وش فـيـهـم الـعـالـم صـايـريـن نـفـسـيّــات ؟؟ - صفحة رقم 4 - نادي الهلال السعودي - شبكة الزعيم

برشلونه العرب · #46 03/04/2009, 07:29 PM

والله صدقت بـ اللي قلته ..
الأكثريه صارو يخوفون .. الأختطآف صاير نسمعه هالايام ..
السرقات والخلوه المحرمه .. وسرابيت الليل الله يهديهم يا رب

هلالي واعاني · #47 03/04/2009, 08:27 PM

إقتباس

الرسالة الأصلية كتبت بواسطة الـصـخـرة


	حتى في منتدانا رح قسم الجمهور واكتب لك موضوع عكس اتجاه الاغلبيه لكنه يعبّر عن وجهة نظرك وشف التسفيل بالردود.. قسم بالله يغسلون شراعك ويخلّونك ماتسوى ريال

هنا مربط الفــرس...
ويجيك الواحد ماشي مليوون..ويطلق كلمته الشهيره...يامندس..

انا مايرفع ضغطي الا هالكلمه..فيه فئه متخصصين فيها...

اما بالنسبه للرومانسيه...فاقول خلها لاهلها...

لان الرجل الشرقي بوادي والرومانسيه بوادي..

الزعيييييييييييييييم · #48 03/04/2009, 08:43 PM

إقتباس


	رومانسيات صخراويات

ماتجي ابد

ياحبنيلك يالصخره..

صرنا ندخل المواضيع علشان الكاتب مو علشان العنوان ..

للاسف هالاشكال كثييرة عندنا

,,!
وعلى اتفه الاسباب ..

مرسى عيونك · #49 04/04/2009, 02:16 PM

يعني حنا اذا سقنا بنكون نفسيات !!!

موضوع حلو ويوسع الصدر

وردة الهلال · #50 04/04/2009, 02:34 PM

<الآخلآق تصير تجآريه اول ماتصحى من النوم

ابن امه يكلمني!

عجزت اترك هالعآدة

زي ذا الاسبوع نشيت لهم مرووووووووووووووقه

واوزع ابتسآمآت.

وهم شفيك ؟ صاير شي!

مستغربين ان اخلاقي التجآريه ماهيب معي

ياشين عآد لقفلت الاخلاق من جد.

بطبعي لحسيت نفسي مقفله ما انزل من غرفتي ولا اتحاشى اتكلم مع احد

لأني بآجيب العيد

اما النآس ضغوطآت الحيآة

بس اللي قآل عن رمضآن ترآ صآدق

انا لصمت لااحد يكلمني ههههههههههههههههههههههههههههههه

وانوآآآآآآآآآآآآآآآآآع الآخلآق قبل الفطور صيامنا يروح على بلاش

بس ان فيه ناس اخلاقهم من الاصل زفت. يعني مايبون يقدمون خدمات لأحد

طيب لاتقدم بس لاتشين نفسك لأحد

الله يعين

صخرة.. رومآنسيآتك .. خل عنك بس.

لو يسوونها انتحروا

دووك

الفارس الهلالي 999 · #51 05/04/2009, 01:16 AM

ياخي من حتى اصدقائي ميبوني

رعبوبة الزعيم · #52 05/04/2009, 03:27 AM

هلا والله اخوي الصخره ..

من جد والله النفسيات هالأيام سوقها قايم

حتى الدكتورات عندنـا بالجامعه نفسيات تجاريه تحسها متهاوشه مع
زوجها ثم جايه تدرسنا

او لما تجي تكلمها والله لو انكـ تكلم جدار ابرك لك تمشى ولا تعبرك

يمـكن الضغوطات النفسيه بعض الاحيان هي اللي تكون هالنوع
من النفسيات ..<دكتوره رورو

عوافي

//

شغل مخك شوي · #53 05/04/2009, 09:21 AM

سين ? سؤال .

..وش فـيـهـم الـعـالـم صـايـريـن نـفـسـيّــات ؟؟

جيم ! قد يكون جواب

لأننا فقدنا الرحمة و المودة في منازلنا فغادرتها السكينة !

نفسيات لأننا لم نجد او لم نحاول ان نجد ما نبحث عنه !

كلا منّا يبحث عن شيء ضائع مفقود منه ، و عندما لا نجده نصبح براكين هائجة مدمرة

" مثل ما نقول بالسعودي نفسيات !"

يعني نبدأ من البيت صباح الخير كلام حلو للأهل ميح " حنا اقحل من النفوذ " ماعندنا منطق حلو " وان من البيان لسحر "

متى آخر مرة قلت لأخوك تسلم يا حبيبي بلاش يا حبيبي ، يا عضيدي ، يا سانيدي !
متى آخر مرة كتبت له رسالة بسيطة و معبرة " ماهو معلبة من صندوق الوارد و إعادة أرسال و تكون موجودة بعد عنده بجواله "

متى آخر مرة مريت الوالد او الوالدة بالصبح وقعدت ضحك و سوالف معهم و فطيرا حلو !
بدال ابي فلوس ، ليه مقعديني بدري ، والله القلق على هالصبح !

و إلا الأخت خارج اهتمامات شبابنا واذا غلطت ياويلها!

تعال وشوف المرور و الطريق اللي شبعوها الأخوان والأخوات حديث "كأن الموضوع يتكلم عن الزحمة المرورية بالرياض !"

نجي للشغل و ام النفسيات و ابو العفاريت "و يا ويل حال المراجعين او الطلاب او المستخدمين، او ،او ،،، ايا كان شغلك "

وإلا اذا كانت ضباط ياويل حالي على جنودنا راحوا ملح و تسحيب و صفة و بسطار من الفجر

"وعادي تشوف لك بسطار متعدي بالجو لا تظنه انه يستهدفك ، لا ابد يقوم بجولة استطلاعية فوق روؤسكم ، من اللي ماحلق اليوم ؟ نحلقله بطريقتنا"

وبالنهاية الأصدقاء و السهرة " و وخر عني يا ابو الشباب تراي اليوم نفسية ، ونفسي برأس خشمي !"

ولا نفس ذبانة " رغم اني اعتقد ان نفسها مفتوح لكل شيء او اي شيء اكثر منا !"

تجي تسأله يا ابو الشباب سلامات و شف فيك ؟

يقول مافيه حب ولا تفاهم ولا انسجام لا بالبيت ولا الشغل ولا بالحياة ، يا اخي مليت مليت ما احد يفهمني ولا يدخل جوي و يدخلني جوهـ!

يا اخي ماعاد فيه حب !

عاد و قتها يطلع له ابو العريف " وبدال رومانسيات

الصخرة " يقوله مارس الحب ؟

وشلون أمارسه ؟ يرد بغباء سعودي ماركة

يرد الثاني اللي اذكى منه " تابع قناة ام بي سي تو

،، ما تشوفهم كل ساعة يقولون دعنا نمارس الحب !"

ويزيد الطين بلة حتى العاطفة الوحيدة اللي كل شعبنا يدور عليها عشان يستكين وتهدئ نفسيته ويحب الحياة وووووو

ربطوها بالجنس ، فأصبحت المعادلة هكذا ،، تريد حب = مارس جنس

وعاد النفسية تشين اكثر و اكثر و اكثر يجي الصخرة يذب علينا موضوع عن النفسيات

وبآخره رومانسية !

وكأن حل هالنفسيات الرومانسية الحديثة " او المودة و الرحمة القديمة في بلادنا وبين اهلنا وفي قرآننا "

لكن ماعندك احد ، وقف بالعليا وامسك لك اغنية مدري وش تبي كأنها استحضار جن

من سرعتها ما تفهم شيء ، وارقص كأنه ماسكك زيران ، وفك النفسية !

واذا سألك احد قله تمدن بدلنا الزار بــ الراب " عشان نوافق التطور في الأخلاق

السعودية "
^
^
^
^
^
^

الصخرة يقول بنفسه

.. هــالرد وش يبي !

والله مدري بس نفسية ! من البارح ما نمت ،، أمتر الغرفة رايح جاي وضاربه كل الفيوزات !

وتوهم مفعليني وشفت موضوعك وقلت ارد ،، واعطيك جزء من النفسية كيف تلعب بالعقل لعب !

الصخرة وهو بالمناسبة" أسم شديد القوة لابد منه " فالصخر ان وقعت عليه آلمك و أن وقع عليك حطم عظامك !
إلا انه بدون الصخر لما ثبتت الأرض و استقامت الجبال !

وهذا ما يفعله تلك او ذاك الصخرة هنا !

هدأت النفسيات قليلا تجاذبوا الحوار و الناقش الساخر الهادف خفت نزاعات الأعضاء و تجمعوا يقروؤن و يناقشون بعضهم بعض متجمعين حول الصخرة

و جينا حنا الزوار نسجل و نشاركهم هالحوار وهالوناسة ،، بدل اول اللاعب الفلاني ماادري بدلوه او نسقوه ، وامدرب و الرئيس ،، والردود نفسياااااااااااااات ،، الحين مافيه احلى من المناقشات الساخرة و الذب الهادف بالتعاون مع جامعة ضخريات و الدكتور صخيران

بوزوزو · #54 05/04/2009, 07:31 PM

انا رجال الحمد لله فلة و وسيعصدر واحب اضحك بس بنفس الوقت ما احب اغلط على خلق الله و لكن ان صار و صارت

فانا الحمد لله املك لسان لا يشق له غبار ليس في السب و الشتم و لكن بالتسكيت و التريقة(( شرقاوي ما رحت بعيد )) على الشخص اللي قدامي و لا تخلوا كلامتي من ضحكاتي لاستفزه بقدر ما يمكن ...