما كانت هلاليتي تفدا الاخضر |
إقتباس:
والله وصح الســـانك يالذيـــــــــــــــــــــب انت وأمثالك اللي نحتاجهم بهالمرحله للرد على المندســــــــــــــــــــــتين دمت بود:clapping: |
إقتباس:
غريب اذا ماهو فاهم يطلع برا ويخلي المنتدىوماهو هلالي يا شين البزران اللي خاشين غلط ياخي ياسر أنتهى زمانه بالعربي هالزمن زمن غيره وان كنت هلالي ليس بالضروره ان اردد كلام من يدارون عن ياسر وليس بالضرور ان اؤؤيد ياسر والهلال كيان وليس لاعب الشمس لا تغطى بغربال وعرفنا ياسر زين من بعد ما شفنا هزازي محله |
ياخي يكفيك أعتذار ياسر للجنة المنتخبات وعدم ضمه هذا شي وارد ,باسيرو ينظر للقادم حتى يتم إنتظام جميع الاعبين ,, وياسر راح يرجع قدام الكوريتين --- المهم أنا قاهرني (عنز الجبل) ناصر الشمراني ,, ياجماعه كأنه يلعب الحالة بالمنتخب؟ أستغرب شلون هذا هداف الدوري؟ مافي كورة مثل الناس ؟ صدق لاقالوا الكوره عقل وذكاء والظاهر أنه ماعنده لاهذي ولاهذي |
إقتباس:
وبعدين قلنا لك ياخي هذا منتدى الزعيم مهو منتدى هزازي وشمراني اذا انت عاجبك هزازي وميت فيه ياخي روح لمنتدى الاتهاد تلقى ربعك هناك متسدحين وسب بياسر وشمسك اللي ماتتغطى بغربال هذي مثل شمس نادي الفقر ماتغطي نجوم الزعيم وماتغطي ياسر هالكلام سامعينه كثير وقبل ياسر سامي حاولتو تشككون فيه وماقدرتوا وياسر نجم النجوم ويبقى نجم اسيا الأول بشهادة الاتحاد الاسيوي مهو الاتحاد السعودي ومهو بحاجة المنتخب يكفيه انه يلعب بالهلال وياسر ان شاء الله راح يرد عليك وعلى كل واحد يشكك بامكانياته بسهم يحبه قلبك بس انتبه لايجي سهم ياسر على راسك وتتورط حاول تجلس ورى الباب بالمدرج عشان السهم مايصيبك وانا اخوك هذا ياسر يالاخو مهو أي لاعب هذا اللي يسوا خمسين مليون مهو لاعبين كل خمسه بعشره وحياك الله بمنتدى الهلال عزيزي المندس |
اجل اللي لعبوا البارح ضد الامارات البارح احسن من اللي هزموا الامارات في مسقط بثلاثيه نظيفه! او الفريق اللي هزمهم في ملعبهم 2/1 بدون مساعدة حكم او مدافع يسجل في مرماه او حارس ( مربوش )!!!!!!!!! |
كلامك عين العاقل .................... |
لا أحد ينكر أهمية ياسر في المنتخب وأنه ركن أساسي ولا يمكن الاستغناء عنه --- لكن لنكن واقعيين المنتخب قدم مستوى جيد أمام إيران وكسب النتيجة وياسر تأخر في الانضمام للمنتخب وأيضا وهو الأهم ياسر كان بحاجة للبعد عن الإعلام ------ أخيرا أتوقع أنه على بيسيروا في المباريتين القادمتين أنه لامجال للاجتهادات فالهجوم خير من يمثله الان ياسر وهزازي |
اتوقع ماحد ينكر ان مستوى ياسر منخفض جدا و اللي لعبوا هزازي و الشمراني وبشير افضل منه بالوقت الحالي واتركوا التعصب والعاطفة عنكم |
يعني هـــزآآزي صار ما يعرف يلعب بس يطق راس ويلحقها...؟ |
كـلآمك عين العقل اخوي ,, لاهنت .. |
ههههههههههههههههههههههههههههههههههههههه مثيرين لشفقه ياجمهور ياسر تحزنون والله |
إقتباس:
منور المنتدى |
إقتباس:
لام رفعه ولا ما تسجل |
أفضل رد في إعتقادي كان رد الملك توتي أما أغلب الباقي كانت ردودهم مثل ردود عشاق المصارعه الحرة WWE مصارعي أحسن من مصارعك شفت وش سوى مصارعي, شفت كيف سوى حركة إنزل البطيخ!! :alzaeem: هههههههه يا أخوان إذا الموضوع عن المنتخب يا ليت تختفي شعارات الاندية ورموزها,,ياسر القحطاني أو هزازي أو أي شخص إذا قد نفسه بشكل قوي راح نكون معه في مسيرته الخضراء مع المنتخب والآن نحن هزازيين وياسريين إذا انظم ياسر للمنتخب وقدم نفسه بشكل جيد في مبارة كوريا الجنوبية في سيئول يا ليت نقفل على هالموضوع وننتبه للمباريات القادمة للهلال على المستوى المحلي والآسيوي :rose: |
المنتخب ماوقف على ياسر ولاغيره مع أن ياسر يعتبر أفضل موهبة هجومية حالية في الكرة السعودية ولكن إذا تراجع مستواه فلا بد له من مراجعة حساباته والمنتخب ماشي زي العسل المشكلة في المحاور وفي أستهبال الدفاع بعض الأحيان ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ عودة ياسر بمستواه الي نعرفه راح تجعل من هجوم المملكة قوة ضاربة ياسر - نايف - مالك - سعد عودة هاذي الأسماء مع بعضها بنفس مستواها وأحسن راح يأكد تأهلنا لكأس العالم وربما يكون لهم دور في تشريفنا في كأس العالم والظهور بمستوى يرفع الراس بالتوفيق للجميع |
إقتباس:
مافيه مشجع هلالي يكره ياسر |
إقتباس:
لكن انت جاي تبي تقنعني الحين ان هزازي ولا الشمراني احسن من ياسر بتقول مستواه سيء والله واهو سيء ا فضل منهم اذا تبي نتكلم بعقلانيه واحترافيه اجل الامارات كانت بتهزمنا الي هازمينها في ملعبهم وفي عمان بأهداف نظيفه ومستوى امس بالبركه فزنا تكلم بواقعيه انت وبتعرف حنا نتكلم بواقعيه او لا |
الزعيم الروقي ياليت مثلك من الجماهير ملايين كفو والله تعجبني الله يكثر من امثالك واللي قول مندس وماني هلالي يكون بعلمكم انا هلالي قبل مايحط ياسر رجله في نادي الهلال انا هلالي من يومي وياسر قبل كان قدساوي |
إقتباس:
والي على راسه بطحا يحسس عليها |
إقتباس:
|
المنتدى للمنتخب السعودي مو للهلال ومتوقع اراء جماهير الانديه كل لميوله يعني مافي شي غريب وبعد مستوى المنتخب امس اتوقع انهم يحمدون ربهم انها جت على كذا ومافيها شي اذا الواحد تراجع عن خطئه لكن العيب انه يواصل في الخطأ وشكرآ للجميع |
إقتباس:
لكن عنادهم ضيعهم الا شوي,,,لولا لطف الله |
إقتباس:
أولاً خلنا نتفق على حاجتين .. * أولاً .. إني أكثر واحد يكرهـ الاتحاد السعودي .. و إني اعتبره أفشل اتحاد في العالم .. ولما قلت مسوين تعلمون الاتحاد السعودي .. كنت اقصد بهالسالفة بس .. * ثانياً .. أني اعتبر ياسر أفضل لاعب في آسيا .. ومن غير ما أكثّر كلام .. أنا ابغى اسأل .. هل انتم متوقعين إن الاتحاد السعودي هو الي ما ضم ياسر ؟ واذا كان هذا توقعكم .. ممكن أعرف السبب و الدليل ؟ علشان يا جماعة نتقي الله .. ولا نقعد نرمي الكلام دون أن نضع الله سبحانه نُصب أعيُننا ..! لأن ماحد منا يعلم الغيب .. صح ؟ بانتظار إجابة ... و أتمنى تكون منك انت بالذات اخوي يا عمري ياسامي :rose: |
إقتباس:
انا احب الهلال واشجع الهلال ولأني لا اشجع سواه اتمنى من نجمه ياسر أن يراجع نفسه إن لم يخرج من المعترك صلبا العود فلا حاجة له في أن يتعب نفسه إبحث عن شخص فاهم فيمن حولك لعلك تعرف ماارمي له ياكبتن فريقك |
إقتباس:
انا شفت لك كذا رد وماحبيت اعلق لاني تكلمت في الموضوع اكثر شي من ناحية النقطه الي انت تتجادل فيها والي هي الاتحاد السعودي وبجاوبك دامك تبغى الجواب ياسر لا هو مصاب ولا هو راجع من اصابه هذا شي ثاني شي اذا كنت تعرف تقيم مستوى اللاعبين كان عرفت ان ياسر حتى لو قلنا الحين مستواه سيء فهو افضل من المهاجمين حاليآ ومن ناحية المدرب ان ياسر ما دخل المعسكر وانه ماحضر عرفنا انه ما حضر وكان عنده عذره واثبته ووافقو عليه يعني بعد مارجعو من ايران مايقدر يضم ياسر للتدريب اللين مباراة الامارات الوقت لهدرجه ما يكفي ليه هو يصنع فريق جديد او ياسر لاعب صاعد امس وقليل خبره عشان ما يتأقلم مع تكتيك المدرب او الشي الي يطلبه منه ووجود ياسر دفعه قويه ومعنويه للاعبين ووجوده بس يغير من تكتيك المدرب الخصم ويخليه يراجع حساباته في اكثر من خطوه يخطوها في تشكيلته يعني لو ضمه على الاقل للتدريب واشركه شوط ثاني او اي شي مااتوقع انه راح يورط المنتخب لهادرجه الي انت متصورها وتجادلنا فيهااا وبيسيرو في تصاريحه لمح انه يحب ياسر وعارف انه المهاجم الوحيد الي يقدر يحترف برى وتربطهم علاقه وكل هذي التصاريح تبين ان القرار مو في يده وانه وده على الاقل انه يكون في المعسكر لكن قلنالك ان فيه ناس هي الي ورا استبعاده وحنا قدامنا معطيات والله خلق لنا عقل ونميز فيه اتمنى تكون وضحت لك الصوره |
Astree7 ma 3ndk salfah hatha at39b 7koom wr3aan ma 3ndkoom ma 3nd jdty |
إقتباس:
بس يا طويل العمر .. ابيك تعرف شي في البداية .. ترى انا ماني قاعد أدافع عن الاتحاد السعودي .. ولا بقول إني ادافع عن الحق لأنها جملة مستهلكة و لأني ما أعرف الحق يقيناً .. ولكن أقدر أقول إني أدافع عن العقل بصراحة !! يا جماعة .. بالله الكلام الي تقولونه .. يدخل العقل ؟ والله تذكروني بالشيعة وانتم بكرامه !! تفكير و آراء كلها تناقضات .. استثمروا هالعقل ولا تخلونه مزهرية بس .. يعني بالله .. أنتم تحسون كذا إن الإتحاد السعودي بيمنع ضم ياسر ليش ؟ أبيكم تجاوبوني على هالسؤال من غير لف و دوران .. وتراكم إلى الآن ما جاوبتوا على هالسؤال الي سألته أكثر من مرهـ .. ليش يتعمد الاتحاد السعودي عدم ضم ياسر ؟وشو مبرركم الي خلاكم تقولون مثل هالكلام ؟!! طبعاً هالكلام كله من ناحية العقل .. فمالك بالك يا أخي .. من ناحية دينك ومن ناحية أمر الله سبحانه و نهيه .. يعني عندكم هالكلام عادي تقولونه ؟ صارت المسألة عادي يعني ؟ * على فكرة .. اللي فرحانين بانخفاض مستوى ياسر .. والي يقول لازم ياسر يقعد بالاحتياط عشان يترك الغرور .. أنا بقولهم شي ما احترامي لوجهة نظرهم .. ويمكن انهم ما يعرفون هالشي .. ألا وهو إن ياسر صرح بان سبب انخفاض مستواه .. هو أنه منذ العام 2006 و بعد كأس العالم .. لم يجد الوقت الكافي لتجهيز نفسه التجهيز الأمثل .. ودائماً ما يتورط بإصابة او جدول مهروس .. و هذا أصلاً كان رأيي منذ انخفاض مستوى ياسر .. كنت أقول بأنه ما حصل وقت لحل مشكلة انخفاض مستواه من جذورها .. ولن يكون ذلك إلا بإعداد طويل .. أما الي يقول إن السبب هو الزواج :d ،، فاللهم لا تبتلينا بما ابتليت به بعض الخلق .. :rose: |
الي راح راح , وآنتظروآ آبوو سع‘ـييييييييد بـ آلمباراه الجآإيهـ ,,! يبي يبيضهآإ بع‘ـد قلبي |
إقتباس:
والكل فيهم الخير والبركه باالتوفيق لصقورنا |
إقتباس:
:yes: :yes: :yes: وانت ياصاحب الموضوع الي يقصر العمر لاعمرك تضغط على ( موضوع جديد) :yes: |
ياسر تكفي هيبته... .................. |
| الوقت المعتمد في المنتدى بتوقيت جرينتش +3.
الوقت الان » 11:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd