بسم الله الرحمن الرحيم
السلام عليكم ورحمة الله وبركاته
هلا بجماهير الزعيم الوفية
اليوم بنكمل الجزء الثاني من مذكرات DOLE
هذا رابط الجزء الاول للي يبي يتابع معنا
اليوم بنكمل الجزء الثاني من مذكرات DOLE
شعور DOLE يوم جاء للسعوديه
DOLE ماسك الرحله نوووووووووووووم.. ما يقوم الا للصلاه او اذا جاع ....DOLE ما ياكل الوجبات الرئيسية اللي تقدم له لانه في سابع نومه كالعاده.... FISAL قوم DOLE من النوم وقاله يالله يابو عدول باقي شوي نوصل قم ورتب اغراضك... كانDOLE شعوره شعور الضايع ... ما يدري كيف يوصف شعوره...المظيف: تعلن الخطوط الجوية السعودية عن إعلان الهبوط فنرجو منكم ربط أحزمة السلامة لسلامتكم وشكرا... قلب DOLE بدا ينبض بزياده ... ما يدري هو شوق والا خوف والا فرح ... هبطت الطياره بسلام ولله الحمد... وجمع DOLE اغراضه وودع زميله FISAL وهو في الطيارة لانDOLE بيروح للدمام..الناس كلهم فرحانين بوصولوهم لاحلى بلد ... وكل واحد شاق الابتسامه وجهه من الفرحه الا DOLE...DOLE مبسوط للناس لانهم فرحانين لكن هو قلبه وتفكيره بوادي ثاني...سنة ونص قضاها بعيد عن اهله ووطنه كانت صعبه ومره عليه ... المظيف: نرجو من الركاب المتوجهين الى الدمام الانتظار بمقاعدكم..DOLE يوم سمع المظيف شعر مثل شعور مثل السجين اللي له 60 سنه وهو ينتظر وقت خروجه ويوم وجا وقت طلعته اجلوها شوي...المظيف: نرجو من الركاب المتوجهين الى الدمام التكرم بالنزول واتباع موظف الخطوط السعودية الى صالة المطار ... قلب DOLE ينبض بزياده وسرعه متواصله.. يوم حط رجله على اعتاب الصاله... احد العساكر سلم وقال الحمدلله على السلامه...العسكري يسلم وDOLE كان من فرحته ماقدر يرد السلام.. الناس تمشي بشمغها وتسلم ...فرق الحياة بين امريكا والسعودية ... بامريكا اذا سلمت قالو وش فيه الخبل... السعودية غير السلام عندهم الفه ومحبه.... ياه DOLE خنقته العبره.. ودموعه تهل من الفرحه... راح يدور له مصلى عشان يصلي صلاة الفجر... اول ما جا المصلى سجد سجود شكر لله سبحانه وتعالى بمناسبة وصوله للسلامه ... كان شعوره يوم وصل كنه داخل الجنه بلا مبالغه... صلى DOLE الفجر وكان الوقت 10 الصباح بسبب فارق التوقيت...سلم من صلاته وباقي على رحلته للدمام ساعه..جلس يطالع العالم كنه في حلم مو مصدق انه بالسعودية...
مفاجئته لاهله اللي مادرو عن موعد جيته
خلص DOLE من صلاته .... باقي ساعه لطيارته للدمام...ربعه واهله يعدون العد التنازلي بالمسنجر مع النك باقي 39,40,41,42 يوم على الوصول..DOLE له صديق عزيز مره وعليه اسمه KHALID...من الحماس DOLE قايل لــKHALID بيوم وصوله وهو الوحيد اللي قال له...KHALID يدق يتطمن ويتحمد له بالسلامه... KHALID من حماسه جاي المطار من الساعه 10 الصباح... مع العلم ان الرحله توصل للدمام الساعه 12 الظهر..DOLE بدا يفكر في اهله وكيف راح يقابلهم ... DOLE فكر في امه وخاف عليها من المفاجأه... ما قوى يتحمل وخذا الجوال ودق على رقم امه... طوووووووووط طووووووووووط... امه ما ردت ودق مره ثانيه....ردت امه ودار الحوار التالي:
DOLE : الو السلام عليكم
امDOLE:اهلين وعليكم السلام
DOLE: كيف حالك واخبارك وشلون اخواني وخواتي
امDOLE:ابد كلهم بخير وصحه وعافيه.
DOLE: اقول انتي حاطه على السبيكر
ام DOLE: لا وانا امك بس عسى ماشر<<< قلب الام حساس
DOLE: يا امي انا وصلت للسعوديه بالسلامه وانا حاليا بالرياض
امDOLE:كذاااااااااب, امس قايلي ان اختباراتك الاسبوع الجاي <<< عشان المفاجئه
DOLE: يا امي انا جاي والحين رحلتي للدمام جهزي لي غرفتي عشاني دايخ
امDOLE: الله يسعدك وانا امك فمان الله
DOLE:فمان الله
DOLE صك السماعه وركب طيارته للدمام.. وصل DOLE للدمام واستقبله KHALID بعد فراق دام سنه ونص.... وصل DOLE للبيت وهو متقطع من الفرحه ... دق على امه وقالها من في البيت...قالت ابد اخوك الكبير بالجبيل بحكم انه ظابط بالبحريه وخواتك في المركز عندهم حفل ختامي وابوك بالعمل.. دخلت البيت وسلمت على احلى وحده بهالدنيا... دموعها هلت من الفرحه.. رجولها ما توقفها ربي لا يخلينا من امهاتنا... تخيلو غياب ابنها سنه ونص عنها... كان مره صعب علي الغاليه.... بكل صراحه كان شعور ما ينوصف.. هدت الوالدة وجلس DOLE مع امه .سواليف وقهوه وش زينها ... اذن العصر وراحDOLE يستعد لصلاته ... دخل الحمام الله يكرم الجميع والا خواته توهم داخلات البيت ... نوره وساره خواته... كل ما دقت عليه امه وهو بامريكا.. لازم يكلمونه ... ويقوولون يالله تأخرت علينا متى تجي ... نوره عمرها عشر سنوات وساره سبع سنوات... DOLEكان بالحمام الله يكرمكم وجت سوسو وطقت الباب تبي تدخل الحمام ... عادة الاطفال يبي يدري مين داخل ... هو كان وده يسويلهم مفاجأه حلوه ومايبيها تدري انه وصل... قلد صوت اخوه الكبير وظبط الوضع معه وراحت عنه... توضأ وراح صلى ... بعد الصلاه جا وكان موجود جميع اهله وكانت مفأجأه للكل.... وسمر DOLE احلى ليلة ....عائله مكتمله...
ترقبو الجزء الثالث
موعد تجديده للفيزا
وروحته لمكة
والمصيبه اللي ما راح ينساها طول عمره
استودعكم الله
واتمنى فيه تفاعل حتى نكمل الجزء الثالث
مذكرات DOLE 2 
الوضع العادي
