|
قسم بالله مليت يا عالم !!!! , , , بسم الله الرحمن الرحيم انا بدخل بالموضوع على طول يا ناس انا تخرجت من اربع او خمس سنوات و ليومك هذا ما لقيت وظيفه و لا حتى طاري وظيفه و في اللي لهم عشر سنوات و ما توظفن يا عالم ليش حاطين الجامعات و يخرجون من هالدفعات و بالأخير مافيه وظايف المشكله يوم تخرجت و خلصت و شبعت قالوا تخصصكم غير مطلوب!!! طيب ليش حاطينه من الأصل دام سوق العمل ما يحتاج !!! لا و البلا الأعظم أن اختي مدرسه في احد المدارس مستلمه 3 مواد يا ناس اختي تدرس ثلاث مواد جدولها فل ما تنفس و يقولون ما فيه وظايف !!!! لا و تقول اختي محتاجين مدرسات بتخصصات ثانيه و إذا رحنا لإدارة التعليم يقولون ما فيه وظايف ما نحتاج موظفات!!! يا ناس انا صار عمري 29 يعني بربكم متى اتوظف قسم استحي اني للحين استلم مصروف من اهلي!! ! متى يا ناس نحس اننا جزء فاعل في المجتمع نتعب و ناخذ حق تعبنا و متى بالله بيصرّفون المعمرات اللي في مدارسنا و الأجنبيات في كلياتنا و خاصه ان المعيدات و الاستاذات السعوديات بازدياد يا ناس معقول دوله وش عرضها وش طولها و اقتصادها من اقوى الاقتصادات في العالم معقوله الوظايف النسائيه تنعد على الاصابع و لا تتعدى خمس مو معقول كذا و ربي مو معقول لمتى الفساد الإداراي موجود في إداراتنا اجل ما فيه وظايف و المدرسات في اللي تتحمل مواد فوق مادتها لا و صديقتي تدرس في مدرستين !!! وزود على الفساد الإداري فيه سوء تخطيط و سوء رسم للخطط المستقبليه بالله عليكم على اي اساس يتم وضع التخصصات في الجامعات دام ماراح نلقى وظايف و المشكله يا اخي عليهم كذب ما يقبلون واسطات و انا اعرف بنات تخرجن من هنا توظفن من هناك و التقدير و النسبه إذا مو مقبول جيد و يقولون نوظف على حسب النسبه و التقدير بعدين إذا نا بنت أحس اني عبء على المجتمع أخوانا الشباب بأيش يحسوا!! و هم رجال لازم يصرفون على انفسهم و اهل بيتهم و لكن مافيه وظايف !! أنا ما أحسد أحد اقول يالله عسى كلن ترزقه لكن ليش الكذب و الضحك على الناس إلى متى اللعب بعقولنا كذا مب شي يقهر :bg::bg: !!!!! |
ومن سمعك يا أختي:ap: أنا الحمدلله مافكرت في الوظيفة لأني عارفه أن مافيه أمل:naughty: <<أمل والا حصة:to:>>ياشين المصاله:to: شوفي وأنا أختس أسمعيها من عاطله ما تحب العمل:bigeek: المصاريه يقولون ربنا بيئول "أسعى ياعبدي وأنا أسعى معاك">>مثل مصري:d بإمكانك تجذبين الوظيفة بعدة طرق:yes: ممكن بالعمل التطوعي فيه مؤسسات كثير تدعم هالشي:clapping: أو تفتحين مشروعك الخاص:yes: أنا أعرف وحده على قد حالهم وأبوهم ميت وما كملت دراستها فعملت في كفي كم سنه ثم جمعت لها مبلغ فتحت كشك لها وشغلت معها زميلتها ما شاء الله الربح خلها تفتح ثاني والحين تمتلك على ما أعتقد أربعه في عدة معاهد وعندها موظفات وهي ماسكه واحد بنفسها والحين تخطط أنها تشتري دبابات في الثمامه وتجيب لها عامل :clapping: الله يرزقها هي نموذج جميل للي يقول ما فيه فرص لأنه حتى الثانوية ماكملتها هي الآن ما شاء الله صارت من كبار المستثمرات وأنا للحين آخذ مصروفي من أهلي لأني عاجبني الوضع:d أن أحنا ننتظر وظايف التربية والتعليم نحلم :to: لكن مثل ماقلت لك إما أنك تتطوعين أو تكملين دراستك أو تفتحين مشروعك الخاص :yes: أو أنك تستمتعين بالإجازة المؤبده :ga: وأنا من اللي يمدحون القرار الأخير :ap: أما القطاع اللي يمشي بالواسطات ودهن السير فخليه عنك ويعوضك ربي بخير منه:yes: بالحب والإشراق |
إقتباس:
شوفي انا الحقيقه موضوعي من عدة جوانب يعني جانب البطاله و جانب سوء التخطيط في المؤسسة التعليميه و الفساد الإداري وووو طيب اختي انا معك في طريقتك لكن أسألك بالله انا تعبت و درست و في النهايه يشوتوني يقولون ما عندنا لك وظيفه!! ما تلاحظين إن نظامنا يبيله هدم و بناء من جديد يعني عندنا في القصيم تروحي لإدارة التعليم يقولون ما فيه وظايف طيب انا اعرف مدارس محتاجه معلمات و فيه اللي مضغوط جدولها و متحمله عدة مواد بالله مو هذا فساد إداري؟!! بعدين يمكن انتي اختي ما تبي تشتغلي لكن انا ابي وش تبيني اشتغل عندنا في القصيم ؟!!! |
صباح الطماط والخيار والخس والزيتون :d << مسوّي يدوّر العافية :to: تيّب ماقلتي لنا وشو تخصصك :confusedw: |
إقتباس:
تخصصي تاريخ و جغرافيا <<< كارهتهن وش رايك بكلامي يالصخره مب مافيه تخطيط بالمؤسسه التعليميه ؟؟؟ |
إقتباس:
حتى نظام التعاقد فيه تلاعب وترفع أسماء وهمية وتصرف الرواتب ومن ياخذها ما أبي أحط في ذمتي فيه إحتياج وفيه ضغط لكن فيه أشخاص ماتراعي الله في عملها وتقول مثلي مثل غيري وفيه أشخاص يقبلون رشاوي وأعرف أسماء لكن الشكوى لله أنا معك وزارة التربية والتعليم ما أقتنعت فيها إطلاقا والتخطيط الغلط سوى هالشي وزارة التخطيط مقصرة والتربية والتعليم مقصرين لكن اللي قصدته إذا تبين عمل أبحثي عنه أكيد في مدينتكم مشروعات خيريه تطوعي فيها ومع الوقت بتحصلين وظيفة مش بالضروره على تخصصك خذي دورات حاسب ولغه إنجليزية وممكن تتوظفين في بنك أو تفتحين مشروعك الخاص مثل زميلتي اللي قلت لك عليها أنا رافضه العمل في قطاع التعليم لأن لي شروطي الخاصه عشان أقبل بالوظيفة ولأنهم ما دروا عني وعن إعتراضي ما أحد منهم عرض علي وظيفة:ap: لكن تطوعت في مشرووع خيري وأتيح لي أختيار كل شيء برغبتي ولقيت متعه في العمل اللي سويته صح مافيه عائد مادي بل على العكس أنا أصرف عليه لكن لقيت متعه وتغيير جو بإمكانك تشتغلين في الأسهم صح السوق خربان لكن ممكن من بيتك تحصلين على كم ريال عندك مشروعات عبدالطيف جميل بإمكانها تدعمك فيه عدة مصانع تقدري تعملي فيها أنا عارفة أن فيه خلل لكن ما نبي نعلق كل شي على هالخلل نحاول أن أحنا نلاقي أمور بديله :yes: بما أن مافي يدنا حيله والخلل ما نقدر على تقويمة "الشق أكبر من الرقعه" :rose: بالحب والإشراق |
إقتباس:
عاد اذا تبين الصدز كل السالفه ( ياخرطي ) والمؤسسة التعليمية تعدّت الفشل بمراحل.. خصوصا في تعيين المعلمات لكن صبر جميل والله المستعان |
إقتباس:
: بالنسبة للموضوع مافيه أحد يجيه شيء لحده ... اللي يبغى شيء يدوره ... بالنسبة للمعلمات يتشرطون إنهم يدرسون بنفس المدينة اللي ساكنين فيهآ ... يعني مايبغون يدرسون بـ قرى ... إقتباس:
وين بطابور إبتدائية ! : أنا اتوقع والله أعلم / إنه جاتك فرصة لكن مااستغليتيها ! والان تضعين اخطائك على غيرك ! سلآم |
نفس الحال .. أنا متخرج قبل أربع سنوات والحين كملت أربع سنوات جلسة بالبيت .. أنتظر التعيين هالسنه الا ماجا .. نكملها خمسه .. شيبت وأنا جالس بالبيت .. المشكلة قبل أدخل بتخصص اللغة العربية كان هذا التخصص عليه إحتياج لدرجة أن بعض المدارس فيها أجانب ولما تخرجت وجدت أن تخصصي غير مطلوب تخيلي أن عدد الخريجين يفوق ال 7000 وكل سنه يعينو 360 ههههههههههههههههههه طيب اللي رقمه 7000 متى حتيعين بعد عشرين سنه اختي الكريمه الكلمة الصريحه يجب أن تقال الوزير اللي قبل ذا اللي ماودي انطق اسمه نكبنا .. دمرنا دمر حياتنا .. تعبنا واحنا جالسين بالبيوت زملانا اللي كنا نضحك عليهم صارو متزوجين ومعاهم عيال .. كوني بموقفي أنا كل زملاي متزوجين ومعاهم عيال .. واحيان لما اجلس معهم وكل واحد يجيب بثر ولا بثرين من بثارينه اقول في نفسي كان من المفروض انا كمان يكون معاي ولد لاتوظفنا ولاقدرنا نتزوج حسبي الله على من خاس التعليم وخلانا بذي الحاله .. إقتباس:
ماودي اتكلم بهالنقطة بالذات .. لكن بقول أجل أنا وش أقول في ناس يقولون رح دور لاتقعد بالبيت والله ماتدرون وش السالفة ماحد يقبل يوظفك وانت لغة عربية لا وبدون خبرة .. المدارس الأهلية ياتاخذ 1500 ياتنقلع .. أظن هالمبلغ لو يعطونه هندي ولا بنغالي يمكن يرفضة .. لا وإن قبلت بالمبلغ بيكرفونك كرف وفوقها أشكال وانواع التطفيش .. مووضوعك ذا يقلب المواجع |
إقتباس:
لما رحنا نقدم بالديوان قالت الموظفة إذا ماعندك واسطه لاتتعبين نفسك ترى مافيه وظايف:bigeek: أما الأماكن الشاغرة كثير مدارس تشتكي ونظام التعاقد قليل ما يطبق رغم أن الراتب يصرف وين يروح الله يعلم وهذا إن دل على شيء دل على فساد الإداره أما جملة تعليقها الأخطاء على غيرها فأنا أشوف أنها كبيره من حقها تحلم بقطاع التعليم وفرص الوظائف في هالقطاع شبه معدومه أما عن الوظيفة خارج المدينه فلها شروط أولا توفر محرم والحين سمعت أنه تكون متخرجه من نفس المنطقه ولو كانت حصلت على فرصه كانت أستغلتها وما أنتظرت كل هالسنين أعتذر أختي على كثرة ترددي هنا :ga: بالحب والإشراق |
أخي أحلا هلالي بالوجود يبدو أنك بعيد عن قطاع التعليم لذا لاتعرف ماذا يحدث بالضبط مارأيك لما الوزارة عندها الالاف الخريجين من اللغة العربية على سبيل المثال ويخلون في أحد المدارس مدرس رياضيات يدرس مواد اللغة العربية .. لان المدرسة محتاجه مدرس ههههههههههه مارأيك بتعيين خريج توه متخرج ونقاطه لاتتجاوز الستين وعدم تعيين خريج قديم ونقاطه فوق السبعين .. الفساد الإداري موجود اشكال وألوان لماذا التلميع ولماذا ندعي الكمال لقطاع معين وهو يعاني النقص في أمور كثيره .. الرشاوي موجوده والواسطات موجوده وللمعلوميه سبق ان تعرضت لموقف من هالنوعيه ورفضته رفض قاطع |
إقتباس:
الله يعين و انا اختك |
إقتباس:
سؤال وجيه : وش تحس فيه ؟!!! شكلك و الله ما تدري وش الدنيا عليه اجل كلمة اكبر مني وش رايك بصديقتي اللي طلب منها موظف بإحدى إدارات التعليم مبلغ عشرة آلاف عشان يوظفها طبعاً تغير مسماها من رشوه إلى سعي!!!! و بعدين اللي تقول يبون وظيفه عند بيتهم و ما يبون يدرسون بقرى اجل ما تسمع عن حوادث المعلمات و تقطيع الخطوط بالفجور !!! و بعدين من قالك إني رحت للإدارة و قلت لهم اختي تقول !! مدري يمكن عندك قصور في الإدراك و من قالك اني جاتني فرصه ما استغليتها ها لا تكون بس تعلم الغيب إذا كنت تعلم تكفى نورني !!! عموماً الله يعين |
إقتباس:
حياك الله اخوي القحماني و الله اني مثلك دفعتي تعتبر الدفعه الرابعه في هالتخصص و قالوا لنا مطلوب و مرغوب و انتم من الدفعات الأولى و يوم تخرجنا و رحنا نقدم قالوا التخصص غير مرغوب و غير مطلوب انا مقهوره و انا بنت طيب انتم يالشباب وش حالكم مثل ما قلت انت تبي تتوظف تكون نفسك تفتح بيت تتزوج طيب يا اخي إذا مافيه وظايف ليه تطرح هالتخصصات بالكليات ليه ما تسكر و تفتح تخصصات جديده نحرك سوق العمل شوي يا اخي عندنا التوظيف يتوسع رأسي مو أفقي و الله انك صدقت في الوزير السابق بس انا اقول من يوم دمجوا تعليم البنات مع تعليم البنين و الطاسه ضايعه و الله و على فكره المدارس الاهليه عندنا مثل ما قلت 1500 إلى 1700 و غياب يوم خصم 50 ريال لا و البنات راح يعتبرون المعلمه شغاله مو معلمه يعني يامرونها و ينهونها!! الله يعين بس شاكره مرورك |
إقتباس:
الأخ أعتقد انه أحد أمرين يا بعيد كل البعد عن نظام التعليم عندنا و ما يدري عن شي يا انه له علاقه بالتعليم و يبي يلمعه !!! على فكره نفس الكلام اللي قلتيه قيل لصديقتي عن طريق زوجها راح يراجع الديوان قاله الموظف إذا ما عندك واسطه ما تمشي !! و بالنسبة لتعليق أخطائي على الغير صدقيني ما همتني كلمته لأني عارفه بأي منطق أنا أتكلم مشكوره يالغلا :smilie47: |
| الوقت المعتمد في المنتدى بتوقيت جرينتش +3.
الوقت الان » 07:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd