قسم بالله مليت يا عالم !!!! - صفحة رقم 3 - نادي الهلال السعودي - شبكة الزعيم

بريماكس · #1 02/04/2009, 12:25 PM

هلا ..
اانا فيه شئ محيرني .. ليش يفتحون بمناطق كليات واقسام وفيه ناس متخرجين من نفس الاقسام من مناطق ثانيه ولا توظفوا .. مثل اللغه العربيه .. فيه ناس متخرجين من زمان ولاتوظفوا .. اقسام كثيره .. !!

عموماً .. اللي بيعتمد على الحكوميه يبي يتعب .. اشتغل بشئ يمشي امورك لحد مايفرجها ربك ويرزقك

على كل حال البنت ماهي زي الولد .. الولد وراه بيت وراه ابناء وراه زوجه!!

ابوعبدالله الله لايهينك عندي استفسار ..

إقتباس


	تخيلي أن عدد الخريجين يفوق ال 7000 وكل سنه يعينو 360 ههههههههههههههههههه طيب اللي رقمه 7000 متى حتيعين بعد عشرين سنه

ال 7000 بسنه وحده ولا كم ؟ لانه اكيد كل سنه يزود العدد

كان الله في عون الجميع ..

الغرناطي · #2 02/04/2009, 12:31 PM

...

الوضائف مشكلة كبيرة

<<

و لكن بإمكانك استغلال وقت فراغك بالقراءة المكثفة و الدورات و من ثم أذهبي للعمل في القطاع الخاص

!
نوري عقلك و تفرغي لطلب العلم .
سترين للحياة طعماً آخر

...

كان هنا · #3 02/04/2009, 01:20 PM

صحيح الوضع لا يطاق ، والعطالة متفشيّة ؛ والجرائم في ازدياد ، لكن ؛ عسى الله أن يأتي يأتي بأمر من عنده .
عليــكم بالدعاء يا اخوان واخوات .
سهام الليل لا تخطيء .
وفقنا الله وإياكم

هلالي من ارض اليمن · #4 02/04/2009, 02:38 PM

اختي الكريمة الوفا دين واخي الحبيب ابو عبدالله ( القحماني )

نسأل الله ان يفرج همكم وهمنا وهم جميع المسلمين

الانسان قد يفرض عليه في كثير من الأحيان ان يغير كل الخطط والطموحات والتطلعات التي كان ينشدها او البديهيات التي كان يعتقد بها من اجل ان يصنع لحياته مسار جديد ،،،

كلنا نحلم ان نحيا حياة كريمة وان نجد مثلما يجد الآخرين .. وهذا حق مشروع ولكن !! ماذا عسانا ان نفعل طالما لم يظهر امامنا بصيص أمل لما نتطلع اليه ..

اتمنى منك يا القحماني ومشكلتك بالنسبة لي أهم من اختي الوفا دين .. والسبب : انك ملزم بتحمل حياتك .. بينما الوفا دين فهي بالأساس غير ملزمة تجاه أحد بل الآخرين هم ملزمين بها ( شرعا وقانونا ) .. هي فتاة ان توفر العمل لها فذلك خير وان لم يتوفر فليس هنالك من يحملها مسؤولية اي شئ ،،،

في بادئ الأمر تذكر جيدا يا القحماني .. اذا وجد الان احدهم يتحمل مصاريف حياتك فغدا لن تجده .. ان كان ( اب ) فالله يحفظ اباؤنا جميعا ولكن ليس منا من هو مخلد بالأرض .. وان كان ( أخ ) فغدا تكبر مسؤولياته مع زوجته وابناؤه وحينها ان لم يعتذر فسوف يتهرب .. وان انتظرت الى الغد فسوف تتقدم بالعمر وحينها لن يقبلك اصحاب المهن خاصة وليست لديك اي خبرات مثلما هو وضعك الآن شاب في مقتبل العمر ،،،

بعض الاحيان التفكير في تكاليف الزواج يكون عقبة في قبولك لعمل جديد وبراتب متواضع .. ولكن ماذا لو فكرنا ان نضع الزواج جانبا في هذه المرحلة طالما انني لم نتزوج ولم نعمل .. فخير ان اضع شئ بيدي من ان افقد كلاهما ،،،

تنازل يا صديقي عن احلامك .. سوف تسمع حديث الكثيرين حول ظلم الرواتب وحول الوزير الذي اخطأ وحول الصبر وانت قابع مكانك .. ستسمع كلام كثير .. ولكن كله كلام ولا زلت في مكانك ولا زال الجيب فارغ ،،،

العمل ستجد فيه .. مضايقات .. قرارات استفزازية .. عدم تهاون او قبول اعذار منطقية .. عدم الوفاء بالوعود .. تعمل فوق الوقت النظامي ... الخ ، لماذا ؟ لأن هذه هي بيئة العمل بوجهها القبيح والتي تشكل شخصية شريحة واسعه من الشركات والمؤسسات .. الحل ؟ الحياه معركه ويجب ان تخوضها مستعينا بالله ثم بجهدك ،،،

لذلك انصحك اذا ما توفرت لك فرصة عمل في اختصاصك فبادر اليه وان لم يكن الدخل كافيا .. او ابحث عن عمل في نشاط آخر قد لا يكون اختصاصك ولكن انت اجمالا طالب جامعي يمكن ان تعمل في اختصاصات كالتسويق كالمبيعات في الخدمات العامه كالتحصيل او التخليص الجمركي .. الخ ، هذه الوظائف قد يكون راتبها في البداية سيئا ولكن اذا ما اكتسبت الخبرة فصدقا ففيها خير عظيم ،،،

غير استراتيجيتك يا ابو عبدالله .. اعتقد ان اربع سنوات كافية .. ويجب ان تصبر على نفسك ولكن وانت تعمل وليس في انتظار العمل ،،،

الوفا دين

اذا كنت مضطرة للعمل فليس من داع ان تنتظري فوق الخمس سنوات التي انتظرتيها .. ليس امامك سوى القطاع الخاص مع وضع احتمال كبير ان يكون العمل مختلطا ووضع احتمال كبير انك سوف تتعرضي لتحرشات من هنا وهناك من معشر الرجال .. ان كنت مضطرة فعليك ان تتمتعي بالقوة والثقة بالنفس لمواجهة هذه التحديات .. وان لم تكوني مضطرة فالستر بالبيت زينة ،،،

كم ستكون سعادتي عظيمة ان وجدت توقيعكما في يوم ما يحمل عبارة ( نحن نعمل )

في امان الله وتوفيقه ،،،

Hilalih 4ever · #5 02/04/2009, 02:33 PM

مااقول إلا دنيا حظوظ....

قصدي عندك فيتامين ((واو)) بتتوظفين ماعندك ادعي ربك يفرجها ...

الـوفـا ديـــن · #6 03/04/2009, 06:36 AM

إقتباس

الرسالة الأصلية كتبت بواسطة باسكن روبنز


	صباح الخير يا عزيزتي وربي مثل حالتي انا متخرجة لي كم سنة ومعدلي فوق الاربعة ومعي مرتبة شرف وبعد ماتخرجت سجلت في مدرسة اهلية وقبلوني على طول وجلست عندهم كم سنة لما طفشت بعدها اخذت راحة لمدة سنة وفي هالسنة كانت المديرة تتصل علي عشان ارجع لما الله هداني ورجعت لهم هالسنة . هو صحيح فيه تعب بس على الاقل اخذ خبرة لي ومنها اتعرف على المجتمعات الثانية واطلع على احدث المستجدات من الاحداث والموضة ومنها فلوس تجيني كل نهاية شهر وهذا مايمنع اني اخذ من البابا كم الف في كل شهر اختي الوفـا دينــ حاولي تسجلين في معهد تاخذين لك شهادة دبلوم تقنية برمجة او محاسبة او سكرتارية او لانغويج . سجلي في مدارس اهلية بدل الجلسة على الاقل راح تكتسبين خبرة وتقدرين توفين بعض مصروفاتك الشخصية . اما الفساد الاداري فهو موجود والمدارس محتاجة لكن لا حياة لمن تنادي . وانا كل يوم اتهاوش مع اختي الي في التوجيه ( الاحتياج والنمو ) اقول لها توسطي لي انا اولى من غيري لكن ماااش مافيه الوفـا دينـ الله يرزقك بالوظيفه الحكومية والراتب والزين والعريس الصالح المزيون

هلا بالعسكريم و الله

ما شاء الله أختي مرتبة شرف و ما لقيتي وظيفه !!!
يعني تلوموني لا قلت فساد إداري !!!
بالنسبة للدورات ما شفتها أفادت صديقاتي أبد اللي توظف منهن توظفت تعاقد و البقية توسدوا الشهادات و ناموا!!
انا و الله ما أتكلم على الوظيفه من باب عائد مادي فقط انا شخصية أحب أعطي أحب أنتج ما احب احط رجل على رجل و كل شي يجيني حدي
يا اختي لا متى و حنا عطالين بطالين طيب لو دريت ما درست و دورت لي شغله من يوم اشتد عودي صح او لا !!!
على العموم عسى الله يرزق المسلمين و المسلمات
و على طاري العريس المزيون ترى مب زين الرجال لا صار مزيون يصير مليغ

إقتباس

الرسالة الأصلية كتبت بواسطة بريماكس


	هلا .. اانا فيه شئ محيرني .. ليش يفتحون بمناطق كليات واقسام وفيه ناس متخرجين من نفس الاقسام من مناطق ثانيه ولا توظفوا .. مثل اللغه العربيه .. فيه ناس متخرجين من زمان ولاتوظفوا .. اقسام كثيره .. !! عموماً .. اللي بيعتمد على الحكوميه يبي يتعب .. اشتغل بشئ يمشي امورك لحد مايفرجها ربك ويرزقك على كل حال البنت ماهي زي الولد .. الولد وراه بيت وراه ابناء وراه زوجه!! ابوعبدالله الله لايهينك عندي استفسار .. ال 7000 بسنه وحده ولا كم ؟ لانه اكيد كل سنه يزود العدد كان الله في عون الجميع ..

حياك اخوي
انا سألت نفس السؤال يا أخي إذا فيه فائض متخرجين في قسم معين ليه هذا القسم يستمر مفتوح ؟!!
فيه عدم أستيعاب لمتطلبات سوق العمل
في سؤال ثاني فيه أقسام ما تقبل التوظف في وظايف غير التعليم مثل التاريخ و الجغرافيا وين يشتغلون في غير التعليم في محطة الأرصاد مثلا!!!!
بعدين اخوي بجاوبك على سؤالك للقحماني ترى يمكن الآن قسمي فيه أكثر من عشرة آلاف خريجه ما توظفن في منطقتنا تدري!!!
يمكن شامله تقريباً ست دفعات!!
الله يعين و شاكره مرورك لا هنت

إقتباس

الرسالة الأصلية كتبت بواسطة الغرناطي


	... الوضائف مشكلة كبيرة << و لكن بإمكانك استغلال وقت فراغك بالقراءة المكثفة و الدورات و من ثم أذهبي للعمل في القطاع الخاص ! نوري عقلك و تفرغي لطلب العلم . سترين للحياة طعماً آخر ...

حياك اخوي
القرآءه !! تقدر تقول يا كثر الكتب اللي قريتهن تصدق قريت الأنجيل بعد !!! تقول ليش قريتيه اقولك عشان اشوف مدى التحريف اللي فيه و مدى تلاقيه مع بعض ما جاء في القرآن و السنه

و ترى يا اخوي العلم طلع مع اذونا الآن نبي عمل أما العلم ما يخلص لو تدرس عمرك كله
شاكره مرورك

إقتباس

الرسالة الأصلية كتبت بواسطة كان هنا


	صحيح الوضع لا يطاق ، والعطالة متفشيّة ؛ والجرائم في ازدياد ، لكن ؛ عسى الله أن يأتي يأتي بأمر من عنده . عليــكم بالدعاء يا اخوان واخوات . سهام الليل لا تخطيء . وفقنا الله وإياكم

جزاك الله خير اخوي
و صدقت الدعاء الدعاء الدعاء الله يصلح الحال بس
شاكره مرورك

إقتباس

الرسالة الأصلية كتبت بواسطة Hilalih 4ever


	مااقول إلا دنيا حظوظ.... قصدي عندك فيتامين ((واو)) بتتوظفين ماعندك ادعي ربك يفرجها ...

حياك اخوي
فتيامين واو زمان كان يتوفر للمعارف و عيال القبيله الوحده و هل الفزعات الحين فيتامين واو يمشي بدهن السير

يبون حق السعي

لا حول و لا قوة إلا بالله

بندر الحافي · #7 02/04/2009, 02:58 PM

علـيكم بالاخـرة ..!

ولا يكون تفكيركمـ بالدنيـا ..! وجمع الاموال .!

الرسول صلى الله عليه وسلم

كان يملك خزاين الارض و السماء

وقد كان زاهدا ً في حياته ..!
قالت عائشة رضي الله عنها: "ما رؤي كان رسول الله ( يخصفُ نعله, ويخيط ثوبه, ويعمل في بيته كما يعمل أحدكم في بيته"
وانا لا اقصد بكلامي هـذا ..!

أن تجلسو في بيوتكم ..! ولا تعملوا ..!
وتصرفوا على انفسكمـ .!
في
حديث الرسول صلى الله عليه وسلم :قال

لأن يأخذ أحدكم حبله فيحتطب حزمة من حطب فيبيعها ويستغني بثمنها خير له من أن

يسأل الناس أعطوه أو منعوه

فمن هذا المنطلق

عليكم بالعمل في اي مجال تجدونه مناسب لكم

سواء فالقطاع الخاص او غيره .!

راتب 200 او 300 ريال جيـد نوعا ماء ..!

لكن استغرب من الاخ الذي يقول اعلى راتب اخذته 5500

والله نعمة نعمة ..!

في امان الله

DHOOOM · #8 02/04/2009, 06:04 PM

أختي احمدي ربك بما انك بصحة وعافية فأنتي بنعمة كبيرة والله يديمها عليك وعلى كل مسلم

وبالنسبة للوظيفة يا واسطة ياتخصص مطلوب جدا

بالتوفيق للجميع

algohmani · #9 02/04/2009, 06:56 PM

إقتباس


	ال 7000 بسنه وحده ولا كم ؟ لانه اكيد كل سنه يزود العدد

كل سنه عدد الخريجين يزيد والوظائف تقريبا تنقص ..

هلالي من أرض اليمن شكرا على الرد الحلو تشكر على كل حرف كتبته

أحلا هلالي بالوجود لم اقصد المدارس الخاصة لانهم حرين وانا اعذرهم سواء حطو انجليزي يدرس عربي ولا جغرافيا يدرس رياضيات هدفهم تعليمي ومادي

انا اتكلم عن مدارس تعليميه تابعه للتعليم العام واذهب الى منطقة نجران بالتحديد أو إسال بعض المعلمين هناك وستعرف حقيقة كلامي ..

algohmani · #10 02/04/2009, 07:16 PM

^^^^^^^^^^^^^^^^

هههههههههههههههههههههههههه إلا ماتلاحظ انه متصل على طول

algohmani · #11 02/04/2009, 10:34 PM

إقتباس


	مثل القحماني ابو عبدالله هااللي كل ليله يتصل علي يبي يسولف ماعنده شغله مشكله اللغه العربيه وغيرها صعبه الوظايف فيها بسبب كثره المتخرجين .. مالكم الا تدخلون تخصص نادر وان شاءالله الوظيف متاحه .. مثلا لغه فرنسيه<ياليل

بعد إذن صاحبة الموضوع ..

مشعل وش عندك يابو لغه فرنسية تقل بتطلع لنا واحد زي زيدان بالسعودية ..

ابحذف رقمك من جوالي ولاعادني بداق عليك .. تصدق مشعل لارحت البوفيه الصبح تلقاني بلحالي بالبوفيه العالم كلها بالدوام اقعد اسولف مع الهندي اللي بالبوفيه لين يطالع فيني بعين واحد وده اني اضف وجهي

دمــي هلالــي · #12 02/04/2009, 11:38 PM

الدنيآ ماتمشي اللى بــ فتمين ( و ) وآســـطهـ

فـيـلـسـوف زمـانـه · #13 03/04/2009, 01:57 AM

يمــكن مع وزيـر التعليــم الجديد يتحسن الوضـع بس اصبروا عليه

يمـكن مع وزير التعليــم الجديد يتحسن الوضــع بس اصبروا عليه

يمـكن مع وزير التعليــم الجديد يتحسن الوضـع بس اصبروا عليه

اللورد يوسف · #14 03/04/2009, 03:50 AM

الله يعينك ويزوجك وتتوظفين يارب

أحلـى هلاليه · #15 03/04/2009, 04:01 AM

ويه ياحسرتي على عمري
يعني اطلع من الجامعه
مااكمل
وش ذا الاحباط
وربي الدكتور قالنا
انهم افتحوا الكليه اللي انا فيها حقت العلوم رياضيات واخوانه
عشان بس يسكتون الناس ويوقولون شوفوا بناتكم يدرسون

وكل واحد مايخذ الا رزقه
وعلى قولت المثل
لوتركض ركض الوحوش غير رزقك ماتحوش