|
يانامي وياناصر وياصاحب وياوليد....... بسم الله الرحمن الرحيم ابدأ موضوع بقرصة اذن لمحمد نامي وابي اقوله دخولك للمنتخب السعودي كان من اكبر بوابة وترى خروجك بيجي من اكبر بوابة اذا استمر مستواك بهذا الشكل وش تبيني اقولك ؟؟ اقولك لاعب كبير ولا نجم خارق ولا زي مانكذب على انفسنا امامك مستقبل وراح تصير لاعب عالمي ..... وليهامسون هو من صنعك بالاصح هو من غطاء ثغراتك هو من صنع منك لاعب تجيد على الاقل تثبيت الكور السهله مابي منك شي يانامي لاني ماتأمل منك اي شي ومو انا اللي ينكذب علي وماتقدر تقنعني بيوم من الايام انك لاعب فذ وكبير ... صحيح انا هلالي لكن مستحيل اعترف بك تدري ليه لاني احترمك لانك رجل لكن ماتقدر تجبرني احترم طريقة لعبك هذا لو قدرنا نسميها طريقة لعب.... كور مقطوعه كباري طريق الملك فهد من عندك وياليت تعرف تسوي اوفر يعني رفعه كويسة .... ناصر.... اسمحلي انت لاعب فقط بالدوري وهداف من الطراز الاول مع ناديك الشباب لكن بالاخير انت لسة لاعب كبير تدري ليه لانك اول ماتلعب امام جمهور تروح فيها يعني ماتعرف تسيطر حتى على الباص اللي تعب محمد نور وهو يناول لك .... بالدوري فيه الافضل منك مع كامل تقديري واحترامي لك كشخصك... صاحب... مدري وش اقول لاعب غير سريع غير مجدي في افتكاك الكوراللي هي اساس لعبه كمحور ولاعب غير حماسي ولاعب نادي بصراحة لم اسمع اسمك في المباراة ابداً ... لحد يجي ويقول اليوم مو يومه لا اليوم لازم يكون كل يوم سعودي يحمل شعار الوطن ولا وش رايكم في مباراة ايران يومتمسك في كبتنهم يبي يعطله مو قادر حتى يمسكه وطاح والله اخجل ان اشوف ذيك اللقطه لكن قلنا يله مباراة في ازادي وظروف وكويس انا فزنا لكن نجي في ارضنا وامام جمهورنا الكبير والمستوى المتردية والنطيحة وماكل السبع ... وليد عبدالله...طول القامه 100% بنية جسمانية100% ......لكن وين العقل وين التفكير ماقدر اقولك الا انت بارع في الكور اللي تجيك عند يدك او عند رجولك بس... كور عرضيه ذبحتنا وانت طالع وراجع وش ذا لازم تحسن من مستواك ولا النجعي يطمنا اكثر انت حارس لايختلف عليك اثنين لكن عليك بتحسين وتصحيح اخطائك قبل فوات الاوان...... وبالاخير اسمحولي ان اقولكم شي انا ماكتبت هالموضوع لكي اجرح بلاعب او انقص من قدر لاعب لاوالله انا لاتعرض لاي احد انما انتقد الاعب بالشي اللي اشوفه واللي قهر الملايين بالسعودية .... اذا اصبت من الله واذا اخطأة فمني ومن الشيطان.... " سبحانك اللهم وبحمدك ، أشهد أن لا إله إلا أنت أستغفرك وأتوب إليك ". |
كلامك لنامي كبير ولا تنسى الضغط الجماهير والارهاق الي مرى عليه خلال 3 ايام مباراتين ولاتنسى قبلها كان الاراهاق بدوري المحترفين يعني معذورني غض النظر ان كنت هلالي ولا مشجع اي نادي ثاني انا كلامي لجميع اللاعبين وزي ماشفت حماس حسين عبدالغني كيف كان وارهاق نور ونجوم الثانين والسبب الطاقه الي ستخرجوها امام ايران والحكم الي في مبارت ايران اتمنى انك تقرص اذن نامي بقوه ترى بطل خله يفرح شوي |
والله كلامك عين الصواب ياسر بديل الشمراني الدعيع بديل وليد شهيل بديل نامي عزيز يرجع ان شاء الله |
لالالا اختلف معاك بنقطه بس ! محمد نامي حاليا ًَ هو الاحق بالظهير.. لاتقول يبدع بالهلال مادري يبدع بالمنتخب.. شفناا مستواه قدام ايران.. وشفنا مستواه امس، وماشاء الله مستوى اللاعب في تصاعد ومافيه ظهير افضل منه حاليا للمنتخب.. حسن معااذ يكسـّر كثير.. والكروت سهله تجيه وناصر الشمراني لاعب مزاجي، مرات يبدع ومرات ماتدري عنه وبالنسبه لصاحب العبدالله احسن شي سواه امس بسيرو طلعه وحط مكانه حسين عبدالغني، والحراسه وليد عبدالله الاحق فيها، ولاننسى ان من سابع المستحيلات يضمون الدعيع للمنتخب !! |
كلامك عن الشمراني صحيح ../ و الباقين ما عندكـ سالفة للأسف ../ إسمح لي أنت لست من يحلل مستوى اللاعبين ألحين يبي يقرون موضوعك ناس مع الخيل يا شقراء خلنا من التحطي و عزز ثقتهم |
كلامك عين الصواب وبعيد جدا عن المجاملات |
الصراحه قهر نامي يدخل مكان الشهيل او مكان حسن معاذ نامي لاعب خواف من الجماهير |
اتفق معك في كلامك عن الثلاثه الاوائل أما بخصوص وليد أختلف بشكل كلي معك اذا كان هناك من يلام في الهدف الاول وفي العرضيات فهم الدفاع لاحظ أن كل العرضيات الاماراتيه تجد المدافعين السعودين يتفرجون على الكورة ولافيهم واحد يطير للكرة ويش تسمون هذا استهتار ولا شنو |
اقووول هيه من انت عشان تحلل لاعبين . كلنا شفنا نامي تقولي شهيل احسن انا اقولك شهيل احسن من نامي في الهجوم بس الدفاع يبطي احسن ظهير حاليا دفاعي نامي . الحين امس الفريق قدم مستوى روعه وفزنا وتجي انت وشكلك تقعد تقطع في الاعبين ؟ ناس ما يعجبهم العجب ,.ّّّّ!!!! |
آتفق معك آن نآمي يستآهل آن يكون آحتيآط على الاقل ! يعني آمس الامآرآت تضغط من جهه نآمي !! وكرويآ الجنوبيه رآح تكتشف هذه الثغره !! نآمي في الهلآل قدآمه ويلهآمسون ويرقعله !! وفي المنتخب قدآمه نور ويرقعله !! آمس نشوف نور يرجع يآخذ الكوره من عند نآمي !! آم عن مبآرآه ايرآن استغربت آنه اخذ جائزه افضل لآعب !! آلحين الآيرآنيين لعبوآ في نآمي وكل هجمآتهم من جهته ! عندك حسن معآذ ظهير ايمن ممتآز , آتمنى آن يلعب المبآره القآدمه مع كوريآ الجنوبيه ! |
كلامك سليم وكلهم لم يقدمون شي في المباراه ونامي كان نجم في مباراة ايران وأسوأ لاعب في مباراة الامارات (من حيث الدفاع) |
بصراحه وليد حارس بصراحه والكل شافه امس وفي مباراة ايران بس المشكله في الدفاع انا مدري ليه الزوري ونامي فيه فيه لاعبين انشط منهم ونايف القاضي ليه مايحطونه بدال الدبه المولد والله المشكله في الدفاع مو في الحارس |
بصرااااحة انا معك ان الشمراني المفروض بديله يااسر بس وليد حاارس ولا اروع ونامي يلعب تحت الضغط الكبير ولعب مباراة رائعة امس وصاحب العبدالله انا اقوول يستاهل هالمكان بس عزيز يستاهل اكثر منه |
مشكور أخوي على موضوعك .. وبصراح موضوع بعيد كل البعد عن المجاملات .. أتفق معك بجميع ما ذكرت .. بدءاً من نامي لأنه بصراحة ما يملك مقومات الظهير .. لا دفاع ولا هجوم ولا كنترول ولا أوفرات ... إلخ .. مروراً بهداف الدوري السعودي .. اللي بصراحة يلعب برا المنطقة .. وداخلها !! الله وكيلك .. مع الوقوف لحظة لمحورنا النايم .. أمام 70 ألف .. فيه محور بهاللياقة الضعيفة والتمريرات المقطوعة ؟؟؟ الله يرجعك يا أبو عزيز .. أما وليد .. يصد إنفرادات ويفلت عرضيات !! كيف تجي ما أدري .. والمشكلة مجموعتنا كلها تلعب ع العرضيات .. في الختام كلامي هذا مجرد رأي .. محتمل الصواب والخطأ .. فتقبلوهـ بصدر رحب .. نقدي ليس لأجل الطرح .. بل لمصلحة المنتخب .. مو فزنا خلاص !! يعني منتخبنا ما فيه أخطاء .. إلا فيه أخطاء وبالجملة بعد .. ويا ليت تتعدل من هنا إلى مباراة كوريا الجنوبية .. |
بصراحة واسمحلي اخوي كاتب الموضوع ولكن هذا تهجم على الاعبين وليس نقدا يعني مثلا محمد نامي خلى بسيرو يختاره بالغصب ويلعبه بالغصب أو حتى الشمراني أو وليد أرجع وأقول خيارات المراكز بيد المدرب هو من يختار الاعب الذي يراه مناسبا الاعب مأمور أن يلعب ويخدم وطنه حسب الامكانيات التي يملكها وكلنا يعرف أن نامي مثلا ليس لاعب ظهير ولكنه أصبح ظهيرا لعيون الهلال وتفاجأ بأنه الظهير الأول في المملكة في عيون بسيرو أ ش المطلوب يسويه ؟؟ يقول ماأبغى ألعب لعبوا شهيل مكاني!! يخوي خاطبوا الناس بما يعقلون ؟! |
شكلك أبخص من المدرب!! وموضوعك للفتنة، رميت الموضوع وتركته لبعض الجهلة يردون ويسبون!! غريب أنت يا غريب الله يصلح شأني وشأنك |
اهم شيء كلامك عن وليد عبدالله والله العظيم اني صرت اخاف من العرضيات اكثر من الانفرادات وش ذنب الي في الهجوم يتعبون ويقاتلون ويجي وليد يخرب كل شي اذا تبغون تتأكدون شوفو كل مباريات المنتخب والشباب بعد كلها نفس الخطأ |
كلام جميل وبدون مجاملات والباقي الله عليهم وابو عزيز له فقده الصراحه اعجبني كلامك |
لافض فوكـ يا ياسر من ناحية نامي عاله على المنتخب والهلال ولحد يقول بيتطور مستواهـ < وش ابيه دام ماله مستوى الحين وش يصبرني عليه ..؟! مع احترامي للجيمع والشمراني مدري من اللي قال انه لاعب < هداف الدوري على نجران والوطني والطقه متى شفناه يسجل في الهلال ولا الاتحاد صاحب العبدالله : معك في كلامك وليد العبدالله : كل شي فيه جسمياً بس ذهنياُ واداء مايستحق انه يلبس الدسوس اللي عليه لا في المنتخب ولا في الشباب :: مع تحياتي احترامي للجميع |
كلامك سليم نامي يكون بديل له حسن معاذ وصاحب عزيز والشمراني ياسر وليد كويس إلا بعض الاحيان وخاصة الكور العرضية على العلم اني افضل ان يكون النجعي بديل له |
..... صراحة نامي ماعنده دفاعية ابد ابد |
كلامك صحيح مئه بالمئه نامي لاعب فاشل واكبر دليل الهلالين يفاوضين الرهيب يبونه بدال نامي لا تاخذنا الميول على مصلحة الوطن وناصر الشمراني معروف هداف المرمى الفاضي اذا مرمى فيه حارس ما يسجل صاحب العبد الله والله ما سمعت اسمه الا اول المباراه بعدها نسيت انه موجود والحارس يطلع برا وبديله مبروك زايد وومن يقول العكس يعتبر جاهل في كوره القدم |
كلامك عين الصواب مووفق اخوي |
إقتباس:
لا واضح مررره انو موقصدكـ تج ــريح .... وش باقي ماجرحت فيه ... يالي موقصدك تجرح .. عيـــب ياخي .. حط نفسك مكان اللاعبين ,, وسمعت كلام زي هذا وش بيكون ردة فعلكـ .. اكيييييد بيجيك احباط قوي وضيقة صدر ... |
انا استغرب جلب مدربين اجانب مع وجود كفاءات محلية في المنتديات ؟! |
نامي يستاهل مكااانه لكن الشمراني (ياسر)صاحب(عزيز) اتوقع هذا التغيير راح يفيد المنتخب كثير خصوصا ياسر |
لا لا اسمحلي كلامك لنامي ليس نقد بل تجريح وتجريح قاسي اجل ويلي هو اللي صنع نامي ههههههههه كيف يالذكي نامي لاعب نشيط ويتمتع بلياقه عاليه ولازم نحييه على روحه القتاليه امس ولعبه السريع والسهل ولا تنسى انه من صنع هدف التعادل ومسك مكانه صح واخذ افضل لاعب في مباراة ايران والا المراقبين ما يفهمون بعد لاكن خذلوه المحاور امس لأنه يتقدم وما يغطون مكانه آآآه يا عزيز اما بقية الاعبين معك حق الا في وليد فهو افضل الموجودين تحياتي لك |
سلام للجميع ومن بعدها التحية والتقدير ثانيا اخوي صاحب الموضوع شكرا لك على موضوعك اللي تعتبر نقطه مهمة في تطوير من مستوى بعض اللعيبه اللذين ذكرهتم ومنهم من قد اصبت ومنهم مع احترامي غير ذلك ولا اريد التوضيح اكثر من ذلك لان ردي هذي ليس هو الغايه وانما اقول لك : مع احترامي لك ليس هذا الوقت المناسب لطرح مثل هالتوضيحات عن بعض اللعيبه فبالامس القريب اللعيبة اللذين ذكرتهم كانوا من نجوم المنتخب في مباراة ايران وقد اشدنا بهم ورفعنا لهم القعبة تقديرا واحتراما وجاء دورهم الان وقمنا بتجريحهم بما فعلوا او تقليل من قدراتهم اللتي كنا بالامس معجبين بها ولو افترضنا انهم يشاهدون ما يكتب عليهم هل في اعتقادكم بان هذا يشد من ازرهم ام انه يؤثر عليهم وعلى مستواهم وقد تصيب ولكن اعتقد بان اكثرها تخيب ونحن نعلم ما تفصل الصحافه في مثل هالامور من نتائج سلييه لا تعود علينا ولا على رياضتنا بالخير والفائده واحب ان اذكر بان هذا الواجب هو واجب على الجهاز الفني والاداري بالمنتخب لتوضيح مثل هالامور وطرحها على من كان سبب في خفض مستواه وليس نحن من نقوم بذلك ارجوا تقبل رأي بكل رحابة صدر واعذرني هذا ليس الوقت المناسب لنقد اللعيبه وانما هو دورنا لتشجعيهم والرفع من عزيمتهم لنصل الى ما نصبوا اليه باذن الله |
كلام في الصميم ومن ينكر اي شيء كتب في هذا الموضوع فما هو الا متعصب او اعمى نامي صاحب الشمراني والحارس وكذلك عبده عطيف هؤلاء الى الجحيم يعطيك العافيه |
إقتباس:
والله انك صادق نامي خواف + ماعنده كنترول + ماعنده اوفر |
إقتباس:
انت ماترضى الكلام اللي قلته على نفسك ترضاه عليى غيرك ؟!!!! |
اسمحلي اللي يتكلم علي نامي انا اشك انه يفهم كوره بشكل سليم الحل امسك قلم وتابع المبارة من دون معلق وسجل كم وكيف وتطلع بارقام لاتكذب الشوط الاول نامي انقذ بالدقايق وهي بدايه هجمات الامارات 23 30 34 39 41 42 43 44 24 اخذ كرت الدقيقه 25 سانده نور وقطعها لو كان قطعها كان احمر علي نامي تصرف ذكي منه الشوط الثاني حتي الدقيقه 60 نامي خرافي يدافع ويقطع في منتصف ملعب الخصم ويصنع هجمات 64 مرور من عند نامي بسبب ضعف ضغظ المحور الدقيقه 69 نامي يغطي مكان الزوري الدقيقه 70 نامي يسجل هدف الي الدقيقه 75 لازال نامي مبدع يساند الهجمه ويقطع كور من نص الملعب ولم يخطي في باص الي الان الي الدقيقه 82 نامي لم يخطي في باص طول المبارة 87 خلص كوره وايضا 88 89 91 رفعه بالمسطر لهزازي وكان تسلل هزازي وايضا قطع هجمتين هذه ارقام نامي علي ماذا تنقمون !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! |
مشكووور أخوي كلامك عين العقل وليد أتمنى يضعونه على دكة الإحتياط لين يرجع مستواه ويكون بديله مبروك زايد أو خالد رااضي . نامي لاعب لا يجيد الرفعات ويسهل المرور من عنده أتمنى يرجع أحمد البحري للظهير الأيمن أو شهيل . صاحب العبدالله مدري بيسيرو يستهبل مفروض حسين عبدالغني من أول المباراه بديل لصاحب لأنه لاعب بطيء جدا . الشمراني لاعب خدمه الحظ وصالح بشير سوى اللي ما سواه ناصر بشوط و15 دقيقه صنع الهدف الثالث وهدف إيران اللي محد ينساه لكن افضل بالهجوم مالك وياسر وبديلهم هزازي. وشكرا تقبل مروري |
إقتباس:
سلامات يالاخو !!!!!!!!! احترم الاعضاء وش ناس مع الخيل ياشقراء كل الكلام اللي قاله اخونا صحيح صاحب سئ واستبدله المدرب وهو الاحق بتقيم الاعبين ناصر سئ واستبدله ببشير وليد اخطى واخطأ واضح واسمحلي اذا اردتنا ان لانقيم الاعبين غير المحللين والمدربين اذا مالغرض من التشجيع ؟؟؟؟؟ |
بعيدا عن جو الموضوع .. كلمة واحدة فقط يجب ان تقال : خلونا نرتقي شوي في ردودنا .. ومانشوف اللاعب من نواحي ماتهمنا ولاتهم كرة القدم .. اي والله انا شعلي اللاعب سوى ولا ماسوى فعل ولا لا خارج المستطيل الاخضر .. كبير ياخضرنا |
اغديك ساكت ولا يكثر بس هالحين نامي طالع افضل لاعب بمارات ايران وتجي تسبه نامي كبر وستبقى كبير |
والله كلامك 100 % وان شاء الله المدرب ينتبه لهذا الكلام :yes: الدعيع بدال وليد :clapping: وشهيل بدال نامي :clapping: وعزيز بدال صاحب :clapping: وياسر بدال ناصر :clapping: والله المنتخب بيصير نااااااااار :clapping: لاحد يقوول نبي لعيبه مستقبل زي وليد :yes: خل الدعيع يحرس وتظمن التأهل ولعبه في كأس العالم وبعدين خله يعتزل :yes: سلطان بن فهد يقول حنا نصنع منتخب ل 2010 طيب انت تأهل وبعدين قل منتخب شاب ومدري وش :razz: مشكوور اخوي :rose: تقبل تحياتــــــــــــــــــــــــــــــــــي |
محمد نامي أفضل من شهيل. هذا كلام بيسيرو مو أي أحد وإذا كان أفضل من شهيل أكيد بيصير أفضل من معاذ اللي قوته برجله وبس...... |
كلام سليم 1000000000% . |
الله يعطيك العافية كلام ممـيز وانتقاد منطقي وفي محله |
| الوقت المعتمد في المنتدى بتوقيت جرينتش +3.
الوقت الان » 11:16 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd