إقتباس القحماني رحمتك على سالفة الهندي اللي ماعطاك وجه بصراحه أعذرني أني أقولك ماعندك سالفه أقلها قدم على العسكرية صح كرف لكن أسم وظيفة حاول تاخذ دبلوم لغه إنجليزية شف الطمرة من العربية للأنجليزيه وتقدم على البنوك فيه عدة قطاعات أو أقلها تفتح مشروعك الخاص أعرف ناس ماعندهم شهادات وماشاء الله كل يوم رايحين دبي والصين يجيبون بضاعه وفاتحين محلات ومن أغنى الناس وكل واحد صار عنده بيت وأستراحه وكم محل تجاري حاول أنك تتحرك ولاتنتظر الوزارة والوظائف الحكومية ماله داعي هذا كبرك وتاخذ مصروف من أهلك معليش على اللقافة تراها طبع

بالنسبة للشهادات والدورات والدبلومات هالسنه بالذات ماعقبت شيء .. عندي دبلومين وعندي شهادتين ..

بالنسبة للانجليزي الحين وانا جالس بالبيت نسيت النحو والأدب والبلاغه تبين آخذ انجليزي وانعمي مره مره ..

اذا شفت قدامي حرف سي يجيني ضارب واحيان أطرش ماحب الإنجليزي ولا دانيه

لاتتطمني السنه الجاية انا قررت أدرس بمدارس اهلية مجانا ..

ومن السنه الجاية بيكون يوزري : مشرف منتدى الجمهور ومعلم مجاني

الكلام اللي قلتيه كلام كبير ويبيله خطط علميه مدروسه .. لكن بحطه بخطتي الخمسية القادمه

من شوي قريت خبر يقولون عدد الخريجين أقل من 1000 باللغة العربية جامعيين لهالسنه .. خخخخخخخخخخخخخخخخ نصابين


شكرا أختي الكريمه على نصائحك والله يكتب الخير بالنسبة للعسكرية ماراح اتكلم عن سبب رفضي لها يبيلها مووضوع كامل اما فتح مشروعات فكل ماجيت ابفتح محل جاني واحد وقفلها معاي وقعد يعطيني نظريات تخليني اكنسل الموضوع ..


الوفا دين عذرا عذرا عذرا داري أني مسختها رايح جاي

اييييييييييييييه الله يعين

قلة الوظايف وندرتها الحين بشكل مقزز للأسف


ماراح نفتح الموضوع بشكل كامل وكبير وان المجتمع والدولة اقتصادياً وبلا بلا بلا لأن كل هالكلام لا بيودي ولابيجيب


من بغى الدح ماقال أح

القحماني

كان بيدك تكمل دراستك .. كمل ماستر .. وان حصل دكتوراه لاتقول لا


الوفاء دين

قلتها قبل وانا خالتس

من بغى الدح ماقال اح

اشتغلي في مدرسة خصوصية ان حصل لك بـ 1200 ريال ولاتجلسين بالبيت وتقولين مليت

الوالد يقدر يدفع لك 50 الف على مدى سنتين ونص ؟؟ بخمس اقساط ؟

المعاهد الصحية الأهلية كثر التراب

والوظايف الصحية للنساء اكثر من التراب

خذي اي تخصص تبينه .. وانتي بالترم الاول هاتي اثبات بدراستك اجيب لك توقيع بمباشرتك بالمستشفى او المستوصف اللي تبينه

ادخلي مجال الصحة .. وكانك تقولين الإختلاط وغيره .. فيه مليون شغلة في المجال الصحي مافيها اختلاط

والبنات ؟؟ ههههههههههه قسم بالله بالصحة يدورونكم دوراة يبون يوظفونهم


احمد .. هلالي موت .. العسكري , الحرس , التخصصي

يبي يضفونك سنة تحت التدريب ويرسلونك تكمل ماستر

لاتقرب لوزارة الكحة لابارك الله فيهم من وزارة


بالتوفيق للجميع


سي يو

احلى هلالي بالوجود
انت شكلك قاعد في بيتكم ، والوالد الله يعطيه الصحة ينزل بحسابك شهرياً هالمبلغ الحلو الله يبارك لك فيه ، وكل سنتين سيارة شكل الله يستر عليك ويبارك لك ، وما تدري وش صاير بالدنيا ..
سالفة ( العشر آلاف ) و ( أول راتب ) ، كلها منتشرة ..
ويا كثر المتخرجين وملحطين ببيوتهم ..
وبهالوقت الناس ماعندهم مانع يشتغلون أي شغلة ..
لدرجة ان السعودي اللي كان مستحيل يلمس شي بالسيارة صار يتخصص ميكانيكة ويتعين ميكانيكي ( وأنا لا أعيب هذا العمل بل هو من أفضل الأعمال ، لكن الحاجة دعت الشباب لتفتيح عويناتهم ) ..
ومافيه عاطل معجبه وضعه ، أكيد الكل دور ليل نهار ومحد هالوقت ينتظر الوظيفة تجيه ..

اقول كل واحده على مطبخها نبي عشاء سنع